康瑞甜品

Open Now

Now Closed

煙韌控put your hands uppp!!🙌🏽我真係好鐘意mochi口感嘅食物而芋圓地瓜圓小丸子呢啲比起珍珠西米天然一點點間唔中食下都冇咩大影響🤤自己食嘅話我會當係正餐 (因為都夠飽xd)或者同朋友開心share下就冇咁肥啦～💡Tips:1. 嗌有仙草/豆類/雜糧嘅糖水底仙草比較低卡、豆類係健康蛋白質同碳水全部都係比較keep fit friendly嘅選擇😆My go to choices: 豆腐花、仙草百配、有紅豆綠豆薏米芋頭蕃薯的、喳咋2. 走花奶+走糖水因為好多時餐廳煮配料已經會加糖，唔洗再extra加糖漿都好夠甜，又可以減少額外熱量攝取👌🏽✅特色仙草百配 走奶走糖水 $26🍽仙草+薏米+紅豆+西米+珍珠+芋圓地瓜圓+小丸子康瑞嘅芋圓地瓜圓味道唔出，口感有點粉。比較好嘅一點係仙草好滑，唔似涼粉，而且可以走糖水所以唔會太甜。

整個星期也在咳嗽，尤其是在晚上更厲害，這夜家人了在康瑞買了雪耳糖水回家給我喝，說是滋潤養肺，很適合現時飲用。一直只知道康瑞的芋圓仙草好吃，原來中式糖水也很不錯。元棗雪耳糖水，顧名思義，元是桂圓 (即龍眼肉)，棗就係紅棗。桂圓肉性味甘平，入脾、心經，能補益心脾，養血安神。紅棗味甘，性溫，功效補脾和胃、益氣生津、養血安神。雪耳含豐富營養如高蛋白質和氨基酸，能養陰補肺，稱為「窮人燕窩」。揭開碗蓋就聞到好香紅棗味，呷一啖糖水，紅棗味中透著淡淡桂元香，甜度適中，不會過甜，也不會太淡，好飲啊。  雪耳大大朵，口感腍中仍然保留爽身，連糖水一起吃最正由於材料又生津又補肺，對於口乾、喉嚨敏感引致咳嗽的我頗為適用，當晚咳嗽真的減少了。

其實我都估唔到,當初以為呢間係一間涼茶舖, 內裡既環境格局又真係幾似一間傳統既涼茶舖, 原來竟然係出名食甜品。呢間康端甜品一向都出名食芋圓, 咁見咁出名於是就叫左個熱既西米露芋圓來同埋一個凍既紅豆沙芋圓來試喇。熱既板椰汁西米露既椰汁又幾香, 西米都一粒粒好分明, 而重點既芋圓又真係比預期中好食, 尤其係蕃薯芋圓, 勁香蕃薯味,而個芋頭都勁重芋香。紅豆沙方面, 紅豆沙既口感好正, 紅豆又大粒而又夠沙, 唔會太甜岩岩好。

黎到深水埗點都要食下康瑞甜品 一嚟佢係深水埗比較上出名啲鋪頭 二黎佢芋圓真係好正 同埋佢係較早期開嘅一間有芋圓嘅糖水舖頭 依間我已經食過幾次啦 每次黎食都冇令到我失望👍🏻佢個餐牌嘅款式唔係特別多 所以好快都會揀到自己想食啲咩㗎 鍾意食芋圓嘅人就一定會揀佢嗰幾款有芋圓嘅糖水 同朋友叫左兩款唔同嘅糖水返去食食椰汁西米露配芋圓 地瓜圓 小丸子我朋友話要養生所以佢食咗個熱嘅椰汁西米露配芋圓地瓜圓 小丸子甜到啱啱好 椰汁味香濃 唔會搶咗芋圓地瓜圓啲味 份量十分之多 熱嘅反而會食到芋圓嘅芋泥味地瓜圓就有甜甜嘅番薯味 而且芋圓同地瓜圓食落去比較香軟 仲有椰奶紅豆沙 配芋圓 地瓜圓 小丸子紅豆沙煲到起晒沙 食落去好有層次 有芋圓嘅煙韌感 再加上粒粒紅豆 口感方面一流 仲有少少椰汁嘅香味 同紅豆沙十分之夾

這家店是每一次來到深水埗都必定要來的！這裏是標榜手工自家製的芋圓，所有芋圓都是每一天新鮮製成，吃起來十分有口感， 十分軟熟，而且很有芋頭香！除了芋圓之外，另外的地瓜圓和紫薯圓，都有濃濃的味道，吃過一定會很難忘的！他點了酒釀桂花配芋圓，帶有淡淡的酒香，配合桂花和蛋花，令甜湯很滑，加上地瓜圓和很煙韌的小丸子，十分搭調，想吃清一點的話，點這個就最適合了。另外還點了椰汁西米露配芋圓，椰汁很香很滑很濃味，西米亦很足夠，熱食會更美味！

好耐冇食過芋圓，聽朋友講係深水埗有間食芋圓幾好食，於是就決定買個外賣返去試下去到餐廳，原來除左芋圓仲有出名仙草餐牌選擇以芋圓為主，仲有小丸子同地瓜圓最後叫左個椰汁紅豆沙配芋圓，地瓜圓同小丸子，起初以為只可以揀一樣，原來三種都有哂！椰汁味幾香，但唔會蓋過左芋圓佢地既味道，紅豆沙既豆都煲得岩岩好，唔會過淋或過硬，一次過可以試哂三種真係太好，而且價錢都唔係貴，$30有找，路過深水埗既朋友可以去試試呀，下次去都要再食呀！

夜晚同班friend食完飯未想走，所以去左出名芋圓好食既康瑞食甜品😋雖然九點到外面已經有品少人等緊，不過等地五個等左唔洗五分鐘就入到去食～我同另一個friend叫左最出名既特式仙草配，芋圓，地瓜圓同小丸子都好軟滑，同係台灣食既芋圓好似，夾埋清爽既仙草食好正！糖水都唔太甜，我次次黎都食依個有friend腸胃唔好就叫左暖胃姜汁配，姜汁真係好暖胃😂而且都係唔太甜，好夾芋圓！另外有人叫左椰奶紅豆沙配，紅豆沙有起沙，而且都係唔太甜，好食！仲有個叫左酒釀桂花配，中意飲酒應該幾中意，而且桂花好清新，唔會好膩！最後我地share左個糖不甩，無咩特別，不過裡面有花生餡，好夾啲花生！總括而言係一間唔貴，值得一去再去食芋圓既甜品舖！

好耐以前去過康瑞甜品食芋圓 一試難忘🥰之後每次講開深水埗第一個諗起嘅地方就係佢啦！今次黎深水埗鴨記買開野 之後又無野趕咁就梗係去揾下康瑞胡老闆🤗點知原來四點鐘先開門 真係唔憂做啦🍇仲要等多15分鐘 唯有去斜對面間7-11睇下雜誌睇到4點05分過返去赫然發現鋪頭已經八成滿即係話呢5分鐘入面已經有廿幾三十人入左去Turnover又快 老闆真係豬籠入水啦🤫例牌要招牌「特色仙草百配」我anytime 養生mode on 一定係食熱嘅😉睇起上黎平平無奇 實質內有乾坤材料有芋圓、地瓜圓、小丸子、紅豆、西米、薏米、仙草、奶粉圓有口感唔再多講佢d仙草整得又薄又煙韌！究竟係點做到！同埋平時食甜品叫熱野好易過甜呢度甜度就啱啱好啦☺️ 大滿足呀🥰幾年黎完全冇退步過👍🏼

食完飯梗係要食返個甜品先至圓滿，突然間心血來潮好想食芋圓，偶然嘅機會下比我搵到呢間專食芋圓嘅糖水舖康瑞同一般嘅糖水舖唔同，佢唔會好似其他糖水舖有好多唔同種類各式各樣嘅甜品，因為佢哋專注做芋圓點解我會話適合三心兩意嘅人，係因為糖水可以一次過有哂芋圓，地瓜圓同小丸子，三款都係我好鍾意食嘅嘢，食完辣野食碗綠豆沙清下熱就最適合不過，綠豆沙唔會好甜，都唔會稀到好似水咁，芋圓既大細都適中，撈埋綠豆沙一齊食真係幾好味！

復活節假期最後一天來到深水埗買東西，想起食芋圓，當然想起康瑞啦！下午三點來到，原來四點才開門，繼續行街，之後再來食😋四點多再來到，門口已經有人等位，拎飛後在門口等左一陣有位了。趁等位時間可以先在門口洗手盤洗洗手。我點了一個特式仙草百配，其實係乜都有。 喜歡有暖的選擇。我不吃凍野的。一路食一路覺得好好味😋感覺好養生的，薏米，西米，地瓜圓，芋圓，小丸子，還有仙草。超鐘意食😆細味下，芋圓是有芋泥味道，地瓜圓是有甜甜的蕃薯🍠味道朋友簡簡單單點了綠荳沙，正常野！

康瑞甜品係我眼中大份又抵食! 雖然唔係成日食, 但有時都會心思思想買一碗^^今日放工突登黎呢度買一碗番屋企, 因為天氣有D焗, 唔想食飯既話其實食一碗都夠飽!!!今次都係揀左<<特式仙草百配>> $26入面有好多配料, 包括: 芋圓, 地瓜圓, 小丸子,珍珠,意米,西米等.芋圓, 地瓜圓等都係標榜自家每日新鮮製造!仙草好滑而且味道甘涼^^ 芋圓, 地瓜圓好煙韌, 而且都食到原材料既味道我mami食過都覺得OK! 而且覺得性價比好唔錯呀~

夜晚喺深水埗食飽飽，行咗兩個圈睇完電子產品，口痕好想食嘅糖水，記得深水埗有間食芋圓嘅甜品譜好出名，大食妹即刻發揮foodie 本色將佢搵山黎就系你喇- 康瑞甜品！！8點幾去到唔駛等位就可以入座望下個menu ，其實選擇唔算多，黎黎去去都係紅豆沙、仙草、西米露等等咁隔離嗰個都嗌芋圓，幾飽都要揀返有芋圓的甜品<特色仙草百配$26> (好味:4/5) (抵食:4.5/5)好豐富嘅配搭，有芋圓、仙草、西米露、地瓜圓、小丸子。。。芋圓、小丸子好煙un ，仲要超重芋頭同地瓜味，食完有幸福滿滿嘅感覺仙草好滑，仙草味好fresh，加埋椰奶點綴真系無得輸<椰奶紅豆沙配$26> (好味:4.5/5) (抵食:4.5/5)紅豆沙煲到起沙，好感動呢芋圓、地瓜圓一樣咁好食，值得一提的是椰奶配紅豆沙多左份香滑感，好味呢好彩大食好早到，落左單冇耐出面條人龍愈黎愈長，到走個陣排左差唔多廿個人，康瑞的名氣果然系名不虛傳

因為係附近食完大排檔既關係見到附近有糖水就入左黎啦望到個menu嘩頭先仲諗緊食咩好 因為身體唔太舒服既問題 點知原來係有多款養生糖水而我就揀左桂棗雪耳糖水個糖水好暖好舒服一開始我驚佢會落好多糖落去令到佢好甜但係食落原來係無既 甜度係岩岩好~仲有係真心多雪耳 食完大排檔係熱氣野再飲一碗暖胃又暖喉的糖水 真心開心我地4個人有3個都係飲桂棗雪耳糖水只有另外一個friend叫左特式仙草百配芋圓、地瓜圓、小丸子望落去雖然無桂棗雪耳糖水咁吸引但係原來佢地既特式仙草百配係主打試左啖食落去全部都係煙靭野但係好足料 成碗都係芋圓、地瓜圓及小丸子所以大推，下次黎要試其他野!

由一間涼茶鋪變成甜品鋪，心諗佢既甜品都一定健康啦哈哈。每次黎到都一定要食返碗特式仙草百配，啱曬鍾意食煙煙靭靭既我。一碗有齊所有煙靭既美食，芋圓煙靭有芋頭南瓜粒、珍珠夠甜、仲有小丸子同大小西米，除左一眾煙靭仲有薏米紅豆真係超足料。最後仲有仙草既襯托，真係一碗令人滿足既甜品～

呢間糖水店小編由醫管局街食到荔枝角道.特色仙草百配地瓜芋頭芋圓、薏米、西米露、紅豆、、小丸子、仙草再加上濃濃既淡奶唔同既口感，煙煙韌韌得黎又滑劣劣食完飯再食返碗，幾飽都有第二個胃🤤.人均消費：$26推介指數：👅👅👅👅👅👅👅👅👅（9/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻🤙🏻（9/10）