新強記燒臘飯店 (Closed)

家人公司喬遷之喜， 當然要訂番隻乳豬慶祝啦， 因為屋企人本身都很喜歡食這裏的 燒豬， 咁啱又有另一位朋友介紹我們試下訂這裏的乳豬， 所以今次一於試下。 大約早上八點半已經可以去攞燒豬， 價錢$580 非常抵， 燒得又香又好味， 皮脆肉嫩， 在場所有朋友們都話好正， 大家食得津津有味，非常開心。 其實上個禮拜都有到新強記買燒味， 這裏的燒味也不錯啊！唯一唔好嘅就係沒有送貨服務，要自己親自去攞比較麻煩， 同埋打電話去嘅時候店員嘅服務態度都係麻麻哋，不過這是老字號燒臘店的特色。

今天家人都去了外遊，家中無火鑽一個人晚上找點吃，因為下午飲茶吃得太飽肚，今夜只想吃些簡餐就走到去新強記食燒味！我要了一碟叉燒切雞飯，叉嬈和切雞切好後！齊齊整地鋪在飯面上，賣相幾討好切雞店方給了脾的部位。浸得緊緊熟，骨髓位尚有血水肉滑嫩.味道很好。而叉燒入口帶甜，質感亦夠腍，再加上有少少肥！很是美味蓋在熱熱的飯面上，感覺更佳跟是日例場白菜乾煲豬骨湯湯中有些連白菜的湯渣。冇味精.稍稍油膩了一些，這方面有改進的空間。

斬料斬料……斬大舊叉燒燒臘~已經成為普羅市民經常選擇的食品，無論拜神又會買啦、開張或慶典又會買啦、去到酒樓亦都會嗌燒味拼盤， 當然最普及嘅就係燒味飯啦今日去佐敦街市買餸嘅時候，偶然見到呢一間燒臘舖出面大排長龍，心諗……應該有啲料到先至會有咁多人幫襯，於是就入去試一試了~老實說，門面一點都不吸引、但係如果要食裝修的話可以去太興吖，不過價錢應該係呢度嘅兩倍囉呢度冷氣足夠， 大熱天時入到嚟即刻好涼快除左燒味之外其他食物款式的選擇都頗多，例如有即蒸鮮魚套餐，小菜及炒粉麵飯 可惜只有一個人嚟，試唔到咁多嘢，唯有下次再試其他嘢食啦！相信除咗豆腐火腩飯之外，燒味飯亦是男人的浪漫啊好多燒臘店啲燒臘都是交來的，但是這間小店的燒臘全部都是自家燒的，香港人好嘴刁的，難怪這間小店大排長龍……講番呢一碟燒肉叉燒飯~燒肉好新鮮，d皮卜卜脆，肉好嫩滑又不太鹹、 蜜餞的梅頭叉燒更是嫩滑無比29蚊的雙拼飯再加5蚊的可樂才34蚊，真係物超所值，有質素又大眾化價錢的食店愈嚟愈少，希望繼續保持這高水準啦

新強記既燒肉一向都係我晚餐加料之選!!燒肉係晚餐加料必食之選!!燒肉新鮮，燒肉皮香脆，入口脆卜卜，十分滋味!!而且燒肉唔會太瘦，有嚼口得黎又唔會太靱，入口仲好香油脂味!但多吃會有油膩感!~

在油麻地工作快兩年，閒時與同事都試左唔少餐廳，美味有之，地雷有之，今日要介紹對女生來說非常飽肚的燒味飯(外賣)位於街市附近的新強記，不少街坊光顧中午時間通常有三四人排隊等外賣中我曾試過遇上一位外賣20盒的仁兄，那次足足等了20分鐘以上…因為多人買，所以燒味的流通速度也快，最大體現是在用餐時分很少會吃到變軟或硬的燒肉皮要是在太早或太晚、人流少的時候買，那只好聽天由命了XD燒味飯盒$24送例湯，冷熱飲另加幾蚊在油麻地來說已非常經濟，重點是大大盒，女生一定夠飽！不愛吃燒味的話，也有其他選擇！不愛外賣也可以堂食，不過收費貴一點！XD今天順利買完，是時候回去揭曉！可能上天知我今日打算拍照寫食評，居然賜我雞脾肉！這是吃了幾十次才第二次中的大獎呀！我曾試過兩週都吃到老老的雞胸部分(不論油雞還是切雞…)也試過吃燒肉居然一塊皮都沒給…TT_TT當然也有吃過又嫩又滑的雞肉，食完仲想再食XD質素實在是有點浮動，高潮起伏，人生也是如此！(兩者有關係嗎！？)每天的例湯也不同，用料十足不多油！辛苦工作半天來點湯水也不錯呢！有時知道要遲收工/OT的話，中午一定會吃燒味飯全盒飯吃光的話，一般可支持到下午5、6點仍有飽

已係3點3,仲未食晏,超超超餓.便來此店吃飯店內面積雖少,只有5張4人枱一坐低就叫左叉雞飯雞真係好食,夠嫩滑夠晒雞味叉燒瘦了小小,不過難得有肉香.還有咬口不會死實實甜度適中,送飯一流西洋菜湯都不錯,清甜的味道環境一般，衛生一般服務沒有任何特別之處

路經此地見到C君及另外三位朋友在店外加開的桌子「吹水」，三點三他們己經吃完下午茶了，不等C君問我老實不客氣已經叫了一就碗叉燒賴粉，亞姐問我配不配茶啡；大大碗的賴粉配凍奶茶才$22。叉燒及賴粉份量足夠，叉燒夠淋好味道。就見湯面的一點肥油也不理了，三七二一喝了大半碗。凍奶茶夠味道。這裡有點大排檔風味，超值抵食味道好；美中不足的是那條帶花的芥蘭翻煮得太黃。（B君經常說媽媽會選擇唔要芥蘭花，因為怕昆蟲糼蟲或蟲卵會附著係花度）

情意結: 燒味店或許對某一些中國人總有點莫名的親和感 路過其他食店: 如果是首次看到此"商品"的朋友, 會否嘩然.?心有餘悸匆忙買下平日都會從其他相熟燒味店的指定項目 : 叉燒和白切雞就和家人慢食一番==== 叉燒 ($28)肉質較硬, 未及半肥瘦的標準 ,味道略為淡口 ,表層欠缺糖衣, 感覺尚未完成工序 白切雞半隻($40)理當是凍肉材料, 已沒有原來的鮮味是可以明白,但 重口味而大肉, 老人家會稱之為 "大扇雞"實在只能維持在抵食的層次上而已!薑蔥蓉反而是靈魂所在, 清香唔太鹹, 而薑蔥的比例恰當, 如果給某同事, 她例必撈飯, 又或可以自製撈麵, 不用浪費!

收到風以前深水埗果間新強記搬了去油麻地,家陣仲有小菜食,新張期間,每款小菜$28蚊(燒焟除外),自己買餸都唔得囉,聽到咁抵食,當然要親自去試吓囉,第一轉只帶了囡囡去吃午餐,叫了個燒焟粉食,份量大到赫死人. 第二次叫埋幾位老友去試小菜,後來,同好大方既老闆聊天,他知道我是深水埗舊店的熟客仔,便自己去斬了一碟燒焟比我們試,唔試由止可,一試便叫了幾碟不同的燒焟了,真係唔錯,找不到可彈之處,後來再Encore呢~燒腩例牌 $78,玫瑰油雞例牌 $55,蜜汁义燒例牌 $55,雙拼例牌~蜜汁肥义拼油雞 $55,白切肥雞例牌 $55.小菜方面都做得唔錯,由其係椒鹽類(不過....落單前記得叫少油),另番茄旦牛肉及粟地班塊,都整得好好食. 第三次同家人再去,家人都拍爛手掌,大叫平靚正,可惜,我不是住果頭,不然...我一定唔會再自己煮飯,餐餐係呢度搞掂的,$28蚊小菜,仲包一碗白飯及一杯熱飲,轉凍飲加$2蚊,唔飲嘢,又可以飲湯,駛鬼自己煮咩?我問老細,賣咁平,您點賺錢架??佢竟笑笑口說: 賺錢的不在於小菜,而係燒焟批發,做特價小菜只是想做旺個場,養伙計而已.希望呢間食肆大收旺場,我就可以keep