撈喜 (Closed)

今次黎到東大街呢間人氣小店食lunch。店鋪雖小，五臟俱全，座位大概都有廿個，亦都唔會話坐得好逼。 Lunch set有幾款，價錢相宜，當中最受歡迎始終係招牌花膠撈蝦子麵，我第一次黎呢到，當然係要試下佢啦！😋招牌花膠撈麵嘅賣相非常吸引，花膠大大塊，麵上灑滿蝦子，非常吸引😋。花膠食落口好腍身，而且好入味，應該熬左好耐。麵身爽口，而且吸滿晒醬汁嘅味道，令人食到停唔到口🤤另外仲嗌左一盅海參煲雞湯，價錢唔貴貴，但出乎意料咁好飲！湯非常鮮甜，完全無味精味，亦都唔油，湯料都好足料，屬誠意之作！推介大家黎呢到試下佢嘅招牌撈麵同雞湯，質素有保證，一定撈得喜

女人為咗keep住要靚，除咗每日搽護膚品之外，其實食物方面都對皮膚有好大嘅影響。今日專登同左媽咪去食花膠，聽講呢間好出名，最緊要價錢又唔貴。點左呢個勁足料嘅燉湯，入面有好多花膠，仲有大大嚿嘅魚翅！ ！個湯好鮮甜，鮮味全部來自燉嚟嘅精華，飲完第一啖已經覺得好正，如果可以日日都飲就好啦！仲有呢個花膠撈麵，絕對係必食之選！大大件花膠煮到好腍，好好味！而且仲好厚身，真係好抵食！整體來講都非常不錯，日日食皮膚實勁靚 ！

平時好少會去筲箕灣 ，仲要話去嗰度食飯，更加唔會去 。一般去筲箕灣都係去石澳先會途經，因為係轉車點。 近年港島東多咗摩天大廈落成，市場旺了，當然餐廳都相繼進駐。 位於筲箕灣東大街的（撈喜）可以畀我做一日大班的感覺，皆因只係需要六七十蚊嘅價錢就食到花膠鮑魚撈麵等名貴海味，燉湯亦只需六十元左右，真係超級抵食🐟。餐廳的窩心信息， 分享四大名貴海味的營養價值及其好處，有益健康之餘，亦有美顏作用🥡。花膠燉湯， 淨係睇面頭嘅花膠粒已經夠曬多仲有嫩滑雞肉杞子桂圓紅棗等等🤩。薑蔥安格斯牛肉撈麵，用上大量高級蝦子，配合有蛋香味的雲吞粗麵😋，加上秘製鮑魚汁，撈埋一齊食超級好味，香口！😄應該仲有大量優質食材，下次一定再返嚟。😚

番工番得咁辛苦，當然要食番d滋補既食物養下身體啦。今次又同男朋友周圍搵食，黎到筲箕灣既撈喜，試下之前好hit既花膠撈麵😎招牌花膠撈麵 ($78)花膠撈麵可以選擇蕎麥麵或者烏冬，我同男朋友都揀左蕎麥麵，因為驚烏冬配花膠好似唔太match🙈一上枱已經好開心，花膠size唔算少😍雖然冇媽媽既自家花膠咁大塊，不過呢個價錢算係咁啦😏花膠煮得剛剛好，唔會太硬又唔會太lum。好鍾意軟lumlum既花膠質感😋蕎麥麵上有少少蝦子，食落更加香。木瓜花膠奶凍 ($58)食完撈麵，加番個甜品先係完美結束呀😀木瓜對女士有益大家都明白啦😂木瓜鮮甜，奶凍中間有少少花膠。可惜奶凍稍嫌稀，用匙羹食好似飲牛奶咁，如果可以堅固d就perfect啦🙄

筲箕灣呢間好正嘅花膠撈面專門店，已經之前幫襯過兩次，今日專程入嚟再食！夜晚時間，餐廳都幾爆，都等左成10分鐘先有位！見到好多情侶都專登嚟食。我就點左一碗花膠撈麵，舊花膠勁彈牙，而且份量好多，加埋個醬汁，真心幾好味！最緊要係價錢勁平，勁抵食！又亂朋友今次就點左呢個鮑魚撈麵，鮑魚竟然都幾大隻而且仲好細心地切左一片片，好方便食用。我哋兩個都好鍾意個醬汁，用嚟撈麵一流！每碟面都有半碟嘅菜，都幾新鮮好健康！

養生食物真係近年大熱，去到邊都係花膠呢啲滋補菜式，呢間係朋友介紹我去，話貨真價實又抵食，今日終於一試餐廳環境都幾簡潔乾淨，坐得都好舒適先來個燉湯補下身，一打開蓋好清香，入面都勁足料，魚翅燉雞好正，入面好重骨膠原嘅口感，飲落好鮮甜美味，飲完覺得好養顏，大推這款最期待嘅花膠撈麵嚟喇，花膠份量都好多，食落都好厚身又夠漿口，麵同樣份量都多一定夠飽，仲有香菇配菜，個花膠汁都好香同麵好夾啊，爽口中帶出濃濃鮮味，整體又抵食又食到花膠，唔錯啊～

今朝早餐都未食, 就去左海防博物館參觀, 睇完就返東大街食午餐, 2餐當一餐咁食, 行過撈喜, 見到佢既套餐150蚊, 又有湯, 有一小食, 又有油菜, 仲有個撈麵, 我就二話不說, 叫一個抵食夾大件嘅餐啦燉湯好足料, 差不多載滿曬成個燉盅裏面, 魚翅都算幾大塊, 仲有老黃瓜, 杞子, 再加雞添, 好滋滋補滋補花膠撈粗, 大大塊花膠扒, 配合埋茨汁, 蝦子, 口感味道一流呀! 爽口彈牙, 味道啱啱好撈粗麵, 份量很多很多, 基本上淨食個撈麵都已經夠飽肚得啦套餐另外有豬頸肉, 同埋油菜, 豬頸肉爽口 幾惹味

撈喜，正喻風生水起，長有長做這是我很久之前光顧的店，在筲箕灣東大街尾（即筲官小對面），剛開業時雷聲響，店門永遠都有幾個人排隊（不過店鋪頗細，位置不多），我非常好奇。有次，剛好經過門口，竟然有位置？！於是跟老細入去進補啦裝修簡潔乾淨，台式設計，算是舒服我地每人叫左個豪華餐$148/位，剛好可以點哂兩款小食！原盎燉湯（花膠燉雞美人湯）香氣飄逸，清甜好飲，紅棗、雞腳，杞子等，湯料豐富，熱到辣口，無味精，夠健康！麻辣雲耳爽口惹味，涼涼地都唔錯！泰式豬頸肉肉質爽滑香口，帶點泰式醬汁，勁正！花膠撈麵花膠又九大厚夠彈牙，撈麵份量剛剛好，醬汁濃味適中，不會搶去花膠味道！花膠撈麵田園清蔬生菜新鮮，加點鼓油剛剛好！花膠向來是女士們的最愛，滋補養顏，食完都靚d！

同事介紹，筲基灣東大街有一間專食花膠既舖頭，而且係花膠撈面。咁特別既舖頭緊係要去試一試啦。麻辣雲耳 - 唔算好辣，都唔算係十分之麻，而且好醒胃。而且涼拌菜式，最啱而家咁熱既天氣食呀啦。麻辣豚肉撈 - 呢味既麻辣比雲耳輕微，但係就覺得無太大特色啦。可能我一心想食花膠，所以就對呢味無太大興趣。招牌花膠撈 - 花膠既數量都唔少，而且仲係好淋。配上花膠汁黎撈面，真係好好味。而面就唔會煮得太淋身。基本上都算係幾好。黑松露花膠撈 - 呢個同招牌花膠撈其實就差唔多，只係加多左黑松露。黑松露既味道唔會太過出，食落都唔錯。香煎牛柳粒 - 本身肉粒本身已經好淋，而且仲有好多汁，係覺得肉味唔係好夠。份量方面就比較多，5-6人食都可以做到一人幾舊。

聽聞筲箕灣的「撈喜亅有好多鮑參翅肚撈麵，今天同媽媽過來試吓，其實還有其它優質的美食，例如燉湯，也是他們的招牌，方便上班一族放工後可在這小店，品嚐美味的靚湯， 而且價錢都合理。原盅海參燉雞$58湯底好清，不會油膩，下次要試其他味道的燉湯。薑蔥安格斯撈麵$68 安格斯牛肉入口軟腍，仲好有牛肉味， 撈麵帶些蛋味 ，一食口中，便知是優質的食材

想起鮑參翅肚，大多會到大酒樓或高級食府，位於筲箕灣的（撈喜）以小店形式，平民貼地價錢，提供鮑參翅肚撈麵餐。 如此上乘的用料，卻以成本價銷售，當然吸引筲箕灣街坊們蜂擁而至，也吸引我和友人遠道而來，一試究竟。原盅魚翅燉雞湯$58，燉湯有魚翅、杞子等用料，湯頭清甜甘香且不濃，適合四季飲用。招牌花膠撈麵$68，昂貴大花膠，配上雲吞粗面的粗麵，麵面灑上蝦籽，光是派頭也是錢。日式魚翅撈麵$48，魚翅絲絲分明，口感煙韌有咬口，再配上秘製的醬油汁，清新脫俗。

東大街鄰近工作地點，所以工作後又來晚餐。今晚吃的是之前已經吃過的撈喜，今次來到發現出了新的餐品呢!黑松露四頭南非鮑魚意大利飯（$88）一入口有點驚訝黑松露味的確頗為濃郁😍，飯的質感較腍，飯面淋上蠔油汁，加上每顆飯粒都被黑松露包裹，口感較黏腍，的確是中式版的意大利飯味道有點像意大利飯。飯面有1.5件鮑魚，數量上有點怪😂，不過幸好鮑魚炆得非常軟腍，有彈性，而且很入味，整體上味道很不錯呀👍🏻。花膠燉雞（招牌美人湯）（$58）Double-boiled Signature Fish Maw & Chicken Soup這次是草根姐妹第2次去撈喜，嘗試一下上次未有試到的花膠湯。草根姐妹一般不會在外喝中式湯水，西湯例外🙈。因為只愛喝嬤嬤煲的愛心湯，可惜最近她身體轉差，姐妹麵比較少喝到湯水了，希望她健健康康💪🏻，到時草根再大口大口喝她的靚湯❤️。花膠湯比想像中清爽，湯🥣的口感薄身，與草根家平日自家製的濃湯分別較大，不過味道都不錯。燉湯中加入花膠、雞、瘦肉、紅棗和杞子，很足料。湯帶少少甜味，感覺滋潤，雖然花膠只2小薄片，但以這個價錢來說還不錯!

東大街中式山珍海味餐廳，餐牌主要是鮑參翅肚，烹煮模式心思多，主打燉湯撈麵，夠晒中式。 即刻試返幾樣主打推介靚餸先。花膠燉雞（招牌美人湯）（$58）材料豐富、湯身清澈。有紅棗、杞子、豬𦟌、雞、花膠；花膠大片白滑、爽口厚身。火喉足夠，湯水清甜滋潤。 海參燉湯（$58），基本材料同樣有，海參呈粒狀，不是平時圈形形狀，但吃下滑爽。湯水味道較濃，味道十足。泰式豬頸肉（$38），一份8片，烤得香口，肉質粉嫩，非常惹味。麻辣海參撈（$62），可選蕎麥麵或稻庭烏冬。麻辣味與海參有驚喜地夾。招牌花膠麵（$68）選了蕎麥麵，麵底好足，不錯！

筲箕灣東大街多好嘢食就係人都知，好多時都見到啲人集中喺街頭，而忽略咗街尾，今次要同大家介紹嘅就係位於街尾嘅撈喜花膠啦。門口貼咗好多雜誌嘅介紹，估都估到係正嘢啦！雖然門口個牌寫住唔同嘅set lunch，但黎得呢度又點可以唔叫最出名嘅花膠撈麵呢?除咗set lunch之外，仲有幾款是期推介都好吸引架。宜家上facebook，影張相同埋打卡，就可以以48蚊超優惠價嘆到個日式魚翅撈蕎麥麵啦！大家仲唔快啲action最後，我今日決定食豪啲啲，揀咗個撈喜豪華餐， 有湯、有麵、有小食，仲有菜， 都係$148，其實都好抵食！ 湯嗰方面任你揀， 有古海中寶 (有魚翅、海參、魚肚)、花膠燉雞美人湯、海參燉鷄胺基酸湯同埋魚翅燉雞骨膠原湯。 樣樣都好吸引，最後揀咗魚翅燉雞湯。撈起豪華餐，望落都夠晒睇頭啦，等我逐樣介紹下先。首先講下個魚翅燉雞湯先， 一打開個蓋已經聞到香噴噴，飲第一啖已經大讚，個湯真係好甜好好味，材料豐富， 魚翅當然唔少得，仲有雞腳同埋明目杞子個湯真係好補，又補眼，又補腳如果大家鍾意飲靚湯，店內仲有湯券賣，一張賣58蚊 10張有九折，20張有85折，30張仲有個八折添， 多買多優惠。泰式豬頸肉

第二次去到訪此小店🍴決定嘗試多幾款小食😏💃🏻快D Look下草根姐妹👭今次食咩~薑蔥安格斯撈（$68）Sliced Ginger & Spring Onions Angus Beef Lo Mein薑蔥安格斯撈可選配生麵、烏冬或簥麥麵做麵底🍲。烏冬淋上蠔油汁，麵扁身，質感滑溜，但口感略腍。份量分到兩小碗，足夠一人吃飽。安格斯牛肉有4大片🐂，肉薄而且牛脂部分少，所以入口並不油潤，不過牛味重。旁邊還配上薑絲，幼切的薑絲味道帶點辣🌶，配上牛肉同吃味道不錯。泰式豬頸肉6片（$38）Fried Pork Jowl in Thai Style所講的6片其實一定比6片多😂，豬頸肉油潤🐖，外面炸至金黃色，口感爽脆，味道還不錯，旁邊的醬汁有點像沙嗲醬，花生味頗重🥜，一定要點上醬汁趁熱吃！凍了會變硬呢！蜜椒雞中翼3隻（$28）Chicken Wings with Black Pepper & Honey Sauce另外草根姐妹還點了這款小食，一客有3隻雞中翼，外皮炸至非常脆口，雞肉依然保持嫩滑。外皮應該加上了蜜糖🍯及帶辛辣的黑椒味。又甜又辣的味道頗刺激🌶，這個蜜椒雞中翼也是一個不錯的選擇。