巨人冰室 (Changed Hand)

當呢度係茶餐廳就得 係一間有公仔睇嘅茶餐廳我次次黎都sd相比細佬睇 佢次次都勁想黎 「朝聖 」 啲伙計好搞笑 當你fd甘講野 其實先第一次去😂😂我地食完 hea著傾下計佢又識主動執台 一人比一杯水 …查看更多

係太子上堂，所以睇下附近有咩食。呢間餐廳個名咁吸引，所以入去試吓。入到去，就見到啲牆嘅上面放滿模型，等嘢食嘅時候可以望下，覺得啲食物好似上得好快。幫我落單侍應比較新，我問蕃茄湯麵可唔可以轉通粉，佢答唔到，要問下人，不過態度都良好既。叫咗個常餐。番茄湯滑牛通粉，啲牛肉的確幾滑，啲番茄都幾新鮮，通粉唔會太林，個湯又唔會太濃味，都幾好味。牛油厚多士，牛油搽得幾均勻，脆底好味。炒蛋幾正喎，份量夠多，幾滑，又唔會散晒。再加兩片火腿。熱華田夠味，唔會太淡。下次再嚟，要試吓佢個招牌，黑松露滑蛋多士。…查看更多

雖然此餐廳不是第一次去，但今天在此吃，實在十分不快，事由今天陪太太看醫生，去之前先吃東西，大約3點多，人流不多，由於我太太先到，我在W S叫她先選食物，由於我太太說話不便，可以説簡單字，所以用菜單指點食物，某2位員工態度非常差，跟我太太説，點咩便講，啞架!後來我本人一到便不食立即埋單走人，家人被 侮辱，實在十分不快，太太也哭了一塲，一粒老鼠屎便壞了一煲粥!…查看更多

就比別人算比你食完都一肚氣！！以前就算點叫同叫外賣時叫幾多都送，而家多人識, 就囂張之外，就算好食都無用啦！！要睇受埋氣！我寧願去澳牛，都吾會再去呢間食，我同朋友們都一至認同！…查看更多

由於今晚我們喺太子附近做嘢之後行過畀店門口嘅大型玻璃櫃擺放咗多個figure公仔吸引著，所以我們就入咗去呢間「巨人冰室」食晚飯！除咗店外嘅大型玻璃櫃之外，店內亦有多個掛牆櫃擺放咗多個figure公仔，而且貼喺牆嘅餐牌亦印有超人公仔，感覺好興奮同相當有特色！我們叫咗常餐：牛油多士烘得好香脆，火腿煎蛋嘅火腿就不過不失，煎蛋我們係叫咗太陽蛋，出嚟嘅效果做得都幾好，唔會煎到過熟，叉燒米粉嘅叉燒肉質都幾鬆軟，但份量就比較少，而米粉亦幾爽滑！:)蔥油煎鷄扒蛋飯嘅賣相都幾吸引，因有大量嘅香蔥舖面，但呢個我們唔記得咗叫太陽蛋，所以有啲啲美中不足，而鷄扒就煎得色澤好金黃，肉質相當鬆軟嫩滑，夾埋啲香蔥一齊食，真係好惹味，但就略嫌油比較多，感覺有啲油膩！椒鹽排骨飯嘅肉質超鬆化軟滑，完全唔會有「嚡」同韌嘅感覺，而且炒得鑊氣十足，椒鹽嘅味道唔會好鹹，而且非常惹味，真係超正呀！揚州炒飯炒得好乾身同粒粒分明，材料相當足料豐富！…查看更多

週日經過見好特別於是ㄧ試。餐牌，裝修，食物正常。面包夠厚，炒蛋剛好。聞說係澳牛人主理。似，但服務好，快，有禮。唯一彈係燈光太白，影響進食情趣。不過不失，可以一試。…查看更多

端午節假期的早上，剛好需要太子一帶處理一些事情。時近早上10點，但還未吃早餐的我，才剛抵步就見肚餓。但筆者又沒有興趣吃糉，環顧太子吃早餐的就腳地方，似乎只有之前寫過的＂巨人冰室＂。經過數月沒來，發現巨人的門口多了一層的玩具櫃，而且Menu上也稍有變化。早餐來說我之前是未試過的，但有一款豬扒公仔麵餐較引起我興趣。而刻意寫文的理由是：它比我想像中更有驚喜。本身來說若你問筆者我豬扒麵那裡好吃的話，我的首選會是大坑＂炳記＂，又或是深水埗的＂蘇記＂。而巨人的這個豬扒麵早餐本身要$45，但多了飲品，多士和煎雙蛋。不同前兩者，轉一丁麵還要加$3，我不能說它特別的經濟實惠，但是我真的要讚一下它的豬扒。其實之前試過巨人的焗豬扒飯，但是那時覺得它用鬆粉醃得太過。不過在今次豬扒上明顯改善了這一點，再者它經蔥蒜爆香預先煎過，不但沒有出現過火跡象，皮肉更沒有出現甩開的情況，比坊間不少地方都出色。肉質既鬆化，而且保留了一定肉汁，正！轉出前一丁還是我的習慣，雖然說是錯過了試它自家的豬骨湯底，但是一份港式的粉麵早餐，還是只有一丁最無敵，至少它沒偷龍轉鳳換成大光麵。至於煎雙蛋來說還是似模似樣的；倒是多士倒不算烘得特別香脆，火喉未足，有點失望。總結：要老實說的話，我覺得它的早餐出品比起吃正餐更見出色和驚喜。大概是因為早餐時間並不算太忙，廚房也比較有心機。但這說穿了，其實都是香港茶餐廳的通病。以數次試過巨人冰室的經驗來說，其實整體都算是中規中矩的，在食物質素來說雖有更多上調的空間，但也見到它有不少進步。在此寄語一句：＂繼續努力！＂…查看更多

其實我明白飲食業難做，唔太想比負評，但呢間餐廳嘅侍應連對客人嘅基本尊重都冇，真係忍無可忍。有食評寫佢哋係澳牛嘅態度，我明白食快餐要快係你情我願，但起碼我去澳牛冇hard feeling，我亦唔抗拒去澳牛。呢度一入嚟就催人落單，話睇下先，過十秒又返嚟（已經好好，後尾有人搭枱又係想最即落單，佢話睇下先，個侍應值頭企定係佢隔嚟等，過十秒再問佢食咩）屋企人問佢有咩粉麵揀，佢露出無恥笑容，之後屋企人一口答咗佢要米粉（冇猶豫過），佢仲要串多嘢，「你係咪揀定㗎？」，呢啲串人說話根本多餘，唔知咩心態。然後我叫咗招牌焗豬扒飯，等咗超過半個鐘，我哋同侍應講未嚟，佢即答「焗豬扒飯要焗㗎嘛。」要焗九個字？你唔好話要湯豬要煲飯㖭。其實你答我整緊咪得，鬼知你有冇漏單？最後等咗九個字先嚟，好彩今日唔太趕時間啫。食物乜特別，常餐隻蛋冇蛋味，叉燒湯麵冇乜叉燒，要價4X。個豬扒飯差唔多要60蚊，份量唔多，不過等咁耐仲要未食已經一肚氣，就算幾好食都假，更何況味道好普通。你要人快落單但你食物奇慢，仲要咁串，憑咩咁嘅態度？結論：呢間永久blacklist。…查看更多

喺太子做完yoga，樓下就係巨人，終於可以試下厚蛋治兩個人叫咗個金牌湯面餐同咖哩豬扒飯share金牌湯面餐嘅多士同火腿蛋可轉蛋治，面我揀咗叉燒，加4蚊改出前一丁先來蛋治，都夠厚身，蛋夠滑，面包普通叉燒出前一丁叉燒好瘦同乾，湯底淡如水，如果佢肯用番出前一丁味精湯同俾番包麻油我會好D咖哩豬扒飯好大碟，兩個人share完面餐，再食飯食唔唒，要讚豬扒厚身都黎好鬆軟，唔會好硬，但無乜咖哩味，配菜只有洋蔥同青椒，無薯仔整體只係普普通通…查看更多

聽聞呢間冰室係由前澳牛大廚主理，另外一大特色在於餐廳陳列櫃展示著好多超人模型。🔻🔻🔻🔻是日點選🔻🔻🔻🔻$48 鮮茄豬扒燴意粉（幾好味，但食到個底時比較多油，所以浪費了少少意粉）…查看更多

開業時服務態度還好，依家幫襯完咪又係好似澳牛趕客走，附近出名既金華都唔會，永興、味皇都好少咁，而且枱面、調味架比呢度都乾淨無癡納納，如果趕時間食飽走都無所謂既。…查看更多

若講起澳牛的話，大多數人會想起它的光速炒滑蛋常餐。它奇差的服務態度，效率式的光速上檯造就了gimmick，因此直到現在都會有人去排大隊光顧。因此，其很多相似類型的對手也逐漸順勢產生，似麟伯的華星冰室，或者九龍城的聯發，油麻地的永發等等，澳牛也再非唯一的選擇。而在最近一個月，太子區冒起一間新晉的冰室茶餐廳，名為巨人冰室，迅即就受到不少食客的注意，卻原來其班底大有來頭！巨人冰室的其中兩位老闆輝哥和強哥，以前曾在澳牛打滾多年，雖然後來離開了澳牛。但懷著對飲食的一腔熱誠，於是便聚集澳牛的舊班底在太子開設一間冰室，其本意志在讓香港人可以有多一種選擇。店名取為巨人，只因為強哥喜歡鹹蛋超人，別名＂光之巨人＂，所以也因此而得名；而店舖面積也非常之大，正好應了＂巨人＂之名。不止如此，這裡的裝修才算是極有特式，因為餐廳的高處都放著好幾個玩具櫃，而當中放著十分多的12吋大膠玩具人偶Figure，並多以鹹蛋超人為主。這讓我想起天后的一間爐端燒居酒屋＂玩具屋＂，又是同樣擺滿Figure，兩者雖然並沒甚麼關係，但是都深具玩味。Menu方面雖然同樣有著澳牛的炒滑蛋，叉燒湯意粉常餐，但卻沒有其燉蛋；取而代之的是多出了不少冰室茶餐廳的食品如：焗豬扒飯、公仔麵、炒意粉等等，而當然是次我也試了幾款：蓮子冰粒粒蓮子皆用足料，童叟無欺，而且極具咬口；雖有加糖水但整體不算太甜，入口容易，再加上用上北海道3.6牛乳作底，因此奶味會比較香濃和口感更幼滑。招牌的巨人常餐，炒滑蛋和叉燒湯意粉應該都沒人陌生。先講炒滑蛋，蛋香味十足，質感極之滑嫩，油而不膩，跟澳牛幾近是完全一樣；而火腿的品質則兩者都差不多，但比起華星好都是沒有雪味；唯獨是多士不夠脆有點缺憾，早知應該叫＂大火＂。叉燒湯意粉用上金寶濃湯煮，可是湯頭比澳牛和華星做得更濃郁和優勝，叉燒雖仍是瘦叉，但是也不會太鞋口，值得一讚！至於黑松露滑蛋多士所用的黑松露似乎是用一般的貨色，香氣和味道不夠濃重，而且呈乾身一點，已向店方反映望作改善。巨人焗豬扒飯也是這裡的名物，索價$56。這焗豬扒飯賣力相非常精美，上檯已傳來陣陣茄香，引人垂涎三尺。以前曾經提過香港的平價焗豬扒飯中，我最為欣賞深水埗的星河和大埔的華輝。然而這裡的焗豬扒飯似乎並不比前兩者遜色。第一，我欣賞廚師炒飯的功架，由米粒同米身都呈現乾爽不蠟口，非常優質；其次就是茄汁的香口度甚為惹味，我甚為喜歡。豬扒方面用上巴西豬扒，件頭夠大。然而肉質偏瘦，沒甚麼脂肪；而且似乎是用鬆粉醃過龍，咬口方面太過鬆軟以致肉汁流失，全憑芝士和茄汁救回不少分數。如果能將這豬扒做得更有口感一點，肉汁多一點，相信絕對可以成為另一名物。田園草菇什菜飯的炒飯底同樣出色，而且以素菜為主，故比較健康也不感油膩；草菇的香氣和爽口更是整個飯的靈魂，吊起了整碟飯的味道。然而味道方面稍為淡口一點，要另外加少許鹽才比較好吃，算是不過不失。蕃茄牛肉公仔麵同樣是不錯的作品，店方每日用新鮮農場蕃茄製作，所以茄味十足；牛肉肉質偏瘦，可是仍具一定牛味。可是味道上依然偏淡，同樣需加少許鹽才夠味。飯後來過甜品是紅豆牛奶，跟紅豆冰不同是沒加冰，而且以碗裝上檯；同樣上用上北海道3.6牛乳作底，粒粒紅豆非常足料有咬口，沒煮得溶溶爛爛，而且也夠凍，是誠意之作。此外它仍有一些招牌菜如：焗咖哩雞扒飯，炒黑椒牛意粉，瑞士汁雞翼公仔麵等等，太多不能盡錄，但也很感謝輝哥和強哥讓我拍下這幾種食物的照片。但是次吃得好飽，無緣全試完，下次翻兜必定再有機會。總結：我覺得在地利位置上其實它有絕佳的優勢，想想它附近類似的對手就只有老夫子和金華，可是前者貴又難食；後者則獨沽幾味。可見巨人的潛力在價錢和品質上都較為大眾化，有著較強勁的競爭優勢。廁所評價：3/5 …查看更多

我都被"澳牛大廚"吸引入去，試過早餐，午餐，晚餐及晚餐外賣。澳牛(員工態度差，唔識尊重人，鬧人, 討厭！) 華華星(兩間都好逼)。巨人食物同茶的質素好，份量夠，好過好多茶餐廳/一般西餐廳。雖然裝修簡單(茶餐廳麻)，但座位空間夠，值得推薦的茶餐廳。常餐/早餐：炒蛋/煎蛋都好有水準，意粉湯底好味，意粉ok, 通粉較好，茶夠味而清(我喜歡飲熱檸檬茶)午/晚餐：芙蓉蛋飯(蛋邊香脆), 焗猪排飯(份量多，汁濃，如果猪排厚d香d燶小小，仲好食)，干炒猪排意粉，香蔥雞排飯(炸得好香，好掂！)，豉椒班塊飯(班塊炸粉皮薄餡厚.舊魚好厚好味)。焗咖哩雞排意粉(咖哩汁要改善)。可能我偏愛巴基斯坦咖哩，其次馬來亞咖哩及印度咖哩。如果有即磨咖啡更好我覺得好多茶餐廳做食物，好無誠意，炸粉厚餡少，又多油，連杯茶都濁，試過檸檬雪得耐有怪味。食具也不潔。下次試下巨人的炸雞脾。…查看更多

原來店面真的需要搶眼的。今日lunch 時間經過呢度，被門口的人群和玻璃窗內的人型模型吸引住。咁就入着呢間茶餐廳。老闆很聰明。選擇不多的餐牌上我揀咗葱油雞扒飯。無錯。只要做得好食。其實種類真的不需要多。貴精不貴多。真的是現在做生意的名句。葱油雞扒飯買相一流。由其個個蛋黃人一般的太陽蛋。真的令人食慾大增。雞肉需然不算很美味。但配上葱油。係我杯茶。食物真的對得住個買價。餐廳屬於早期翠華風格。值得行過肚餓時入來一坐。只係坐位太過逼。真的食完就要起身走。如果下次再經過又係飯點。我會再訪呢度。…查看更多

lunch在太子地鐵站附近經過彌敦道（差館對面）發現一家新淨闊落的茶餐廳，門口有好多動漫公仔的（怪不得那麼多男士啦，哈哈），卡位都好闊落舒服，睇得出老闆以客為上的心思坐落柯打左至愛的芙蓉蛋飯，突然聞到黑松露香，原來前面枱食緊芝士黑松露醬多士，忍唔住也叫一份，又脆又香！超正！芙蓉蛋飯好大份，好味啊！係太子返工多年，好耐無係附近茶記食得咁驚喜啦！杯奶茶都好香滑，以我重口味的要求來講, 再濃D就無得彈了, 噢, 好滿足的一餐！…查看更多