孖寶越南湯河

Open Now

Now Closed

又係一個滿街死寂嘅下晝，今次嚟到柯士甸路覓食，見到相隔幾個舖位有兩間新開嘅兩餸飯，一間叫戶戶餸一間叫密密餸🤣，應該係同一個老闆開。睇嚟喺咁經濟低迷嘅情況下，可能只有呢啲舖頭先做得住😥。孖寶越南湯河店面好細，好彩幫襯嘅時候仲有其他食客，仲有一啲外賣單🙏。今次反璞歸真，叫咗越式生牛肉湯河粉。呢碗粉最大嘅驚喜肯定係個湯底，鮮甜到不得了😍，估計用牛骨淆咗好耐，我又係飲到一滴不剩，之後仲成日冇扯水，證明冇乜落味精，勁👍。至於牛肉同河粉都係水準之上，前者夠肉味，後者滑溜之餘又唔會碎濕濕。叫多杯蜂蜜生薑茶，雖然細細杯，但都落咗唔少薑絲，夠足料。