前排因為裝修, 關門了一段日子. 重開之後, 花膠鋪已搬往別址, 以前前鋪後餐廳, 而家全餐廳. 看似比較專業了, 新裝潢當然有新作風. 是日我們6點到, 講明食完 7點半交到檯. 不然, 星期日的晚上, Full House, 唔駛旨意食.
我們一行8人, 叫了一個6人餐, 再加兩個小菜. 雖然馳名的是花膠扒, 但個餐沒有包, 而且散叫又的確幾貴, 所以呢次冇叫. 但不忘其另一精髓, 就是那皇帝骨.
先來一個牛腩煲, 一向來說, 這裡的小菜都可以叫做不錯. 這個牛腩煲勝在不油, 多汁令到人人都想加碗白飯來送.
之後是一個套餐的海參炒芹菜. 現在出街食野, 叫套餐, 好多都會黎一些清淡菜式, 呢道餸清清地, 幾好.
一個湯, 什麼雞湯名字忘記了. 但好明顯你老火藥材海味湯. 做開海味鋪既花膠大王, 因為是自己鋪頭貨, 用料不差. 好多响螺頭.
之後是一個炸蝦球. 炸皮好特別, 有咸蛋味. 應該係開粉時用上了咸蛋. 味道非常香口特別. 蝦子是新鮮的, 蝦的鮮味碰上咸蛋味, 有種說不出的味道. 有清菜一碟, 因為得8張相, 前菜同碟清菜就唔Post了.
好食的陸續有來, 首先是沙薑雞, 雞味十足, 不太肥, 沙薑味夠重手. 吃一兩件都唔覺肥. 皮滑肉靚. 咦.......我好似形容緊女仔.......
炒蛋, 蛋白瑶柱炒飯, 粒粒分明不在講. 只不過煲牛腩一早食哂. 送炒飯更加一流. 不過, 牛腩食哂唔緊要因為有皇帝骨.
皇帝骨, 是一塊厚排骨肉, 不肥, 但炆到超淋. 汁夠濃, 是送飯佳品. 肉不肥, 雖然貌似東玻肉, 但這只是一塊瘦肉. 骨已經炆到完全離肉. 當年皇帝珍饈百味, 咁淋是為了讓皇帝易入肚, 瘦是為了皇帝唔會食滯.
花膠大王, 梗有花膠食既. 甜品, 便是一個花膠凍. 不過不容易食得出有花膠. 反而龍眼肉同杞子好好食. 同桂花糕差唔多.
新裝修過後, 地方是舒適了, 不過, 價錢方面, 碟頭細了, 以往的優惠少了, 價位, 有少許變了. 但味道依然.
