康瑞甜品

Open Now

Now Closed

每次經過深水埗都會特登去買康瑞食,27蚊有齊曬芋圓,西米露,珍珠,薏米粒,紅豆,仙草凍,小丸子，食落好滿足，味道唔會太甜，芋圓煙韌，有芋頭同地瓜味，可以自己調教，份量亦都大大份可以夠兩個人分享。

食左呢間糖水舖 已經十幾廿十次, 近排見有人話佢差左 都想幫佢打返個「好評」!!!!以前, 佢係鐵打鋪既時候已經幫襯過到依家都有經常幫襯 十年如一日, 都係揀呢一味<特色仙草配> $26呢個價錢 呢個質素都冇得輸! 呢個仙草配 入面有芋圓 蕃薯圓 西米 仙草 紅豆 …加埋個UCC奶仔 好味 又有豐富口感所以 糖水黎講, 康瑞都係一個不錯既選擇!另外 , 我都幾鐘意紫米配($26) ! 濃味 而且有咬口!!! 食完都幾飽肚😂肚餓既話 可以揀呢一個選擇…

點左個紅豆奶竽圓，除左竽圓叫做keep到水準，（但都只是應有既要求），糖水稀到像水：味道冇乜甜味，豆少，好似無煲透（大把酒樓煲既紅豆沙有誠意有味道過佢）。身邊人嘅西米露都係稀汪汪。服務方面，老細：我對上一次（可能都有一兩年前），你同樣手段，話：我見唔到你等緊，所以飛俾左第二個所以你等耐咗。我明明企係正門前，我明明睇住你靜靜雞俾咗3人枱俾另一grp黎遲過我既人（我“當”佢地係你“朋友”，本來你唔咁講我係算既）。以後我唔駛再黎，唔食唔覺得可惜。因為真係無乜特別，點解要排你。

天時暑熱 行行下街 就會想行入甜品店 食個正甜品 抖一抖！今日係深水埗行完黃金 本身想去食一間係附近既甜品鋪 但行到去見到無開鋪🥲 所以即時用Google Map 揾下有無其他食芋圓既甜品店，就係咁我地去左荔枝角道既康瑞甜品！ 我地一人叫左一碗 < 特色仙草配> 同< 紫米露配>。兩碗糖水都好好食 裡面配有份量都幾多既小丸子、芋圓同地瓜圓。<特色仙草配>既味道唔會太甜同埋唔會太飽肚，相反<紫米露配>就甜D同埋有比較易食滯🙈 所以如果你唔係好餓 同埋個胃比較細 但又想食芋圓的話，建議你可以選擇仙草配😉 最後最後，不得不提尼間小店既甜品真係好抵食 大大碗都係$26咋，依家係香港好少地方有平過$30既糖水架！因此，行過深水埗又想食糖水，可以去試下！

一早就聽過呢間糖水鋪好多人推介，每次經過深水埗都會想試下。今次去到雖然已經過咗十點冇得堂食，但係就算要外賣都想食下。就算過咗堂食，門口都仲有大約十個人排隊買外賣，可想而知間鋪有幾旺。雖然人多，但係廚房出得好快，買完十分鐘內就拎得。😗我地嗌咗紅棗雪耳糖水同埋養生紫米露😋。紅棗雪耳唔會太甜，個湯好清，感覺好好。至於個紫米露都好正，甜度啱啱好，又足料。兩樣糖水都認真推介!啱晒想食糖水又怕唔健康嘅你🤗

康瑞嘅仙草芋圓好出名芋圓控必定會試過今日去開深水埗西九龍廣場配眼鏡順便行去康瑞買個甜品當下午茶點咗個招牌糖水「特式仙草百配」大大碗勁足料都只係$26咋有薏米、珍珠、西米、小丸子、地瓜圓、芋圓、涼粉每啖食落都有唔同口感糖水底係椰汁同黑糖椰汁味就唔太出，糖水整體偏甜芋圓同地瓜圓都算煙韌有咬口反而小丸子就好細粒無乜煙韌感啦不過整體泥講係好好食既而且價錢真係好抵！📍康瑞甜品🔎深水埗荔枝角道323號地舖

真心～佢係我暫列心目中既top 1 仙草芋圓(香港地區)🤓🤓 佢真心好食 足料 又抵食😎大推 特式仙草配 (少甜)我基本上每次都必叫呢個🤪 諗都唔洗諗！佢既仙草係軟奶奶 滑嘟嘟🤪少甜對我黎講甜度岩岩好😚仲會配上薏米 紅豆 😋😋芋圓軟硬適中 仲會有微微芋頭 蕃薯味😛次次都想試下其他野 但又唔捨得呢個🥲

每次出開深水埗，食完正餐，就一定要食返個芋圓🤤呢排食得更多，無計啦，天氣熱，最岩食凍野麻🤤•👅 特式仙草百配呢碗野有勁多配料（芋圓，小丸子，珍珠，西米，薏米同紅豆）🤩佢啲芋圓係好煙un好好𡁻個種，我每次都會叫佢多奶🤤仲要佢呢度好平，平時其他糖水舖想食芋圓都起碼40蚊起，難得呢啲又平又正又近，爽！其實佢個薑汁都好出色嫁，冬天食就最正，食完暖笠笠🤤諗起又想食——————————————————

叫咗特色仙草百配 $26，抵食！出面食碗糖水閑閑哋都要 $30幾蚊。平時唔太鍾意食甜嘅嘢，呢碗食落又唔會太甜。都幾多人買外賣但係唔使點等好快有得攞。我比較細食，兩個人食一碗份量啱啱好。

琴日行完山就去咗食甜品係朋友介紹吓試咗呢間出名食芋圓嘅糖水店佢甜品選擇都幾多，價錢仲好抵特色仙草百配好足料，有芋圓、地瓜圓同埋小丸子芋圓煙煙韌韌，細細粒口感唔錯成個甜品唔會好滯，食完好滿足養生紫米露好好食，啲紫米一粒粒好有咬口味道幾濃郁入面仲有啲珍珠，非常大碗凍食一樣好食整體值得一試，每一碗都係大概20幾蚊而且分量十足，夏天食一流

基本上都係一啲傳統糖水，選擇相對出面啲甜品糖水舖少，但就比較集中，價錢亦算平。.原本好想試酒釀桂花配芋圓，但一見到只可選擇熱，就即刻打消念頭。🤣最後揀咗：「特色仙草百配地瓜圓、芋圓、小丸子」凍 $26🍽：材料好多，仲食到有西米、薏米、紅豆⋯芋圓口感唔錯，但我感覺一般，可能因為唔太鍾意食仙草。😂😂.「桂棗雪耳湯底配芋圓、地瓜圓、小丸子」凍 $26🍽：配料相對上面果款少好多，芋圓好少，味道較清、滋潤。

深水埗呢頭唸起食糖水，肯定唔少得呢間康瑞甜品，性價高得黎出品又唔差，十分推薦！人氣之選的仙草百配非常足料，有芋圓，紅豆，西米，珍珠，薏米等，甜度適中唔過甜~ 熱辣辣夏天優選❤️雷沙糖丸都彈牙好味😋

呢間糖水鋪我由中學生嗰陣幫襯到依家，佢一直都好有名氣，成日好多人排隊。當年食一碗仙草係廿五蚊，依家都淨係加左一蚊。同埋唔知係咪因為太耐冇食有錯覺定點，覺得佢個碗大左🤔😂CP值超高，非常推介❣️.◇特色仙草百配（芋圓、地瓜圓、小丸子）◇$26我覺得呢間嘅仙草好食過其他糖水鋪☺️仙草味幾出，口感又軟又滑，同花奶超夾！如果第一次嚟，強烈建議嗌仙草✨.◇ 香滑腐竹蓮子配（芋圓、地瓜圓、小丸子） ◇$26腐竹蓮子都好正❣️腐竹細滑，蓮子軟稔，不會太甜😋凍食都幾清新，同芋圓一齊都幾夾。p.s. 呢款可以配雞蛋🥚.◇ 養生紫米露配（芋圓、地瓜圓、小丸子） ◇$26紫米露真係要推薦比養生人士😚佢嘅紫米露真係難得嘅香濃，凍食都好正👍🏻質感偏稠糊，感覺真材實料，讚💜.其實真係食咁多間芋圓，我都係最鍾意呢間嘅芋圓同地瓜圓。唔會太大粒之餘，真係食得出芋頭同蕃薯味🍠。糖水種類選擇都算多，每種都好高質😋，甜度唔高，好食過出面好多傳統糖水鋪。總之好好食，私心推❣️.𑁍　☼︎　𑁍　☼︎　𑁍　☼︎　𑁍　☼︎　𑁍　☼︎　𑁍.⭐ 推薦程度: 9.5/10⇨味道: 9.5/10⇨環境

難得在平日放假，外出走走來到朋友介紹的芋圓糖水店<康瑞甜品>開業多年的康瑞甜品坐落在不熟悉的深水埗小街道中。時間3點多，剛開舖不久的時間點，店內已有三數台食客。腐竹蓮子糖水配芋圓、地瓜圓 $21腐竹糖水清甜，除了腐竹外也有一些蛋花。芋圓和蕃薯圓兩種口感都十分Q彈，而蕃薯芋圓的味道更為突出，蓮子也非常粉糯。在吃糖水的時候看到收銀處小桌面上有一堆端午粽，本來沒有多加留意，但當我看到食客們一大袋外賣走時，便問店員粽是否可以訂購，在端午節前取貨。店員說粽只有現貨呢鹹肉粽 $25最後看到一大堆粽在十數分鐘內只餘下十隻左右，而其他食客也三、四隻的買走，我便把餘下最後四隻粽買走了試試為何這麼受歡迎！回家把粽的真空包裝拆開，隔水蒸熟。粽葉的香味很濃，打開粽後是傳統的鹹肉粽，材料有鹹蛋、肥豬肉、綠豆蓉和糯米。最深刻的是綠豆蓉綿密香滑，雖然只是簡單的材料，不是現時比較普遍那種動輒過百元的名貴端午粽，仍吃得出手工十分紮實！豬肉有五香粉調味，整隻粽都是鹹鹹香的，粽葉的香味也能夠滲入到糯米當中。豬油的香氣加上糯米彈牙和香滑的綠豆蓉，十分驚喜

康瑞芋圓不嬲都好出名，係冇得堂食嘅時間都可以外賣食。今次都係外賣，外賣更好嘅地方係唔使等，平時等堂食都可能要等成半個鐘頭先入到去，等外賣就等幾分鐘已經有。而外賣價錢同堂食一樣都係26蚊，26蚊可以食到頂級足料又好味嘅芋圓真係爽。康瑞芋圓亦都有唔同嘅味道可以選擇，而今次就買咗椰汁西米露芋圓同埋蜜棗雪耳芋圓，蜜棗雪耳糖水芋圓非常滋潤，適合唱完歌嘅朋友食。除咗芋圓之外，佢哋嘅湯圓其實都好好食，大家可以下次都試下。