Venus 壽晨，飯局決定係花膠大王設宴，一行八細一大開飯 ~花膠專門店，除花膠外，仲有好多貴價食材，鮑參翅肚、燕窩唔少得，仲有好多其他野，真係要黎好多次先試得晒啲野 ~ 食物質數好滿意，但服務真係要積極改進喇，召呼真的不周，亦未算殷勤，無人換碟，無人加水 ~ 環境尚可接受啦，一般飯店格局，仲有電視睇添 ~花膠之扒王，茨汁中有大量洋蔥及韮王，因花膠本身無味，要用上湯慢慢煨及較濃味既茨汁先會好味。花膠又厚又大塊，口感嚥靭又膠口，好正 ﹗花膠湯，好清甜既花膠湯，真材實料既燉湯，好好味。但只有約十二碗，唔夠每人兩碗呢 ~炸黃金蝦，坊間好多食肆都會連殼一齊做，但我覺得剝左殼會更入味更好食又更方便。鮮蝦牢牢地黏上咸蛋黃蛋漿，炸得非常香口，咸蛋既咸香配合蝦既鮮味，加埋彈牙口感，真係齒夾留香，必食之選 ﹗上湯瑤柱雞，簡單既一道菜，但非常好味。菜芯超新鮮嫰口，由頭到尾，整棵都無渣，葉軟腍、莖爽口。雞肉嫰滑入味，瑤柱味香濃，且有肉汁，皮薄滑溜，好 FIT 唔肥，勁好食 ﹗蠔油扣生菜鵝掌鮑魚，首個目標鮑魚，成舊放入口，咬落口感非常腍滑，味道比我一向食既鮑魚更有海鮮味道。汁濃入味，生菜、鵝掌、鮑魚全部都煮理得好好，好滿意。如果鵝掌可以再腍耐啲，腍到起膠，我更喜歡。金銀蒜蒸龍躉頭腩，超香濃深海魚味，巨形深水石斑即龍躉。龍躉皮又膠又腍又軟，魚腩口感實淨啖啖肉，兩者都食完再想食。用金銀蒜清蒸再加淡豉油，又香又甜。鮑魚粒炒飯，勁多生蔥食唔到，試左幾啖，但發現唔到有鮑魚粒，只係食到啲蜜糖豆，但我朋友食得較多，話食到有鮑魚粒及花膠粒。炒飯味道麻麻，豉油味好重，口感太濕，唔夠乾爽。干燒伊麵，好好味 ﹗伊麵烚得恰到好處，不太腍又不太硬，嚥靭口感係最正。老抽同豉油比例非常好，炒得好均勻，色香味都有。配料有什菌什菇，新鮮好味，水份充足。炒得熱滕滕，連食幾碗 ﹗花膠凍，味道似桂花糕，但更清甜，清香味道，比唔喜歡食甜野既我，好適合。而且好似意大利凍湯咁，一放落口便即時變回液態，即係由花膠凍變回花膠湯。唔係每碗都落料平均，有啲有杞子、龍眼肉、花膠碎，有啲又無囉。無意地匙羹係甜品上印左個心形圖案呢，當堂 sweet 晒 ﹗…Read More
3. 皇帝骨 $78, 味道算不錯 
三人吃了 $470, 不值
