第一次聽到咕嚕汁、西檸雞扒、麻辣漢堡包，即時反應覺得古靈精怪咩嘢嚟㗎？想不到食落又幾好喎！ 漢堡包來自西方，可能因為係咁，之前冇人諗到酸甜或麻辣口味可以夾，作為香港人，習慣了中西糅合的菜式，完全接受。店名「師兄漢堡」，有點騎呢，可知有幾港式，難得有誠意及心思製作。價錢非常合理，大部份漢堡包售價$58 或$78，加$20包括小吃及飲品，學生更有優惠。 質素唔錯，除了組合有創意之外，最大優點是做得很脆，漢堡包煎至焦脆後方才放進餡料，心思地加入炸脆條、焦糖菠蘿、青瓜等保持爽脆口感，就是外賣也不失水準。 口水雞漢堡 $78口水炸雞酥脆不膩，柔而不輕的麻辣味道由雞肉中透出，味道平衡口感舒服，吃到香辛而無霸氣。 豐富的炸脆條定口感昇華，大量青瓜絲鋪在底層有助中和麻辣，同時添爽口之變化。 我覺得很有創意及味道好，心水推薦！ 咕嚕汁西班牙豚肉伴焦糖菠蘿 $58別於一般普通鮮菠蘿，焦糖菠蘿是個非常主意，對比添層次，甜甜酸酸的豚肉味道協調，炸漿脆脆薄薄。 香煎植物肉漢堡伴田園大啡菇 $108特別用上蛋奶素，均衡吃素之法，口感豐富，完全唔覺得在吃素。手打慢煮牛肉漢堡 $78多料多汁，芝香肉味濃，見樣已經知道得。 炸鴛鴦燒賣勇敢的嘗試，出奇的討好，配備麻辣醬別浪費，真心正！炸雞及炸番薯條同一出處，沒有問題。自家製冷泡茶中我最喜歡荔枝紅茶，因為最香。 店舖細小，近窗的小圓桌最搶手。 近日疫情擴散，穩陣啲都係食外賣，咁就要搵啲外賣都唔會失水準嘅食物，漢堡包通常有啲難，因為帶水份的餡料好容易整濕個包，所以要搵啲本來組合特別脆的店，這一間師兄漢堡做得到，可以考慮。 …Read More
西環新開了一間 Burger 小店，內裏裝修企理乾淨，感覺清新
；座位不算多，除了堂食，還有外賣自取！見到裏面食客的 Burger 超級大份，重點係見到他們都食得幾開心，吸引咗我哋都試吓。只需加$20就可以轉為 set 餐，包了一個小食及一杯飲品。同事食set A 幾特別，”咕嚕汁西班牙豚肉漢堡伴焦糖菠蘿” 
。小食方便就點了麥樂雞及炸燒賣，配了一個麻辣醬
，非常惹味！至於飲品，我哋都不約而同地放棄了叫汽水，反而點了冷泡原片荔枝紅茶及冷泡原片白牡丹茶，食完 Burger 及炸物飲杯茶，其實都幾 match 喎！ 
