喜相逢 (界限街) (Moved) New Location

店鋪門面裝飾得十分古樸，在這街道上十分起眼，連筷子筒都係用上竹筒口水雞食落夠麻香，老闆娘在醬料中加了唐芹增添了香味外還能帶出雞味，食後口中麻中帶辣十分過癮。香菇芫茜豬肉湯餃，湯中加了花椒，令清湯中帶點香氣，餃子皮做得幾好，餡料充滿香菇同芫茜白菜豬肉煎餃，煎得底部香脆，一口咬開裡面還有肉汁流出十分美味還點了一碗 鴛鴦戲水（餃子拼雲吞）配上了麻辣湯底真是一個好好配搭老闆娘原來係四川人來的，店中所有餃子都是佢自己包的，連醬料都是自己調制，那些辣椒更是來自家鄉四川的。

價錢便宜，街坊生意，老闆用心經營💕朋友有日經過同我講好平話想試，佢減肥又唔食得飯麵，依間正符合佢要求，食餸多，就約左我今日去，這間小店位於太子，由地鐵站D岀口行過去只需要大約5分鐘。小店裝修得好有獨特既風格，以木做主要裝修材料，小店店內是廚房，客人需要坐係外面食，但係今日夜晚天氣幾涼+落雨，加上店員開左個風扇比我地，都唔會熱。特別推介糖水，每款都很滋潤！1️⃣風花雪月 $36材料：燕碎、雪燕、北海道3.6牛奶⭐️⭐️⭐️牛奶味重，較稀，一整碗都是燕碎，而且不太甜，每淡也是牛奶加燕碎，很滋養的感覺，加上四川菜普遍較辣，太辣的話飲一淡即刻消除辣味！2️⃣口水雞(例牌) $68⭐️⭐️⭐️⭐️口水雞的味道是麻辣味，調味適中，不會太辣，遷就番香港人食辣既程度，雞很新鮮，肉也嫩，2人吃例牌剛好3️⃣韭菜豬肉餃(湯餃) 8隻 $40⭐️⭐️⭐️⭐️我個人口味比較中意食厚度適中的餃子皮，這餃子皮正好不太薄不太厚，湯底可揀清湯/辣，我就揀左小辣，想不到與餃子很夾4️⃣雲耳椰菜豬肉餃 (煎) 6隻$33⭐️⭐️⭐️餃子煎得好靚，十分香脆，一啲都唔會乾，雲耳也爽口.環境:6/10服務:9/10好味指數:7/10回頭率:7/10

探完朋友揾地方食少少嘢，落樓俾依間四川小店吸引到。舖頭不大坐係舖外面，有風機所以唔會太熱。傾計得知負責包餃子嘅姨姨係四川人，不但介紹我地食咩仲問我地味道如何，很喜歡這種與食客交流的小店。 主要以餃子及四川小食為主，另有糖水。而每款食物都有詳細解譯，非常有心思。餃子稱得上皮薄餡靚，餃子皮好滑，內裡汁多有鮮味，而香菇、芫茜、豬肉比例適中，豬肉不會夾雜過量肥膏，香菇及芫茜味好香。煎餃煎得香脆但唔乾，菜同肉的比例適中，韮菜夠嫩無渣，蘸埋辣醬食味道更佳。口水雞例牌份量多，肉質嫰滑有雞味。花生碎又香又脆無油膉味，芹菜芫茜新鮮，麻辣味適中，辣油好香。真材實料，甜味適中。天山雪蓮子煙韌，份量多，啖啖膠質，百合新鮮，蓮子腍無苦味。

開張未夠一個月，見門面裝璜已經感覺到是四川食店。「喜相逢」呢個名都幾有意思！大排檔形式，在行人路上「開枱」，別有一番風味。先來罐冰凍可樂降降温。💦有紙碗，木筷及紙巾供應。泡椒鳳爪🥢酸辣味重，食得辣嘅就會覺得好野味，鳳爪好爽！秘制醉雞🐤酒味濃郁肉嫩，以杞子作伴碟。煎雲耳椰菜豬肉餃😋煎得好香好香，外層脆口，皮薄餡料豐富，食過番尋味！👍🏻韭菜豬肉湯餃同樣餡料豐富，配上生菜及清湯底，正！百般順意--腐竹蛋白果薏米糖水🍯將腐竹煲熔，令腐竹發揮得淋漓盡致，好濃郁的腐竹香味，加上薏米白果及冰糖的結合，令整碗糖水非常香甜清潤，推介！👏🏻欣賞富人情味的食店，且用心製作，下次一定再光顧！

原本在旺角行行下街，不經意走入佐敦既橫街窄巷之間，就留意到界限街既角落位，有呢間店面古色古香既小店。因為呢幾日天氣太熱，見到門口有糖水，於是急不及待坐低。老闆娘好識做，見到我地熱，就好快上佐呢個名叫“百般順意”既糖水，先幫我地解解渴。“百般順意”原來係腐竹蛋糖水，看餐牌話係用精選初生雞蛋和腐竹、白果、薏米煮成，食落棉滑、細膩，滋潤得黎又解渴，飲佐幾啖，令到坐在路邊既我涼返一浸浸，終於可以食下呢度既幾個風味十足既川菜。“秘制醉雞” 據說係師傅既獨門秘方，食落酒香撲鼻，花雕酒份量落得剛剛好，不會太濃，每一啖雞肉都非常滑嫩又有酒香，而且份量都唔少，呢道冷盤最適合夏天食。“鴛鴦戲水”呢碗“鴛鴦戲水”係酸辣湯加兩款湯餃，我地揀佐韭菜豬肉餃加香菇元茜豬肉餃，每碗各有四隻。鍾意食辣既我地，真係越食越停唔到口，餃子皮薄餡靚，新鮮，湯辣得黎又香，食完覺得驚喜十足，沒想到一間店面咁細既小店竟然有咁好食既菜式。“水晶皮蛋“原本見到餐牌最想試食既呢道菜最後先上，但係都無令我失望，辣汁撈埋皮蛋，皮蛋蛋黃棉滑，蛋白爽口，連埋辣汁一齊送入口，別有一番風味。

剛好到界限街取東西，給我發現到一間充滿四川風味的高質小店，開張不夠一個月呢。店面裝潢古色古香，四川風味滿溢。食物主要是餃子涼拌、口水雞、醉雞及自家製健康糖水，全部都很吸引呢！價錢實惠，叫了一份水晶皮蛋、韮菜煎餃、例牌醉雞、風花雪月及百般順意糖水。食物即叫即整，最喜歡就是水晶皮蛋，用的不是一般廣東皮蛋，所以是透明，口感Q彈，涼拌辣汁調得一流，不會超油也不會太辣。醉雞一上枱，酒香撲鼻，不會很重藥材味，帶濃香的花雕酒味！ 夏天食絕對是爽的感覺！韮菜煎餃叫了6隻，皮超級薄，第一次吃餃子店吃到這麼薄的皮呢，小店自家製果然不同，人手包餃子是最好的。辣汁配煎餃，更惹味，必配辣汁食用！當然要每人一配糖水滋潤一下，因為是健康糖水，不會過甜，很喜歡。風花雪月用的是3.6牛乳，其實是見到餐牌有寫3.6牛乳就諗都唔諗叫這個，因為平時也很喜歡飲3.6 牛乳呢！果然風花雪月充滿奶香，是我的菜！百般順意配上一整隻雞蛋，用料十足！店主親切，得知她從四川來的，小店充滿四川風情，價錢實惠，很滿足！

見到有間新開張主打四川好西既緊係要試下啦，所以食物都係人手新鮮製作，所以真係好正宗，街邊開枱就食，係大排檔style既私房菜好親切既味道~尼度既麻辣真係好正，係超麻辣自家製既醬料呀好正好正，個麻辣係麻好重，辣一陣就會好快散~口水雞仲有花生又有小小麻咁好好食呀~~~餃子既部份入面既餡都算多，都好好味，主要真係個辣係超級重點既好食🤩最後仲有媽媽糖水，我地試左尼個係大展紅桃，有桃膠、紅豆、果皮同連子，老闆娘仲話佢岩岩先整起，真係熱騰騰既拎到尼，好甜超多紅豆，桃膠仲對皮膚好好，尼度幾款糖水都係中式滋潤type既，食完辣之後再補補，正呀👅💦💦💦💦

前幾日搭車經過見到個門面好特別就俾佢吸引住 平時都唔覺有間甘既鋪頭 尋日就專登早左落車諗住試下中式大門的設計 就係俾佢吸引住黎間係一間普通既小店 但真係有驚喜 驚喜指數10粒星香菇芫荽豬肉餃 (酸辣湯) $40(好味指數: 😋😋😋😋😋)嗌左個小辣湯底 個湯底酸酸辣辣甘 加埋d香芹粒同蔥粒 好香 再食埋個餃子好足料 個皮厚度適中 中意食芫荽既朋友一定要試雲耳椰菜豬肉餃 (清湯) $40(好味指數: 😋😋😋😋😋)黎個就嗌左清湯 湯底好甜 餃子一樣好足料 係食緊餃子其間同老闆娘嗌下傾 餐廳全部食物都係老闆娘親自準備同煮 黎個湯底係老闆娘用雞骨去熬湯口水雞(例牌) $68(好味指數: 😋😋😋😋)黎個又係讚不絕口 個醬汁再配d花生粒好香 老闆娘話係四川家鄉親戚種既辣椒曬乾再磨成粉 親自調配既 不過雞就唔太滑麻辣涼皮(好味指數: 😋😋😋😋)其實之前麻麻地食涼皮 因為係出面食開通常都痴埋晒一舊又無味 但黎間好唔同 每一條粉皮都有醬汁 而且味道岩岩好除左涼菜主食之外 仲有甜品而且甜品d名仲好詩情畫意 證明老闆娘係好感性既人風花雪月 $36(好味指數: 😋😋😋😋)甜品既甜度係可以選擇嫁 風花雪月係碎燕

路經太子區做嘢，做完就係附近搵食平時都唔會經過呢頭，黎到先知原來附近咁多間餐廳。行過呢間四川食舖，舖仔細細但坐滿人而且門面既裝修都幾有特色決定試一試！Menu 非常簡單，主要有餃子，口水雞/醉雞，同三款四川涼伴小食。而且每款食物嘅價錢都好街坊價👍🏻見到好多客人都叫餃子同雞我地都當然要試下係咪咁正先！鴛鴦戲水 （HKD40)，係水餃🥟同雲吞雙拼每款各有四隻 湯底係有少少似紅油抄手加咗湯，唔好睇佢咁紅，其實食落係有辣香，但唔辣，如果鐘意食辣可以叫大辣👅雲吞原來係韭菜豬肉餡，我地叫之前唔知道🙈水餃又叫咗韭菜豬肉餡。下次再叫，會試下其他款嘅水餃！煎餃 （HKD 33 6隻）我地叫咗西洋菜豬肉，睇住師傅即叫即煎，黎到既時候仲熱辣辣，一咬落口仲有汁流出黎👅 煎得岩岩好，又唔會乾。仲可以配嘛四川辣油食！口水雞 （例 HKD 68)一開始仲諗住叫半隻雞，老闆娘提意不如叫份例牌先。原來老闆娘岩！例牌既份量已經足夠兩個人食！ 口水雞個醬汁非常入味，麻而不辣，而且上面的花生粒令到d雞肉更香！雖然雞唔係好滑，係雞胸位置較多，但真係啖啖肉食完正餐，老闆娘推介佢地既必食糖水。原來糖水係老闆娘親自製作。我地叫咗

奇怪的我，夏天才喜歡吃熱食物，辣的更愛，出一身汗水，非常爽快！今次是朋友介紹的，就在他屋企附近，店面古色古香，行過真的會錯過—喜相逢🥟🥟秘制醉雞朋友不吃辣，只可以吃醉雞，醉雞的酒味不濃郁，不會覺得放了很久。👍🏻鴛鴦戲水 韭菜豬肉餃配雲吞我要求把辣湯分開的，雖然是分開湯，但裝著餃子的湯也好有特別，問了老闆才知是自家煲的青紅蘿蔔湯，怪不得那麼有甜味。🤤🤤每天的雲吞都不同材料，所以最好問清楚，我就是沒有問，結果雲吞也是韭菜豬肉🤦🏻‍♀️風花雪月雪燕同燕窩口感真的差不多，所以分不出哪是碎燕，很濃的牛奶🥛，好解辣百般順意第一口覺得很淡味，但再吃了白果和薏米，反而又有甜味，雞蛋🥚也甜，甜品非常健康，沒太甜。👅總結:好像家的味道，甜品也清淡，不會有過甜的糖水味。外賣更好👍🏻👍🏻

今次捐窿捐啦去到太子搵食，附近一帶得佢一間店面特別起眼，因爲門口嘅中國古色風格令我留意😂，原來係食四川菜嘅小食店！-望一望餐牌價錢夠親民，$36就食到一碗《風花雪月》其實就係燕碎加雪燕糖水，超驚喜材料比得好足，味道唔會過甜，每一啖都食到燕碎而且用北海道3.6牛乳🥛，絕對唔孤寒😱！《口水雞》估唔到例牌都咁大碟😨，麻辣味亦都夠重，個汁勁重口味，越食越上癮😛！《鴛鴦戲水》😳就係餃子加雲吞，有五款餃子選擇，我就試咗白菜豬肉餃🥟，餃子夠大隻餡料亦豐富，湯底望落鮮紅色但飲落唔算好辣😛，《泡椒鳳爪》用來做開胃前菜啱晒，開頭食第一啖覺得冇乜料到，點知啲辣係後尾慢慢散出嚟🤯，食得辣嘅朋友仔可以試吓！-小店經營外賣比較多，所以只有室外幾張摺檯可以坐，要去就要留意啦😬

太子界限街開了一間小店名叫「喜相逢」，小店老闆是四川人，食物口味同風味帶四川重濃厚。小店門前擺放了幾張細枱，是提供給客人點餐後來慢慢享受食物的。食物選擇豐富，有主食是咸食以及甜食是中式糖水。來到必點涼拌小食「水晶皮蛋」，金黃色的皮蛋夠滑，醬汁帶辣，四川味濃厚， 吃到滿口花椒八角香料味，十分惹味。「煎韮菜餃」即叫即煎，上菜是熱辣辣，香噴噴，煎得不油不膩，餃子飽滿，餡料足韮菜及豬肉好香口。甜品點了「 風花雪月」，名字很美，原來材料有燕碎、雪燕及北海道3.6牛奶，牛奶味濃郁滿口都可食到燕碎及雪燕，相當滋潤。朋友就吃「大展紅桃」裡面有紅豆、桃膠、蓮子及陳年果皮，紅豆粒粒原整，有咬口，又不太甜。

今日有緣黎到呢間小店×喜相逢, 係呢度食到好多好正既四川小菜同好幾款特色糖水。喜相逢個門面好特色架，一行過就比門面吸引到。望下究竟呢間食肆係食啲咩好野先。一睇到有餃子食，醉雞又有鴨舌😍，個肚即刻打哂鼓，唔單止吸引到我個眼球，我個胃都受到影響。餐廳得戶外用餐區🤪，以為會熱，但坐落又ok, 因為餐廳出面擺左部風機。餐牌上面好多野都想食，餃子又有多款口味選擇。4個人最終order左秘制醉雞 、鴨舌、泡椒鳳爪、幾款餃子，幾碗糖水。 坐底既時候仲問家姐呢度有無野飲，家姐覆好似無wo. 出奇地d 糖水唔係最後黎，同食物一齊黎，即刻變左透心涼既特飲😍😍風花雪月-北海道牛奶燕碎小情人話呢個糖水係最好味，飲多碗都得wo百航順意 竹腐蛋糖水大展紅桃。紅豆沙桃膠入面既桃膠令成碗紅豆沙口感更豐富幾款餃子都好好食 饀料足 又多汁有味醉鴨舌唔係度度食到，同醉雞一樣好入味第時肚餓仲可以叫app 送外賣添

因工作關係，路過太子界限街，見到門外有不少食客坐在露天位置食餃子。就同同事講不如試下。望到餐牌，除了餃子，還有其他選擇白菜豬肉湯餃8隻$40每隻湯餃都幾大粒，餡料豐富。香菇元西豬肉煎餃6隻$33煎餃餡料豐富，配上四川秘製辣醬，非常惹味。秘製醉雞例牌$78，上碟時，酒香撲鼻，原來師傅用花雕秘製，值得推介。再點了兩款糖水。百般順意$30材料用上雞蛋、富足、白果及薏米，非常清甜，清熱去濕一流。綠草如茵$28綠豆、海帶、芸香涼浸浸，清熱解毒，消暑解渴總結：店主非常用心製作每款菜式，侍應亦熱情招呼我們。

行過界限街，見到呢間店舖古色古香，好似古裝片入面的客棧，就好奇看看有什麼吃。原來呢度主打餃子，四川冷盤同糖水。一行四人叫了西洋菜湯餃，韭菜豬肉煎餃，白菜豬肉煎餃，花雕醉雞，醉鴨舌，泡椒鳳爪。另外叫了3款糖水，糖水名字好有趣，風花雪月即是北海道牛奶雪燕，大展鴻圖即是桃膠紅豆沙，百般順意即是腐竹蛋糖水。幾款糖水都好好飲，不會太甜，而且好足料。大展鴻圖吃到很多o者喱狀的桃膠，而風花雪月香濃的奶味中有啖啖雪燕與燕碎。湯餃同煎餃都好好食，大細剛剛好，新鮮即做，煎餃亦唔會太油。最驚喜係花雕醉雞同醉鴨舌，酒味極香濃，雞肉唔會老，鴨舌亦脆口，非常入味。泡椒鳳爪都幾辣，我地唔食得辣，所以食下又飲下糖水中和返。大家今餐都好滿意，可以encore.