Café de Coral (King's Road)

位於鰂魚涌的大家樂最近推出蜜糖豬扒車打芝士意粉，豬扒煎至外香內嫩，帶有淡淡蜜糖甜味，配上微鹹車打芝士醬汁，味道濃郁但不膩。意粉煮得略腍但吸汁力不俗，整體味道平衡，份量充足，是一款簡單又有歐陸風情的快餐選擇。環境：分店整潔，座位安排合理。 價格：可配茶或啡，屬中價位，性價比尚可。 食物質素：豬扒煎得香口，醬汁細膩，意粉吸汁力佳。 食物種類：港式及西式主食選擇多元，定期推出新菜式。如果你鍾意甜中帶鹹的豬扒配芝士意粉，這款新推出的焗意粉值得一試。 …查看更多

曾經早幾年有一段日子覺得大家樂只是快餐味道一般般，價錢也不算平，但近兩年我覺得大家樂集團以變成良心企業，所以每間大家樂都有很多長者顧客，你看這個早餐$35, 粥(今日個柴魚花生粥超多料，D咸骨好好味)、麵、蘿蔔糕、油條，多樣化的每樣分量剛好，長者還會減$3，而且味道昰合格以上，如果不是良心企業我不知怎形容。 它晚餐的冬瓜盅尤其出色，自己用這個價錢是沒有可能做到的，雖然size不大 但正合1-2人份量，可能近幾年社會經濟不境氣令飲食業競爭大，促使它要越做越進步、越做越出色，以前我覺得它沒什麼特別，只欣賞它農曆年照常營業且不加價，或許以前我並不是長者，未領略長者的優惠，現在它是性價比高。或許某些晚餐(如蒸魚)當你很晚去享用時，食物質素會因擺置久了而下降，這方面大家樂要改進，但原則上它都是有用心制作的，而且她在飲食營養方面也比前進步，例如椰菜花飯和紅米飯便是好例子。這幾天在不同店吃過他的早餐，粥品特別好味，而且無論下午茶餐，早餐，晚餐都可以配搭得非常多元化，非常flexible，這個便是顧客想要的，現在真是有衝動想買他的股票，畢竟實在太低價了，而且派息不錯，不為賺錢只為支持良心，我希望它越做越好。最後一定要讚服務員的態度，對長者的忍耐和包容，某程度上比自己兒女好。…查看更多

講到焗豬，相信大家一定會聯想到大家樂，佢地嘅一哥焗豬扒飯最近仲提交申請成為“「香港非物質文化遺產」，由細食到大嘅文物，當然又係時候去懷緬一下套餐～一哥焗豬扒飯+萄鐽+餐飲 $56大大塊厚切嘅豬扒，肉嫩，配料多，有菠蘿、雜豆、蕃茄、洋蔥，炒飯底，口感豐富，略嫌萄鐽普普通通，不過不失，勝在套餐包飲品，價錢親民。…查看更多

香港快餐店其實間間都唔好得幾多, 差就一定的, 明明堂食, 就整個外賣盒嚟, 證明員工心不在焉, 不過算啦都係照食啫, 但係啲飯就淋bet bet, 仲有啲水響度嘅, 估計愛嚟裝飯嘅殼都浸咗好耐水㗎喇, 張單明明寫咗加飯, 但飯仍是很小, 睇嚟佢都唔會你睬了, 隻鹹蛋仲係變壞咗嘅, 唔食得了, 呢啲pk餐廳加小小野咩都同你計錢, 加半隻鹹蛋又要三蚊, 而家比件壞蛋比你又唔會退返錢, 總之香港餐廳執笠係自己攞嚟嘅, 有時間我都選擇去深圳食好過.…查看更多

話說我成日穿過東匯坊出入鰂漁涌圖書館，次次都要經過大家樂。講真，好多年已經冇堂食過大家樂，但我就留意到呢間晚市都易搵位、乾淨，呀公呀嬸食果啲野都好幾味咁，呢一晚就決心試下打邊爐。。食物：打邊爐都有幾款可以揀，我就用電話app揀左有牛有豬果款($72)，揀豆乳雞湯，另外加$7將米線轉烏冬。後來店員通知，烏冬已賣晒，可以退錢，我廢事袋散紙，叫佢轉其他野食，佢就比左三粒餃子我。打邊爐來來去去都係果幾樣食材，冇話邊樣特別好味，係最後果碗米線吸晒湯的精華我覺得好好味。今時今日晚市黎講，七十幾蚊竟然有咁多肉，又可以體驗烚下烚下的滋味，都算係咁。店員服務又幾好！。有待改善的地方：我一個人食，食食下發現冇比紙巾，又冇匙羹，最後唯用靠自己的筷子功啦！。補充：太古城中心果間係冇打邊爐，要食就要黎呢間或者去太安樓。…查看更多

好耐冇落過大家樂打邊爐啦！趁今晚阿媽都得閑就帶埋佢落樓下間大家樂食返啦。阿媽叫咗個穀飼牛、豚肉鍋豬骨湯底，凍檸樂。呢個餐附送嘅係菜盤同米線。我就食雙份美國穀飼牛鍋沙嗲湯底、凍檸樂。呢個餐附送嘅都係菜盤同米線，不過我就加錢將米線換做讚岐烏冬同埋額外火鍋料拼盤。嚟啦嚟啦送到嚟啦！我份拼盤有一隻餃子、一粒肉丸、一塊炸魚餅、少少菜、幾條芝士腸同一碟仔炸魚皮。準備好小弟祕製嘅醬汁～～立即開打啦！肥牛麻麻地，乾咗啲老咗啲。跟住就係落啲拼盤嘢啦！總體嚟講都算ok，最後啲菜都新鮮嘅。最後嘅最後一定係佢啲烏冬啦！臨尾一定係用烏冬嚟收尾嘅。沙嗲湯底嘅烏冬都冇話唔正。…查看更多

夜晚收到屋企人電話，話今晚唔煮飯了，要出街食，叫我到屋企樓下大家樂等。咁啱晒啦屋企樓下間大家樂已經重新開返啦。食咩好呢……我都係食返自己最愛嘅粟米肉粒飯，凍奶茶。啲肉粒都幾大粒嘅，粟米醬都比得好多，唔洗話唔夠撈飯搞到好乾咁。又有啲炒雜菜同蘿蔔做配菜，夠健康呀！飯量都夠，差啲食唔洗，好飽！我阿媽就食海南雞飯，熱奶茶。雞上面有審到芝麻，又有荷蘭豆做配菜。呢個就麻麻地啦，阿媽話佢個雞胸好偕，唔夠滑。不過佢個雞油飯都真係幾好食，淨食飯都好夠味了。…查看更多

初二拜完年，成個人攰晒…阿媽都冇心機煮飯啦！唯有再走出街食飯啦。因為真係太攰，落屋企樓下食就算了。好彩水族廣場開返，雖然話得果幾間鋪頭，但係大家樂都開返啦，不過佢好似冇乜做大裝修，環境同以前一樣。唔理啦！叫嘢食！我食嘅係煎蛋蕃茄免治牛飯，呢個飯唔知點解深得我心，我係勁鍾意食佢，但係我阿媽成日都話呢個飯核突，奇怪……我媽就食南洋咖喱吉列豬扒飯，熱奶茶。豬扒係ok嘅，不過個薯仔就普通啦，入面仲有一塊唔知咩事口感好奇怪。不過總體個飯係好食嘅。…查看更多

食飯食到咁嬲就真係第一次，一定要等多d人知。😡是咁的，琴日阿媽生日，去完海洋公園已經勁攰，諗住去大家樂快快手打個邊爐就翻去，去到餐牌上面明明寫住又點知落單果陣又咩都無，話無豬肉無烏冬，咁好心你就唔好掛個牌出黎啦，算數咁咪頂硬上，食牛食米線，要個沙嗲湯又稀到係清湯咁，點食啊，唯有自己加調味料，都算，咁個d配料就同食開無咩分別啦，食食下要加湯，出面d壺就無曬水，叫距refill 翻距就俾左兩杯滾水我，你話笑定喊好，翻翻埋位就見到最嬲果下，見隔離位岩岩有人座低打邊爐係有烏冬同豬肉，真係燥左，呢間大家樂係咪連食咩都要睇人賣？食飯都要食到一肚氣😷仲要一開始係無人執枱，全部枱一係有人一係就係其他人食完後的餐具，叫左起碼20分鐘先有人求其抹下。…查看更多

係我心目中黎大家樂, 大快樂呢d快餐店食嘅只有西多士, 紅豆冰同炸雞脾😎😎😎識食來呢度食下午茶當然係食呢幾樣喇! 晏晝餓餓地, 黎呢度嘆返個下午茶先😆皇道炸雞脾配紅豆冰, 呢個組合真係無得輸😎👍🏻👍🏻👍🏻炸雞脾真係好好食呀～～～炸粉唔會落得太多, 雞脾肉食到佢地結構, 一咬出嚟係見到一條條絲既組織😍😍😍 食落唔會太干下午茶食到炸雞脾真係人生一大快事! 喔依西～👍🏻❤️配埋個紅豆冰真係...肥死😂…查看更多

Boyfriend and I were wandering around this strange mall located in Quarry Bay. Tired and hungry, we sat down here for dinner as boyfriend was surprised I'd never had Cafe de Coral's famed sizzling grilled meat plate sets.I still haven't had one as I didn't order it. I ordered something else.Cafe de Coral is one of the main fast food chains in Hong Kong. The others is Fairwood and Maxim's Fast Food. Cafe de Coral has some pretty decent value sets and I think taste pretty ok for what you pay for. Ordering is easy. Menu is in English and Chinese. You line up like McDonald's, order at the cashier. Wait for your order number to come up. Grab your food and eat.Half a Zedoary Salted Chicken Set ($47). They currently have these earthen pot soup sets that include a earthen pot of Chinese soup, a Chinese dish a big bowl of rice and tea. But as they ran out of the soup, I downgraded my order to no soup and a drink. My bowl of rice was huge but not very good as it was mushy. But as it was fast food, I forgive this. The chicken was quite a bit and they do give you half a chicken. The chicken was moist and not too salty. They give you extra salty sauce if you want it to be more salty. This set was probably enough for two people. Probably for light eaters or two girls. There was that much chicken. It also had vegetables that were cooked pretty good. This was a solid meal for a low price.I added money to upgrade the basic drinks to a special drink. I chose a fruit punch. This wasn't very good as it was just Sprite mixed with canned fruit.Sizzling Mixed Grill with Spaghetti ($57).  Boyfriend ordered this as he claimed one has to come here for this signature dish. He was pretty disappointed by it as the sizzling grill plate was cold. He even pressed his finger on the plate and it was cold. The spaghetti was a bit mushy but most Chinese establishments were. The steak tasted like baking soda. The hotdog was soggy. The only saving grace was the black pepper sauce which was really hot and peppery. They even gave more sauce free of charge as boyfriend wanted more. Pretty good. Set comes with a regular dinner bun and a regular drink.He also upgraded to a special drink which was pomelo mango drink. This I liked a lot more than my drink. Tasted sweet with enough mango and pomelo flavor. Had nata de coco to make me happy.I liked my meal more than boyfriend's. And a pretty good bargain for what you pay for. Service was pretty nice as they cleaned the table when we sat down.…查看更多

眼見唔少同事lunch都食大家樂, 有D更成為"大家樂之友"如是者心郁郁去試下先小弟已有成差不多8年冇食過大家樂(之前都是食其對手公司), 睇下8年後呢間野有冇進步一望,有個外賣站, 見到有個咩差野和風xxx飯特價30蚊, 就叫左果個食(送埋個湯)叫左, 唔洗等, 拿拿臨有得拿走^賣相一般, 30蚊一食...覺得自己中伏了, 係一個好大的伏明明係鼓椒牛肉飯就變左日式咩咩飯, 好野好野...醬汁少, 十口有八口都係食白飯, 而且白飯淋晒, 明顯唔係好野(好似食糊仔咁)牛肉都冇牛肉味, 只係梳打粉豬肉咁...(冇咬感,一咬就散, 品嘗唔到果種肉味)而果個肉餅...感覺好似食麵粉咁...連唯一果個有賣相的湯...俾出黎個感覺好似味精辣椒水咁...冇d羅宋湯應有的羅宋味,得個咸酸辣的混合體30蚊, 唔係平早知我俾多8蚊食隔離鋪好過...質素真係唔得=_=…查看更多

現時promote嘆3賞$8/嘆5賞$10, 密密食, 取coupon, 下午茶時段, 試了越式肥牛湯河粉下午茶餐$19.5湯底真的不錯, 快餐店可做出有越式風味的湯底, 抵讚.牛肉不多, 有3件左右, 而河粉是幼幼的, 算滑.包餐飲一杯, 選了奶茶, 茶味香濃, 水夠熱.…查看更多

昨日, 在公司攪Christmas lunch gathering. 食物叫到會. 其中, 大家樂 的三 盤 食物::(西班牙炒飯(細) , 因為 飯已經涼了, 有 d 乾身, 味道吾夠又沒有太多配菜, 所以食剩 一大盤, 很浪費! 下次 叫 到會 都吾會再叫炒飯沙dad雞肉串燒, 雞肉串燒已經涼了, 有 d 乾身, 又味道吾夠, 個沙dad 醬又不夠惹味, 所以又是食剩 一大盤, 很浪費! 下次 叫 到會 都吾會再叫這個了.:)煙肉 併 煙三文魚沙律, 十分 美味. 可是, 煙肉 和 煙三文魚沙律 切細片d 會更好, 太大片 好難夾來食呢.合共 $470+ ,呢個價錢可以食到三 大盤 食物都 ok 抵食, 可惜大家樂 到會 嘅水準就一般, 是次只有沙律 好味。而且沒有 免費送貨service, 要買滿$2,000 才免費送貨, 好吾方便. (美 x 快餐 只買一盤 食物, 不限消費, 亦 有免費送貨service) 大家樂 要 改善食物質素 和要增設 免費送貨服務了!…查看更多