四寶食堂 (將軍澳中心)

Open Now

Now Closed

個手機落單已經唔係容易睇，我落單時都搵咗好耐先搵到我想要嘅野，明白我9點鐘入座都夜員工都做得好攰，一開始同我哋講C餐E餐賣晒OK冇問題，但同人講野態度超差，問我手機落咗乜野，已經好聲好氣重複再講，個女人就好以審犯咁問野，冇湯咪冇湯囉我又冇講過我介意冇湯飲，就命令式語氣講野，我按錯咗凍檸水我知道自己有錯在先但唔洗責罵式態度同個客講野囉，如果你好聲好氣同我落咗單冇得換我冇所謂可以招要，但態度差咁話個客落錯單唔可以換真係唔能夠接受，一怒之下連飯都唔想食住即時打返篇劣評。

呢間餐廳的服務質素令我非常失望。我點了公仔麵，但是麵非常硬，湯非常咸，完全食唔落，我告訴侍應，她們說可以把麵拿回去廚房再煮，叫我唔好浪費食材，但我已經吃了幾口公仔麵和配菜，覺得不太衛生，所以我不想再吃了。然而，幾分鐘後，侍應又把同一碗麵送回來，加了不少水，腸仔、火腿和餐肉已經變得太熟太稔，我完全食唔落。我要求同經理傾，但他非常無禮地問我：「咩事？」並且用非常不尊重的口氣說：「你想點？」我要求更換別的食物，但經理卻一再說我浪費食物，完全沒有考慮到客人的需求和感受。最後，我們終於換到新的食物，但是三四個服務員、經理和收銀員都用藐視的目光看着我和我的朋友，讓我們感到非常不舒服。總之，這次的用餐體驗真的非常差！

🍽️今日一家四口去咗將軍澳中心嘅「四寶食堂」食下午茶，真係一個滿足嘅體驗！佢係一間港式茶餐廳，菜單上有好多經典嘅港式美食，我哋嚟到就急不及待想大食一餐。😋‼️我哋試咗好多款菜式，其中一個必試嘅係自家制吉列豚肉眼配大阪黑蒜蔥油撈公仔麵。豚肉眼炸得恰到好處，咬落去好嫩好多汁，加埋大阪黑蒜蔥油撈麵，味道更加香濃。另一款令人驚喜嘅係芝士流心蛋安格斯牛肉漢堡波羅包配薯條，啖啖都係軟綿嘅牛肉漢堡加上芝士流心蛋，每一口都好滿足。😋❤️如果你鍾意港式經典菜，唔可以錯過瑞士汁雞髀飯。嫩滑嘅雞髀襯上濃郁嘅瑞士汁，配埋飯食，真係好開胃。而邪惡芝士醬雞中翼配薯條亦都係一個絕配！炸得香脆嘅雞翼沾上濃郁嘅芝士醬，真係一種美妙嘅滋味。😋❤️值得一提嘅係「四寶食堂」係一間長期大排長龍嘅餐廳，但係佢真係好味抵食，值得排隊等待！服務態度友善，食物快捷上枱，令我哋可以好快享受到美食。如果你想試下正宗嘅港式茶餐廳美食，記住嚟「四寶食堂」，一定唔會失望！❤️‼️

昨天在將軍澳四寶食堂外賣了一份肉絲炒麵兩面黄, 在13:58落單, 等了20分鐘都未完成!只好問一問啦!, 奈何侍應生説人哋叫乜, 你又叫乜呀?炒嘢係咁耐, 等吓啦!嬉皮笑臉, 不知所謂!毫不專業!如果我叫佛跳牆, 是否要等幾日呢?終於在14:25接到份外賣!誰知回到家一見這盒兩面黃變咗一盒炸牙籤, 每条麵好似斷了的牙籤, 一条条硬棒棒,叫人見到都無哂胃囗, 如果廚師不識煮, 就不要接运這張單啦!價錢又貴$89, 出品難食過街檔炒麵, 其他出品亦是觀其相, 無好感! 以後都不會去幫襯!

今天終於不用排隊啦😄還是點了養生燉湯套餐，今晚是蟲草花淮山燉排骨，好足料👍這次選了XO醬萵筍三菇牛舌，炒得好好吃👍👍👍小建議：希望這個套餐能加配青菜🙏

中午嗌左個蕃茄薯仔牛肉通粉$55，可惜冇哂通粉，轉左公仔麵，有啲冇咁夾🥲估唔到個湯係超吉身，似汁多過湯😂蕃茄、薯仔、紅蘿蔔量都好多，食剩半碗麵😢個餐仲包左丹麥多士、蛋、熱飲、份量對一個正常食量嘅女仔嚟講，真係太多，食唔哂/勁飽😂

無論朝早、中午、夜晚見到都勁多人排隊，終於搵日中午一試！試完就明白點解咁多人排隊！係將軍澳中數一數二好食嘅餐廳🥹可以成為飯堂🫶🏻而且款式特別，基於茶餐廳嘅菜式再改良，fusion啲🫶🏻

平日晚飯時間 需要排隊 叫左晚餐鮑魚茄子火腩煲 老火湯晚餐冇跟野飲（熱飲都冇）要+28蚊 先有 同埋ㄧ定要跟碟前菜ㄧ個人食…未必食得晒🤔成個煲有兩隻罐頭細鮑魚成兜巨大肥肉 正常茄子老火湯 完全 冇味 係滾燙到不行成餐盛惠138（我自己加左單計28蚊凍檸樂）

💚將軍澳·四寶食堂💚連鎖港式茶餐廳 估唔到都幾有驚喜套餐$88起有齊前菜+主菜+靚湯+白飯真係自己一個食一個餐都食唔晒😂份量好足 而且味道都唔馬虎😉而且有好多款菜式揀 啱晒唔同人口味👍🏻✨套餐一：$126🌈飽魚豆腐海鮮煲以豆腐和鮑魚為主要材料加入了多種海鮮和蔬菜慢火煮熟後 湯汁鮮美 豆腐都好入味 讓人回味無窮🌈沖繩醬油煮牛筋以嫩滑的牛筋煮製而成 搭配上濃郁的沖繩醬油汁😋😋口感非常鮮美 牛筋入味 肉質韌性十足非常適合喜愛嚼勁嘅人😌😌🌈養生燉湯🌈涷白桃氣泡茶 +$10非常清爽嘅飲料🥤有香甜嘅桃子🍑香氣加埋清爽氣泡口感 適合夏天飲吖😍🌈白飯✨套餐二：$136🌈泰式青芒果炒板腱牛肉以鮮嫩的牛肉炒製 搭配上新鮮青芒果🥭配搭惹味十足嘅泰式調味料🤩口感非常清爽而且唔會油膩👍🏻👍🏻🌈蒜泥白肉黑毛豬結合了白肉和黑毛豬 搭配上蒜泥和辣椒🌶️口感非常豐富 白肉/黑毛豬都好嫩滑蒜泥嘅味道夠晒濃郁 食到上晒癮☺️☺️🌈養生燉湯🌈涷柚子蜜 +$3非常清爽 加入柚子果肉+蜂蜜🍯調味柚子蜂蜜嘅酸甜口感+冰🧊 解膩又解渴🌈白飯🌈馬拉盞炒時蔬芥蘭 $78芥蘭嫩綠爽口 配上香辣的馬拉盞味道非常開胃 而且好夠大碟份量好多😌

假期去將軍澳踩單車，運動完有啲肚餓就喺將軍澳中心食飯。見到「四寶食堂」有唔少人排隊，雖然知道佢喺其他區有分店，但未試過就順便同朋友一齊排隊試吓。<xo醬滑蛋蝦球飯> $72金黃色滑蛋鋪滿米飯表面，蝦球結實彈牙，都有6、7隻。加埋xo醬就好有港式風味。<大阪黑蒜醬油鰻魚炒飯> $98炒飯又喺另一個惹味選擇。黑蒜醬油汁均勻包住飯粒，炒得粒粒分明。上枱時好香，鰻魚粒都唔少，感覺喺港日fusion菜式。<招牌瑞士汁炒牛河> $88炒牛河相當有鑊氣，牛肉片都幾有咬口，帶有瑞士汁獨有的嘅甜味，最底都有幾條菜心既，不過食得冰室就預咗碳水爆標。<長野縣白桃氣泡茶> 15白桃味比較淡，喜甜人士可選(充滿糖漿…）<紅豆冰> $20雖然知紅豆冰好肥但每次去茶餐廳都想嗌！味道正常，最鐘意紅豆份量夠多，啖啖都食到。

朋友住將軍澳，推介呢間港式茶記，裝潢時尚具有特色，新派茶餐廳風格，別有一番風味～ 食物方面除咗有各式飯麵主食之外更提供小菜、燉湯等健康套餐，性價比甚高😎晚市套餐包括養身燉鍋、小菜同白飯，另外可加配要前菜同飲品！前菜有五款選擇，沖繩醬油煮牛筋份量十足，有大有細，Q彈帶咬口，滿滿嘅骨膠原好滿足😬 蒜泥白肉黑毛豬肥瘦適中，嫩滑唔嚡口，上面仲有好多蒜泥，食落好惹味🤭 主菜有蕃茄滑蛋煮牛肉同燒汁翠玉瓜美國牛仔骨，前者滑溜，酸甜度啱啱好，牛肉夠嫩，配飯一流～ 後者口感爽脆，牛仔骨都幾入味，兩款各有千秋！另外懶健康咁加咗兩碟菜，分別係蒜茸炒芥蘭同拍薑黃糖炒菜心，新鮮，鮮甜，有鑊氣，邊食小菜邊飲清甜又滋潤嘅雪梨蟲草花豬肉湯就最合適不過了🥱

將軍澳嘅茶餐廳唔多，但係一講起四寶，就知道次次都會大排長龍，今次我就一於排吓，試吓係唔係真係咁好味💪🏻| 香煎紐西蘭西冷牛扒+嫩滑炒蛋+脆皮菠蘿油($98) |香煎紐西蘭西冷牛扒的外皮煎得很漂亮，口感外酥內嫩，肉質鮮嫩多汁，搭配上他們的蒜蓉醬，更是讓人垂涎三尺🥩炒蛋的蛋香味道非常濃郁，口感滑嫩，份量也很充足，可以滿足食客的胃口🍳菠蘿油的外皮煎得酥脆，但包咬下去卻不夠鬆軟，不過不失🍞值得推薦這個組合給胃口很大的人，一定會非常滿足(≧∇≦)| 養生燉湯套餐 • 香蒜鮑魚嫩雞煲 配川辣豬肚絲($136) |鮑魚非常新鮮彈牙，搭配上嫩雞肉和濃郁的香蒜味道，吃起來真的回味無窮。整道菜的湯汁也帶點雞煲的鹹香，用來餸飯一流，能夠一口接一口地地白飯全吃光。🐣👅

將軍澳中心開左四寶食堂，真係名乎其實吖，將軍澳區既恩物，放工真係可以堂做飯堂食，有小菜，有高質燉湯，食物質素好好，唔怪之得大排長龍啦，人流源源不絕😍真心好食既一諗到去餐廳食，咕嚕肉真係必叫既，而且佢依d小菜加28就可以轉餐，有湯，有飯有飲品，真係好正！今日一家人食，叫左~拔絲山楂汁菠蘿咕嚕西班牙黑豚肉:必叫~蒜蓉炒西蘭花:有鑊氣，炒得好香~淡口醬油煮牛筋，依個好值得叫，炆得好好😍又有淋，又入味！|嫲嫲蕃茄牛肉雞蛋,真係好似嫲嫲炒既，好有回憶值得一試！

今日同阿女重遊佢BB成日去既調景嶺運動場內既免費playhouse後，去到附近既將軍澳中心覓食，見到呢間四寶食堂門庭若市，就決定入去試下我叫左個水門雞飯，佢個poster寫醬汁比雞更好味，所以有點醬同無醬我都有試，其實就咁淨食個雞都好好食，雞肉非常鬆軟，雞皮好嫩滑（健康原故我平時會撕走雞皮，但今次真係忍唔住要成舊食🤭）然後我沾上醬汁，再撈埋飯一齊食，醬汁帶好輕微既辣又有小小既酸同咸，配上飯香及嫩滑既雞肉，真係好好味好開胃，沾上醬汁既飯令人食指大動，好後悔冇叫多飯🤣（電話落單可以tick 多飯或小飯）阿女鍾意食脆脆面就叫在個兩面黃比佢，阿女見到即刻兩眼發光🤣，不過係都唔肯沾上個肉絲羹黎食，就咁當媽咪面拎住黎食😅，其實個羹好足料，勁多肉絲配上芽菜同菇，好好味。另外，我想讚一讚呢度既服務態度，我食食下竟然聽到過黎執枱既侍應對離座既食客講：，雖然簡單既一句，但起現今既社會裏係幾咁難能可貴，尤其起咁忙既午餐時間（外面排晒長龍）仍然能見到侍應們係面帶笑容。寫下寫下，我又好掛住個水門雞喇🤭🤣🤣

📍四寶食堂 (將軍澳)將軍澳唐德街9號將軍澳中心1樓137E號舖。。我又來到將軍澳中心搵食啦！正當我喺商場周圍行緊諗緊食咩嗰陣，見到四寶門口有一條人龍喺度等位，當時只係星期二晚上6:30左右，路過其他餐廳完全唔使等位，得呢一間要排隊安排入座，我就決定試吓佢係咪真係值得排隊！大約等咗15分鐘左右就安排入座，雖然餐廳唔算太大，但係都坐得舒適😊餐廳用QR Code自助點餐，方便又簡單。🔸拔絲山渣汁菠蘿黑豚肉 $108見到每一台都有嗌呢一碟餸，就知道一定係撚手小菜！我自己好鍾意食菠蘿咕嚕肉！咕嚕肉每一舊都大大件！配合埋拉絲效果真係識得睇得又玩得！山楂汁調校得非常好！酸酸甜甜好開胃😋🔸水門雞半隻 $98無骨雞肉咬落去啖啖肉，而且肉質夠滑，配上秘製醬汁，好惹味又好食！🔸薑蔥鮑魚雞煲配是日燉湯 $108雞煲入面有三隻鮑魚，雞件份量都好足夠，不過雞煲醬汁有少少重口味左，要食多幾啖白飯。菠蘿包熱辣辣都好好食!依間新式冰室真係唔錯！唔怪得知有咁多人排隊😛整體嚟講都值得排一陣😌