康瑞甜品

Open Now

Now Closed

味道：⭐️⭐️⭐️⭐️⭐️最初既係一間醫館🏥由於呢度既芋圓太受歡迎 就轉型轉賣糖水每次嚟食都依然人山人海👭🏻👫🏻👬🏻❶特色仙草百配 $26 （冷熱同價）就算天氣再冷 都係偏愛食凍既糖水❄️零舍有一種透心涼既快感🥶呢一碗糖水就有齊晒我鍾意食嘅配搭😚芋圓、地瓜、小丸子、仙草 樣樣齊👍🏻一來 成碗糖水唔會過甜🍬二來 仙草滑溜、芋圓同地瓜既口感都係軟硬適中 又夠煙韌😈最重要係 20幾蚊就有交易 非常抵食💰💰每次經過總會抵擋唔住美食嘅誘惑😈

人氣甜品店，長期有人排隊，特登去買外賣返屋企試下。 要咗一個招牌仙草百配，應該係店中最受歡迎的甜品 ，下單等一會就有得攞啦。仙草白配 $26 ，材料很豐富， 有仙草，薏米小丸子，地瓜圓，芋圓 。上網睇這店的仙草和芋圓/丸子都是自家製的。仙草滑嘟嘟， 芋圓/丸子細細粒好Q彈， 帶有少少微甜。整體很配合很夾 ，值得再幫襯。

自問係個芋圓控宜家連男朋友都被我感染埋今日竟然係佢主動撩我想食芋圓本身我哋打算近近地去大角咀某小店但男朋友想食附有多啲湯水嘅芋圓所以就第一時間諗起深水埗呢間康瑞甜品一去到都幾多人叫外賣看來香港都好多人喜歡吃芋圓今次試以下兩款：特式仙草百配～有芋圓、地瓜圓、小丸子。每粒芋圓都係bite size！啱哂慢慢食另外叫左個暖胃薑汁配芋圓、地瓜圓、小丸子。薑汁有點辣但很適合冬天食呀！仲有好多唔同嘅組合，下次再試。

相信大家應該都有黎食過呢間嘅芋圓🤪因爲佢地嘅芋圓實在太岀名了！食完晚飯心思思仲想食甜野，就黎買左個外賣返屋企食啦❤️•🍨椰奶紅豆沙配芋圓(HKD 26)睇到相就見到有幾咁多紅豆同西米😍！！！雖然咁多豆，但食落係超滑身，唔會成口沙痴哂牙。椰汁味好濃郁，一碗有齊地瓜圓、芋圓同小丸子，而且數量都好充足👍🏼食落煙煙韌韌，好有咬口。依家疫情晚市無得堂食，但外賣自取速度超快，買左5分鐘都冇就已經拎得啦👍🏼😍

以前不嬲唔食芋圓，粉雷雷的，又冇咩味道，唔會嘥呢啲Quota。但自從上年食過一次康瑞的鮮草百配芋圓，便愛上了。每月總心思思去食返一兩次，多數是外賣回家慢慢嘆。今天一樣是買了鮮草百配，回家自己加椰汁，另一碗是薑汁配，走了蛋花。鮮草百配，材料豐富，唔太甜，甜度個人來說十分適中，外賣會配上一小個coffee cream，但我較為喜歡配上椰汁。 薑汁比較辣和甜，自行加了少少滾水（個人口味），芋圓蕃薯丸都好煙韌，有芋頭味有蕃薯味，唔會好似其他糖水店咁，只知食緊一舊甜嘅粉團。

人在 深水埗-荔枝角道 , 就沒有不去 💛 「黃店」康瑞甜品 吃甜品的理由 ~人氣旺店 , 長期排大隊 , 不過只要啱時間 , 例如等開舖 , 做等一枱客 , 那就可以安安樂樂 , 吃得自自在在 ~Menu ~仙草百配 : 招牌貨 , 賣到開巷 , 我每次都一定會點來吃 , 據報所知 , 這店的仙草和芋圓/丸子都是自家製 , 仙草滑嘟嘟，芋圓／丸子煙韌韌，甜味不會過份甜 , 味道好難去形容 , 但就是好吃 ~糖不甩 : 在彈牙糰子上黏上很多花生糖，咬落香口，吃落香甜又不失傳統之味 ~本篇完 ~

重記得好多年前佢重係間涼茶中醫鋪只係順便賣埋芋圓 點知大受歡迎🤣🤣所以就獨立開咗間舖依家每次去幫襯都要等位 好多人🤣.特式仙草百配 $26.仙草百配算係店中最受歡迎因為咩都有 可以試曬咁多款配料(珍珠 芋圓 地瓜圓 小丸子 紅豆 薏米 西米)食過幾次 每次水準都keep到各款配料都好好味👍🏻仲要價錢唔貴好抵食⭐️多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️

味道方面：點左芋圓紅豆沙同西米露 一般般 仔細食才品嚐到芋頭味 沒有特別出色 慕名而來有啲失望 環境方面：未入店時 係出面等位等左15mins左右 好多人 環境逼 深水埗仍有很多其他甜品店選擇 我下次會選擇食其他店

係附近返工都唔知有間咁嘅好嘢，直至細佬介紹先一齊去食。3點鐘先開門，因為疫情又趕住喺6點之前去堂食，好彩趕得切😊最後叫左個養生紫米露配芋圓大份，抵食，又好味😋紫米露一向都鍾意食❤️啲芋圓又真係俾我食到有芋頭味，唔係一食就有，而係咬完要吞個下有陣味出左黎🤭是幻覺嗎？哈哈🤭🤣🤣

聽講呢度芋圓好出名，行過買返屋企試下先。叫左個招牌仙草百配，同酒釀桂花配，天氣凍，要食d熱糖水。仙草百配-好多料，食呢碗野都幾飽下，仙草幾好食，芋圓/地瓜圓都幾多，同埋好多豆酒釀桂花配-個酒釀略嫌唔夠香，桂花都冇咩味，芋圓/地瓜圓都幾多，但我覺得唔夠彈牙，一般般，反而個蛋花整得幾好，啱啱好，好滑整體服務都幾好，落單快，等左5分鐘左右就拎得

又一間唔使多講嘅熱門糖水舖，味道十年如一（連價錢都如一）你話幾難得。仙草夠滑（試過熱食口感會有點黏口，個人比較喜歡凍食)，芋圓細細粒好好咬口，雖然細細粒但係芋頭味都好出！珍珠夠煙韌，西米唔會醬住一舊，所有配比都做得恰到好處。做得我心目中嘅三甲，都證明我食過唔少次。試過香滑腐竹蛋、桂棗雪耳、椰汁西米露、紫米露、但都超唔過我對特色仙草的喜愛！不過有個少少建議，店舖用的係即棄奶球，變相會棄置好多奶球的包裝盒，有點不太環保。

冇得出境，冇得搭飛機，冇得去台灣，冇得食台灣最出名嘅芋圓，唯有粗粗地喺芋圓專門店食當去咗台灣🤣🤣🤣聽講呢間甜品店的芋圓是自家製的，仲係超受大眾歡迎，仲要各款甜品都係價廉物美，性價比超高呢款甜品係真店之寶-特色仙草百配即係有涼粉、西米、椰汁 + 各色芋圓甜度適中，大大碗都只係$26咋，我最鍾意佢有凍、暖可供選擇，真係超級窩心♥️呢個係養生紫米露配芋圓同出邊啲紫米露差唔多，不過都幾足料，戶縣都幾多下，最緊要咁大碗都係$26咋，應該係出邊都好難搵到咁嘅價錢同埋咁嘅質素👍呢款叫秘製軟滑糖不甩湯圓超級軟滑、超級好味😋再加上我至愛嘅花生碎 ＆ 椰絲簡直好味到飛上天，我真係冇作大㗎，有邊位朋友仔都鍾意食糖不甩嘅，下次都可以試吓。佢個價錢都唔貴㗎，$20就有6⃣️粒了今日試住呢3款先下次再食可以再試埋其他款式眾多，任君選擇每款都係廿零蚊咋，真係好味又抵食👍

對上一次食係幾年前嘅事 當時新興食芋圓 但有得食又好食嘅地方唔多 嗰陣覺得呢間康瑞喺中藥鋪入面賣芋圓感覺好新奇 於是都有去一試 但由於等位等好耐 舖仔細細又坐得唔舒服 味道方面未有留下深刻印象 所以都冇再去 亦都唔記得左呢間店舖直到最近喺附近食晚飯 即興想食芋圓做甜品 先醒起有間康瑞喺附近 亦因為咁先知原來佢已經搬左鋪 喺另一條街開左間新店 仲大間左新淨左同坐得舒服左一打開menu 見到價錢好驚喜 最貴都只係26蚊碗 三個人食先73蚊 尋晚去另一間芋圓專門店 兩個人食已經90蚊 性價比實在非常高 而且份量同味道一d都唔馬虎 唔會因為價錢平而細份左唔知係因為年紀大定天氣凍 唔食薑嘅我呢一刻竟然好想食熱嘅薑汁蕃薯糖水配芋圓地瓜圓小丸子 一個字 正! 超級重薑味 真心正 好舒服嘅感覺 好好飲 呢度嘅芋圓同出面唔同 康瑞偏細粒 比較滑 地瓜圓顏色偏黃 冇出面食到嘅咁鮮橙色 兩款圓都冇乜味 但勝在夠滑溜煙韌 朋友叫左個凍嘅腐竹蓮子配芋圓地瓜圓小丸子 腐竹糖水一樣係好好食 好重好香腐竹味 仲可以食到一塊塊嘅腐竹 唔係煲到溶晒嗰種 而且塊腐竹仲留有輕微硬身嘅咬口 唔係軟爛食完發現佢嘅糖水base 比

康瑞甜品食完飯梗係食糖水喇同朋友分別叫咗  &  我地都是超級芋圓控呢🤤我要的是熱薑汁配芋圓 熟薑汁超暖胃 飲落去由喉嚨一直暖到食道到個胃如果可以選擇甜度就好了 （比較喜歡少甜🙈，平時飲珍珠奶茶係走甜既kani）疫情嚴峻，見到門口有一個洗手盆，客人用餐前後可以洗手，細節位，值得一讚

深水埗其一間最出名嘅甜品舖呢就係呢間康瑞甜品呀，咁其實佢舖頭仔細細裝修又唔係太特別姐，但勝在佢呢湯底清清地又夠平，地點又近西九，諗唔到食咩或者飯後嘅選擇呢自自然然就行過去㗎喇。我今日呢我就係買外賣食嘅，其實佢入面呢坐都坐得舒舒服服呀，唔係香港好多極限糖水舖咁呢，同後面個人背脊貼背脊咁樣嘅。今日就話係做呢個芋圓試下啦，咁味道方面，嗰個湯底呢係唔會激甜，等你食到呢唔同食材嗰個味道，咁芋圓方面呢就未去到台灣嗰啲咁芋同蕃啦，但係基本都做到嘅。 反而呢個鍾意啲舊中式薏米呀同埋涼粉呀呢個配搭落去呢都幾好食。最緊要價錢，仲邊搵到呢個價錢嘅糖水舖呀而家🤩