正所謂揾食唔容易㗎
今次得朋友推薦 話熟食中心有好味泰菜 一於去試試
原本以為熟食中心的餐廳一定好熱唔多乾淨 已經做定心理準備
餐廳位於二樓 一上樓梯就見到以簡潔裝潢的 配大大隻雞頭招牌店面 相比較下污污黑黑的同場鋪頭 即時信心多咗
入到店內冷氣十足 場地都乾淨企理 座位算坐得舒服
下午兩點左右 過咗午時客人唔算多 店員反應算快 落單叫咗招牌大雄海南雞飯 隔五分鐘到就上餐
海南雞肉嫩滑 餐廳備有兩款醬汁：海南雞醬同酸辣醬；因為選擇困難 要求兩款醬汁而老闆又好好咁俾我試
酸辣醬汁 酸甜度分配適中 加上少少辣刺激到味蕾 口感清新開胃
至於海南雞醬相比下 少咗新鮮感 中規中矩
至於個飯 椰香味唔重 我自己反而鐘意佢唔加雞油 唔膩 但飯粒有少少硬身
整體來說：俾到驚喜我 起嘛係乾凈有冷氣 而且夜晚有暹邏雞煲火鍋 回頭指數
