壹碗壹碟 (Closed)

想搵黃嘅麵店，唔一定要食麵尊嘅，筲箕灣東大街仲有呢間壹碗壹碟可以支持下💛唔止足料又好食，店內仲有啲本地品牌/抗爭產品可以買！<#椒積豬扒麵 $42 +$8配肥牛>湯底揀咗微辣，而麵底就揀咗拉麵，因為好小見車仔麵會有拉麵揀😳，再加埋嘴刁仔最愛嘅多蔥多蒜🤤，佢嘅蒜蓉竟然係白色幾特別下！個拉麵食落唔算太出色，反而椒積豬扒好有驚喜，一整塊豬扒已經切開左一舊舊，食落好鬆化，煎得亦都幾香口😍 肥牛就好似平時佳寶買嘅平價牛～另外碗麵超大碗好足料，餸嘅份量都唔少，男仔食都絕對夠飽。<#腩肉滷蛋麵 $48>揀咗筲箕灣店限定嘅腩肉滷蛋，配咖喱撈烏冬，小店仲好貼心畀咗碗清湯解膩💛咖喱汁配埋白色嘅蒜蓉，唔算好辣，但勁香咖喱味好正😍烏冬係粗身嗰種，好掛汁！腩肉帶少少肥膏，醃得好好食。但滷蛋食落就有啲怪同埋唔夠味～<#酥炸魷魚鬚 $49>加左椒鹽嘅魷魚鬚，粉好薄身，食落好香口，加上有炸蒜粒係底，真係搞到我地停唔到口係咁食😆。.👫：建議食椒積豬扒，配咖喱撈烏冬，呢個配搭就perfect🤤

用咗OpenRice 10幾年，因為呢間小店忍唔住第一次寫食評分享吓希望大家都可以多啲懲罰佢星期日1830去到門口，門面已經俾到同路人一個自在嘅感覺等咗大約20分鐘，買外賣嘅人一個接一個嗯，生意不錯，等咗一段時間先影到冇人擋住嘅門面終於有位，除咗裝潢外連播放音樂都好講究身旁嘅人都好自然地哼起充滿回憶嘅旋律鍾意揀呢個經濟圈，主要原因可能係因為呢個共同感嘅氛圍我哋嗌左兩碗主食同埋兩個避風塘小食女友嗌嘅係三餸面 hkd39，自選多蒜多蔥宜家呢個時勢仲可以用呢個價錢食到性價比咁高嘅車仔麵真係好難得必須提嘅係多蒜同粉絲呢個配搭真係一絕每一啖粉絲到索滿晒蒜泥嘅香氣我就試一試佢個咖喱撈 hkd42本身純粹諗住懲罰呢間小店所以冇乜期待上到枱，咦OK喎雞扒表面炸得均勻食餐咖喱撈都會怕麵質掛唔到咖喱又或者咖喱汁好淡但係店家好有心地將拉麵沾上少少甜醬撈埋秘製咖喱汁帶有少少甜味好開胃仲吊出埋咖喱味小食點咗避風塘魚蛋hkd24同埋避風塘雞翼hkd26論意想不到，魚蛋技勝一籌皮脆而魚蛋彈牙，配埋避風塘嘅炸蒜口感豐富，配麵食一流雞翼反而過度被神化，個人覺得炸蒜黐唔到落雞翼表皮，食落有啲分離感，同埋雞翼都略鹹總括黎講

Bowl and plate @ shau kei wan - curry lo mein with jeng deco💛👧🏻 ate...3餸加粉麵:豬紅+午餐肉+豬肉條拉麵咖哩撈多葱郊外油菜(菜心)👧🏻 wants to say...住喺東區嘅朋友應該都有聽過壹碗壹碟哩個大名😋喺多次摸門釘之後(睇到最後)終於食到😽首先真係忍唔住想讚下佢個菜心 又嫩又煮得啱啱好 出街食到咁嘅質素真係好難得(成日會喺其他餐廳食到啲勁老/硬過我條命嘅菜🤮) 再黎就係佢個咖哩撈麵 一碗麵$40都唔使但係啲餸就俾足！豬肉條好似食激都仲有咁😻豬血又好食 午餐肉都有茶記午餐肉水準 至於個咖哩汁好香好襯個拉麵底又有一種熟悉嘅感覺 食多幾啖就覺得同7仔咖哩魚蛋陣味好似！建議完全唔食得辣嘅朋友要加左湯先好食 個人認為都幾辣下😩下次要試下佢啲湯麵😽

之前喺IG見過有朋友去食過呢間野，之後就諗住去食下黃店車仔麵啦！點知好鬼多人排隊，起碼排咗20分鐘先輪到我入去食，入到去係電子掃QR code落單。 餐牌上同行車仔麵老闆分別可以揀餸食車仔麵，又或者係食招牌嘅豬扒或者雞扒面，不過最特別嘅係佢有一種叫做咖喱撈嘅食物，問咗店員呢個咖喱都唔會特別辣，怕辣嘅朋友可以一試。 我叫咗個避風塘豆腐，同埋一碗豬紅、蘿蔔、雞絲小辣湯多蒜米粉，整體來講湯底相算特別，避風塘豆腐的炸蒜相當香脆，但係就冇乜水份。 如果時間緊迫嘅朋友不建議吃這一間。CP :

首先唔講咁多睇圖本身心思思想試豬扒麵不過要試就試豬紅先本人太愛內臟科果然又唔錯，仲有高膽固醇嘅魷魚鬚、午餐肉湯底係麻辣，不過不失到咗雞翼真係有驚喜，好大隻又新鮮熱辣辣出爐，味道都比x仔好味不過$39得五隻呢就略貴

佢27號重開，我28號已經黎排隊XD到今日已經唔記得食左... 5次? 6次? 不過咁... 除左因為去食我至愛之一既車仔麵就係因為個到有我打緊隻驚既野! 所以lunch出去鬆下都會去食個好味既車仔麵XD即係咁，必叫既係豬紅，但我對佢又無咩特別要求，不過好食既真係唔同尐! 而佢地既豬紅呢... 唔鬆散，算係入味，但比起榮記，麵尊佢係比較淡(淡唔代表唔好食)，口感亦唔錯, 所以次次話試其他野都無轉到佢，同埋佢都好多粒,好抵食另一樣令我好想回來食既就係冰豆腐，我第一次去食，好期待，因為我之前食佢就係因為個冰豆腐，而且無幾多間有冰豆腐食，可能未ready好，28號個日去食既冰豆腐只有面有蜂巢，入面做唔到，應該係雪得唔夠耐. 我有反影，又可能因為老細想最好俾大家，之後去食我都再見唔到呢樣野係個menu上, 但我相信總有一日我會食得返XD另一個吸引我既就係魷魚，咁所以第一日就叫左呢3個餸... 咁又點解呢個魷魚又老是常出現呢？佢唔算入味，但我就唔知點解因為諗唔到食咩而點左佢XD 老實講，魷魚既份量係比我想像中多，又係抵食既之後有叫過墨魚丸，正常，但得兩粒，但又食得出佢唔係佳X個種,所以都算係咁啦

午市時間經過筲箕灣東大街，見到呢間舖頭好多人排隊，反正冇咩特別想食，就排隊試吓佢，入到舖頭第一個見到嘅，係大量文宣，佢有好多免費自取嘅文宣卡，每張枱上面都痴滿咗唔同嘅標語。呢間餐廳採用嘅係自助落單，掃枱面上面二維碼，我叫咗一碗麵，同埋一份椒積雞翼同埋咖喱三寶。碗麵我連相都冇影，因為真係好普通，個湯勁淡，我揀咗小辣辣湯，我連辣味都唔係好食得出。椒積雞翼真心好好食，佢有啲避風塘嘅感覺，但唔會太鹹，好多肉汁，炸粉唔會太口，配埋佢面頭有啲脆脆嘅炸蒜粒，推薦咖喱三寶同樣好味，首先佢個汁調得唔錯，咖喱味香，蘿蔔好入味，豬皮有彈性，魚蛋夠大粒。但我最推薦嘅都係個雞翼

人數：3人   時間：13:00   食評：   「車仔麵」選擇眾多 而且比坊間提供的種類較新鮮 蒜蓉汁提升湯底的口味「小食」蒜香雞翼 醃製時間剛好 炸槳亦比較薄 必食之選；咖哩三寶不過不失 蘿蔔咬口沒有渣 抵讚   「飲品」選擇太少 而且冰底太多「服務」環境太狹窄 會容易撞到後面的背脊 移動時亦要小心  ｛性價比｝$70/人   ｛評分｝90/100分

星期六晚去到要排隊 大概排半個鐘用手機點餐🔹️尖椒皮蛋 ($29)份量小 切開得4小件唔係太好皮蛋 但都覺得好食皮蛋蛋黃入口即溶汁酸酸地 開胃有酸薑 🔹️椒積豬扒麵($38)湯底既蒜味好香 唔係普通既蒜泥豬扒好入味 超淋加左雞腎 都係好淋 唔會咬唔到叫左拉麵底 啲餸好多好足料 菜都唔係求其比2條就算 好多條而且冇渣女仔食完會勁飽但要注意上菜速度係好慢 2碗麵等左50分鐘不過店員既態度好好 趕時間既關係 幫我將其中一碗即刻轉外賣門口仲有連豬鎖匙扣 隨意定價食完就知點解夏天咁熱都咁多人排隊

order外賣、 可以等成個鐘、大佬車仔麵呀 ！ 伏到喊.. 我都唔知佢係有冇心做，完全好影響食客既食慾.唔理佢咩立場，都唔應該有咁既效率，撐你，唔代表要傻更更企門口等成個幾鐘囉～希望改善喇.！

我嘗試用比較簡潔，而且整齊的列點方法，去評價一下位於「筲箕灣」食街「筲箕灣東大街」裡面的新車仔麵食店「壹碗壹碟」，跟裡面「車仔麵」食品的優點和缺點。「壹碗壹碟」「車仔麵」的第一個優點，就是有固定「車仔麵」餸菜料做底的「車仔麵」，讓一直有選擇困難的食客，可以一開始選定固定「車仔麵」餸菜套餐，之後需要不要再加餸菜就另計。「壹碗壹碟」餐牌裡面有幾款固定餸菜底，包括有「椒積雞扒麵」、「椒積豬扒麵」、「五香牛𦟌麵」。然後食客以固定餸菜底為基礎，再加錢選購其他食材，從而組合成為車仔麵食品。我選擇完「椒積雞扒麵」之後，才發現「壹碗壹碟」車仔麵相關餸菜裡面的缺點，缺點就是欠缺一些我平日正餐非常渴求的食品，例如「牛腩」、「白飯」，還有辣味的湯底。實際上「壹碗壹碟」「椒積雞扒麵」實際上的味道，都不是來自於湯底，反而來自於餐廳廚房在主菜食品「椒積雞扒」的雞扒肉表面上，鋪設的少量嗆味和辣味的「山椒」。如果「椒積雞扒麵」不計算那麼味道比較嗆和比較辣「山椒」的話，車仔麵湯底的實際味道，反而感覺會有點淡而無味，有點像平日食即食麵食到的湯底鹹味。另一方面，原來「壹碗壹碟」跟現在很多由年輕人開的食店一樣，都沒有提供實體

此店前身乃我超級喜愛的「x婆婆」食店轉手後終於有機會一試餐單上沒太大改變惟不再有薯粉的選擇而落單方面也轉了比較先進的QR code落單大大提高了店員效率。下午茶時間，於門口曬太陽等位也真的不是味兒但為了朝思暮想了很久的麻辣車仔麵要老公陪我也是無可厚非今次點了最愛的魷魚鬚、午餐肉、豬紅還有雞腎米線餸菜份量足，午餐肉有煎過，雞腎居然是淋的！有驚喜！！重口味的我當然要多蔥多蒜喜歡他們的蒜不是普通蒜蓉而是算帳呀不對，是蒜醬很有誠意的一種醬汁 十分香濃且沒有渣！喜歡吃辣的一定不能錯過，他們家的辣粉，記得加！！

東大街係位於筲箕灣嘅食街，林立唔同嘅特色小店。呢間車仔麵店已經開咗好幾年，之前同舊同事都好鍾意嚟呢度食車仔麵㗎😉～不過轉工之後就少去咗嚕😝～.估唔到過咗幾年，呢度已經唔再叫川婆婆，但佢嘅車仔麵都依然係好好味😋。雖然店名唔同咗，但店舖嘅裝潢其實同以前差唔多，當然宜家佈置得更顯良心❤️。.值得一提，呢度嘅點餐方式都進步咗😆。以前係畫好點菜紙之後交俾店員就可以，但宜家就係scan 枱上面嘅QR Code，然後自行網上點餐，十分方便🤗。不過呢個方法只限堂食，如果外賣嘅話，都係要畫點菜紙㗎💁🏻‍♀️～.🔸 (HK$35)呢度車仔麵嘅湯底、餸菜、粉麵、配料以至小吃，都有非常多嘅選擇👍🏻。妹豬仔點咗，不過今次冇點到豬骨湯底，反而試下！濃濃嘅咖喱醬汁都掛喺米線上面，十分惹味😋(不過睇落就似食緊油麵多啲😂)！至於餸菜方面，都保持水準同足料，仲好新鮮、好入味😍！💡追加餸菜 (每款HK$8)💡罐裝可樂 (跟餐HK$8)

下午茶時段到筲箕湾黃店……壹碗壹碟。內部裝置極黃！點菜係用QRcode...幾好玩對於上年紀中年的我！今日點了三餸米線:肥牛、鱼鲛及豬红！tick 了多蒜、少油！果真好好味豬骨濃湯、大大碗、D豬紅好入味！還叫了避風塘炸豆腐！一流、好味、正、……

筲箕灣東大街曾經係香港有名嘅食街，不過自從疫情肆虐後，成條街就冷清咗好多，嗰日嚟到壹碗壹碟，雖然唔使等位，好彩間舖都有七成滿，依然有班手足落力支持，唔錯，唔錯😃。雖然係街坊小店，但呢度好高科技，要用 QR code 落單，咁啱我哋三個都係懶人，於是就揀咗 menu 上面唯一三款現成嘅麵：椒積雞扒麵，椒積豬扒麵同八香牛展麵，另外再加一碟避風塘豆腐。除咗麵底同湯底之外，仲可以揀多蔥走蔥多蒜走蒜少油走油加醋加辣粉等等等等，非常認真，有一刻我以為自己幫襯緊日本拉麵店😆👍。三碗麵當中以牛展麵最好食，牛展既腍又入味，豬扒同雞扒則煎得比較乾身，有少少硬，不過味道都唔錯，三十八蚊大大碗餸多多，性價比其實算好高。值得一提係呢度嘅蒜蓉好好味，撈埋落碗麵度食非常惹味，所以一定記住要揀多蒜。至於個避風塘豆腐又係份量超多，亦好香口，如果避風塘味再濃啲就更加正。小店雖然地方淺窄，但係四周圍都有海量嘅文宣，一路食，一路睇，絕對係一種享受😌。