愛文生

Open Now

Now Closed

喺深水埗大排檔，有幾個地舖，度有冷氣座位，可以幾個涼嘅嚟食大排檔美食，好正啊。裝修同一般大排檔無分別，圓枱圓櫈，白色膠枱布，膠茶壺，玻璃杯。豉椒炒蟶子，好鑊氣，一大碟細蟶子，新鮮有彈牙，味道鮮甜，豉椒好惹味。黃金大蝦，蝦好大隻，咸蛋黃香甜味濃。薑蔥桶蠔，生蠔大隻新鮮，卜卜有啲酥脆，蠔肉鮮美，薑蔥味唔錯。金銀蛋莧菜，份量大，莧菜嫩滑，加咗豬肉碎，鹹蛋同皮蛋味道啱啱好，湯底清甜。

第一次慕名而黎 都幾失望晚飯時間兩個人專登叫左5樣餸 大部份都係大排檔常叫菜式, 包括啫啫生菜煲 椒鹽九肚魚 薯仔牛柳粒 豉椒炒蟶子 豉汁蒸鱔, 其中有有兩個係招牌菜逐個講啫啫生菜煲都尚可接受, 足料, 但個蝦醬太重手 好似生啪個蝦醬咁椒鹽九肚魚- 上碟已經涷冰冰,個粉炸到硬哂, 勁乾, 完全無果種外脆內軟既口感 最致命係得陣粉漿味 似食舊炸粉薯仔牛柳粒- 又係上碟已經涷哂 牛柳粒又係炒乾哂 剩係食到陣醃肉既豉油味豉椒炒蟶子 - 依個真係不能接受 個豉汁太鹹到苦 食一啖都要飲水/食飯黎沖淡 蟶子又唔算好新鮮 口感霉霉地豉汁蒸鱔 - 味道就ok 但啲口感都係少少霉 唔係爽口彈牙服務環境就正正常常 , 大排檔風味 侍應好爽手 埋單7百幾 依個價錢好多選擇 未必再黎

唔駛講，老店即係老店，夠食力，上菜快，夠鑊氣，基本不失手勢，但今日叫了隻文昌雞就真係有點失望，冇底味，冇雞味，要獻汁已凝固！不過其他餸都好正，熱辣辣的，下次聚會必定再黎多鍋。

全網吹到咁，就去下。埋單$998 空腹感既我好奇心驅使睇下張單3支啤酒炸大腸1份 1XX炸魷魚1份 1XX蒜蓉開邊蝦 4XX豉椒炒蜆 2XX?????好味咩？唔覺wo紅磡/土瓜灣/荔枝角大把好食過佢，平過佢4XX死蝦？我容龍食游水蝦都得啦。老闆笑笑口，新年嘛大家開心🥳我都笑笑口，你都幾好野🤭覺得佢好食既，覺得佢平既，建議你地日日黎。如果係個正常人，我奉勸「揀過間啦」！

一爿裝潢粗疏的路邊小炒，居然勞動到可用GULU機取票，着實大開眼界。原來是捧場粉絲多的是，而且有「咪諸連」推介美食加持，縱使當日及翌日皆非公假的一個普通不過的星期一，剛好晚上七點，三間相連舖位幾乎已座無虛席，好不容易攝到張大枱隔板搭枱，沒椅背圓凳，枱有點歪斜，隨身大包小包幾乎沒位放。沒有不點炸物的理由。最理想是可雙拼，椒鹽鮮魷拼大腸$188，就是還好是雙拼，其中一味失準也叫做「止蝕」，此回失準正落在鮮魷上，無鮮無味，類近似嚼硅膠；炸大腸倒板回劣勢，脆口、不靭、褪掉多餘肥膏，多嚼亦不覺牙累油膩熱氣。豉椒炒花甲$108隻隻開口，肉質脹滿。金牌乳鴿王$72件頭偏大，非孤雛格，食前有點擔心肉質粗糙，一啖之下，熱烘烘得來皮薄脆、肉質嫩滑，調味已夠而棄用淮鹽。因為同行有縮水阿伯，因而點了老少平安系列——鴛鴦炒飯$90，收費比平常太極鴛鴦飯收過百算比較經濟，份量稍減但夠4人份，汁和料幾乎𢳂兩𢳂都溢出碟外，要挑剔是菜心切粒可能煮過頭或沒走油顯得啞色。大概知自家多炸物，加上做火鍋等上火之物，所以提供竹蔗茅根等涼茶系列，每支$15、350ml左右，清清潤潤幾抵飲。環顧四週，客源不局限叔父輩，反而有不少西裝

前幾日朋友仔突然間話想食小炒，咁岩天氣又涼涼地，就去左試呢間老牌路邊大排檔😋🌫️🌫️睇住炒鑊底紅紅火光一路爬到勁高，聞住啲爆炒既焦香味，真係會不停吞口水🤤🤤❤️‍🔥🐮黑椒薯仔牛柳粒呢度既ℕ𝕠.𝟙 招牌菜，亦係港式熱炒必食菜式🔥薯仔非常鬆軟，牛柳粒有牛味，肉質都好軟嫩，大小適中，份量都唔小🌝美中不足係薯仔欠缺焦脆既口感，有幾舊仲燶左😂😂同埋有部分牛柳粒有筋～整體可以一試，味道幾好🫶🏻🐚豉椒炒蟶子皇 $𝟞𝟚/隻（時價）本身想叫一碟炒蟶子同朋友慢慢食，但當日已得返蟶子皇，就一人一隻試下佢😌😌蟶子皇大大隻，厚肉得黎好嫩口，豉椒醬汁都夠香濃❤️‍🔥但略嫌蟶子唔夠鮮甜，靠醬汁調味，爭啲🤔🔥椒鹽雙拼 - 大腸 & 鮮魷全晚𝕄𝕍ℙ我會比椒鹽炸大腸✨✨超酥脆，勁咸香，好似食薯片咁😍可以蘸旁邊既醬汁，帶有酸梅味，酸酸甜甜，解膩一流👍🏻鮮魷都好出色，又脆又鮮甜，係略為炸過火左啲啲，呢碟最推薦🫶🏻💓🌶️辣子炒田雞無乜肉食，骨位多🦴炒得過火左少少，肉質比較鞋，一啲辣味都無🤫整體味道還可以，咸香口，用嚟送下酒都OK既🍺

今晚約左以前同事聚舊, 一行四人決定食大排檔, 即時有人suggest深水埗呢間愛文生. 已知呢間每晚都勁多人, 所以起夜晚大約6:30已用The Gulu 拎飛, 親身去到7:00等左一陣就有位.一坐低舊同事就order左掛起牆上Poster嘅幾道菜, 椒鹽九肚魚, 小炒王, 椒鹽炸魷魚, 豉椒炒蟶子, 黑椒薯仔牛肉粒, 招牌黃金虎蝦椒鹽九肚魚同椒鹽炸魷魚都好有鍋氣, 而且粉漿做得啱啱好, 唔太厚, 同食得出食材新鮮, 可以話係必order 嘅菜. 係勁正嘅佐酒食物!小炒王就相對無咁有鍋氣, 不過黎得大排檔, 又唔想淨係叫碟菜, 小炒王都係不二之選. 雖然無前兩味送咁野味, 但腰果都算爽脆，蝦乾都幾多, 同韭菜炒得幾好食.黑椒薯仔牛肉粒就有少少失望, 老實講, 係無萬發咁好食, 無論薯仔同牛肉都比萬發差少少(皇申: 唔係唔好食, 只不過呢道菜萬發煮得太出色). 如果薯仔再脆D, 牛肉粒細粒多少少就更好.招牌黃金虎蝦都幾大隻，沾上咸蛋黃同大蝦一齊炸相當入味, 虎蝦亦好新鮮好彈牙, 蛋黃濃香同虎蝦鮮味夾埋真係好正, 雖然價錢貴D, 但係又真係值嘅....最後加單叫左個豉椒炒蟶子, 蟶子都

自疫情之後已很久沒來，今次難得同朋友們一同重遊舊地🤣食物仍然沒有令人失望😇食物一上枱，不用花很多時間就比我地ko晒。椒鹽九肚魚朋友覺得粉比魚多😂，但好在我仍食到魚🤣唔計呢樣，其實都幾香口😄小炒皇每次必點之選，夠收獲氣，料夠足👍金菇肥牛煲D汁完全滲入晒菇同牛度，夠晒入味😋鼓椒炒蜆冇人投訴蜆未開已很好，因為食蜆好多地方都會比人投訴呢樣野，都係炒得夠獲氣同入味，d汁攞黎餸飯都幾好😁黑椒薯仔牛柳粒唔使多講✋薯仔同牛都煲得好冧，係大家既大愛黑椒鹹豬手睇朋友分既時候就知佢好冧，而且好夠黑椒味，汁又剛好，最後只剩返骨係度😂蒜蓉炒豆苗估唔到係最快比人食晒既一碟餸😂可能疫情關係，大家注意左健康，多左食菜🤣菜炒得夠獲氣，充滿香氣和蒜味，又唔會過熟，好fresh🤩魚香茄子都係要黎呢d地方食先夠香😋之前係有食到個底太多油既情況，今次仲要改善左，真係估佢唔到，比個讚佢👍之後就係吹水一番，同生日蛋糕時間，由於呢度唔收切餅費，所以期望不要太高，最好如果要食蛋糕，自己自備膠叉😂同時可能疫情影響，人手可能少左，找人需要耐心等候😉

見前兩日開始凍咪口痕想食羊腩煲囉。跟住就去咗一間坐到成街都係嘅小炒店食呢個羊腩煲🐐。🧆我本人呢就好怕蘇嘅，所以只可以食到輕微酥嘅羊腩。估唔到呢個羊腩煲竟然係一啲蘇媚都冇。問得係好林嘅我仲食到羊骨入邊嘅骨髓🤣。食到嗰陣皮就會感覺到輕輕微微嘅蘇味，我諗我咁耐以嚟都係第一次食冇羊味嘅羊腩煲。😝羊嘅份量係好足嘅，我哋嗌咗一個大嘅。都已經有好多舊，不過配料就只係得支竹同埋羊，我都係第一次見咁少配料嘅羊腩煲。不過依然講嗰句羊腩份量好足，汁好味。腐乳仲要一人一碗👍。🧆豉椒炒蜆啲顯細粒咗啲啦，味道可以，唔會有沙。🧆西檸雞啲雞就有啲鞋喇，個汁就調得OK酸甜度適中。🧆脆炸豬大腸睇落去幾好但係咬落去有啲韌。🧆黃金鮮魷顧名思義就係鹹蛋黃炒鮮魷，食落去鹹蛋黃包得好多響面，但係先有就好鬼韌，咬咗好耐先至吞到一嚿。🙄🧆蜆蚧鯪魚球呢個我諗係小炒之中，我最鍾意嘅一碟。蜆蚧醬油油蔥花，啲蜆蚧仲好大粒。鯪魚球夠熱，仲好新鮮嘅鯪魚味道。👍

九月份同屋企人去咗深水埗愛文生度食飯，呢一間餐廳之前一直都有聽講過，終於有機會可以試到，估唔到真係喜出望外。雖然呢度嘅環境真係好迫，同大排檔冇分別，但係佢啲嘢食真係炒得好有鑊氣，下面就係我嘅推薦菜：第一個菜係小炒王，愛文生呢度真係炒得好好味，腰果好爽脆，韭菜同蝦乾好夾好清爽，係一流嘅下酒菜第二個菜係招牌黃金蝦，分量十足，蝦好大好多肉，配埋鹹蛋黃，真係好好味，仲要一啲都唔膩第三個菜係豉椒炒蜆，味道好濃郁，蜆好新鮮另外，我哋仲嗌咗通菜，招牌炸大腸等等嘢食，全部都分量十足，仲要一啲都唔伏

麻甩佬最愛 - 大排檔係人都知大排檔都喺街邊當然呢間都唔例外啦個廚房就喺正街邊搭出嚟聽住啲нυя нυя聲再見到火光熊熊鑊氣？唔洗講都知啦😍—————————————————————去得大排檔梗係要叫小炒啦先嚟個豉椒炒蜆同黑椒薯仔牛柳粒每隻蜆都有肉雖然唔算特別飽滿但勝在夠新鮮惹味 鑊氣十足至於薯仔牛柳粒啲薯仔係好食嘅不過好似有啲多🤣🤣如果牛柳粒同薯仔平均番啲就ρяєfє¢т叫左兩碟咁熱氣都係揀個清清哋嘅平衡下就嚟個蝦醬豬頸肉蒸茄子啦😍煮嘅方法係清但都係重口味😂不過真係好送飯下次自己喺屋企試下煮先🙈可以瘋狂食茄子同豬頸肉🤪—————————————————————◍ 黑椒薯仔牛柳粒 $138◍ 蝦膏茄子蒸肉青 $98◍ 豉椒炒蜆 $98

在香港碩果僅存的大排檔中，愛文生算是數一數二有名的了。深受本地人和遊客的歡迎。連我以前的韓國人同事也知道，說是來香港必吃的餐廳。愛文生比其他大排檔好的地方 除了室外位置亦有室內位置，在打風下雨的天氣下，室內位置真的很重要。 椒鹽鮮魷併大腸 $188很大碟，份量很多 ！最欣賞炸大腸，把多餘肥膏去掉，不會食到成口油，而且炸得夠脆，非常好味🤤👍。 至於椒鹽鮮魷，炸皮唔會太厚，十分酥脆，但我覺得炸得有點太過了，韌了一點😖。 黑椒薯仔牛柳粒 $138很有住家的味道，也是大大的一碟，略嫌少了點鑊氣，唔夠香口。薯仔粉嫩，牛柳粒無筋亦唔會好鞋，都唔錯的👍。但我比較中意充滿鑊氣的小炒多一點。啫啫芥蘭煲 $88因為沒有我最愛的通菜😭😭真的哭出來。店員介紹了這個給我。我個人十分喜歡芥蘭爽脆的口感，但這次有點失望，太淋了🥲。上菜時是滾燙的，充滿香氣的，但芥蘭唔夠爽口🥲失望。總結，愛文生價錢比其他大排檔貴上最少1/3🤑。這次點了3碟餸菜，1枝啤酒，1罐可樂，2碗飯，埋單$491🥶。雖然很大碟份量很多，但只適合一大班朋友來享受，像我今次只有2個人就不太合適👫。人少的話除了人均消費太高之外，亦吃不完🙈。菜式其實很好

大排檔係屬於香港獨有嘅人間煙火👩🏻‍🍳👨🏻‍🍳講起食大排檔最緊要就係夠鑊氣啦🔥呢間餐廳企起馬路對面時🚦已經感受到空氣中瀰漫住大排檔特有嘅煙火氣息!!!🍂🍁加上秋風送爽，坐起外面食都完全無問題~ 食物cp 值高，真係非常抵食～～😋椒鹽鴨舌 $128鴨舌炸得香口，一路傾計夾下夾下不知不覺就食哂!無論熱辣辣定凍左食 味道都依然吸引!黑椒薯仔牛柳粒 $118招牌菜~一講愛文生個個都會話必嗌! ！薯仔勁甜又爽脆! 牛柳唔韌 不過不失 🥔🥔🥔🥔🥔🥔薯仔太好食喇搶埋牛柳既焦點🤣西蘭花炒雙魷 $118蒜蓉味香濃，🥦西蘭花同🦑鮮魷食落新鮮爽口~ 本身愛食煎炸野既同事都忍唔住食多左兩啖菜，紓解口腔油膩感一流！豉椒炒蟶子 $158豉椒炒蟶子炒得真係好夠鑊氣，蟶子食落鮮甜，而且冇沙，食材同廚藝都配合得天衣無縫! ！！惹味又滿足～西泠煎軟雞 $88有汁黏既煎雞🐔放涼左容易失色! 大家要趁佢新鮮熱辣辣個陣食會更好味喔！

今晚同屋企人諗住天氣涼涼地，去大排檔食飯，咁就諗住去愛文生，之前食過幾次都幾好，可惜今次去食真係完全唔掂！首先個椒鹽豆腐，完全無椒鹽味，豆腐又完全唔滑，好似食緊普通豆腐pop咁，好難食！第二就係食個魚香茄子煲，呢個算係最好果個，但係d茄子都係完全無味，其他就係超級油既肉碎，完全無鹹魚既香味！真係要撈飯先食得落口，完全好似飲油咁。之後就係炸大腸，感覺同你自己係街市買一條大腸dum落去炸一樣，完全無任何調味同處理過，靠d甜酸醬去點，炸到又乾又硬。之後就係最垃圾既薯仔牛柳粒，以前係招牌小菜，而家真係超級垃圾，d薯仔唔係以前咁細粒炸香再炒，而家係用水煮熟就dum落去撈d汁就算，完全無味！之後d牛柳完全係訓練牙力，又老又韌，sip曬係牙，同煲完湯d湯渣無分別，成碟都無人想食！最後，真係可以同佢講再見，完全keep唔到質素，環境又嘈又污糟，連食物都唔得，完全無原因會再黎了！

食大排檔當然要夠鑊氣🔥炒幾個餸再加杯啤酒簡直爽😎鍾意食大排檔嘅可以試吓呢一間😎🔥黑椒豬手，黑椒味濃，汁好惹味餸飯一流，鐵板上熱辣辣，正！！🔥豉椒炒蜆夠味無沙😋🔥星洲炒米，可惜有少少燶味🙈🔥椒絲腐乳通菜，去大排檔必點