川滬小廚 (Closed)

晴天霹靂，居然食物咁美味既二店都執左，傳聞話加租幅度太利害，仲不繼上漲，做唔住 ﹗真係好失望同遺撼。好采依家仲有大埔墟總店係度 ~ 希望出品仍然保持高質數啦 ~薑絲黑醋，跟小籠包形影不離 ﹗隨可以提升鮮味、增加食慾外，仲可以替新鮮出爐、滾熱辣出晒煙既灌包降，只要浸係度約十秒，就可以成隻小籠包啪入口，香甜濃郁既湯汁肉汁一滴不漏係咀入面浪吓浪吓，超滿足 ﹗灌湯小籠包，每次都必食既主角，可以會肯定咁講，為左佢以黎 ﹗最緊要即叫即蒸，如果一早蒸定既就完全唔同味道同口感，一放落口就發現。新鮮出爐既小籠包，肥嘟嘟又豐滿，好可愛 ﹗身上仲會不繼冒煙，而且香噴噴 ﹗半透明既肌膚，白裡透紅。要用筷子跟匙羹溫柔地將佢夾地，皮要猜得夠彈力先唔會破損，輕輕放係黑醋上等幾秒，讓佢稍為降溫，就急不及待整粒飛入口 ﹗一咬之下，濃郁香甜既湯汁跟肉汁四踐，充滿整個口腔同齒縫，超美味 ﹗皮薄餡靚，豬肉軟棉又肉味濃，好好好味 ﹗一次過食半打都絕無問題，一啖一個，正呀 ﹗椒鹽排骨，上次試過後，間中都會係我腦海浮現，想一再回味，因為上次實在太飽，所以只能輕嘗一舊。今次唔同喇，尊登留肚，要食多幾舊 ﹗排骨醃得入味，肉質軟棉得黎又

室內佈局都算滿意啦，未算太迫夾，都坐得舒適，又有電視睇。白烚芽菜，跟高湯魚翅既，由細到大，我不太愛食芽菜，討厭嗰陣味。高湯魚翅，我真係食唔到任何類似翅針既物體，只有兩小片翅既邊皮肉，咁就當翅？溜左啲掛。大量芽菜墊底，我唔食芽菜架，9 成都係芽菜，依個送應該叫高湯浸芽菜，唉。個湯味道都唔錯，真係撈汁食飯囉。高湯魚翅送炒飯，成個餐最好食既係碗炒飯囉，撈啲高湯好好食，亦好有鑊氣，炒到每粒都分開又乾爽，但係蛋還蛋、飯還飯炒囉，係蛋碎炒飯，不是蛋包飯，雖然幾好味。椒鹽骨，啖啖肉，炸得色香味美又香口，醃得入味又無過咸，肉汁豐盈又濃郁豬肉香，好好味。紅燒獅子頭，香濃紅燒汁加香濃豬肉球，超濃郁又入味，撈飯一流，但真係有少少味道過濃。雖則算好味，但都幾滯吓，巨形兩舊豬肉丸。灌湯小籠包，今晚晏左差不多八點半先開飯，因太多食客，所以多數係依個時候會蒸定大量小籠包備用，免得做唔切。一食落口既溫度、湯既多少、包形既下塌情況已經可以知道。放耐左既小籠包只微暖，皮已開始乾及變硬，湯汁部份蒸發或被皮所吸收，變形塌下不再豐滿，依幾點已經證實唔係即叫即蒸喇，而且 order 唔夠五分鐘就上枱，邊有咁快呀。食落口感、湯汁、

其實係大埔已紮根十幾年，以新界區上海小籠包黎講，此小店真係做到超水準，灌湯小籠包可以比美市區既大飯店 ~ 其他小菜亦做得出色，早年分店始終做唔到總店既出品，但係近幾年倒返轉，總店比分店差左喎，真奇怪 ~ 粗略估計有過百樣菜式。涼伴鮑片青瓜，簡單一碟前菜小食，青瓜鮮甜、鮑片不過不失，滿意啦。燻蛋，好香濃蛋黃味，好好好味呀，再加上蛋白既煙薰香味，超正既配答，真係食極唔厭，但唔可以食得太多，一陣食滯左就食唔到其他好野喇。灌湯小籠包，重點推介，必食 ﹗即叫即蒸，包裡面充滿肉汁同湯汁，熱辣辣。先放係醋上面，等佢微微降溫，再一啖成粒啪入口度，咬一口成粒爆開，香甜嫰滑既豬肉，加上又薄又棉既包皮，配埋濃郁既湯汁，極品 ﹗真係最少要連食半打先夠皮呀。突然我想起又一城黃家沙既蟹粉小籠包呀 ﹗仲要等多半年先到季節啊，只有佢能夠匹敵。黃金蝦仁，原本想 order 連殼既黃金大蝦，但賣晒，咁經理就介紹轉做蝦仁，OK 啦，試試囉。濃郁咸蛋黃漿黏住蝦仁同炸，炸得金黃，賣相一流，食落咸香撲鼻、蝦仁鮮甜爽口，好好味。但因份量多，食到尾聲時有點膩了。原身的黃金大蝦只有兩大條呢，現在換成廿幾三十隻蝦仁，兩個人食有點困難，仲

林村玩了一整天，本想入大尾篤提早慶祝情人節，但我和他都有點累了，於是想起附近有超值的上海菜。以前讀書已經經常來吃午餐，價廉物美，而且有電視看，平日三五知己開壺茶，吃飯吹水的好地方。六點三左右入座，店裡還沒有太多人，阿姐仲好好人俾我地自己揀位子坐。有得揀，當然揀左四人卡位啦~ 本來點左1. 雪菜毛豆百頁，2. 小籠包，3. 沙鍋餛飩雞，4. 兩個白飯值得一讚，service好好落單後，我不想吃白飯，於是叫少一個白飯，老闆都好好人，笑笑口咁話冇問題。七點多，吃飽了開始聊天，老闆也沒有趕我們走，到七點半埋單後出去，才發現原來出面有好多人等位。食物依舊美味，小籠包是一個must-eat item，皮薄陷lang，仲有多汁，每隻小龍包都係一個mouth-size，一淡就可以吃完。雪菜毛豆百頁，呢個其實好難整得難食，將三樣炒埋一碟，所以雖然好味，但不評論。沙鍋餛飩雞有四隻大大嘅菜肉餛飩，好好味。雞用了雞腿以上的部分，難得D雞好「淋」，好入味。美中不足就是有點鹹，可能我食得淡，不過我的他說剛剛好。總括而言都好抵食，不過特登搭車入黎或者等好耐就可能會感覺麻麻。所以如果經過冇人又肚仔餓的話，就一定要入去

今晚去左川滬小廚食上海野..佢呢度既小籠包, 煎鍋貼.. 真係好好味~由以前我唔食小籠包..到宜家, 次次黎親都主動話要食! 小籠包　　-> 皮薄, 多肉汁, 真係好味! 推薦! 煎鍋貼　　-> 都係皮薄, 又juicy..　　-> 不過今次煎得冇咁香口, 但係都好好食~ 三鮮炒年糕　　-> 我真係好鍾意食年糕架 　　-> 不過今次失色左d, 冇乜味..** 呢間川滬小廚d上海點心真係唔錯~　值得大家一試喲~

食午飯.担担面冇花生醬味好淡酸辣面冇酸辣味,d雲耳有沙可能洗唔乾淨,同伙記講冇辣味,佢叫我自己加豆板醬都一樣](自己加我駛鬼要酸辣面,叫碗清湯面好過啦)服務唔掂(咁既服務重要加一服務費).其他野食一般,但咁既價錢及服務,唔會再幫襯.

琴晚家人拝年,一行8人,知道出街食飯難搵位,已經預先响呢度book定枱,佢地講明book左未必有位,咁ok算數,我地預早45分鐘去等位。去到唔講由自可,講左之前book左位,個類似經理的物體淨係識得話得得得,飛仔都唔派張。期間有幾個家庭等位,個個2-4個人,無論早過我地定遲過我地黎,都早過我地攞到位。眼見有6個位的枱啱啱吉左,都唔hold比我地,要將全部2-4個人的家庭塞晒入位,到無人等先輪到我地。再同佢幾追左幾次,都係話得得得!仲要衰到最後佢地見無人等位,先施施然話懶熱心咁同我地hold左張4人枱,另一張4人枱已經差唔多食完甜品,叫我地入去坐住先。點知入到去,果枱人d甜品啱啱先到!人地仲要慢慢傾計,擺明係個經理驚我地走先留住我地,真cheap!如果我地唔係有老人家BB仔,唔想行去第二度等位都唔會幫襯佢!終於再等多十幾分鐘,果枱人先食完走,終於都坐齊人!我地7個人1個bb,一人一個袋+bb車,行李好多,見到人地2-3個人都有張椅裝行李,我地用1張椅裝行李唔過份吖!?點知個經理話有2個客黎,要我地坐迫d比2個位佢,其實比佢唔係大問題,但點解佢唔問人少但又放行李的位,而要問我地?跟住食左一

昨晚 我和女友在大埔中心四圍遊唔知食咩好o 最後走入這間菜館 我們點左:1) 雞絲粉皮: 吃到雞絲有一陣"酸縮"味o 試了一下就沒再吃 ($40) o 2) 小籠包: 還ok (about $38)3) 賽螃蟹: 不知所謂, 沒有味道, 難吃 ( 那蛋白是烝熟了, 再切粒粒...完全沒蛋香) ($50)4) 上海粗炒: 非常一般... ($50)

其實每個星期一也會找一些不同的食物，一星期的午餐差不多食茶餐廳，食到有點悶，所以決定不如食其他吧，只是多付少許。這次已經是第三次，就來這間食店，說起來我一次都沒有來過，同事說這間也不錯就來食一試吧～剛剛午市，客人也不算多，找了一個４人座坐，叫了４道菜，分別是麻婆豆腐，紅繞獅子頭，回鍋肉，糖醋魚塊，以及一籠小籠包～其中２個白飯變菜飯～叫菜的時候，侍應不知道糖字怎樣寫，我有點驚訝。說起這一類菜我也比較少食，所以自己分不出什麼是最好～先上麻婆豆腐，只有２碗飯，當然不食，等到全部來齊才開始～趁有空和數名同事談天～先說麻婆豆腐，辣味不太夠～可以再辣就最好，伴飯還不錯。之後就食糖醋魚塊，甜甜地，魚塊都幾熱，炸得都算不錯，只是份量比較少回鍋肉，只是食一，二片肉。感覺有點像罐頭～紅燒獅子頭，還是第一食，感覺像肉餅～但外形變了圓形，淋上汁。也不錯的～小籠包則五個，包得也不錯～但餡再多一點點就好了～一個人食２碗飯，也飽肚。途中也見到電視播 劉翔退出比賽～食了１５０元每人只是３８元左右真是便宜～下個星期一去富山吧～

服務一流,正啊,我好love呢間餐廳!!又便宜又好食!! 我o弟呢間餐廳一定掟,我支持你 【Good】

本人係大埔住一直都有幫襯開呢間因為呢度d小籠包實在太好食我次次黎都一定會叫小籠包有時仲會食菜肉包同鍋貼呢度既點心一路keep住水準小籠包仲愈黎愈好食添!除左點心好食仲有雪菜肉糸炒年糕,沙鍋雲吞雞,糖醋魚都好好食仲有d set都唔錯架!而d麵類我就真係唔推介

最近係大埔出沒，所以係到搵食。同friend 係全無資訊下撞入黎，叫咗個一人餐，有青瓜鮑片、擔擔面、小籠包、豆漿，49元！非常超值。小籠包皮薄多汁，係見到裡面啲湯那種！鮑片都鮮甜。另外叫個雞絲粉皮，略嫌花生醬太多，但係都好ok。唔駛加一，只有兩蚊茶錢，盛惠每人47.5元，實在超值！因為印象咁好，一星期後我一個人去食tea，單叫小籠包，18元5隻，一樣係即蒸，一樣咁好食！唔似金滿庭tea完全冇水準！

響大埔踩完單車, 去了大埔呢間小店食上海菜7點幾, 都幾多人等位. 等了差不多20分鐘先有得入店不大, 位子也幾迫, 環境很一般講返食物, 評分1-5分, 5分為最高4個人, 叫了一個翡翠餐, 再加小籠包和茄汁蝦仁鍋芭評燻魚: 不錯的冷盤, 魚肉幾鬆化, 醬汁甜甜地幾入味4分糖醋排骨: 一入口, 我以為自己食緊中式牛柳. 排骨幾乎沒有炸過, 完全沒有傳統糖醋排骨的風味. 唯一的好處係大大舊... 如果你當佢係中式牛柳食既話都味道都ok的... ~_~2分小籠包: 很一般wor! 細細粒, 皮不薄, 肉汁也不多... 同其他網友所提既好唔同... 唔通係因為我呢排響翡翠同鼎泰豐食得太多太好味既小籠包? 所以有比較?3分酸辣湯: 呢個算幾好飲, 夠酸夠辣, 開胃醒神4分蒜蓉炒菜: 不錯. 基本上呢味餸好難整得難食. 菜都幾嫩口4分葱爆牛肉: 牛肉變了牛肉粒, 仲勁多勁多油! 不過又炒得好香口... 幾好食但不健康之選3.5分茄汁蝦仁鍋芭: 全晚最難食的一道菜... 暴暴飯焦配一大碗怪味茄汁... 不知所謂, 最後只齋食飯焦算數...1分杏仁豆腐: 糖水太甜了, 豆腐尚可3分總的來說...

食左1個明珠餐$ 168 (around)因為係2人餐,份量會較少芹菜雞c粉皮ok味8寶豆腐湯好多料~夠濃見有金華火腿同蝦仁!賽磅蟹料mama,,食到蛋白only,,隻黃分開上,夠細心~咕嚕魚塊ok味獅子頭ok~送湯圓~芝麻,ok~好lum的另外加叫小籠包$22 for 5..好味~好多汁但又唔會爆哂出黎紅燒圓蹄等左好耐先黎,老闆娘話整都要3個鐘~~好入味,d肉係鬆化的,有d白菜,加埋d汁~好味total食左$309 加左1 ~acceptable啦=)老闆娘服務好好呢!

今晚去了食消夜，超平!$35一個餐，一碗麵加一個小食，我懐 叫鰦 一個酸辣麵、一個膽膽麵、一個小籠包同一個鍋貼。麵就普通一贯水準，不過不失!小籠包好正，內裡肉计多到我必哂落䒷 ，好誇張纒 !但未算是我吃過最好的!最好的在魯一居!鍋貼呢?呢間一定係top 3!內裡肉汁juicy, 皮厚薄適中，底煎得香脆，點少少豆辦醬就正到飛起，價錢平成咁!好驚會執笠!大家去幫趁纒 啦!