威威粉麵餐廳 (Closed)

呢間茶餐廳，起初開D嘢食真係好食，尤其是泰式檬粉。。但今時今日，唔知道係唔係換了師傅關係，都冇用心做，食佢d粉麵真係好差，叫咗碗雞絲粉食，成碗嘢都唔知道d雞絲去咗邊，小度又唔好食，真係好差囉❗️佢d炒粉麵飯都算還可以，但湯粉麵真係差到離晒普凍檸茶d檸檬仲驚人，雪到d檸檬硬晒，一d檸檬味都冇！！我真係未見過有間茶餐廳會雪到檸檬硬晒咯。。真係只可以講一間非常之差餐廳希望間嘢老闆會改善下，唔係真係邊有人幫襯。。

無咩要求，求其食的話，其實無咩所謂。不過對我而言，食一次試過就夠。個豬頸肉飯既賣相真係令人開胃唔到。肉味道OK。但係個樣真係唔掂，一上枱有些嘩然。個海南雞似鹽焗雞，有些鞋唔滑，個醬汁一般，雞好少，底下墊左好多有d硬既紅蘿蔔，係碟油菜質素唔錯。豬扒煎蛋飯普通，係出邊茶餐廳水準。無特別驚喜，尚可。泰式炒金邊粉，出品有些馬虎，無花生碎，唔夠酸，味道偏淡。不過蝦仁比得...算係唔太吝嗇。有成8粒左右，雖然唔係大粒，量算多。呢個價錢唔值。$40-$50幾蚊唔抵食。睇完呢個飯，都無太大期望。四個人食，認為環境，食物，服務都普普通通。唔會回頭。

好日都唔會經開石圍角，但因為要去上急救班所以就有幾日要係到搵野食。因為呢到選擇唔多，咁就隨心入左呢間茶記到食個午餐。雖然環境一般，但餐牌既選擇都好多，又有午餐又有車仔麵同小菜揀。而我就揀左當日既午餐A 粟米肉粒配薯菜$45 加左杯凍檸茶$3，而同學仔就點左沙嗲金菇肥牛炒河$45加左杯凍奶茶$2。來餐速度極快，而且味道其實比外相較好。最得意係粟米肉粒大多餐廳只可以跟飯或者意粉，而呢到可以揀薯菜，而薯條係剛剛炸起味道不錯！作為一間老屋邨既茶餐廳算交到貨了！

今日(2-8-2020  Sun)晏晝,同老公去超市入完貨肚餓食lunch,但廣發冇開,我又唔想食嗰間牛雜河粉,於是嚟呢間,我哋去到都唔多人,梗係,第三波武漢肺炎重未退潮.睇完menu,我哋都要$40.00嘅lunch,我要越式燒豬頸肉飯,飲豆漿.老公要黑椒牛扒伴火腿飯,加$2.00要凍檸水.豆漿係正常甜.味道: 2.8分越式燒豬頸肉飯,冇乜汁,食吓,原來落咗美極,燒豬頸肉完全冇越式風味,只係口感正常嘅爽,而原來,佢哋隱藏咗蔥油,份量夠撈晒成碟飯.味道: 2.8分老公嘅黑椒牛扒伴火腿飯呢,有好多黑椒汁,牛扒大大件,我試吓牛扒,黑椒汁鹹,牛扒鬆軟,ok嘅.味道: 2.5分上次食評係2019年11月24登嘅呢篇: https://www.openrice.com/zh/hongkong/review/%E4%BA%82%E5%9A%9F-e3600203

今日(24-11-2019  Sun) 全港區議會投票日,朝早投完票至食早餐,老公嚟o左呢喥,睇完menu,我哋都要$36.00嘅美式焗豆早餐,有牛油方包,佢要香芧豬扒,炒蛋腸仔,飲熱奶茶.我要照燒雞扒,午餐肉同火腿,飲熱檸水.兩杯嘢飲先到,我嗰杯正常冇問題.老公嘅奶茶我就唔知.之後等o左幾耐吓,兩份早餐至到,見到炒蛋份量唔少,而兩個餐都有pat唔知咩醬汁, 雞扒似雞件, 香芧豬扒又薄又炸到乾晒.雞扒唔乾仍嫩同juicy,但,照燒在那?而老公話嗰pat醬汁應該係蒜蓉汁,我食落覺得似有豆味,有少少似麵豉醬嗰類.其他嘢正常冇問題.味道係2.8分上次食評: https://www.openrice.com/zh/hongkong/r-%E5%A8%81%E5%A8%81%E7%B2%89%E9%BA%B5%E9%A4%90%E5%BB%B3-%E8%8D%83%E7%81%A3-%E6%B8%AF%E5%BC%8F-%E8%BB%8A%E4%BB%94%E9%BA%B5-r113909/reviews

前日(29-9-2019 Mon)晏晝,老公喺喥用$39.00買咗個番茄豬軟骨飯同熱檸水返屋企食,佢分好晒食得.豬軟骨有啲醋味,有少少似豬腳薑嘅味道,口感就唔夠腍,而加有舊肉係嚡嘅,而熱檸水竟然已自調咗,太甜,自己斟多大半杯水兼篤檸檬至冇咁甜.上次幫趁,都已經係年幾前嘅事,嗰個食評:https://www.openrice.com/zh/hongkong/review/%E5%86%87%E7%86%B1%E8%B1%86%E6%BC%BF-e3039365

因為一D緣故黎依邊食lunch 叫左越式燒豬頸肉飯幾塊豬頸肉附上野菜同蔥油！？..............................

前日(6-5-2018 Sat)朝同老公落樓整o野,整完食早餐,好彩呢o度早餐供應到11:30am,重趕得切,我就要$28.00o既豬扒包,飲熱豆漿.老公要$29.00o既沙爹牛肉米配餐肉同紅腸,飲豆漿.落完單亞姐即講句冇熱豆漿. 凍豆漿到o黎,之後係我老公o既米粉,快得出奇,佢話呢間o既沙爹牛肉落得多啲,令啲湯o既味道好濃.我o既豬扒包到o黎,睇見連包面都油,打開睇,料唔多,豬扒亦唔大件,食落,個包都有烘熱暖暖地,而味道就鹹淡適中, ok啦.凍豆漿呢,味道都濃o既,甜度亦o岩o岩好.抵食係2.5分上次o黎食係上年10月o既事,o個個食評: https://www.openrice.com/zh/hongkong/review/%E7%B9%BC%E7%BA%8C%E6%BB%BE%E6%B0%B4%E7%81%BC-e2884475

大前日(2-10-2017 Mon)晏晝同老公食下午茶,唔知去邊間好,o黎呢間啦,由於我o地坐o係冷氣機底,所以都幾凍,於是o係未落單前調一調位,調o左o既位冷氣就o岩o岩好,之後我叫o左$31.00下午越式粉麵餐o既香茅豬扒湯檬,要自製豆漿.老公要$31.00酸辣米線餐o既墨魚卷酸辣米線,要熱檸水.o岩o岩落完,男侍應即俾兩杯凍檸茶o黎,我話唔係我o地o既.然後又拎一杯熱檸水同一杯唔知咩o既凍飲o黎,我又話o個杯唔係我o地o既.隔離枱o既男顧客話係佢o既.之後o個亞姐話凍豆漿就快到.飲啖先,係夠凍,但豆味淡,有啲似溝水.然後老公o既墨魚卷酸辣米線到o黎,碗就大,份量唔多.之後男侍應又拎碟熱狗沙律o黎, 我又呆一呆,而隔離枱o既男顧客話係佢o既.呢o度o既男侍應攪咩????好快,我o既香茅豬扒湯檬到o黎,見到塊炸o左o既豬扒顏色都幾深,夾起睇,好薄,大槪只有6毫米厚,食落,味道夠o既,但唔係香茅味,根本都冇乜香茅味,似就咁只係有豉油,糖醃過就算.而湯檬呢,只有蔥同芫茜,一啲越南風都冇,食落,啖湯冇味, 檬係爽口o既.加返啲調味料,冇魚露,唯有加醋食.之後我問我老公覺得佢o既墨魚卷酸辣米

星期日係去陪老人家嘅日子，因為天氣熱又唔想老人家辛苦，就決定出街食晚飯。但已經食明星食到厭左，老人家就提議試下食茶記，佢話想試下呢度嘅小菜如何。咁我地一家五口加埋2位老人家就落去試下啦，見到有一個4款小菜嘅餐都只係一百九十幾蚊又幾抵，就決定叫呢個餐，另外老人家擔心唔夠食就再叫多一款小菜。蝦仁炒蛋：係茶記蝦仁係雪蝦係正常嘅，所以鮮味就唔洗諗，但起碼冇好勁雪味，蛋炒得夠滑，唔會太老。金銀蛋莧菜：佢嘅金銀蛋莧菜係有加肉碎煮，可以令我唔食肉嘅女唔覺意食埋d肉碎，實在太好了。金銀蛋亦整到細細粒幾好心機，莧菜都唔少，算大碟。西蘭花炒班片：當然所謂嘅班片係鯰魚柳啦，但就好大陣雪味...所以大家都唔太想食，西蘭花就剛好唔會太淋或太硬。中式牛柳：牛柳有少少硬，但都ok嘅，老人家都咬到，好過係比生粉醃到入口即溶嘅。酸甜味剛好，送飯一流。生炒排骨：排骨炸得都夠香口，同酒樓食嘅都差不多，菠蘿亦都有唔少。呢度每個小菜都會送白飯一碗，另外因爲我地唔飲例湯，所以佢地改比豆漿我地，都算不錯。係屋村茶記黎講小菜算不錯。

5-9-2016 (Mon) 晚,老公o既男性友人NT o黎幫我o地整電腦,由於會整到好夜,於是o係8:45pm我提議食晚飯先,老公話落荃灣,唔好啦,一來一回o徙好多時間.老公話佢買返o黎.唔好啦,於是拿拿林走落商場,見到呢o度幾間都未閂門o既,於是走入o黎食.睇吓有咩食,有好多o野食,我就集中睇o左小菜,睇睇吓,原來有組合,三人組合可以叫$145.00,一個A餐,兩個B餐, NT揀o左西蘭花鮮魷,老公XO醬翠玉瓜炒豬頸肉,我要菠蘿咕嚕肉.NT要加$7.00o既凍檸茶,我要加$5.00o既熱檸水,老公要加$9.00o既朱古力脆脆華田.落完單,三碗例湯即到,係青蘿蔔煲豬骨湯,有好多青蘿蔔,湯唔太鹹,幾清,而佢都仍好熱,青蘿蔔就有少少渣.然後三碗白飯同飲品到o黎,我試吓老公o個杯,朱古力味適中唔太甜,正常吧.最後三個小菜到o黎,份量唔多唔少,正常.菠蘿咕嚕肉o既酸甜度又o岩o岩好,肉質鬆軟.味道: 4.7分西蘭花鮮魷,西蘭花多啲,食到清新o既蒜蓉味,都幾惹味.味道: 4.7分XO醬翠玉瓜炒豬頸肉就翠玉瓜有好多,食落,辣o左啲,而且食得個XO醬好一般,豬頸肉唔算好脆,我只食少少就冇乜興趣食.

今(30-7-2016 Sat)朝同老公落荃灣前食個早餐,唔知去邊o度食,行過睇睇,老公話呢間啦,咁O岩有卡位.老公要$27.00o既早餐,揀o左沙爹牛肉,腸仔,午餐肉公仔麵,要豆漿.我要$31.00o既香煎漢堡扒,茄汁焗豆,粟米炒蛋同火腿,要熱奶茶.冇耐,我o既熱奶茶到o黎,飲吓先,茶味唔多,口感滑,我只加半茶匙糖算吧.之後老公o既凍豆漿到o黎,佢飲啖,我問甜唔甜?佢答甜,我就冇飲到.然後老公o既麵到o黎,睇見腸仔係炸,我食啲沙爹牛肉,唔辣,牛肉軟滑,OK.其他o野正常吧.而我o個份呢,原來有牛油方包,但兩件漢堡扒好過份,又係燶.乜o依o家煎o野好難咩?火腿薄到死,可以薄到食唔到鹹味;粟米炒蛋全熟,好彩未到好o鞋;薄漢堡扒燶到唔知係佢本身係咪漢堡扒,離晒譜.茄汁焗豆一定正常啦;牛油方包牛油好夠,都正常.味道只計我o個份,係2.6分,環境係3.5分,抵食係1.5分

昨午路經一個老屋邨-石圍角邨，圍着屋邨走了一片，看見大多數人坐在公園仔乘涼的或在購物的，都是上了年紀約60餘歳老屋民，看見他們悠閒簡單的生活節奏，真使人響往 Oh... 不要忘了肚子餓，先走去找地方午餐這屋邨竟然有四間茶餐廳平排在一條路上，門面都很整潔，隨便找一間吧～店內食客頗多，位置也寬敞車仔麵價錢比較高些，彷似不太平民價錢另外還有精選午餐給食客享用，選擇不多，不過有學生優惠最後叫左個五餸車仔麵（$38）- 湯底清新，喝下沒嗆喉，味道剛好，但沒大驚喜，另外，豬紅有8粒（很脆口），鹵水雞翼1隻（比較乾身），魚旦5粒（彈牙），牛腩份量及味道一般，不過，咖哩味幾香及野味同辣味可以，我仲唔救叫店員比多碗仔咖哩汁我也沒炸形，服務可以食物質素可以但相對價格比較高些，在屋邨車仔麵售價來得不平衡

今日 (28-11-2015 Sat)同男友,月友人WK攪結婚o野,然後放低啲o野o係荃灣屋企,咁就食少少o野至走.我o地三個都食$32.00o既三餸車仔麵,男友要豬紅,咖哩魚蛋,豆卜河.我要豬皮,五香牛肚,蘿蔔粗麵.WK要生菜,五香牛腩,牛丸河.大家都要凍豆漿.三杯凍豆漿先到,飲飲,好夠凍但都好甜.之後三碗河,麵都到,影好相又開餐,睇到WK o個碗冇炸蒜,我同男友o個碗有.男友先食咖哩魚蛋,見到顏色咁淺就知流,果然係冇咖哩味.我都食,係;而豬紅口感正常亦唔腥, 豆卜又係顏色好淺,淡而無味,又唔夠腍;幼河粉都係一般o野啦.而我o既麵呢,牛肚夠腍,味道比男友o個啲餸好啲,叫做有味;豬皮亦好彩夠腍;蘿蔔出奇地好甜又冇筋,唔錯.而WK o既呢,我o地冇問佢,只見佢將一蕭牛腩掉o左,話好核突,唔知咩位o黎.味道: 2.79分

8-11-2015 (Sun)又早起後執o野,但要去男友o度執,於是食個早餐後出發.我o地o黎呢間,男友要$31.00o既美式焗豆早餐A,照燒雞扒配粟米炒蛋腸仔,飲熱奶茶.我要$27.00o既日日醒晨早餐,要香茅雞翼通粉,配火腿午餐肉,飲熱奶茶.好快,兩個餐到o黎,男友o既粟米炒蛋冇粟米,男友話因為我落單時冇講粟米. 我只係懶得講粟米,咁就乘機俾走粟米o既粟米炒蛋炒蛋,有冇攪錯? 開餐,香茅雞翼香茅味夠, 雞翼都仍嫩滑;男友o既照燒雞扒呢?就o係件雞扒上面淋照燒汁整成,何其簡單,攪到唔入味,麻麻地好食.熱奶茶呢,茶味都係唔夠.