Home Food Plus (Closed)

有時會去九龍城見客，平時午餐唔覺呢區有乜好食，有事晏晝都幾求其。今日自己「終於」試咗呢一間個名好得意叫「家·正料」嘅小菜館，點解叫「終於」呢？因為之前有聽同事提過呢度嘅質素唔錯，但係想來嘅時候佢竟然話門口貼住裝修，仲要一裝修裝修左兩個月！午市賣緊$48一個套餐有湯有餸有飯，都係九龍城標準價錢啦。座位雖然唔多但係都尚算整潔，星期一至星期日都有唔同嘅餐牌，今日我試咗五個選擇嘅其中一款：東菜蒸鯇魚。賣相唔錯，原來食落肉質更加唔錯！唔怪得知同事話呢度「質素」較好，個魚好滑冇泥味，啲東菜同埋啲豉油好夾味。另外個例湯ok，個經理介紹話呢度嘅嘢堅持唔用味精，我對出面飲湯不嬲麻麻哋就因為有味精，如果呢個例湯冇味精我又覺得好OK喎！整體感覺唔錯，會再幫襯!:)…Read More

其實好耐冇去九龍城食飯，但係有朋友約嚟呢間試吓，都唔難搵，好彩就係九龍城廣場隔離，其他九龍城地方我都唔係好識！原來朋友食過呢間好食，所以佢提意佢發板點菜，有好多我都未食過，先介紹我最欣賞呢一個鵝肝，以往鵝肝一般是西式做法，這個中式做法完全沒有油膩感，係用花雕慢煮的，配上特定餅乾，入口即溶，似吃花雕酒雪糕。而另外一個要推介嘅就係佢嘅招牌菜脆皮牛肋骨，入面個牛真係好新鮮好好味，有少少又係入口會溶嘅肥膏，個脆皮炸得好甘香，其他嘢都好出色，不枉我特登搭車過嚟九龍城食呢一餐！原來呢度好多名人幫襯，店舖唔大地方又唔係好方便，真係要有呢個食物質素先至可以令咁多客特登過嚟食，我都會再幫襯！…Read More

其實呢間鋪頭之前食過幾次，而有好一段日子冇再幫襯，原因係佢竟然裝修左兩個月，其間同啲同事都有討論過期待呢間小店快啲開返，因為咀刁嘅我真係覺得同出面嘅午餐好唔同，覺得有屋企飯feel！今次開返我哋梗係第一時間幫襯啦！發覺選擇多咗，每一日都有雞魚同埋肉，仲有一個飯一個面選擇，我試了五柳甜酸魚，炸得唔錯，個魚質地好結實、而個酸汁不是太酸又甜甜地好開胃、好送飯！例湯我覺得仍然係做得非常唔錯，好有火喉。今次其實可以講得出呢間店嘅特別，就係冇一種好搶喉嘅感覺，而且之後冇口渴，感覺食到食材嘅味道，魚起碼有魚味先！$48蚊一餐性價比高的一間餐廳!…Read More

一行7人一早預訂周末晚8:00, 試下呢間小店，確實係有驚喜。訂位時同時已經預訂左幾款小菜--辣酒花螺，胡椒蟹，吊燒雞，牛肋骨，花膠煲，到場之後再加椒鹽豆腐，椒鹽鮮魷，芥蘭煲，咕嚕肉，竹絲雞燉湯。一來就上椒鹽鮮魷，椒鹽豆腐 - 咦得喎，鮮魷好食，豆腐外脆內滑。辣酒煮花螺--確實係有驚喜，辣酒味道講不出的特別 ，而且辣道適中。必食回頭菜式。脆皮牛肋骨--脆皮+牛肋骨，未試過實在想像不到，脆皮同時牛肉味濃，回頭菜式之選。掂淮山花膠煲--誠意之作，花膠淮山都非常入味，廚師準備功夫必不少。胡椒蟹--蟹新鮮，但略欠少少胡椒味，仍屬中上水準。鮮菠蘿咕嚕肉--用新鮮菠蘿炒，得。全晚比較美中不足，竟然是碗白飯，全晚菜式皆在水準之上，但白飯質素相比下較為失色，希望小店日後能夠改善。家正料絕對屬於用心小店，每道菜式誠意製作，值得推薦。讚。…Read More

九龍城食肆竟然有間私房菜, 今晚一家三口到這店嘗試, 竟然令我喜出望外, 尤其是百花煎釀海斑球及火焰薑蔥桶蠔煲, 煮法很特色好味店舖內清潔乾淨舒適, 服務也不錯價錢合理, 下一次會再嚟嘗試其他菜色…Read More

臨急臨忙約生日飯，老友搵到依間私房菜，好彩平日有位，不負眾望，食完即刻唸下次再嚟試咩菜式😅中午打去留位，好快老闆娘已經whatapps聯絡，send菜單俾我，細心耐性地解答問題，又推介好味既菜式😋😋👍最後預定了菜式，一到埗冇幾耐就上菜，對於我地帶小朋友既家長嚟講，可以慳返睇menu同點菜既時間👍👍六大兩小，加埋十個餸，每個餸份量唔算多，但勝在每人每個餸都可以試到😋😋《花雕醉鵝肝配脆餅》我自己唔食鵝肝，但個個朋友都話超好味，鵝肝有花雕味，酒味又唔會蓋過鵝肝原有既味道，入口鬆化，口感好似雪糕🍦，聲稱同脆餅超合拍😅😅食完一轉餅，得返鵝肝，朋友問可否加餅，老闆娘二話不說即刻再添餅乾俾我地👍《粒粒金磚豆腐》唔算特別，但細細粒又脆口，兩個小寶貝大愛😍《涼瓜支竹炆龍躉腩》時日海鮮，每日都會有三四樣時日美食，今晚試左依款，可能我個人好喜歡炆龍躉，脆脆地又炆到索曬啲汁，好好味😋小寶貝都食左幾件🤭🤭《欖香柚子骨》原先以為就咁普通柚子骨，但原來上面加左欖菜，意想不到味道好夾，咸咸地又甜甜地，好開胃😋朋友話個汁嚟餸飯一流👍👍《薑蔥吊燒雞》同平時啲炸子雞差不多，但夾埋面頭啲薑蔥一齊食，感覺完全唔同曬，薑蔥炸過，好香口，但又唔會過火有苦味，好香好好食😋《火焰薑蔥桶蠔煲》依味餸一上枱，職員就會即場點火，我地被眼前一刻所吸引，忘記左打開後影相😅😅不過蠔的口感一般，不太入味，但喜歡食蠔既我地一試無妨😃《脆皮牛肋骨》有驚喜😊外脆內軟，牛既口感真係好鬆軟😋有牛味👍👍所以我食左一半就唔食🤣🤣小寶貝都話好好味😍《菜甫肉碎煎蛋角》家常小菜，賣相靚，適合小朋友餸飯👍👍《金瑤芙蓉蝦腰煎米粉》夠特別👍冇唸過煎米粉係咁樣食法似簿餅沾咖哩咁將煎米粉沾個汁嚟食，好味特別😋值得一試👍最後仲有個《啫啫蝦乾肉碎芥蘭煲》，食到忘記左影相，但同平時食既小菜差不多，味道可以👍總結，巧手菜式+家常小菜，值得一試😋😋環境地方雖然唔算大，但唔多枱，冇侷促感👍服務太多好貼心，唔催趕，同朋友吹水食飯一流埋單六大兩小，十個餸，$14xx😊性價比高，老公都話有下次👍…Read More

這間食肆，招呼好，菜式有佢自己風味，用料，調味到用汁都好清新，無味精不口喝，食得出佢哋採用新鮮蔬菜鮮果做醬汁材料，不會太甜也不會太酸味道非常恰當，海鮮好新鮮，所以非常甜美配埋調過味既醬汁非常清滑鮮甜。炸蠔，炸雞及煎米餅好脆口，控制火喉適中，熟度不會過火，烹調後，食物原材料可以保留到原有味道，不會用醬料掩蓋原味，一食就知佢用料新鮮，杏汁豬肺湯好香濃有杏仁味超潤喉肺飲佐好舒服（還燉到奶白色），這樣食材，用料，用心，殷勸都算合理價錢，值得食。（最好訂位及訂想食菜單）…Read More

我個朋友嚟呢度食過推介，適逢有人約食飯，我諗起呢間野就靜雞雞訂咗位，點知落到去竟然冇我朋友所講啲嘢食嘅？吓？原來係要訂㗎！其實一心嚟試吓呢度啲海鮮，見佢之前有一張相係避風塘龍蝦山唔錯，不過唔緊要，因為都好多特色菜好少有機會食，例如呢個酥皮茄子、椒鹽龍躉皮、金瑤芙蓉蝦腰煎米粉⋯，我自己幾欣賞呢個龍躉皮作為餐前小食，而主菜我推介佢哋嘅招牌菜脆皮牛肋骨。呢度啲嘢食正常價位，但記住分兩個菜牌，一個係唔使訂、一個係要訂，因為老闆娘話鋪頭細唔能夠準備咁多海鮮，客人早一日訂咗之後，海鮮都係每日按訂單新鮮買返嚟即刻整。食物新鮮又有水準，唔怪得逢星期五、六、日都一定滿，座位唔多，所以要預早訂位！…Read More

不得了的湯—刺豚皮感謝友人邀請，來到這裏試私房菜，一看菜單非常豐富，而當中最為驚訝的就是從未試過的「刺豚皮湯」，久聞此品可暖胃，對氣管炎、咳嗽等有一定療效，適逢秋冬時份，吃此湯最適合不過。原來友人認識此店老闆娘，同台食飯之際介紹製作此湯工序十分繁複，需先以人手拔刺，每塊4小時，並必須選用老母雞、金華火腿、上等龍骨及花膠響螺文火熬制四個小時，隨後再加入刺豚皮煨上兩個小時，刺豚皮湯才完成，滋味甘甜、鮮香潤滑、濃香無比，豐富的膠質更是入口即化，另魚皮膠原蛋白含量豐富，喝完此湯整口膠質，回味無窮⋯⋯…Read More

一家人做冬選擇了這間小店的確沒有令我失望，因為這是經一位明星朋友介紹的，聽聞還未正式開張，已有很多明星客棒場，而且逢星期五六日必定爆滿，要book位都唔係咁易，因此我選擇了提早一星期做冬及訂位。冬至有兩個餐牌，都是位計的，我選擇了$298（免加一、開瓶、切餅）。我很喜歡這個古法炆龍躉翅，必食推介！龍躉翅即是龍躉的背部骨位，我還是第一次吃，呢個位唔似我哋平時食開龍躉腩或者尾部啖啖肉，但係膠原同肉嘅比例啱啱一半，再配合埋佢哋個冬菇瘦肉汁炆得好入味，我連啲干蔥都食晒，真係回味咗幾日！！然後是豉油王大蝦，還有健康的黑蒜蛋白薑咪炒飯也非常出色！我哋一家帶咗五支酒，如果計落呢度免開瓶費、又免加一，真係非常之抵，最緊要係家人都好滿意，讚我揀得好！希望小店繼續努力，一定會再嚟！…Read More

今次係一星期第二次嚟呢度食，我哋成班女仔同事成日周圍搵Lunch地方，同事上星期話有新野試，話呢間啲湯好好飲，Really? 我最鍾意飲燉湯, 真係好鍾意嗰隻！我覺得燉湯比煲湯更滋潤，不過出面好多都落味精，飲完會有口渇感，所以我每次都飲得出有冇加味精。一落到去我就叫咗個薑蔥霸王雞套餐，本身有個例湯餸，No! 最憎飲例湯！多數比幾舊紅蘿蔔粉葛赤小豆嗰啲⋯我同事叫咗，出嚟竟然又唔係喎，例湯係個五指毛桃湯好香喎（有啲後悔）， 而我加錢可以飲燉湯，秋天天氣乾我梗係好補地飲杏汁燉豬肺。好香嘅杏仁味，唔係好濃，整體好順喉，個霸王薑蔥雞雞味唔錯，最緊要係佢整得好滑，贊！我上網check過下呢間野，以堅持冇味精作口號，ok，我把口check過係真嘅，贊！咁以午餐$58來講雖然貴過九龍城茶餐廳午餐價幾蚊我認為值得，所以一個星期又再去多次，今次我飲⋯例湯。…Read More

在九龍城搵到久違了嘅有驚喜!第一次食過 “嫰滑” 嘅蒸鯇魚飯及巧手 “唔漏”扣肉飲後，今次帶同2位食嘢有要求嘅朋友食 “私房菜單”，包括豉油大蝦， 酥皮牛肋骨，煲仔蠔， 乾扁四季豆， 煎黃立魚，食了耳油未盡。再加單 蒜蓉炒豆苗及 菠蘿咕嚕肉，簡直係大滿足!最後愛心大廚送上 “超滑芒果奶凍”，極品!飲埋啤酒，每人都係 $300，勝價比極高嘅一餐!…Read More

經朋友介紹嚟呢度食私房菜，其實係一間小菜館，座位唔多，原來我哋六個人以上先可以食呢個餐，唔怪得知我朋友湊腳食。嘩！睇餐牌原來前後有成12道菜包括前菜同甜品。食私房菜就去食一啲出面唔係成日食到嘅嘢，今次係由我朋友發板，聽朋友講呢間店由一位名人女老闆開，今日有幸經朋友認識佢，佢好熱情咁走過來介紹啲菜式，原來啲咁特別嘅菜式真係佢以前屋企招呼賓客用嘅，但係由於啲賓客想食時唔可以成日去佢屋企食，就開咗呢間小菜館，咁真係正式私房菜了。餐牌12道菜未能一一介紹，我每個部份講少少，例如前菜最吸引我就係呢一個話梅冬瓜葡萄，能夠將一個咁簡單嘅冬瓜變成前菜仲要咁好味。另外就係呢隻京蔥吊燒雞，好多京蔥放在上面好似個雀巢，皮又脆又香，內裡好嫰滑，吃的時候就係要伴着這個京蔥吃。甜品方面，呢個菊花梨蜜胖大海真係好吃得不得了，而且個賣相好靚，我現在先知道「胖大海」原來係對喉嚨好嘅一種草本，我還是第一次吃呢！整體來講，係非常滿意嘅一餐，雖然環境係有啲嘈，不過好明顯呢度不是食環境的，反而係食氣氛，因此價錢好合理，12道菜$580一位，如果呢餐飯有海景睇或者包廂嘅話，相信要雙倍價錢以上了。…Read More

今日經過九龍城廣場，係附近發現一間新開嘅餐廳，主要係做燉湯，我試咗佢個午市套餐，$58有一飯一餸一湯都幾抵食。。先講一下佢地嘅燉湯，有唔小選擇，有成14個湯可以簡，58蚊嘅套餐可以選擇42蚊嘅湯，而超過42蚊嘅補返差價就可以，佢唔洗加錢嘅湯都有9個選擇，今次試左個白胡椒豬肚湯胡椒味啱啱好！豬肚又夠淋！下次可以試埋佢其他湯。。。個苦瓜菠蘿燉湯好似好特別。。至於餸方面，都唔錯，好有屋企飯嘅感覺，唔怪得叫「家」正料啦！！…Read More

新開嘅九龍城小店，專做燉湯同餸飯，全店標榜不用味精、燉足三小時以上。有成14個燉湯，有啲唔係成日係街度可以飲到，每一個都有寫出功能，我睇完之後試吓花旗參燉雞，一打開個蓋啲蔘味好香，啲烏雞唔係雪藏，我連啲料都食埋。朋友有兩聲咳，店主推介五指毛桃，我朋友都係第一次飲，原來五指毛桃燉湯有淡淡的椰子香味。兩個燉湯都好足料，下次想試嗰個胡椒豬肚雞比較特別。啲餸菜都大碟而且食得出唔係雪藏貨。而家喺Facebook打卡仲可以送桃膠糖水，人均消費$58一午餐，絕對抵食！料…Read More