SOI.38 Modern Thai Street Food (Closed)

又到開心星期五，自然又要食好D。 不過今次唔使周圍行，係正屋企樓下，就係泰國菜<<巷卅八>>。 入到去會見到大架電車的模型牆。 餐廳既設計偏向工業風的味道。 餐碗以公雞圖案為主，很特別。而菜單則以一架TAK TAK，令人一睇就想起泰國。 平時食泰菜會叫冬陰功湯，今次就試下其他口味，叫了細窩的<<泰式魚肚羹>>來試下。單看外觀似魚翅又或者碗仔翅。以魚肚及冬菇為主，但入口比起魚翅/碗仔翅湯底更濃，口味更重。一窩都可以2-4人分享。 <<馬拉盞炒通菜>>係食開泰國菜常叫既菜式。菜入口幾爽，口感也比較清新。 <<泰式明爐魚>>也是近年我常叫的一款菜式。酸酸的湯底，大大加強了我的胃口，魚肉入口滑溜，值得推介。 呢款<<泰國街頭燒雞脾>>出面十分少見。一碟兩隻雞脾，用燒烤的方式來做，所以表面比較油膩。但入口雞肉香口，大口大口的咬下去有另一番風味。 甜品叫了<<芒果糯米飯>>。芒果新鮮又香，如果有足一個就更好喇。 叫多個椰子汁來為這個泰菜劃上句號。 …Read More

公司附近有好多餐廳要突圍而出係有d難度呢間餐廳除左有傳統泰菜仲有泰東北菜,主要係酸辣為主因為地區上唔同,味道都有所唔同先係冬蔭功湯(小)$88個爐一黎到 香味撲鼻湯身透徹 質感清爽 湯入面有菇菌同蝦肉菇菌吸收香濃的湯底味道另外我食得到酸酸既味道 好醒胃個湯我地都分到兩三碗 個爐一直都燒住包保飲到熱辣辣既湯之後黎個炸蝦餅$68個蝦餅酥香彈口 蝦餅炸至金黃香脆蝦肉口感結實得來又帶點彈牙啖吙蝦肉好新鮮食果陣點個甜酸醬就好好食泰國菜點少得惹味串燒 我地叫左半打串燒$68豬雞各三串不過我地掛住食蝦餅同飲湯搞到個串燒凍哂先食係我地衰 不過都仲好香點果個沙嗲汁 令食物香上加香最後黎個無骨海南雞飯$68無骨既海南雞飯 食落夠哂方便雞油飯有雞油味 好香又唔油海南雞好滑好嫩點既係泰式酸辣醬 少少酸唔係好辣好開胃 我好鐘意食 點雞好夾呢餐飯好滿足 公司附近有間甘乾淨既泰國餐廳甘近下次食埋午餐先…Read More

今晚同朋友係北角和富行完街，一出嚟就見到間新野巷三八，諗都唔洗諗就呢間啦！因為我地倆個都係好肚餓😜，餐廳環境舒適，亦唔會太過迫，地方清潔整齊，傾計都唔怕嘈到隔離枱，整體上呢間餐廳都幾滿意。不過服務態度就一搬，唔太主動召喚客人可能係因為樓面得個兩三個人，令都佢地好忙啦！冬陰功湯 我的至愛冬陰功湯，很濃很足料，湯內有蝦兩隻有很多其他配料，我覺得太辣唔夠酸，如果酸味重番少少會好啲既，份量非常足夠，兩個人飲每人都有兩碗以上架！泰式小食拼盤當然唔小得拼盤，有蝦餅，春卷，魚餅每款有四件，三款食物當中最好味緊係個炸蝦餅，香脆可口肉質彈牙，再配合埋泰式辣醬，簡直係無得頂呀！另外，個春卷同魚餅普普通通無咩特別，味道就一搬。泰式肉碎生菜包生菜包用了很彈牙既肉碎，食落去非常之有口感唔會綿，酸辣味適中唔會太酸又唔會太辣，好啱我個人口味，反而啲生菜太細塊，如果可以大塊啲就好好多。泰式炒椰菜苗椰菜苖炒得好香好嫩，食材好新鮮，份量十足好大碟，配料用了青葱紅椒去炒味道有少少辣味，炒得好出色，正。燒羊架配芭堤雅蛋包炒飯薄薄的蛋皮包住茄汁炒飯，外面的蛋皮沒有破爛很光滑很完整，切落去仲有煙出，則係啱啱炒起，直得一讚。羊架肉質非常嫩滑，羊味很香很柔嫩肥瘦適中，肉内藏有豐富的肉汁，估唔到泰國餐館有咁好味既羊架食，好味，好好味。…Read More

去探朋友經過發現北角近住宅區位置開左間泰國菜, 而且店內裝修充滿港式懷舊感, 座位間算幾寬敞...有一小部分係賣泰國既地道野食, 價錢唔太貴~ 【黃咖哩軟殼蟹農夫飽】HK$168包面稍為烤過, 但唔算脆...入面藏左3隻原隻既軟殼蟹,炸得脆而不乾, 飽入面仲有熱辣辣既黃咖哩, 甜甜地, 唔辣, 無論點軟殼蟹定包食, 都係咁正!!【泰式明爐酸辣魚】HK$168配菜幾多, 有大量既香蔥,莞茜同埋肉碎...湯底帶點鮮甜,店方貼心地會多上一碗湯, 如果爐上既湯蒸乾,都可以自行加入, 因為我地係order酸辣魚,酸辣汁醬係分開上,可以因應個人喜好去點黎食~ 不過條魚可能比我地滾得長時間,冇左嫩滑口感~ 【原個新鮮椰青焗海鮮飯】HK$128非常足料, 飯質比較黏口, 淡淡既椰青香味, 有幾隻爽口既蝦,魷魚,蜆肉,一隻青口,另有雜菜粒同埋椰肉增加口感~ 椰青水仲會另外用杯上, 可以一面食,一面飲天然既椰青水, 正!【椰汁沙冰】HK$35唔係太甜, 有微微既椰汁香味...…Read More

2017.01.08【 1.8 城市花園泰國菜 巷卅八】 從前，只是路經炮台山，從來沒有深入其中 今次，與在炮台山住的朋友相約 竟尋獲一間好吃的泰國餐廳 非常幸運！ MENU第一頁就解釋點解叫巷卅八 開啟等食MODE 雅致裝潢，有特色 小食，是泰菜中的必點部分 我們先來了2份：泰式炸蝦餅 ($68) +軟殼蟹春卷($78) Snack/ Appetizer小食 泰式炸蝦餅 Thai fried prawn cakes $68 炸蝦餅一吃便知龍與鳳！ 巷卅八的作品無疑是香脆可口，而且是用真蝦肉自製 軟殼蟹春卷 Soft shell crab rolls $78 軟殼蟹春卷以米紙包裹，內裡的軟殼蟹炸得乾身 咬落就是肉香與膏香，味道一流 三文治/漢堡包 Burgers/ Sandwiches 豬頸肉沙律法飽 Grilled pork neck fillet salad baguette sandwich $68 此店必點signature：豬頸肉沙律法包($68) 法包熱辣香脆，而豬頸肉非常彈牙 配菜都是熟悉的泰國滋味：辣椒、芫茜、香菜 極惹味 湯Soup 冬蔭功湯Tom Yum Goong $88(M) 實在是泰菜代表，足2人用，泰式風情即時上腦 因為有香茅、青蔥、酸檸檬、辣椒和魚露調.... 口腔內充滿湯頭集合了酸、辣、甜、鮮和香的味道，爽爽呢！ 沙河粉/金邊粉Noodle 蝦球炒金邊粉 Pad Thai with prawn $88 Pad Thai，據說是世界知名的泰菜！ 上台已見琳瑯滿目， 炒熟的雞蛋香與豆乾味道，配上3隻大蝦、花生醉、香料、芽菜.... 非常香甜開胃！ 小菜Hot Dishes 泰式鹵豬脾 Thai Style bittern pork shank $88  香軟而滑口的滋味，推薦！ 鹹香之中帶更入味的肉香，令人一試傾心 飲品Drinks 朋友和我點了泰式奶茶與菠蘿沙冰 泰式奶茶 Thai milk tea $28 泰式奶茶用了泰國的紅茶製作，茶香特別濃郁 菠蘿沙冰 Pineapple frappe $35 而菠蘿沙冰是即點即製，專人用新鮮菠蘿炮製 清新而解渴，非常好飲！ 仲有泰國食品調味料，方便自己在家泰滋味 盛惠HKD$595 人均HKD$297.5 短評: 喜歡這裡的菜式與味道 更喜歡這裡友善的店員 原來除了主廚，不少店員都是來自泰國 親切的笑容，更加令佳餚加分 實在是令人食過翻尋味 整體 味道：♥♥♥♥♡ 環境：♥♥♥♥♥ 服務：♥♥♥♥♡ 衛生：♥♥♥♥♡ 抵食：♥♥♥♥♡ ♡ 巷卅八 ♡ ♡ 北角城市花園道233號地舖 ♡…Read More

個多月沒有與朋友見面，趁著新年前的空檔日齊齊相約吃晚飯！:)北角及炮台山可算是港島東區中我最熟悉的地方，畢竟在此地工作了一段時間！城市花園與和富中心一帶的餐廳轉變了不少，以前吃開的越南餐廳都變成了泰國菜。步入不出數步，有麵包及醬料選購，款式眾多價錢亦算實惠！環境舒適，碗碟用上簡單得來而不失特色的公雞圖案！馬拉盞炒通菜 - 通菜炒得合時，質感爽口，富有微微的咸香，挺合朋友心！冬蔭功(細) - 朋友至愛，香氣撲鼻，遠遠都聞到。內裡餡料一如以往，雖然如此，但味道卻頗合我倆口味，酸酸辣辣幾惹味！軟殼蟹春卷 - 預先已切四嚿小卷，皮層厚薄適中。軟殼蟹size剛好，味道酥脆，食落嗦嗦聲。椰青 - 味道清甜，朋友唔執輸刮埋啲肉食至肯停！食左酸酸辣辣野，飲椰青解渴實屬不二之選！:)椰汁沙冰 - 冰打得頗細密，碎粒近乎零！椰汁味道濃郁，予人想一飲再飲！…Read More

炮台山是我頗為熟悉的地方，區內的泰國菜不多，想食泰國菜往往要跑到天后或者北角才有較多的選擇。新開不算太耐的巷卅八，我依稀記得上一手是一間港式餐廳，房內沿用了不少本來的裝修，相當環保。店子分成兩部分，一個角落是賣麵包的，後面則是餐廳的部分。裝修新淨，座位闊落，環境是相當不錯。這天點了一個2人套餐($338)，包含5款食物，價錢上相當划算。首先上檯的是招牌冬蔭功湯。冬蔭功湯香氣十足，辣度適中，調味亦均衡，合格有餘。美中不足是蝦隻未夠彈牙。炸春卷、蝦餅、燒豬頸肉3款食物當中，燒豬頸肉相對好食，彈牙多汁，配合泰式酸辣醬感覺惹味。蝦餅則鬆脆可口，3款食物整體來說不錯。泰式肉碎生菜包落了紅葱和青葱的肉碎，葱味濃郁，我自己覺得不錯，而且吃到底沒有油淋淋的感覺。生菜亦夠爽脆，欣賞！泰式明爐酸辣魚這裡的明爐魚的特色是魚是事前有炸過的，所以浸在湯內仍然金黃色，表層硬脆。吸汁能力更高，美中不足是魚不夠滑溜。明爐魚的湯汁調配得不錯，酸辣惹味。配的是椰菜花。巷卅八蛋包飯蛋皮煎得很薄很光滑亦包得很完整但沒有破掉，我覺得難度都幾高。切開之後，其實內面是茄汁炒飯和雜豆，飯本身的味道不錯，但我個人不好雜豆，如果是其他肉粒可能效果更佳。椰青($38)這裡的椰青清潤鮮甜，而且椰肉刮得動也蠻好吃，推介一定要飲椰青！總結巷卅八勝在環境好，坐得舒服，味道改善空間仍是有的，不過就區內餐廳而言，算是不錯的選擇，而且價錢合理。…Read More

星期五晚上，朋友同約到位於北角城市花園道新開的巷卅八吃泰菜。起初我怕地點難找但其實由炮台山B出口一出轉右直行過對面馬路，再向北角城市花園後方直行不用8分鐘便到達。《粉絲蟹煲 $328》- 陣陣香味，更用上差不多2磅的大蟹煮成，十分有睇頭！廚師已細心地把大蟹的硬殼弄碎方便客人食用。蟹肉鮮甜嫩滑，爆香過後蟹肉入味，味道更佳！粉絲看似普通但其實味道十足，而且完全不會乾硬，濕度控制得好。煲底放了兩片肉來以防粉絲過火變燶，而且還可以保持油份，真是好一個煮粉絲煲的小技巧。《泰式魚肚羹 $78 （中）》- 羹中有蟹肉、魚肚、菇、雞肉、瘦肉絲，而且羹中有落麻油令其更香口。質地及口感似不杰身的泰式碗仔翅，材料豐富，配上紅醋更惹味。《泰式醃豬頸肉沙律 $78》- 豬頸肉被泰式醬料醃過帶微辣，惹味開胃。肉質粉紅嫩滑，厚度適中，令人一塊接一塊。《菠蘿海鮮炒飯 $118》原個菠蘿起肉炒飯，有肉鬆、腰果、蝦肉、青豆、紅蘿蔔粒、粟米粒、提子乾及蛋，材料豐富。飯用黃薑粉炒香，而且粒粒分粒，濕度控制得不錯，加上菠蘿的肉汁，令飯特別惹味！《泰式明爐魚 $168》- 用火一直烘熱爐魚，於漸變寒冷的晚上感到很溫暖。另外亦送上爐魚的湯及辣汁供客人按自己的口味自助加添。 爐魚湯中材料豐富，有香茅、肉碎、子薑、莞茜和菇片等等，令爐魚肉吸取湯中精華後變得更嫩滑惹味。《鹹魚炒芥蘭 $78》- 泰式鹹魚夠香口，芥蘭鮮甜但不會嫩，我想還是吃炒通菜比較安全。飲品：《凍泰式奶茶 $28》- 泰式奶茶比港式奶茶少奶多茶，容易接受。《熱香茅薑蜜 $28》- 薑味濃，正合冷天驅寒之用。《泰國椰青 $38》- 椰子肉厚易起出；椰汁清甜解渴。甜品：《椰汁香芒糯米飯 $48》店員很細心說明是日芒果比平日淡，但我覺得沒問題所以照樣下單。正所謂期望低，驚喜較大。芒果比預計中甜，黑、白糯米有嚼感，淋上椰漿提起整體味道。椰漿濃度和甜度適中，進食途中，店員更細心詢問要否再加椰漿，抵讚。近門口處其實還有一角有售麵包和泰式醬料、小食，彷彿到了泰國街頭小店。服務：一直主動換碟、清理餐桌、跟進上菜進度、勤力有禮貌及反應快，十分滿意！環境：餐廳環境乾淨整齊，裝修較摩登而不是傳統的泰國餐廳，價錢大眾化而且份量大，性價比高。星期五晚上，與朋友相約到位於北角城市花園道新開的巷卅八吃泰菜。起初我怕地點難找但其實由炮台山B出口一出轉右直行過對面馬路，再向北角城市花園後方直行不用8分鐘便到達。《粉絲蟹煲 $328》- 陣陣香味，更用上差不多2磅的大蟹煮成，十分有睇頭！廚師已細心地把大蟹的硬殼弄碎方便客人食用。蟹肉鮮甜嫩滑，爆香過後蟹肉入味，味道更佳！粉絲看似普通但其實味道十足，而且完全不會乾硬，濕度控制得好。煲底放了兩片肉來以防粉絲過火變燶，而且還可以保持油份，真是好一個煮粉絲煲的小技巧。《泰式魚肚羹 $78 （中）》- 羹中有蟹肉、魚肚、菇、雞肉、瘦肉絲，而且羹中有落麻油令其更香口。質地及口感似不杰身的泰式碗仔翅，材料豐富，配上紅醋更惹味。《泰式醃豬頸肉沙律 $78》- 豬頸肉被泰式醬料醃過帶微辣，惹味開胃。肉質粉紅嫩滑，厚度適中，令人一塊接一塊。《菠蘿海鮮炒飯 $118》原個菠蘿起肉炒飯，有肉鬆、腰果、蝦肉、青豆、紅蘿蔔粒、粟米粒、提子乾及蛋，材料豐富。飯用黃薑粉炒香，而且粒粒分粒，濕度控制得不錯，加上菠蘿的肉汁，令飯特別惹味！《泰式明爐魚 $168》- 用火一直烘熱爐魚，於漸變寒冷的晚上感到很溫暖。另外亦送上爐魚的湯及辣汁供客人按自己的口味自助加添。 爐魚湯中材料豐富，有香茅、莞茜和菇片，令爐魚肉吸取湯中精華後變得更嫩滑惹味。《鹹魚炒芥蘭 $78》- 泰式鹹魚夠香口，芥蘭鮮甜但不會嫩，我想還是吃炒通菜比較安全。飲品：《凍泰式奶茶 $28》- 泰式奶茶比港式奶茶少奶多茶，容易接受。《熱香茅薑蜜 $28》- 薑味濃，正合冷天驅寒之用。《泰國椰青 $38》- 椰子肉厚易起出；椰汁清甜解渴。甜品：《椰汁香芒糯米飯 $48》店員很細心說明是日芒果比平日淡，但我覺得沒問題所以照樣下單。正所謂期望低，驚喜較大。芒果比預計中甜，黑、白糯米有嚼感，淋上椰漿提起整體味道。椰漿濃度和甜度適中，進食途中，店員更細心詢問要否再加椰漿，抵讚。服務：一直主動換碟、清理餐桌、跟進上菜進度、勤力有禮貌及反應快，十分滿意！環境：餐廳環境乾淨整齊，裝修較摩登而不是傳統的泰國餐廳，價錢大眾化而且份量大，性價比高。…Read More

巷卅八在泰國是著名街頭美食街，依家香港北角城市花園亦有一間取名巷卅八的泰式餐廳，這間餐廳離我住處不遠，當然要一家大細去幫襯。打開餐牌，選擇甚多，大家七咀八舌的終於選定開餐菜式，要了泰式魚肚羹($78/118)，粉絲蟹煲($328)，明爐烏頭($168)，椰汁芒菓糯米飯($48)，泰式奶茶($28)和檸檬梳打($28)。泰式魚肚羹味道和賣相跟泰式魚翅十分相似，食材有鷄絲，蟹肉絲，肉絲，冬菇，魚肚，材料十分豐富，亦可加入少許浙醋調味，入口感覺有點像街頭小吃。每次吃泰國菜都喜歡叫明爐烏頭，大大條的烏頭放在有肉碎湯的魚型鐵窩上蒸煮，整條魚身上放上香茅，西芹，白菇，子薑，茴茜，紅椒，肉碎和葱花，爐下放了少少的火種，一邊煮一邊吃，湯乾了又可再自行加入湯底，很多時會喝幾口明爐烏頭煮過的湯底，喜歡它帶點酸酸的味道，頗醒胃的。通常吃的粉絲蟹煲都是粉絲多過蟹，而蟹多數用奄仔蟹或花蟹，但這煲是名乎其實的粉絲巨蟹煲，大肉蟹佔用了三分之二的鐵煲，蟹肉鮮味，粉絲加入蒜頭炒得相當入味且沒帶一點乾身，原來秘訣是把兩片肉片放於煲底，肉片遇熱就會把油份釋放出來，這樣令整個粉絲蟹煲味道更濃郁。泰國的天氣炎熱，泰國菜式的味道比較辛辣味濃，飲料絕不可少，港式奶茶飲得多，叫了一杯泰式奶茶作比較，一飲之下，港式奶茶比較香滑奶味濃，泰式奶茶就奶少茶味濃，喜歡與否，見人見智。其實我最喜歡飲青檸梳打，正宗的泰式青檸梳打原來除了青檸外，亦會加入青瓜片，味道十分清新解渴。甜品就要了人人都愛吃的椰汁芒菓糯米飯，糯米飯黑白分明，白糯米加黑糯米再配上泰國芒菓片，椰汁撈黑白糯米飯一起食，甜而不漏，值得一讚。很高興不用去到九龍城也可以吃到美味的正宗泰國菜了。…Read More

今天（19/1）中午大概十二時四十分，跟朋友到此餐廳食飯，叫左個青咖哩雞飯及炒河，青咖哩有點偏淡但味道總算不錯，雞是普通急凍雞柳，估計沒有醃過，味道偏淡，而炒河比較好，有鑊氣，味道很好。飲品方面，咖啡很好飲，很香。對於食物是滿意的，侍應很有禮貌（除了個別一個水吧員工），環境舒適，唔會迫，亦唔會嘈吵，整體上對於此餐廳是滿意的。有一段小插曲，叫左杯熱奶茶，追左兩次，直至所有食物都食完，但杯熱奶茶仲未到，咁就問一下個侍應，個侍應都有禮貌咁答我已經追左水吧，再追水吧既話水吧會鬧人，我等得不耐煩，就去水吧睇睇，個水吧員工一開口就非常無禮貌，話沖緊嫁啦，我話我等左半個鐘，佢就話排緊，個個都要等，話飲水咪唔洗等，我再同佢理論幾句，終於知道係部茶機煲緊茶，未滾。對於這個沒有禮貌的水吧員工，的確係害群之馬，希望餐廳可再培訓一下這位員工。…Read More

新界鄉下仔女出城去左北角覓食😛 遇上中上質素泰菜唷😙 環境好有香港style 冬蔭公湯同埋生菜包都好夠辣~ 會回頭既泰菜!!-軟殼蟹春卷 $78初嘗米紙卷 軟殼蟹肉都頗多💓 蘸酸辣汁最正😆泰國燒雞脾 $68肉係實同嚡但香料幾惹味😜 但都係愛juicy肉汁多個種多啲🙊冬蔭功湯(小) $88夠晒辣、足料同濃郁👍 蝦有一隻 開左邊既 方便😎泰式肉碎生菜包 $68肉碎粒粒實淨彈牙 吾會綿👍 酸度吾會太搶 而係辣到我飛起👅泰國青咖哩(雞肉) $78青咖哩好正👍 岩晒蘸薄餅 但用既雞肉係雞柳泥既🙅 所以無甘爽 但一定有愛好者😉馬拉盞炒通菜 $68炒到每條都沾滿汁👅 同埋量係成座山甘😌 不過都幾愛通菜所以兩人食都吾會太吃力😂油酥餅 $38兩大塊 但略貴🙈 但夠酥脆零食 - 蝦餅 $15依個係一坐低就奉上既脆卜卜 食落仲有啲黑椒味😋 好鐘意😍…Read More

話說我沒在北角吃泰國菜，通常都是在這裡吃西餐，中菜與茶餐廳，今晚去了相熟的美戰商品店後與友人們首試北角的泰國菜。一進巷卅八店員已經很熱情招待我們，他說泰國就是熱情洋溢，最好笑朋友問店員是否泰國人，他說不是，他是香港人，我笑瘋了。我們點了半打串燒，豬肉與雞肉各三串~ 雞肉口感挺厚實的，且肉質軟嫩，很適合當下酒菜。豬肉串燒口感上耐嚼，有越嚼越香的感覺，串燒有著獨特的香料，有一種泰國的風味。花生風味的沙嗲醬多了點香甜的氣息，稍微甜的口味適合不嗜辣的朋友，趁熱吃鹹甜串燒風味我挺喜歡的。豬頸肉燒到逼出香氣來，表皮呈現乾脆的焦糖色，嫩軟有勁的口感讓人捨不得吞下肚。熱騰騰的豬頸肉，浸泡於醬汁中讓它吸飽精華變得更惹味。蝦餅酥脆金黃漂亮的顏色，明顯感到蝦餅非常扎實，內餡飽滿。蝦餅吃起來很滑彈，蝦漿的比例濃稠，用料實在。最近吃晚餐總會有點小驚喜，在巷卅八也不例外，我們點了蒜蓉青口。原以為是普通的炒或蒸，上桌一看原來是炸的，金黃色的炸蒜香氣迎面吹來，份外誘人。雖然青口用炸的方式烹調，但它依然保持其鮮嫩度，肉汁仍在，美味可口。我們研究它是直接把青口炸還是蒸熟了才炸，朋友認為青口應該是蒸了才炸，才可以這麼嫩滑，不過我則覺得如果蒸了再炸的話青口會有爛掉的機會，當然答案不得而知。🙈又一個朋友跟我說未吃過明爐#烏頭 😱這其實是一道很普遍的泰國菜，但不知為何朋友們都未曾吃過，昏倒😫魚肉吃起來細緻，不柴但帶有清蒸檸檬味道。烏頭的魚骨頭不多，以香料除去多餘的魚腥味，品嚐到美味的鮮甜!新鮮的椰青水上根吸管與湯匙，方便我喝清甜椰汁兼吃軟嫩椰肉，而且每次喝完總有一陣清新怡人，解渴新津的感覺。龍眼冰中的龍眼與紅棗真的好好吃，就如同當季的一樣，熬煮出來的氣味和咬在嘴裡的氣息非常棒! 有股清甜的感覺湧現在口腔中，我誠心建議一定要來喝喝看~ 吃炸物一定喝啤酒~…Read More

去朋友屋企玩，晚餐選擇就正正係隔離的餐廳，去呢種街坊餐我本來無乜期望，但試過後原來好有驚喜。餐廳裝修以有特色，坐得好闊落，先叫左杯菠蘿沙冰，唔甜少少酸，夠解渴之餘亦好開胃。小食叫左無骨鳯爪，辣辣地啖啖肉，食唔停口，配埋啤酒簡直係最佳配合（啤酒只係$28真係超級抵飲）椰菜苖好新鮮好大碟，味道好濃烈，好辣，好過癮。主角來啦，粉絲蝦煲，一上枱已經好香，入面有隻大頭蝦切開左，女仔食非常方便，味道好惹味，蝦肉好彈牙，粉絲入曬味，煲底仲有幾塊豬頸肉，一味餸試到2款菜式，所以我地叫多個白飯，連d汁都用來撈飯，好正。另一主角就係鹽燒烏頭，等左20分鐘先到，即叫即整，大大條啖啖肉，魚肉有少少咸香味，但肉質依然嫩滑，點埋酸辣汁一齊食，認真一流。店內仲有賣d特色小食，我地都買左2包回朋友家，繼續食住傾計。…Read More

北角新開既泰國菜餐廳但係入邊嘅裝飾竟然有少少港式 幾特別馬拉盞通菜非常惹味微微辣非常吊胃口 好味！而且份量十足都幾大碟架噴靚咖哩紐西蘭羊架 $138 香氣撲鼻既鐵板羊架聽到聲都令人興奮❤️香料十足 味道好豐富😊羊架好鮮嫩多汁 非常可口咖喱汁香濃到不行 堅正👍🏻豬脾煮得非常腍 入口即溶😍豬皮滑溜到不得了 肥瘦亦都幾balanced 配上平時打冷食到既酸汁 真係好開胃👍🏻👍🏻不過甜品方面就比較遜色比起正宗嘅泰式口味有分別 …Read More

考試終於完滿結束就讓今晚夜盡情放縱甫坐下便送上脆脆蝦片先來的是海鮮粉絲沙拉辛辣程度貼近泰國當地嗜辣必試的開胃菜串燒我們要的是雞肉雞肉很嫩滑沾上沙嗲醬食用十分美味朋友點了紅咖哩雞和蝦醬炒飯佐食紅咖哩甜中帶微辛雞肉主要是雞腿肉吃落嫩口朋友很喜歡那碟鹹香的炒飯看著他把整碟飯捧起拚命地扒著真的很逗趣黃咖哩軟殼蟹農夫包是全晚焦點所在甘香鮮味的軟殼蟹配合加了蛋的黃咖哩不配一個白飯真是可惜呢最後以甜點作結甜味總算能中和了我內心的苦澀過去的就由它去吧…Read More