家常便飯粵川滬菜館 (Closed)

如果對食物質素要求唔高，和一班人黎食晚飯都 ok。洋蔥涼瓜煎蛋 ($35)：涼瓜唔苦，蛋煎得外表金黃，內里香滑。上海酸辣湯 ($42)：辣得幾正。雙色拼盆 ~ 鎮江燻魚+醉雞 ($68)：醉雞酒味香，雞肉嫩滑。燻魚肉厚，但乾身了些。糖醋肉排 ($48)：酸甜肉嫩，餸飯好正。松子龍利柳 ($58)：炸粉鬆化但厚身左d，魚肉比例少，個甜酸汁最好味。金銀鱔糊 ($56)：無黎味道，得個鹹字。生煎鍋貼 ($16)：皮太厚，肉餡唔夠多汁。其餘既咸肉蒜子津白 ($48)、紅燒豆腐 ($38)、上海回鍋肉 ($48)就普普通通無特別。

屋企冇飯開，諗住是但食d野，要求都唔算話好高。同女友叫左個二人餐，大件事。1. 酸辣湯，唔酸唔辣，魚肚同豆腐有油益味。2. 棒棒雞，仲叻，麻醬有陣奶茶味，雞冇雞味亦冇丁點辣味。3. 蒜l片炒鱔，大單，一堆大蔥加幾舊鱔，鱔已經乸到白哂，冇味兼韌。4. 欖菜肉鬆四季豆，冇欖菜味，肉鬆白色冇味，四季豆一陣草青味。係四個小籠包入到口食哂，勉強食哂個白飯，走人。最好食....係個碟南乳花生 我影d相唔好以為未開始食，其實係已經食完先影。

今晚系沙田依邊行街，一時間林唔到去邊度吃，碰巧經過依間就沖左入去解決肚子問題啦。皆因之前去左上海，吃過燻魚后令我非常回味，所以今晚見到menu上面都有燻魚，毫不猶豫就馬上order一個。上海煙燻魚（HKD35）：碟頭都幾細咯，好在吃落口之後發現味道都算幾正宗，可惜肉質不算特別出色，可能系因為用左草魚做，特別多骨絲，吃果陣要特別小心。上海烏冬麵（HKD28）：好大一碗，入面d烏冬勝在不是平時街市買既速食的，伴有木耳絲，肉絲同幾片青菜，可惜湯底太咸了。蒸素餃（HKD18）：熱辣辣的，皮幾薄，唔錯唔錯。而且星期一仲有特價11元添。TOTAL HKD95，不過入面阿姐既服務態度真系唔多好咯，叫左幾聲都無人黎應，希望日後會改善下啦。

好耐無食過唔得ge野食lunch唔知食乜就嚟左食呢間野經過過幾十萬次都無食過就要嫩雞燴麵同紅燒小黃魚嫩雞燴麵d雞太淋麵又麻麻，湯又無味完全唔明點可以叫嫩雞燴麵紅燒小黃魚條魚炸到過火所以又salty又唔嫩仲有條魚仲真係好小下最好係個中湯，有火腿叫有d味應該唔會再去

今晚趕時間，所以叫了松子雞絲菜粒炒飯，蔥油肉排湯麵，生煎鍋貼。晚飯是要加一，茶錢及花生＄５。松子雞絲菜粒炒飯－炒飯很油，鹽分佈不平均，有些鹹有些淡，雞肉很乾，松子少得像配菜，最好的是有菜粒。蔥油肉排湯麵－我很小心的撈起麵和餸以避開油湯。肉排一般，炸粉太厚，麵質還可以，只是有一些鹼水味，餸也不少。生煎鍋貼外皮不錯，肉是一般，也是非常油。來這處千萬不要祈求甚麼水準。它們的菜總是很油，味道嗎？就要小心選擇一些大路的菜式．更加不要要求太高的服務態度。其實此處之裝修昰不錯的，牆上掛著刺繡畫，有中國特色的窗戶。今次的座位對正向商場的窗，不時有人從外面望進來，我每次抬頭也看到有不同的臉孔貼在窗前觀望，最初差點被嚇壞，真有點像是坐在動物園的籠裡。不要認為隔鄰的泰國餐館會有甚麼突破，它們是同一老闆的，不但如此，對面診所的老闆也就是它們的老闆．此店內的大房，很少對外開放，是供老闆們聚頭的地方。

上次食過返尋味，今次亦都好滿意。醉雞好醉，好有酒味，男友話酒味重，我話咁咪啱，夠味夠香；窩貼好味；五香牛肉麵好味，牛肉又夠味夠lum；回鍋肉好味就好味，不過肉多菜少，對我哋兩個鍾意食菜0既人來講就差啲啦，因為如果早知佢少菜，我哋會叫多個菜。匯豐卡仲有9折，$160折咗$143。

今天與朋友兩人到沙田參觀博物館，參觀過後已近下午二時半，當然要到附近醫醫肚。最後來到了希爾頓中心的家常便飯一試上海菜。小店位於商場一角，店面不算大，裝潢不繁多，為新派上海菜館模式。食物方面除了四川擔擔麵及上海酸辣湯外，還有各式麵食及包點。由於是下午茶時間，所以我們點了非常相宜的下午茶餐，再加三兩小吃。 凍豆漿：隨下午茶餐附送，豆味不重，但勝在不太甜，天氣熱來個凍飲也不錯。 上海酸辣湯麵：湯麵質地較韌，酸辣湯則較可取，酸辣味道適中，也有傳統的豬皮、木耳等材料。但湯麵越吃湯卻越稀，可能因為麵條析出水份，所以要趁「快」吃哩。 脆皮素春卷：素春卷材料普通，但外皮炸得香脆，內裡也夠熱。兩條春卷切成四小段只加 $5，實屬平靚正之選。 小籠包：小籠包一籠四件，由於只加 $12，所以不存厚望。但質素比想像中好，皮薄但也不易穿，內裡尚存熱騰騰肉汁，味道也不錯。 縱觀食物質素不算突出，但也不差，價錢平可算是另一賣點。由於不是繁忙時間，店內食客不多，但店員竟然漏了我們點的蒜泥涼拌四季豆，朋友點的豬扒擔擔麵也來了普通的湯麵，雖然最後加回擔擔湯料，但也打了折扣吧。真不敢想像在繁忙的午飯時間會怎樣吧。

生煎包剛煎好的...熱熱的...有肉汁...深左去個飽飽度...鎮江肴肉冷的肉...d脂肪都冷結左...好滑...唔feel到膩...雞絲粉皮個皮幾滑+彈牙呀...唔會chi 埋一堆...個芝麻醬好香呀...個份量幾好...平均條條都有d汁...唔會係咁漿住曬個口or滯曬~鮮肉小籠包個皮...一夾就爛穿左...d肉...好散...上湯蒜子咸肉柏葉我地要左小棠菜...都幾清...咸肉就冇咩得別...好似個咸味未出到黎...冇左個taste 喇...有好多柏葉...哈哈...我覺得係厚左既付皮...幾有口感...砂碢雲吞雞碢係比較細的...雞就只有4分之一...個湯幾好味...唔油...但係雲吞個肉好似小籠包咁散咯...有10粒左右...d菜就入左d湯味~ 好甜~銀絲卷好似食緊麵包...佢係得外面個一層...之後裡面就係一團包...做唔到一層層絲的效果...e度個裝潢好古典feel...仲有隻窗仔...睇番出去...d人行黎行去...or d 車仔檔做生意~

話說昨天入沙田一遊, 行經希爾頓中心, 選凙响度開餐. 雖然唔係好好食, 不過, 都唔太差. 但係D味道就唔係好似. 兩個人先叫了 : 回鍋肉客食 $30四隻煎鍋貼 $16先講回鍋肉, 鑊氣唔錯, 但係就冇咩回鍋肉味煎鍋貼就居然有驚喜, d皮鬆化, 整體味道非常唔錯. 到下午茶時間, 叫了 :四川担担noodle 連忌廉$15　加煎鍋貼２隻－因為先前食過好食之故．　同樣，四川担担noodle不似四川担担noodle味．不過，又未之於好難食．　但係ｄ煎鍋貼就好唔掂，同之前差好遠，ｄ皮都未煎熟，成陣粉味，又唔熱．　可能因下午茶多人，趕時間，所以煎得冇先前噤好．　所以冇期望就冇失望．　一有期望就唔掂．　

琴晚去沙田新城市買野，之後一個去左近既食店醫肚，假期前周圍既餐廳都爆晒，點知晌呢到可以有一半位淨，所以都諗住唔會有咩期望，純係填飽個肚，本來都無諗過咁樣都會上黎呢到寫食評…點知…一個人叫了香矛豬扒菜飯，送了個紫菜豆腐湯，再叫了2隻炸雞亦，香矛豬扒味道都幾好，送既紫菜豆腐湯都算幾足料，收咁平既一個套餐，有咁既味道同份量都算好好啦。之後另外叫果兩隻斬件炸雞亦放晌檯面時我見晌骨位竟然有血水，我驚有禽流感，所以叫佢翻炸過，點知晌我再食碟炸豬扒時，嚇然發覺晌下面有件豬扒都有少少血水晌近骨既位，個女店員好唔好意思咁幫我再炸過，翻炸既雞亦好柴皮，不過我情願食柴皮都好過有血水o羅…雖然豬扒唔熟係好大既問題，不過見佢d野本身好食又平，店員態度又好，我諗今次唔熟可能係個別例子，都會比多個機會呢間野，下次經過會再幫襯既。

今日去左食下午茶。都算幾抵既!!20蚊碗麵+5蚊有個小食(春卷/生煎飽/鍋貼),同埋有杯野飲~我地叫左2 個餐。一個係四川担担麵, 一個係雲吞豬骨湯麵。d 担担麵唔同平時出邊上海舖食個d, 佢唔夠正宗, 只係得辣字!而另一碗d 雲吞就唔係好得!!不過呢個價錢黎講都叫ok 既, 唔可以要求咁多!!

今日中午到了沙田, 姊姊說這間小館很多人客, 應該差不到那裡, 所以去了試試. 典型的小店格局: 枱密+坐位擠迫. 點了糖醋排骨客飯, 涼瓜燴小黃花客飯, 和鎮江燻魚湯麪.先送上例湯 - 青紅蘿蔔豬骨湯, 一般例湯的味道, 不過不失. 然後陸續送來糖醋排骨和涼瓜燴小黃花. 糖醋排骨用的不是排骨而是豬排, 豬排表面的炸粉很厚, 只有甜味沒有酸味, 而且豬排也是沒有味道的, 應該是沒有調味雪藏貨. 涼瓜燴小黃花算是比較好的菜, 涼瓜較苦, 小黃花魚也是炸的, 但不致太乾, 魚肉也不算o鞋. 最後來的是鎮江燻魚湯麪, 這個菜實在令人失望. 湯麪還算可以, 但是燻魚卻炸得又乾又硬, 吃起來味道像罐頭的豆豉鯪魚! 鎮江燻魚卻用了大量甜酸醬, 好像在吃糖醋燻魚! 雖然價錢不貴, 而且客飯有例湯又有兩碗白飯, 但是食物質素卻如此不濟, 叫人怎會再回來幫襯呢!

之前同同事食過午餐，不過要等位等好耐，所以好少去食。難得今次病假期間，睇完醫生就0岩時間食個tea，叫左蔥油肉排麵+熱奶茶，好鬼抵，18蚊咋!!!!本來以為會比午餐時細碗，點知一樣囉﹗個賣相好好，仲好香添~肉排係切左，容易入口，都唔會期望係新鮮肉，但都唔韌，入口又唔會好碎，有質感架﹗d麵都唔會浸淋哂，但稍嫌麵量太少，碗入面仲有d木耳，增加可嚼性同色彩，整體都唔錯~只係杯奶茶冇乜茶味，有d怪，但朋友話，18蚊，仲想點丫~

今日同honey行完街諗住食飯, 唔知食咩, 行到去呢間, 諗住唔太貴, 又唔多人等位, 試下啦~ 點知, 我同honey食完之後都好後悔!我地拎左籌之後, 侍應想俾門口果張另一位客人, 但該客人唔要, 跟住侍應想俾張檯我地, 張檯放度好似坐門口食咁, 我地寧願等下囉... 點知侍應態度勁差, 細細聲咁講: 妖, 是但啦, 唔要就算啦... 聽到都諗住唔食佢地, 行左去隔離的泰國菜睇下有咩食, 點知唔夠半分鐘又話入面有位, 咁我地都算啦, 費事等... 坐低之後, 又聽到佢地講: 食飯咩, 要咩情調啫, 坐門口有咩所謂喎... 嘩!!! 要情調就唔係去你地呢間啦.. 我要坐得舒服少少啫... 都算數啦, 我要食飯啫... 唔同佢嘈~我地叫左呢d野食:酸辣湯 - 淡, 唔酸又唔辣炒鱔糊 - 係鱔片~ 芽菜勁多!上海粗炒 - 冇味小籠包(4隻) - 隻隻都穿的~一路食, 一路聽到佢地響度評論各食客的進度... 而出面有兩家人, 各自都係9個人, 打電話訂左位... 佢地自己唔記得留位不特止, 仲要響入面係咁講: 嘩, 乜咁好耐性架, 仲唔走喎... 走啦, 快d走啦, 邊有咁多位俾佢地坐喎

又到午飯時間，食店既選擇唔多，黎黎去去都係個幾間，今次就試下家常便飯：醬燒茄子 ($30)：軟身既茄子加埋爽口既笋絲，木耳絲都幾啱餸飯，但個醬豉油味重。糖醋龍利柳 ($36)：甜酸醬甜酸度適中，龍利柳既炸粉薄身些會鬆化些。回鍋肉 ($30)：好多油，個醬只有豉油味，多菜而只有幾片薄薄的肉片！菜芯排骨 ($30)：菜芯似用水酌完再回鍋炒番熱；排骨係用炸粉炸完切件既豬扒，鞋口無味；總之成碟菜似屋企既隔夜餸！醬爆雞丁：係唯一有少少鍋氣既小菜，雞都炒得幾滑！生煎鍋貼 (特價四隻$11)：皮好厚又硬，肉餡唔鮮味又乾争争！鮮肉小蘢包 (特價四隻$11)：和鍋貼一樣皮厚，肉餡唔鮮味，但比鍋貼多點湯汁！呢度果然係 “家常便飯”！隨便炒個小菜，無鑊氣，碟碟菜都係差唔多既豉油味，唔好味！