康瑞甜品

Open Now

Now Closed

呢日行過深水埗，食飽晚飯就已經一早預咗去食康瑞甜品😆之前一直都係屋企人買外賣俾我食，自己就冇食過堂食，難得依一日經過深水埗就去朝聖啦！雖然已經差唔多夜晚10點，但係門口依然超多人，等位都差唔多等左20分鐘。入到去座位雖然有啲迫，但係勝在佢落班同上枱嘅時間非常之快，等左都冇5分鐘，本甜品已經送到喺眼前啦！叫咗依個招牌，佢嘅份量非常之多，芋圓，珍珠，小丸子同西米嘅份量都係非常大方，依幾樣配料加埋一齊口感好煙銀，啱晒啲鍾意食煙銀野嘅人！而且個糖水亦都唔會話好甜，佢嘅仙草亦都非常之嫩滑，好易入口，好似食緊啫喱咁😍另外，呢一碗就係我平時食外賣嘅招牌1號，賣相好似同喺堂食差好遠，但係只不過係沉晒喺底姐，味道都係一樣嘅！😋💕😍

😑芋圓好粉，唔夠Q彈，扣曬分😐仙草都好軟好軟😪唔知點講好，可能真係各人口味唔同啦，我就比較注重個口感😌😌平心而論，個味道都唔係話差嘅，價錢又好便，當搵個地方坐下吹下冷氣吹下水😂😂真心，唔係我杯茶就唔會再黎啦🤭👀眼見都真係多人排隊👂🏻聽講都係熱店🔥😋試過就知唔適合自己🤔

晚上食完晚飯後, 去了這間甜品店外賣了一碗熱椰汁西米露帶回家吃。餐牌上的糖水選擇不太多，每一款糖水的價錢不高、幾親民的。差不多所有糖水也會配上芋圓及地瓜圓，亦可配上湯圓。芋圓是台灣出名的甜品配料，我幾喜歡它的口感，它為甜品增添層次感。椰汁西米露的甜度剛剛好, 椰汁味香甜、突出。糖水裡面還有三款配料, 分別是芋圓、地瓜圓、小丸子。裡面的西米露份量有很多, 每一啖都吃到西米, 配上煙煙韌韌的配料, 口感幾豐富的。

其實自己一直都好鐘意食竽圓，每一次去台灣都必食的🙆‍♀️雖然近呢幾年來，香港開始多左地方有得食竽圓，但老實說唔係間間都整得好食！記得之前有朋友帶我食過深水埗既康瑞甜品，真係挺不錯🥳今次同密友去開深水埗食晚飯，就決定帶佢去食我最愛既竽圓🤗今日係星期五，可能因為聽日唔洗返工既關係，店舖外面特別多人排隊。買外賣既又有，排隊食既都有😂我地兩個大概等左半小時左右終於入到去食了😋-🎈特式仙草百配竽圓、地瓜圓、小丸子我一如既往都係叫左呢間店舖既經典—特式仙草百配竽圓、地瓜圓、小丸子😊諗諗下我真係冇食過呢間既其他甜品🙈我覺得呢個係最好食，佢啲竽圓地瓜圓都好煙韌😍仲要既係佢有超多配料，真係好吸引！！！-🎈椰奶紅豆沙配竽圓、地瓜圓、小丸子而我密友就叫左個椰奶紅豆沙配竽圓、地瓜圓、小丸子🤣係熱既，感覺好養生喔😳佢話都好好食，同個紅豆沙都好夾🙆‍♀️-我真係好鐘意食呢間既糖水，重點係好食得黎又唔貴🙈因為宜家出面食個糖水真係都要三四十蚊😂呢個水準真係好okay😊😊

其實本人唔中意食芋丸，所以唔會評論質感及味道。首先要讚佢本來係涼茶店轉行做糖水店殺出一條路係唔錯嘅決定。但真心糖水質數係一般，除咗價錢貼地會回頭之外，其實好普通嘅一碗糖水。我叫咗熱嘅綠豆沙加咗芋丸小丸子。上菜速度好快，熱嘅望落去有煙，但其實食落去唔熱嘅，溫暖至常溫感覺，而綠豆沙比較甜。朋友叫咗薑汁芋丸，同樣都係甜咗啲。總的來說，普通，糖水款式唔多，唔差但無乜特色。正正常常，但唔明點解可以入圍熱店名單？

唔知點解呢成日都好想食芋圓😂聽同事講康瑞成日都排晒長龍，難得放假，梗係揹埋飯團仔去試下啦🥰原本仲諗住落大雨會少啲人，點知去到都係要排隊，好彩等左5分鐘都唔洗就有位啦🤤鋪面積唔算大，叫做有啲迫，好在店員安排左近門口位置，我揹住飯團都仲坐到👍🏻選擇專供仙草芋圓👍🏻好味又真係唔洗太花巧☺️價錢算抵呢個係飯團婆婆㨂既，一向唔鍾意食太甜同芋圓既飯團婆婆都話呢個綠豆沙唔錯🤣只係覺得個味唔夠濃，但足料👍🏻招牌嘢就梗係飯團爸爸試啦，叫左碗凍既，仙草滑嘟嘟，芋圓等夠淋煙韌，好多料，食完真係飽晒🤣我都係㨂返紅豆沙底，我走左椰奶，唯獨覺得紅豆沙唔夠起沙，再沙啲濃啲會更加出色，芋圓地瓜圓唔大粒，一樣夠淋夠QQ🥰整體我係會再黎架，因為價錢抵，芋圓好味蓋過其他小不足🥰

每次嚟深水埗都會食糖水，而每次都淨係去依間。點解？正正因為佢夠平，味道又唔錯。當然係嗌佢最出名嘅芋圓嚟食啦，只係20幾蚊就食到咁足料嘅糖水。佢啲芋圓幾Q彈，配埋其他配料食真係會飽。

每次經過康瑞都見到門口大排長龍，今次見少人啲去排都等左差唔多二十分鐘先有位。舖面比較細加上多人嚟食所以坐得比較擠迫。糖水製作得好快，等左一陣所有芋圓糖水同糖不甩都已經出齊哂。一行四人皆點了特色仙草百配，除了主角芋圓外，配料都非常豐富，有薏米、紅豆、西米、珍珠同仙草等等，所以食完好飽肚。值得一讚的是芋圓整得煙韌彈牙，帶有微微地瓜香味，唔係色素溝粉個種。另外仙草好滑溜，整碗糖水味道唔會太甜剛剛好。大家去康瑞主要都係食芋圓，但其實佢嘅糖不甩都整得唔錯。軟棉棉的糯米團子沾滿花生碎，食落既香甜又帶有軟糯口感，值得一試。

自從係台灣食過芋圓後就念念不忘，但係香港食到的芋圓質素始終麻麻地。聽聞康瑞的芋圓好出名，所以決定試下。八點幾黎到已經坐滿哂人，好在排隊都唔係等好耐。第一次食發現原來康瑞的糖水款式唔算好多但價錢平，配埋芋圓、地瓜圓同小丸子都唔駛$30，好抵食。今次叫左個西米露試下，西米露正正常常唔會好甜，幾好食，入面啲芋圓、地瓜圓、小丸子的份量都好多。芋圓食落真係有芋頭味，幾驚喜，但我覺得整體上芋圓同地瓜圓都偏軟左少少，口感差啲，不過都算係我係香港食過最好食的芋圓。

一直很喜歡吃仙草和芋圓，在台灣和深圳會食鮮芋仙，但在香港要平食仙草，朋友說就要來這間康瑞啦～甜品的選擇不算多，較集中於傳統糖水和仙草芋圓特色仙草百配 $25 |這碗百配十分足料，除了仙草外，有芋圓、地瓜圓、小丸子、紅豆和西米等，味道好夾。仙草非常滑溜，但無平時飲珍珠奶茶那些仙草那般有口感。另外感覺份量較少，唔係好夠喉～三種芋圓都非常煙甄，好想叫多碗呀～最近銅鑼灣開了鮮芋仙，但價錢非常貴差不多4-50 蚊一碗，但在台灣同大陸食都不用這個價錢。有時寧願俾錢小店賺都不想給這些抬高價錢的大品牌。

食完晚餐特登黎試下呢間嘅芋圓，黎到之後等左幾分鐘就入得都算好快。入到黎坐左中間嘅兩人枱坐得都算舒服，唔算太逼。Order 左「特色仙草百配」，入面有仙草，薏米，西米，珍珠，芋圓，蕃薯同埋小丸子，唔會好甜，剛剛好，分量十足，廿幾蚊碗好抵食，最重要係芋圓做得唔錯，好煙韌，仲食到有芋頭味，抵讚！

由細舖食到喺大街既地舖，向來覺得個老闆有人情味，賣芋圓之餘亦不至好商業化！但今次太失望我本身有奶類敏感，舖內糖水向來花奶另上，所以不以為意，點知放喺眼前既係已經放左花奶既芋圓仙草，自然會叫侍應請求換一換，試問佢客量咁密，我而枱唔要，隔離枱唔夠幾秒都叫番同一款，點知老闆一句:一早落單無講，無得換，即使我講完對奶類會皮膚敏感。個餐牌都無寫有奶！而家間舖野食質素無變，但已經無人情味同機械化。再好食，我都不會再幫襯。

康瑞甜品王牌係「特色仙草百配」有齊哂兩種芋圓（黃係番薯n紫係芋頭）、仙草、薏米、紅豆、西米、珍珠。再會配埋淡奶最欣賞整個甜品係微甜，如果係減緊肥既女仔食左都唔會太over quota仙草好滑滑到可以“sir”入口芋圓好煙韌而且無麵粉味。仔細啲食會食到兩種芋圓本身原材料既味道。亦即係番薯🍠同芋頭。如果一啖食幾款配料會有多層次既口感成個感覺好豐富好滿足到食甜品既慾望。仲有不可不提係佢價錢好平$25碗咋性價比咁高去邊度搵啫！但缺點係好食既野就多人爭好多人排隊！哈哈！就算買外賣都要等一陣。但無阻吃貨吃好西的決心

康瑞出名食芋圓應該街知巷聞每逢去到深水埗都要報一報到夜晚時間去等位就一係一定不過當晚我哋四個人去食15分鐘就有位之後安排到去門口出邊張枱上菜嘅速度十分之快，大概5分鐘到就已經有了今次都係叫咗呢個招牌芋圓嘅數量好多，配料亦都好足芋圓亦都十分口感黏韌但個湯偏甜

黎到呢到，行咁遠都係得一個目的，就係佢地既自家制芋圓同地瓜圓！呢間離深水埗地鐵站都幾遠，隔離間越南食店，可以直落。咁我地就當然叫左個特色仙草百配。唔，芋圓同地瓜圓味道唔錯，食到香味，亦都Q彈。但係呢，除此之外都幾多缺點。糖水味道唔夾，佢唔係台灣食開既黑糖味糖水，我地一致覺得夾埋一亦好怪，仲要加上花奶，更加唔match 。另外成碗野都唔凍，入口微涼，成碗野整體就係好一般，唔會想再食，不過店員態度唔錯，唔忍心比負評，但評價過高啦。