康瑞甜品

Open Now

Now Closed

自店鋪剛開張不久，在朋友介紹之下，每次經過深水埗都想來吃一個特式芋圓，無論天氣酷暑或寒冷，都必點個涼的。喜歡佢地既芋圓夠煙um，好有口感，不會太淋或太粉。甜品最怕太過甜，但佢落既冰糖份量岩岩合晒我口味，又夠滋潤。特式芋圓內的料很足，又有椰汁西米、紅豆等等，很有滿足感，且顏色賣相討好，$26一碗，實在很抵食。店面細小，裝修簡單唔奢華，店鋪位置位於大馬路旁，亦很容易搵到。至於員工服務方面，本人覺得每次去都有唔同既體驗，今次我覺得還好。

住得係深水埗由佢喺小店食到佢開到大店，如果要食仙草芋圓嘅話，食過咁多間我最鍾意嘅都係呢一間，清清地 甜甜地食個糖水過吓口引。平時夜晚最鍾意放工買一碗屋企食，見到老闆同老闆娘都仲係格外親切，如果夏天唔係好飽嘅就可以食碗特色仙草百配，配料夠多又有仙草又有芋圓，加埋奶食超滿足。而家冬天嘅話大家都不妨試一試佢嘅薑汁蛋花湯圓或者芋圓。佢嘅湯圓細細粒好煙銀，芝麻餡料清香，每一次食完都暖透心🤗

在大南街附近看完展覽，行到附近的康瑞甜品食仙草芋圓康瑞以前不是在荔枝角道。因為搬離了ssp，我也有幾年沒吃，對上一次是搬舖前。當時主要賣涼茶，仙草芋圓是其次。可能本是涼茶店的關係，仙草真的很似涼茶！舊舖同一條街隔幾間舖，有一間上海食店，有個counter賣仙草芋圓的，當時是位台灣阿姨in-charge阿姨問過我那一間好吃，我告訴她台灣阿姨的較好吃台灣阿姨就告訴我，是她教會康瑞弄仙草芋圓哈哈，不知是真是假，這些也是做街坊生意，熟客閒聊才知道的秘密吧~幾年後的今天再試，覺得康瑞的芋圓比幾年前進步了。分量依然豐富，仙草依然是濃濃涼茶味。芋圓夠煙韌又有芋頭和蕃薯味康瑞的仙草，我會形容是港式的仙草比台灣的硬一點，又未到涼粉的硬，味道也濃如涼茶所以一定是香港地道化的仙草康瑞也算學有所成！

大學時期最想去食嘅糖水舖一定係康瑞，好多時候同朋友聚完餐就會去看說嘆番個糖水，尤其是自己都係芋圓控，康瑞都算係芋圓始祖大哥大，好多時候見到鋪頭坐滿人，所以好可惜既係，食完都唔好意思坐咁耐吹水啊🤭🤭😣店面較小，食客來到很大可能要等位，所以不少食客都會選擇買外賣回家。💝特式仙草百配康瑞以芋圓作主打，每款糖水都會附配芋圓、地瓜圓及紫薯圓，當然必嗌特式仙草百配，芋圓味道濃郁，不會被糖水蓋過，煙韌又不黏牙，煙韌程度啱啱好。個人最鍾意加埋奶球，口感綿滑又帶濃濃奶香。整體味道配搭互相配合！一邊除咗芋圓，仲有好多其他料👍🏻💝桂棗雪耳湯底配芋圓除咗最經典嘅仙草芋圓，個人亦都非常鍾意呢一款桂棗雪耳湯底配芋圓，經典嘅中式糖水，夏天飲一碗好清爽，冬天飲又好滋潤，同埋一樣照舊唔少料！

在深水埗提起芋圓，一定會想起康瑞甜品。康瑞甜品主打台灣仙草、芋圓、番薯、小丸子做配料的中式糖水，充滿台灣特色，又不失傳統糖水口味。這次叫了酒釀桂花配 (祇限熱)一打開透明膠蓋， 桂花香氣撲鼻而來。蛋花十分香滑，與糖水十分匹配。 桂花的香氣不單止在聞上去很香，吃進口裏的時候，也會在口腔及尾韻裡傳出來。底層材料豐富， 有芋圓，地瓜圓，小丸子。 非常有口感，不會過於煙韌。難怪晚上這麼多人排隊。下次要試牌主打特色「仙草百配」。

晚飯後當然要食返個甜品先算得上完滿的晚上。喺深水埗食完晚餐跟住經過康瑞甜品，之前都聽過朋友力推呢間中式甜品店。叫咗芋圓綜合，芋圓有地瓜同芋頭兩款口味，呢種味道都好好食，好煙韌又有蕃薯同芋頭味，食得出真係土口工芋圓

同屋企人喺深水埗食完晚飯，意猶未盡，發現原來我哋就喺康瑞附近，當然唔可以錯過。作為自家製芋圓專門店，甜品大部份以芋圓做主打，配合各種冷熱糖水，配搭雖然唔多，但基本嘅紅綠豆沙、西米露、薑汁、仙草同酒釀桂花都有齊，鍾意食中式糖水嘅話的確係一個好選擇。我揀咗椰汁紅豆沙配，加入芋圓、地瓜圓同小丸子，紅豆沙唔出色，起沙效果唔太明顯，似食緊穀物粥，另外芋圓同地瓜圓唔煙韌，煮得太稔冇乜口感😢有啲失望，真係非常一般⋯⋯特式仙草百配除咗有仙草、芋圓同地瓜圓，仲有珍珠、薏米、紅豆、西米同小丸子，配搭相當豐富，味道微甜，感覺好清潤，雖然芋圓同地瓜圓口感都係太稔，但有煙韌嘅珍珠同清爽嘅仙草搭救👌🏼糖水另外配有植脂奶，可以自己加入糖水同調較份量，不過個人認為唔加比較好味。作為一間標榜賣芋圓嘅糖水店，佢嘅芋圓同地瓜圓的確令人失望，但糖水底不過不失，下次或者試吓凍嘅糖水會好少少。

一個豐富既糖水只需要 $26 係幾抵食最抵係叫 1 號既仙草凍，好多配料。其實所有配料都係正常發揮水平，唯獨係芋圓比較出色少少，因為芋頭味好出，又唔會硬，但亦唔會令我一試難忘。不過仙草係勁難進食，成日都溜走，其他糖水店多數唔會咁難。可能因為佢係用膠匙羹，其他糖水店有時會用不鏽鋼，會比較容易用黎切開 d 仙草。而 d 珍珠就偏硬少少。整體來講，未必會再黎食第二次，因為無乜特別驚喜。基於性價比高，環境都舒服企理乾淨，芋圓 ok , 員工態度都 ok , 都值得畀個好評 ~~

喺附近食完大排檔都想食返個甜品 之後就上網查下有邊間芋圓好食 咁都見到有好多人推介呢間我就去咗試吓 開始睇門口好多人點知原來唔使等位因為好多人都係買外賣入到去坐低雖然有啲熱但衛生都可以 咁呢間甜品舖最出名就係芋圖 我哋叫咗兩個試吓 第一個就係特色仙草百配芋圓，地瓜圓同小丸子 有椰汁西米珍珠仙草椰奶同紅豆 非常足料 仲有凍同熱揀tim第二個就係椰汁西米露配芋圓，地瓜圓同小丸子同樣我都係叫左凍嘅 但呢個同我預期之中有落差因為得啲西米，椰汁同芋圓 相比第一個簡直係天同地比 所以我強烈推介大家一定要食1號特色仙草百配！！！呢度衛生OK員工服務態度都算OK 食物上菜速度非常快 值得再黎🥰🥰

今次黎呢間店係因為有fd推薦，話有又平又好食既芋圓店，餐牌全部都唔過30蚊就知真係好平！ 我第一個叫既係特式仙草百配芋圓、地瓜圓、小丸子，要既係凍既。黎到真係幾大碗，20幾蚊有咁多料，五顏六色就知有幾抵食第二碗叫既係椰汁西米露配芋圓、地瓜圓、小丸子，雖然本身想試下暖既，但店內有啲熱，所以都係叫咗碗凍既試下～呢碗同第一碗係完全唔同，白雪雪，但椰汁味好濃郁，西米露份量都好充足！po咗上story，fd都問我係邊買到咁平！即刻外賣多盒走！下次一定再光顧

今日好難得咁早左放工，突然好想食糖水，就專程去康瑞甜品，買飯前甜品番屋企食有選擇困難症既我諗左好耐，最後叫左特色仙草百配，入面有芋圓、地瓜圓、小丸子近排天氣涼涼左好多，我就叫左熱既，可能未到正常收工時間，無咁多人，等左一分鐘就有得拎啦終於可以試到大名鼎鼎既康瑞芋圓，果然無令人失望，芋圓煙韌，細細粒好易入口，而且有咬口份量好足，一下子就成碗食曬，食到好飽好滿足，搞到晚餐都食唔落下次應該早啲食飯，叫呢個做飯後甜品，做宵夜一流

好朋友極存推薦呢間位於深水埗嘅 店，其實唔係太近地鐵站，地址係深水埗警署都有少少，但係夜晚時段（我哋係大概8:00），已經需要等一陣先有位，非常之旺場。入到鋪頭又有一啲好有特色嘅瓷磚，係香港嘅感覺！菜單上面唔算太多甜品，大部份都係中式嘅糖水。我點左桂圓紅棗雪耳配三丸🍡$263丸分別係  、地瓜圓、 ，桂圓紅棗唔係太甜，好清新嘅感覺，但係同三丸有少少唔係太夾。但係佢嘅原地關員小丸子都非常好食！好煙銀有口感，彈牙得來唔太甜！另一碗係酒釀桂花配三丸🍡$26呢個真係要俾個讚佢！蛋花整得真係好靚，食落都好好味😋酒釀丸子唔會酸，加上三款唔同丸子，好推薦的一間。

Recommended by my friend, we start going to this shop a year ago. I like to order number 1, 特式仙草百配。 apart from 仙草， there are different ingredients like 芋圓，小丸子，珍珠，紅豆，薏米which satisfy my needs。 仙草十分軟滑，芋圓十分煙銀，再配合特色台灣奶精，把整個甜品發揮得淋漓盡致。如果鍾意食仙草芋圓既朋友一定不可錯過。最後，個人建議加入少量刨冰，另整碗甜品溫度下降，口感味道會更佳。強推。要讚一讚職員，當我係出面排隊時，他會主動給櫈我坐低等候。

名過其實—康瑞甜品出深水埗食飯，一於食埋糖水先走！由於有人話呢間嘅芋圓好好食，所以今日終於去到試！呢道環境有小小逼，但係都正常既，細細間糖水舖！今日我地就叫左兩款糖水！特式仙草百配(凍) $26百配有仙草，西米，紅豆，珍珠，薏米 , 芋圓，地瓜圓，小丸子，糖水小甜，芋圓(小許芋頭味) 與地瓜圓(小許蕃薯味) ！椰奶無咩味。份量都幾大碗幾足料！叫咗好快有得食！但我不覺得佢嘅芋圓特別好食，但係係好過一般糖水舖小小既！仙草反而幾好食！椰汁西米露配芋圓（ $26 ）都係好大碗啊，但無咩椰汁味！配上西米同芋圓，份量較小！總括來講，正常！質素Okay的！但不會特別推介！試過一次就夠！

食完飯口痕想食糖水，咁岩經過康瑞就入左去叫左特式仙草百配，因為有晒我最鐘意食既仙草芋圓紅豆同西米，仲要只係$26勁抵食！諗住平野唔方好食啦，點知勁好食，d 芋圓真係有芋頭味，而家亦好有咬口，仙草勁滑，唯一美中不足既係佢冇問過我地就幫我地落左奶，因為我覺得已經好夠味，唔需要落奶，所以下次要講左先😂