康瑞甜品

Open Now

Now Closed

如果黎深水埗食甜品，一定唔可以唔識「康瑞甜品」！呢間甜品次次黎到都好多人，一定要等一陣位。今日好好彩，等左十分鐘到就有得入。呢到大部分甜品都有得揀凍/熱，而家入秋天氣涼涼地，我就揀左個「酒釀桂花配芋圓、地瓜圓、小丸子」。一碗甜品咁多料都只係$26蚊，性價比超高，唔係水多過料。食落去甜甜地有桂花味好fresh，朋友覺得甜得滯，但我覺得ok。芋圓真係有芋頭味，但地瓜圓就冇乜。小丸子唔硬而且好煙韌，高質！

#中意嘅請分享請點讚🍻----------😋特式仙草百配 $26呢款糖水有好多配料勁豐富，有芋圓、地瓜圓、小丸子、仙草、西米、珍珠、薏米、紅豆。糖水可以揀凍/暖，而且唔會太甜，芋圓/地瓜丸/小丸子都好煙韌，但又唔會太硬，係岩岩好🥰。仙草加埋咁多配料，食完係大滿足🥳。----------佢地宜家搬左舖位，但都好多人排隊好多人支持，水準都keep到💪🏻，重點係#黃店。----------🔎康瑞甜品🚩深水埗荔枝角道323號地舖

深水埗有好多糖水店，價錢全都十分相宜，離地鐵站有少許遠的康瑞甜品卻十分值得去。店內位置也確實多，不過坐位很狹窄。點了個特色仙草百配，有涼粉、西米、紅豆、薏米。另外還有芋圓，地瓜圓，圓類十分煙韌。整個甜品好多料，有不同的口感，軟硬兼施。20多元可以食到不同的食材，非常抵。椰奶濃度不夠，如果有多一點會更好。

每次黎到都要等位，但每次都係會照等😂😂真係好中意食佢地既芋圓🤤🤤最愛就係梛奶紅豆沙配芋圓🤤🤤正正正！如果fresh d 無咁甜既選擇就會係特式仙草百配芋圓🤤兩個都好推介！價錢仲要好平又好食，十級推介！甜品仲要黎得好快，叫完就好快食得，正🤤🤤🤤👍🏻

難得地去左深水埗同朋友聚會，食完晚飯梗係要食埋甜品！呢間舖頭芋圓係首選，唔硬唔粉夠Q彈，好好味～另外地瓜圓勁香，口感一流！雖然舖頭長期多人排隊，但好快有位！而且員工又有禮貌服務又好，嚟多幾次無妨。

夜晚散完步過來食宵夜，呢度嘅糖水好食價錢又親民。呢排食得最多嘅喺椰奶紅豆沙配芋圓，整碗料畀得好足，紅豆沙配椰奶，更加香甜，加上口感超正 好煙韌嘅芋圓，勁好食 啊！呢度喺真嘅好抵食！非常推介！！

已經係第二次黎幫襯康瑞了~ 好港式風格的一家糖水店 (之前好似係涼茶店黎架, 後來轉賣糖水.. 唔知點解好鐘意呢個轉變歷史… 覺得好特別) 地方細細 幾整潔 甜品款比起新式甜品店, 唔算多, 但對我黎講 款款都好吸引! 主要都係中式糖水, 可以選配要埋三種圓 (芋圓, 地瓜圓, 小丸子) ~~ ( 打呢篇食評時先發現.. 原來可以將三圓轉:: 芝麻, 花生, 湯丸 不過呢度出名既係三圓, 我緊係無轉到~ )  上次黎好似係食 椰汁西米露配三圓~ 今次就試下 椰奶紅豆沙配芋圓, 地瓜圓, 小丸子 $26 (熱)(凍熱同價)其實呢度既糖水係真心足料既, 價錢亦好似去返十幾年前既香港咁 難怪一到夜晚就要排隊… 紅豆份量好多! 混合適當椰奶, 令到成碗都富有奶香呢~ 係我鐘意既味道!! 芋圓 :: 係香港少有地食到真係有芋頭味既芋圓, 口感煙韌~ 地瓜圓 :: 呢隻個口感就偏向軟身, 地瓜味道強烈, 比芋圓更強烈! 想講芋圓同地瓜圓既份量都係好多! 仲多過小丸子 呢度既 小丸子 係細size, 軟糯感重! 因為太細粒, 建議幾粒丸子一齊放入口 就會好明顯食到佢地既軟糯~ 整體 係令人滿意

Weekend難得出深水埗食lunch，一於食埋糖水先走。4點一開鋪，即刻走入去埋位等食。店鋪環境舒服，望落新淨，收銀牆壁貼左小朋友既畫作。👇🏻睇岩幾款都想試👇🏻特式仙草百配✅足料、豐富、有咬口▶️一碗有齊好多料，貪心人士必選👇🏻酒釀桂花配芋圓、地瓜球、小丸子（熱）✅酒味適中、蛋花滑✅小丸子全熟、有咬口（Size偏小）▶️見到有米粒係糖水之中👇🏻暖胃姜汁配湯圓（暖）✅夠辣味、蛋花滑、芝麻湯圓

身為港島人，好少有機會去到深水埗食，今次趁係附近游完水就好想食呢間嘅芋圓糖水🤪鍾意食煙韌嘅嘢首選就當然係特色仙草百配啦，一款有齊晒蕃薯、芋圓、仙草，真係咬口十足，好正！特別在乎除咗係食糖水之外，其實仙草係清熱解暑嘅食物嚟架。同埋呢間嘅份量都幾大碗，食完都幾滿足，仲要一碗都係$26，好過就咁飲一杯奶茶啦👍🏻而且叫咗就好快有得食，啱晒心急想食到嘅我！

要帶狗仔幸幸去CityVMC診所覆診，之後就去了出面的《康瑞甜品》食甜品醫下肚。讓我食唔停口既就是這個《秘制軟滑糖不甩》，湯圓皮薄煙肕，黑芝麻內餡味濃，配上花生及椰絲，口感豐富。老公就點了《椰汁西米露配芋圓、地瓜圓、小丸子》，很創新的組合：中式糖水配上台灣味道。芋圓、地瓜圓口感唔錯，但椰汁西米露味道比較淡，還是上次食紅豆沙比較好味(可能味道比較濃厚)。我的狗仔幸幸都不禁眼睛釘著桌上的美食糖水店外面有餐台，十分貼心的設計，所以我們可以同狗仔一起吃，不會騷擾其他食客。

專登食完飯揸車過嚟食碗糖水 皆因有人話呢間嘅芋圓好出色地方好易搵～因為夜晚成條街就得返佢一間 開晒燈又有人排隊兩個人大概等左5分鐘到就可以入去啦！原來除咗芋圓之外 呢度都仲有一啲懷舊中式糖水款式唔算多 但勝在好多都可以自己mix & match一人一碗唔使爭特色仙草百配（ $26 ）、椰汁西米露配芋圓（ $26 ）超大碗啊！對於食飽飯嘅我哋嚟講 呢個份量有啲太多仙草百配就擺到明咩都有啦～芋圓、地瓜圓、小丸子都有齊！再加埋西米、薏米、珍珠、仙草對於貪心嘅我來講 真係滿足到我三個願望！不過對於話佢嘅芋圓特別好食 我就有啲保留啦～因為食落去有啲實同有啲硬而且芋頭味唔係特別明顯⋯⋯反而我覺得佢嘅仙草好食d喎！不過下次想食傳統糖水 我地或者都會再考慮呢度㗎！

今時今日糖水舖周街都係，但係正宗台式嘅少之有少，今次黎到深水埗試一試台灣傳統甜品🍡芋圓張梁點餐👦🏻🧒🏻$26 特色仙草百配(芋圓、地瓜同埋小丸子)評分（10分滿分）：7️⃣食評💬：芋圓彈牙有口感，不過料略嫌唔夠多，雖然我鍾意食多水既糖水，但啲料唔夠我每啖都有一粒芋圓😣讚嘅地方係奶精佢係分開比嘅，自己想落幾多就幾多👍🏼$26 熱酒釀桂花配(芋圓、地瓜同埋小丸子)評分（10分滿分）：6️⃣食評💬：只提供熱食，不過其實只係暖😢配合蛋花同桂花係幾特別嘅，不過試一次就夠了💪🏼康瑞甜品📍深水埗荔枝角道323號

每次去深水埗都會去康瑞食糖水👍🏻如果吾想排禁耐隊，就早d 去食😉今次擇左特式仙草芋圓😋呢間芋圓好好味，吾會好硬，有Q 彈既口感，用料又足😍💯👍🏻如果食芋圓食得多， 想轉下口味可以試下👍🏻"熱既酒釀桂花小丸子" 😋之前食過味道幾好，值得一試😋

見佢芋圓比較出名，去試下啦，款式不算太多，價錢唔貴，叫左碗招牌貨，成碗大部分為燒仙草，其他芋圓果啲不太多，碗野不太甜，地方十分淺窄，食一陣起幾次身過手推車仔，太多人不宜去，總括來說普普通通，不需特登去，經過就無妨。

係深水埗食完飯第二個胃又開始餓係OpenRice搵到呢間深水埗排第一的甜品望望個餐牌，廿幾蚊就有得食芋圓？！拿拿林想過嚟試下，嚟到門口已經勁多人排隊等緊了餐牌圖文並荗方便客人揀選選擇唔算多，但勝在價錢十分相宜！特式仙草百配(芋圓、地瓜圓、小丸子) $26廿幾蚊有齊各種圓﹑仙草﹑珍珠﹑西米﹑紅豆等等咁多料可以話食非常之抵呀芋圓同地瓜圓係店家親手製作，不是粉開，粒粒分明，食落口感非常真是煙韌Ｑ彈！整體甜度亦適中，屬於清甜唔係死甜果種非常豐富而高質的一款甜品桂棗雪耳糖水 $21呢一款同樣係淡淡甘甜，非常好飲雪耳好足，再加埋少少龍眼肉同珍珠，同樣充滿豐富口感而潤喉康瑞甜品整體評分★★★★地理環境★★★要深水埗行遠少少近荔枝角道環境格局細小，人流多，要排隊服務★★★★態度良好上菜快食物★★★★★平！靚！正！選擇唔多但簡而精！價錢＄非常抵食！