Marble Vietnamese

今次叫咗招牌孖寶湯檬粉，真係色香味俱全。湯底好清澈，味道醇厚。湯粉裡都好多餸，有生牛肉片、牛丸、香菇札肉、蝦滑條同白蘿蔔，搭配埋香菜和洋蔥，讓整碗粉更豐富。 牛肉片十分嫩滑，亦唔會太肥。牛丸多汁彈牙，蝦滑條亦有原隻細蝦仔係入面，味道認真唔錯！而檬粉就正常發揮，不過不失呢間舖頭細細，得三四張枱，不過好在當日只有兩台客人，唔算太逼夾。大家最好就返非繁忙時間過嚟啦，如果唔係可能會有啲迫或者要排隊總體來說，佢哋碗招牌越南粉值得一試！…Read More

同👦🏻細細一日走三場，香港仔➡️佐敦➡️尖東，Lunch當然要搵間就腳又好味😋。柯士甸路呢間孖寶越南湯河，舖仔細細，只有大概12個座位，樓面亦只得一位叔叔。我同👦🏻叫咗碗生牛肉湯河（$65），加$35要多半份香茅炸豬扒。🍜湯河配料有香葉同洋蔥，反而冇其他越南餐廳會有的芽菜。生牛肉浸一浸落碗底已經夠熟，肥瘦同厚薄都剛剛好。一飲落去個湯頭係比一般甜，一啖粉一啖湯好好味，我飲咗差唔多半碗都冇口渴感覺，都幾肯定係真材實料冇落味精。炸豬扒冇肥膏，亦冇厚粉漿，唯一扣分係個碟有好多油，個豬扒炸起索一索油再上碟會好啲。聽到叔叔同其他客講春卷係自己包，下次有機會都想試吓。呢條街感覺好靜🍃，冇乜幾多人，入嚟食嘢9成都係熟客，應該係住附近街坊/附近做嘢，有個姨姨仲係日日都嚟食lunch。樓面叔叔同個個客都好好傾，好清楚啲客喜好，又會加餸比熟客，我第一次嚟都覺得好有人情味。可惜係… 言談間叔叔話做到年尾就執，生意冇咁好同租貴都仲係其次，垃圾徵費應該先係最大鑊，根本就預計唔到個開支會大幾多，估唔到第一次幫襯就話要執…😥…Read More

其實我響附近樓上番工，一食就食左幾年其實佢吾係正宗既越南河既湯底我係越南食過既同佢係帶好大幅度既修改但正咩宗阿，好食未正宗嘍例如正宗既有大大塊香草連莖，大兜牙菜，正宗既湯底依便都係無的🤣🤣🤣，反而佢既特色湯底係好有誠意，識貨既就會好似我甘飲到上癮，佢個湯底係我係香港食過既越南粉入面係最高分。佢每日用幾個鐘煲既牛骨湯，依碗湯底比坊間鮮甜，絕無味精，飲幾多都吾口渴，一眼見底，我一飲就飲左幾年，番工放工365日有300日都係飲佢，依碗湯係你番工番到半死灌一碗回魂湯簡直係心曠神怡。已經成為我既習慣。我係依間小店幾年內淨係食最大碗既越南粉/生牛肉粉，有時帶朋友仔嚟就會食佢牛油蒜容雞翼，雞翼都係誠意之作，惟一就係雞翼裡面醃得吾夠味，其實都好好。總之，如果你對湯面既湯好_有要求，你嚟試下，吾會欺場，最好吾好太夜嚟，因為湯頭煲到夜晚會太濃，最理想既時間係2-3，5-6依段時間，佢3點會落場🤣如果你係新客又睇到openrice 我條食評，你去同落單戈個老闆講，話openrice 條友話可以送多兩舊蘿蔔🤣💦💦💦…Read More

去尖沙咀上堂，路過此餐廳，老師是越南華裔，我們決定食佢，生牛肉湯河加煎豬扒。地方唔大，但企理整齊乾淨，十分欣賞。服務員親切又善，有問必答。越南咖啡好味，今日好累，所以要加點咖啡。生牛肉湯河的湯底清甜有香草味，令人喝了整碗，當中配菜我最服越南芽菜，同廣式的種類有一點不一樣，佢係中間特別粗大，本身唔長，十分爽口好味。生牛肉在熱湯中瞬間熟透，令人大口大口食完。煎豬扒一碟是切好一片片，可以朋友間互相分享，又熱又入味。…Read More

💛孖寶越南湯河 (尖沙咀)👍🏻香茅豬扒撈檬 $70夏天食撈檬夠哂開胃😋豬扒鬆化入味.👍🏻越式生牛肉湯河粉 $60湯底用新鮮牛骨熬製而成清甜唔油膩，牛肉嫩滑✨.👍🏻越式手打墨魚餅 $88勁新鮮，好彈牙🤤略嫌貴左啲🙌🏻.👍🏻上湯生菜 $30📸27.08.2022.💁🏻‍♀️#大推有Heart小店💗老闆會同食客有講有笑亦同附近街坊好熟絡係到食野多左份人情味😆💓👍鐘意既請Follow/Share/Like🙏ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ.…Read More

💛孖寶越南湯河·呢間我lunch time已經食過好多次㗎啦 佢個湯頭真係超級鮮甜 今次再出post係因為我地今次跟隔離檯試左新野食😈😈·越式手打墨魚餅撈檬$105 l 越式香茅豬扒湯河 $65我嚟咗咁多次從來都唔知原來佢係有墨魚餅撈檬既 今次係見到隔籬枱食 好似好吸引咁 所以就跟住佢嚟嗌😎雖然佢真係貴少少 但係佢個墨魚餅真係超大塊 超好食 佢係打到勁彈牙 中間仲有好多墨魚粒 勁新鮮🦑而且佢係炸到外皮脆得黎唔會好油 成件事超好食🤤🤤之後佢個過豬扒湯河湯底同之前一樣咁出色 佢係好甜既蘿蔔味 飲落勁舒服 我自己中意再加少少佢個青檸同辣椒粒 食落會再有層次啲 😌😌不過我哋今次個豬扒就冇之前咁好食啦 偏乾咗少少🙊·#rbyeat#rby東南亞菜#rby💛#rby尖沙咀 #rby佐敦·📍尖沙咀柯士甸路17號豐樂大廈地下4C號舖…Read More

🥢越式湯河小店💕尖沙咀、上環都有店‼️🥢老闆很友善🤣跟很多客人都很熟的樣子😯旁邊的上班族都認識～🥢配料處理得蠻不錯的越式料理店hehe——————🔎招牌孖寶湯河粉套餐 $78我覺得湯河裡面的配料比很多連鎖的越南餐廳好吃多了🤣因為很入味但又保留了食物本身的原香味！像是牛肉、肉丸～肉丸也很彈牙！湯底對我而言又太甜了：0 🔎雞絲撈檬 $70雞絲比起其他…(吃完打到這邊 所以我忘了我那時想說什麼) 記得醬汁也是魚露味較重！就這樣～！🫶🏿推薦附近的多美意麻糬波波/芝士蛋糕！和四喜的松露巧克力🍫🤎…Read More

呢間小店食過幾次, 聽講年尾會唔做, 早於繁忙時間前路過見到有位就食多次寫埋review越式香茅豬扒湯河粉 - 轉咗做蝦頭膏湯底, 超.級.香.濃嘅蝦膏味, 雖然寫個湯底係辣, 不過係BB辣level, 一般人都接受到招牌孖寶湯河粉 - 加咗煎蛋邪惡咗好多,  有齊牛肉、牛丸、牛腩片、豬肉丸同扎肉好豐富, 少少貴但可接受法式牛油蒜香雞翼 - 炸雞翼鋪滿用牛油蒜頭再炸, 非常酥脆同重牛油味, 重到蒜味都比下去, 即炸關係非常熱, 要慢慢吹凍食青檸梳打 - 個人偏好用新鮮青檸多過糖漿…Read More

餐廳環境餐廳細細間，牆上有草帽同有可樂罐，幾有特色。成個室內環境令你好似去咗其他地方咁。食物我哋今次叫咗好幾樣嘢，包括雞絲米紙卷、香茅豬扒河、生牛肉湯河，啲湯可配芝麻雞翼同牛油雞翼。雞絲米紙卷啲雞肉唔會好鞋，配埋啲粉絲同菜，配搭好易入口。個米紙卷卷會配麻醬，食落好Refreshing。香茅豬扒河、生牛肉湯河豬扒份量幾足，唔會炸得太乾，中規中矩。生牛肉湯河都係中規中矩芝麻雞翼、牛油雞翼冇諗過芝麻雞翼係雞全翼，上菜嗰陣簡直心心眼兩款雞翼個皮都炸得好脆，外脆內軟，非常Juicy。整體來講，環境好cozy，嘢食都唔錯…Read More

之前外賣食過覺得幾好，今次試埋堂食，佢嘅門口唔算好顯眼，可能因為佢貼左好多相喺個櫥窗度變左有時行過都唔會留意到佢，佢係一間好細嘅越南菜， 入內只有十幾個座位。 今次叫左佢地嘅「招牌孖寶湯河粉」，有牛丸、牛肉、牛腩、豬肉丸同扎肉，再加左隻煎蛋，賣相係絕對可以， 好豐富， 計落價錢就唔算貴，落埋啲辣椒同青檸其實食落去爽，又唔會好油， 唯一係煎蛋明顯係 overcooked ，蛋個底濃到係又苦又硬另外再叫左個「法式牛油蒜香雞翼」，好食， 不過上枱果下心入面諗緊我叫左啲咩 開頭以為佢炸得好厚粉，點知原來係上面係鋪滿左蒜頭，咬落去都好香牛油味，不過小心：超！級！熱！如果見到有位，想快吞轟碗有質素嘅粉麵，呢度回頭率係高嘅～ 好想試埋佢個「腍肉」睇下係咩嚟…Read More

諾士佛台附近各式各樣既餐廳有好多，甚至附近有韓國街，但偏偏比呢間小店吸引左我！舖頭空間唔太大，大約可以容納10個人左右，等咗15分鐘可以入去了。可能枱與枱之間好近，好易聽到隔離傾緊咩，但莫名其妙地隔離係呢間店舖既熟客，佢哋同店員既對話，既有趣，又有一種家庭&人情味既感覺🥰食物賣相未至於最完美，但當中既味道&人情味值得我推介呢間舖頭👍🏻👍🏻👍🏻。 招牌孖寶湯河粉 ($75)湯好鮮好濃，而餸既份量都幾多😋😋河粉冇煮過頭👍🏻好爽口，所以到最後甚至飲晒碗湯。雞絲撈檬 ($65)雞絲份量好多，檬粉好好會剪碎，方便分開食，而唔會哽親👍🏻。炸蝦餅米子卷 ($65)炸蝦餅唔會太過油，佔米子卷五份一，整體唔會太肥膩，輕鬆三啖就食晒🤤回頭指數: ⭐️⭐️⭐️⭐食物質素: 🌮🌮🌮服務質素: ☺️☺️☺️☺消費指數: 💰(人均消費$103)環境質素: ☘️☘️☘️…Read More

位於尖沙咀嘅越南小店、只有唔夠10個位，不過都好有風格，就好似部屋咁🤔小店嚟講菜式都唔算少，份量正常、但係價錢就偏貴少少，始終都係尖沙咀區、二碗粉麵、一客小食、再加兩杯飲品、埋單二百八、真心貴😅春卷撈檬$70整體份量正常、不過春卷得兩條切半、真係有啲失望！春卷味道唔錯、唔係現成嘢、春卷水都調教得幾好味😋孖寶牛河 $78湯底唔算牛味濃、比較重香料味、都唔會太咸、牛肉雖然唔多不過勝在唔會肥、湯底清爽唔油膩、合格嘅👌🏻…Read More

又係一個滿街死寂嘅下晝，今次嚟到柯士甸路覓食，見到相隔幾個舖位有兩間新開嘅兩餸飯，一間叫戶戶餸一間叫密密餸🤣，應該係同一個老闆開。睇嚟喺咁經濟低迷嘅情況下，可能只有呢啲舖頭先做得住😥。孖寶越南湯河店面好細，好彩幫襯嘅時候仲有其他食客，仲有一啲外賣單🙏。今次反璞歸真，叫咗越式生牛肉湯河粉。呢碗粉最大嘅驚喜肯定係個湯底，鮮甜到不得了😍，估計用牛骨淆咗好耐，我又係飲到一滴不剩，之後仲成日冇扯水，證明冇乜落味精，勁👍。至於牛肉同河粉都係水準之上，前者夠肉味，後者滑溜之餘又唔會碎濕濕。叫多杯蜂蜜生薑茶，雖然細細杯，但都落咗唔少薑絲，夠足料。…Read More

💛孖寶越南湯河·依家天氣凍啲 真係成日想食啲有湯既野 個日我同同事仔都想食pho所以就專登行遠啲黎食呢間 最後超滿足🥰🥰·越式生牛肉湯河 l 越式香茅雞翼湯河 $58佢呢度個湯底真係好出色 佢好清甜 飲落去勁舒服 尤其係同河粉超夾😍😍之後佢個生牛肉質感都唔錯 牛味幾重 不過我自己再中意佢個香茅雞翼多啲 佢係真係新鮮炸起 個皮超脆 而且個雞翼仲係好juicy🐤🤤🤤·#rbyeat#rby東南亞菜#rby💛#rby尖沙咀 #rby佐敦 #rby上環·📍尖沙咀柯士甸路17號豐樂大廈地下4C號舖📍上環蘇杭街103號地舖…Read More

【肥波東南亞系列】🎈星期五晚有得揀當然係揀黃店系列💛之前每一次經過呢間舖都見到坐滿人，終於都可以試到佢喇！店舖比較細，我地都等左接近10分鐘先有位。店員就只有2個，所以都要等一陣先有野食，唔緊要，好食就得😆食緊嘅時候都不斷有人等位同叫外賣，證明左佢都幾多fans‼️今次叫左3樣野：1️⃣孖寶湯河（牛肉，札肉，牛腩，牛丸等等）2️⃣孖寶撈檬（豬扒&雞翼）3️⃣蒜蓉牛油雞翼肥成叫嘅孖寶湯河黎先，熱辣辣嘅湯，湯頭甜甜地，唔錯💛配料都幾多款，可以試多幾款餸😆河粉唔會煮過火，依然都係爽口嘅👍🏻🎈孖寶撈檬就有兩款餸，香茅豬扒同雞翼，兩款餸都好食😋而且唔會好油！而且雞翼都有兩隻、豬扒有幾件，唔會因為雙拼而減少餸嘅份量👍🏻檬粉配埋魚露酸咪咪好開胃，超鍾意食撈檬哈哈💛🎈牛油蒜蓉雞翼有4隻，牛油味ok，但唔算好油，炸粉皮唔算好厚，雞翼唔會炸到好老👍🏻不過肥成話佢始終都係掛住阿肥多啲😂…Read More