Fresh One (Closed)

荃灣路德圍的食店越開越多,一大列的甜品糖水店在小學那邊,這次和友人一同試下近期常常吃的意粉.為方便尾站的甜品,目標地點選擇了路德圍的意(FRESH ONE).小店有點平民扒房混茶記的格局.甫一入進老闆娘己經落重嘴頭推介SET DINNER,可惜當晚的SET DINNER選擇不太合胃口,還是輕食自選意粉餐好了!自選意粉可以以半價加點餐湯,點餐的紙像極車仔麵的點餸紙!......要配什麼,適隨尊便.友人點了香草汁,雞絲磨菇配蝴蝶粉,我點了個水欖蕃茄醬(辣),巴馬火腿,煙三文魚"蕃茄"磨菇配墨魚汁寬條麵.名字長得可怕!!=.=!!.....,再點一個黑椒豬手粒齊齊享用.餐湯可以選擇南瓜及雜菜湯,友人不好蕃茄味,來個南瓜湯好了.偷呷了一口,南瓜味不重.連點綴用的忌廉都沒有,雖有顆粒加強質感,但極富罐頭湯風格.我就要了什菜湯,菜料足,味道較南瓜湯實在,始終自制紅湯要後加菜料,無論如何都較為新鮮吧!:)黑椒豬手粒啖啖肉!出水時間足,減少了很多過火的鹹味,可惜配上了那種茶記式磨菇汁,味道反而不及自家制的洋蔥水浸的好吃.:(友人的蝴蝶粉賣相不差,雞絲粗粒的上,叫雞丁還更貼切.香草汁味道平平,淡淡的僅為蝴蝶粉添上濕潤,對食味幫助不多,而且那中間下陷成了碗型的碟因為熱力不斷制做出水氣,慢慢地浸軟了下層的粉.加上那種大隻厚身的蝴蝶粉難以煮得軟,變成了上半碟過硬,下半碟過軟的效果.我那碟寬麵更為明顯.相信要思考一下盛器的問題了...:(當送上我那碟寬麵時,友人笑著我的"蕃茄",她不用等意點都有,因為居然送上的居然是車厘茄,是該店每碟意粉都有用來裝飾的車厘茄.不禁令人覺得有點不實之嫌了......墨魚汁寬麵還留有點腥味,醬汁水欖味不太顯眼,酸酸辣辣的蕃茄味反而更醒胃:)煙三文魚放在熱的麵上有點不妥,熱力為魚加了熱,變得熟了,多少有點"鞋口".巴馬火腿鹹香甘香,小小的一片己為意粉生色不少了.總括來說質素還是頗一般,有待改善的地方不少呢,而且有點不滿那種"蕃茄"變作車厘茄的作風.…Read More

兩個人叫咗兩份自選意粉自選配料+意粉+卡邦尼汁份量超細，而且個汁十分淡自選配料+縲絲粉+XO醬叫縲絲粉比錯蝴蝶粉，唔想浪費食物所以照食 :(XO醬汁一樣好淡，冇咩味兩個自選意粉都份量超細，就算當下午茶吃都唔夠細食如我都唔夠飽，唯有立刻去麥記再食個飽重有，水都冇杯一定冇下次 …Read More

我地三人點左:大PIZZA黎到睇到仲以為比錯細PIZZA我地!@@PIZZA都幾好食,係簿批好脆,不過條邊好燶!薄荷蜜糖雞翼個汁唔錯!不過翼雞唔夠滑千層麵好食~不過好細碟仔!得三層!自選配料+闊蛋麵+卡邦尼汁闊蛋麵唔香,而且有D乾身,個汁無味又少!唔夠熱!最失望的食物!食完我地三人都覺得好似無野落過肚咁!要走左去食糖水填肚!下次不會再去!…Read More

已經係第二次去幫襯。上次食​過唔錯，今次叫埋同事去。佢地大部份叫佐黑椒豬手粒意粉​，另外仲有個美味熱狗。我就自選意粉，加"食送"同加底​，就貴佐20 不過依照自己嘅諗法去叫果然唔同啲。蝦仔三文魚蜆仔墨魚​麵配蟹子白汁，完完全全係海鮮大匯！每啖都有海鮮味，仲​有粒粒蟹子將海鮮味道互相貫通。蜆仔同蝦少少硬配撘三文​魚軟軟的口感非常匹配。另外同事叫嘅黑椒豬手粒意粉都唔錯，我上次就咁叫豬手粒，少少鹹；少少辣，豬手粒好入味同爽口…Read More

其實本來想行去麵棧的, 不過途經這間店子發現是新開的 (其實距今也差不多兩個月)而且老闆娘在門外熱情地推銷...所以最後決定試試.跟餐有南瓜湯, 好濃郁, 正我的球拍粉, 都幾得意! 而且吸汁程度都OK好味!蕃茄海鮮醬闊麵也不錯, 酸酸的很開胃,原來可以將麵底加大, 後悔沒這樣做. 來一客黑椒炒豬手粒, 汁好濃郁, 豬手粒都好入味豬手粒是一口的SIZE, 方便進食!看來這間店子的確不錯! 味道和價錢都OK!:)而且印象中...老闆娘真的好熱情!…Read More

之前經過呢間鋪一次,當時見無咩人幫襯,所以唔敢入去試,但今晚同朋友諗去邊食飯時,朋友既男友話試過呢間野,仲好好味TIM,所以就同佢地去試下啦~去到門口,見到今晚入面好多人幫襯緊0.0我地揀左個自選意粉套餐~我揀左雙拼意粉~加$4~我揀左球拍粉同花邊粉~配料揀左蕃茄磨菇煙三文魚青口~本身想揀帶子架,但佢無哂-.-+$2飲左個熱咖啡!D咖啡飲得出係好野~好香咖啡味~唔酸又唔會太澀口~個意粉個汁我揀左辣個個蕃茄汁,唔記得係咩名...唔記得咩欖咩蓄茄汁XD佢個汁好好味~意粉都煮到烚到好處~青口得2粒~但食得出用白酒煮過黎~有高級餐廳既水準,但價錢經濟又實惠~+$4飲左個南瓜蓉餐湯,飲得出好南瓜,要食得好清啖既人先會欣賞呢個湯-.-我覺得佢個味OK,但我朋友話飲唔出有味XD但佢會俾碟脆既面包粒你送湯,感覺好高級XD相方面,只影左碟意粉咋~^^不過佢可能太多人幫襯,所以人手方面好似唔係幾夠~上菜速度有D慢~同埋鋪面太細,D位好逼~但一邊食,見到出面有好多人排隊-.-如果唔介意D位坐得唔舒服既話,呢間野係食得過架~經濟實惠又有水準~!!!…Read More

知道荃灣食肆林立的路德圍開了一家食意大利菜的西餐廳, 我這個住在荃灣區的意粉癡當然躍躍欲試, 終於在一個下午, 繁忙的午市過後, 有機會到來一試了! 可能餐廳樓面只是由兩夫妻(?)負責, 當我踏入餐廳時, 兩夫妻正忙著, 沒有留意到我這位客人, 當我正心想是否應自行搵位坐下後, 老闆留意到我了, 招呼我坐下, 這時老闆娘也熱情地向我遞上一張用手寫的午市套餐餐牌, 不過由於我一心來是吃自選意粉, 便問老闆娘是否有自選意粉的餐牌, 老闆娘於是便又改給我一張自選意粉的餐牌, 還向我遞上一支筆, 初步的感覺良好.好了, 看一看自選意粉的餐牌, 真箇是令人眼花撩亂, 原來由配菜, 餸, 意粉款式, 以至醬汁都由我來決定, 絕對可以做到我想點就點. 經過一輪細想後, 終於配菜選了露筍, 白菌片; 餸選了鮮帶子及鳳尾蝦; 意粉則選了我最喜愛的天使麵; 到了選醬汁時, 就的確令我頭痛了一陣子, 因為好多醬汁我都喜愛, 我都想試, 例如白汁, 番茄汁, 最後終於選定了XO醬(辣), 因為印象中好像是沒有吃過這款汁烹調的意粉. 花了頗長時間揀選好後, 便遞給老闆, 老闆是一位較為文靜的中年男士, 但是取過餐紙後, 也送上一個淺淺的笑容!!!可能是即煮的關係, 等候時間也較耐, 於是便藉著等候的時間細賞這間餐廳的裝飾及佈置, 餐廳的佈置清雅, 枱上的調味架除了放有鹽及胡椒粉外, 還放上了一朵假的玫瑰花, 不過放置真花會較好, 但當然這樣又會令成本上升. 整間餐廳最吸引人的裝飾, 可說是放置近餐廳門口, 一個連著時鐘的座地燈, 燈上還有一小塊玻璃枱面, 正好利用這塊枱面來放置餐牌. 而餐廳的吊燈也十分簡約. 好了, 期待已久的意粉終於由老闆送上來了, 文靜的老闆送上意粉時, 還加上一個微笑及請享用的手勢. 細看眼前的意粉, 份量不算太多, 當然了, 走提供精緻食物路線的西餐廳, 始終跟提供份量大, 食到你飽為止的碟頭飯的茶餐廳有分別. 吃一啖意粉, 感覺頗乾, 可能是跟我所選擇的醬汁有關係吧! 若我選擇白汁又或是番茄汁, 可能就不會如XO醬般乾, 當時有點後悔選了XO醬(辣). 露筍其實也只是很小的一小截, 當然了, 露筍是貴價食材, 當然也不可能放太多, 白菌片也只屬少量. 至於鮮帶子就頗細粒, 但是都算多的, 而鳳尾蝦有三隻, 但明顯是雪藏貨, 無甚蝦味. 不過, 意粉就炒得頗乾身, 也感到有少許辣味. 這時老闆娘過來詢問我對食物的意見, 我就跟她說整體不錯, 意粉也炒得很乾身, 老闆娘聽後即展露出燦爛的笑容, 還跟我說餐廳的師傅之前是在酒店工作的, 所以出品會較路德圍其他食肆略好, 還帶笑的跟我說多謝支持!! 感覺上他們也十分著緊食客的意見, 事實上, 當我吃著意粉時, 也聽到老闆娘對每位結脹的食客詢問「D嘢0岩唔0岩食?」另外, 在送上意粉時, 還會附上一個放有芝士粉及乾辣椒的小兜, 讓食客隨自己喜歡灑在意粉上.這樣一碟自選意粉盛惠38元, 另外熱飲加兩元, 凍飲就加四元, 個人覺得38元一碟的自選意粉, 價錢是ok的, 當然, 餐廳也因應這個價錢而一定程度上將貨就價, 例如露筍只得短短的一小截及鳳尾蝦是用雪藏貨等, 個人認為這亦可以理解, 這個價錢也不能奢望餐廳會不計成本以及提供新鮮食材吧!! 不過, 這個自選意粉在晚市是收$98的, 在路德圍來說是略貴了, 因為路德圍多年青人聚集, 他們是否願意花上接近一百元吃一頓晚餐也是問題. 不過, 感覺到餐廳的老闆及老闆娘是很有誠意的, 也十分在意食客的意見, 希望這家餐廳在食肆林立, 競爭激烈的路德圍能夠站得住腳吧, 我也絕對會再次到訪, 試一試其他醬汁的. 題外話: 由於意粉的份量也的確較少, 在兩點多吃過後, 到五點多又已十分肚餓, 肚子打鼓了, 可能是我大食的關係吧!!!!! …Read More

記得大年初一，飲茶團拜後，各自分道揚鑣，我自己走去荃灣兜個圈。見到路德圍有些新面孔餐廳，但係當日有 9 成食肆無開。 其中有間「意 Fresh one」，我最感興趣；決定搵個星期六嚟試吓！ 我自己一個人走入去，老闆娘安排咗單人位俾我，好像叫本人面壁思過。哈哈！ 雖然店子細細，但係都可搵到特色擺設！有個朋友送俾老闆嘅枱燈連鐘 ( 個鐘可以著燈 )、還有，牆上意式風情郵票畫。另外，有電視機。 老闆娘熱情好客，老闆則文靜有禮，呢對夫婦做樓面，合作無間。老闆娘話呢度1月18日開張！另外聽老闆講，廚師係曾任職酒店，相信食物甚有水準！:) 意 Fresh one 主打食意粉，午餐 $38，晚餐 $98；價錢尚算合理！以午餐為例，自選意大利粉系列 $38 ( 請見相片)： 自選兩款配菜，共16 款：比較特別嘅有：三色椒絲、意瓜絲、露筍、甘筍絲.....等。自選兩款食材，共 20 款 ( 加一款 +$6 )：石斑柳、雞絲、鴨胸絲、三文魚、蜆肉、聖子.....等。自選一款意粉，共 16 款 ( 雙併 +$4 ) / ( 份量加倍 +$4 )：鮮見嘅有：開心球拍粉、花邊條麵、旋風長條麵、花邊通心粉、蝴蝶粉、薯蓉粉.....等。自選一款汁，共 9 款：吞拿魚白汁、蟹子白汁、香草醬、水欖番茄醬汁、番茄海鮮醬.....等。如果，要食勻咁多款，我都唔知要幫襯幾多次？ 我圏出我嘅選擇：意瓜絲 + 白菌片 + 鮮帶子 + 鳳尾蝦 + 蝴蝶粉 + 蟹子白汁 ( 俾錯白汁 )意粉等候時間 5 分鐘，已經比預期快！每邊加了半粒車厘茄伴碟，灑上香草粉，賣相相當不錯！蝴蝶粉份量適中，煮熟之餘，食起嚟帶點煙韌！係意大利正宗煮法，與坊間食到嘅軟身意粉與別不同！意瓜絲即係意大利青瓜絲，我覺得同日本青瓜差不多！就算煮熟咗，較中國青瓜爽脆些少！白菌片同蘑菇分別不大！最令我失望竟然係鮮帶子及鳳尾蝦，鮮帶子係出乎意外地細粒，:( 幸好有10 粒 8 粒！淡淡地味！鳳尾蝦並非新鮮蝦，以為橙、白色分明！豈料係雪藏貨色！ 半透明！略帶咸味，共有 3 隻！整體味道令人回味！ 呢度與之前幫襯過嘅 Cafe De Flore ( 花神咖啡館 ) 比較，款式及配搭多好多！相比之下， Cafe De Flore 款式及價錢比較遜色！反而環境比較優勝！Cafe De Flore http://www.openrice.com/restaurant/commentdetail.htm?commentid=2149138 南瓜薯蓉湯 ( +$4 )南瓜湯橙黃色十分奪目！南瓜蓉打得好幼滑，可能加入薯蓉關係，令質感好似糊！:( 濃郁南瓜味，薯仔味明顯比下去！屬於健康湯之選！:)配有蒜蓉包粒另上，夠細心！否則包粒一蒜蓉包一睇就知烘燶咗！ 粟米甜心酥 $16小食頗多選擇！我見呢款小食幾特別又有心思！以粟米粒及粟米打成蓉，炸成球狀，有 6 粒之多，有大有細！最大那粒細過麥樂雞。用叉一拮即斷開兩截，味道清甜，外脆內軟，好香口！相信小朋友都會鍾意食！小食之外亦有少許甜品可供選擇。 熱檸蜜 ( +$4 )我以為熱飲+$2，點知俾錢先知蜜糖加$2，有點取巧！ 應喺我落單時候，事先講聲！好在俾錢時，攞定張 $100。加了不少蜜糖，幾甜！配合4片檸檬，酸味中和咗甜味！ 起初個餐$38，加呢樣加果樣，埋單$62；以食物味道及質素，都係值得！ …Read More