喜相逢 (界限街) (Moved) New Location

在太子MTR附近有間小店叫做✨喜相逢✨主要食餃子，糖水，仲有啲小食我哋叫咗個秘制醉雞❤️❤️佢有三個份量選擇：例牌、半隻同一隻我哋雖然係叫例牌但係都好大碟，我哋兩個人其實都食唔晒有陣陣的酒味好香，肉質都幾滑另外叫咗綠草如茵糖水主要係綠豆同海帶消暑解熱的，食完真係涼浸浸另外仲叫咗份鴨舌呢個鴨舌亦都值得推介同埋此店嘅嘢都幾抵食✨👍🏻👍🏻

在太子界限街，有間叫喜相逢的食店，相當有趣。店在街角，店內全用作廚房，室外放置兩張枱。天氣炎熱，顧客以外賣為主，但我則決定堂食。幸好在晚上七點，太陽已收，氣溫尚可忍受。店的主食有八大種類，煎餃、湯餃、餃子併雲呑、口水雞、醉雞、黃金皮蛋、泡椒鴨舌及鳳爪，另外亦有數款，主打健康的中式糖水。坐下後，先叫兩款餃類及黃金皮蛋嘗嘗。黃金皮蛋，蛋呈糖心，配上麻辣，是我很愛的小食之一。煎餃是西洋菜豬肉，一碗六隻，肉質偏瘦，味道偏甘。湯餃，湯選了清湯，餡是香菇元茜豬肉，一碗八隻，莞茜味明顯，女友大愛。由於胃口上佳，再叫了一份鴛鴦戲水，即水餃併雲呑，湯底只有麻辣可選，以雲耳椰菜豬肉做餡。少辣的程度剛好，雲呑的皮很薄，口感比水餃好，餡亦不錯，比西洋菜美味。埋單，135元，不便宜，味道不差，但環境太熱，秋涼時食更合適。喜相逢 (太子)人均消費70元太子界限街10L-12號寶興大樓地舖簡單的飲食隨筆，有興趣請follow～緣食魔宮。抵玩指數最高為三星，所有不用自掏錢包者， 將不給予任何指數。如果大家看完本文，請讚好及分享出去。

這間四川菜門面裝修很有中國風，只得二至三張室外座位，食客多數外賣形式，雖然是室外，但有一大部風機吹住，感覺不會太熱。餐牌選擇不算多，有水餃，煎餃，小食及糖水，飯麵則比較缺乏的。老闆娘是四川人，所以主打四川菜。這裡的水餃或雲吞都是店主自己包的，所以一定要試一下，煎餃或水餃各有5款選擇，我要了西洋菜豬肉餃，八隻$40，大大隻脹卜卜，配上清湯，餃子皮不厚，西洋菜跟豬肉的比例一半半，不錯。另外點了鴛鴦戲水，有趣的名子，原來是4隻水餃配4隻雲吞的配撘，雲吞是指定款式，水餃則有5 款選擇。這個選了香菇芫茜豬肉餃，要了少辣的湯底。少辣的湯底飲落有點兒似酸辣湯的味道。香菇芫茜豬肉餃食到一粒粒香菇的口感，肉感比較多。雲吞跟水餃比，我還是喜歡水餃多。例牌的口水雞，份量足夠2個人，少辣對我來說亦剛好，麻香很惹味，口水雞肥瘦適中，雞件上還灑上芹菜及花生碎增添美味。店子還提供幾款糖水，我點了大展紅桃，是陳皮紅豆沙配上大熱桃膠，喜歡陳皮的香味，紅豆煲得起沙，配上健康桃膠，味道不太甜，食完辣再食碗凍糖水，爽呀!老闆娘自製辣菜脯

一幢幢唐樓間 突然有一古色古香門面的映入眼前裝飾中式古典 但有著路邊攤風味 有趣有趣水晶皮蛋 ($22) 首先來一客涼拌小菜，這店家的皮蛋絕對不簡單，那個皮蛋的外皮弄得晶瑩通透，是近乎透明的那一種，這如水晶般的皮蛋，賣相外表絕對吸引，吃一口，更覺得不簡單，蛋皮很Q，蛋黃更有如63度溫泉蛋的流心效果，口感非凡，與其他店的皮蛋不一樣。皮蛋分成兩部分，沾有獨門四川醬料的，以及沒有沾上辣醬的，讓不太會吃辣的朋友，也可以嚐到這個水晶皮蛋的滋味。湯餃雲耳椰菜豬肉 ($40) 一碗總共有8隻，有如生菜鯪魚肉的清甜湯底，而青菜蔥花伴襯着的湯底，顯得格外美觀，湯餃嬌小柔滑，可一口一隻，裡面的雲耳椰菜爽口新鮮，挺好的。戲水湯餃韮菜豬肉 ($40) 總共有8隻，我們選擇正常辣的程度，一來就是紅紅的湯底，嚐下來是挺厲害的酸麻辣味道，正常辣都已經很厲害，吃的我們都出汗水啦，真的很有四川的感覺。風花雪月 ($36) 這裡甜品的名字很有意思，全都由四字總成，都是跟相關的材料有關，好像這個風花雪月，以3.6牛乳配上雪燕，白色的牛乳，以及半透明的雪燕，就如雪裡有花月一樣，令人覺的有在風花雪月一樣。百般順意 ($30)

行街無意中發現了呢間四川風味既小店，呢間小店門口裝修是古代木木書齋般，位置其實就幾「隔涉」🤣，但經過呢頭就冇理由出返去第二到食。間鋪頭係坐係室外既，入面係廚房部分，見到老闆娘one man bank甘包餃子做。夏天係街到食係會熱左d，見到比較多人係外賣拎走～餐牌既選擇唔算多，但菜式都特色既，泡椒鴨舌、醉雞個d感覺都係功夫野。所以都叫左個泡椒鴨舌試下。平常多數食泡淑鳳爪（呢間小店都有呢），泡椒鴨舌好少食，味道幾清新，有消暑既feel，而且泡椒味也好出，少少酸酸辣辣，鴨舌係脆身爽口，好快清到碟！另外四川菜又點可以唔叫口水雞！呢個口水雞個醬汁其實都okay！而且辣度唔算太過份！初時雞肉未算同醬汁太入味！食到後期醬汁滲入左雞肉度就好食好多！餃子方面佢有分湯餃同煎餃！一場黎到緊係兩樣都叫晒！湯餃就叫左西洋菜豬肉餃！呢個味道正常～湯餃個湯底就清淡點。食到餃子裡面既西洋菜有一陣苦澀味，查問老闆娘得知西洋菜是冬天菜，宜家買到既西洋菜未算靚，所謂都係冬天先叫呢個！韭菜豬肉煎餃賣相靚仔佢煎完出黎唔會太油膩，佢既煎法似日式咁煎，味道易入口，韭菜味又會太搶，有小脆口既感覺！轉眼間六隻就掃清光！

🔺喜相逢小編好鐘意食餃子 煎餃湯餃通通照殺😋呢間位於太子嘅小店位置比較偏僻 而且無室內座位 但食物質素都幾高😯.泡椒鳳爪🐾睇落平平無奇 食落辣味十足😳配菜有紅蘿蔔、西芹、木耳 醃得好入味🤤嗜辣嘅朋友不容錯過🤘🏻.口水雞(例)🐔因為同行友食唔食得辣 所以叫左小辣老闆因應我地口味 調製個汁酸多於辣 十分開胃☺️只是雞嘅肉質太淋🤔.韭菜豬肉湯餃🥟食左2款惹味小菜 要點返清淡嘅湯餃中和返💆🏻‍♀️湯餃係老闆新鮮自家製 好有家的味道😋呢度仲有售自家餃子 返到屋企煮黎食無難度🤟🏻.百般順意🥣其實即係腐竹雞蛋糖水😆入面有海量腐竹、白果、薏米👍🏻👍🏻解暑一流😀.題外話 個日老闆娘唔小心煮爛左隻湯餃 主動話煮過碗俾我 小編當然立即拒絕🙅🏻‍♀️但係呢件小事上 感受到老闆娘非常用心經營小店🙌🏻

呢期放假留家消費，所以會與家人去附近的食肆用餐，行過界限街見到一間個門面好有中國大宅門口風色的水餃店，咁就坐低試下，店以外賣為主，用餐要好似大排檔咁坐街，第一次係街頭食水餃，都幾好風味。.📍白菜湯餃（$33-6隻）-首先，個湯做得非常好飲，湯底好清甜回甘；餃子豬肉非常多（果時豬肉係$80一斤），餃子皮岩岩好，而且內裡有一種特別的味道，同個湯係一樣的。問左老闆娘，原來落左少少唐芹，而且個湯係落左老雞同豬骨黎煲，足料老火湯，無論湯同餃子都毫無味精。.📍泡椒鴨舌（$68）-登...登..登..登，超級必食之選，大家知吾知鴨舌有幾貴，你睇下地鐵站果間連鎖店就知，但呢度係好多鴨舌，仲要係勁勁勁好食，鴨舌軟嫩，泡椒味入晒鴨舌度，越食越辣但越食越滋味，真係勁好食。.📍風花雪月（$36）-燕碎、雪燕、3.6牛奶-吾太甜，好滋補。.食完同老闆娘傾左陣計，老闆娘話佢好喜歡整野食，整野食的時候就會將所有煩惱放低，經常會整俾朋友試，所以先試下開店。.😋味道：8/10🙃回頭：8/10💰消費：$137.喜相逢地址: 太子界限街10L-12號寶興大樓地舖電話: 26384198#hkig #hkfood #hkfo

同朋友睇樓行到界限街附近，見到呢間舖門口好特別，所以就停下來食晚餐，呢間小店似新開，只得小量坐位，餐牌選擇唔算多，但都可以好夠食了，我地叫左個泡椒鴨舌，口水雞，水晶皮蛋同埋鴛鴦戲水（上湯水餃及雲吞）。泡椒鴨舌 - 份量好多，連啲配菜都好份味，絕對是一流開胃小食口水雞- 例牌都好大碟，好多肉，仲有齊唔同部位，啲汁唔會太辣，因為老闆婆知我地唔食得太辣，鬆手好多水晶皮蛋-必點黃金皮蛋，唔係周圍都有，金黃色呢隻相對無咁重鹼味，會更甘香鴛鴦戲水（上湯水餃及雲吞）- 個水餃可以簡唔同餡，我地簡左香姑芫西，雲吞就定左，但個驚喜位係個湯度，係個好清甜既湯，但又有辣味，好難形容呀，個雲吞同水餃自家制用粉好新鮮，食得出菜肉的鮮味。值得一提，老闆婆十分親切，親力親為，要多多支持這些有人情味的小店呢。下次要試埋糖水呢！

今日駕車經過界限街，被這間"喜相逢"的門面裝潢所吸引，充滿中國特色。看看餐牌，原來小店主打四川風味菜式、餃子和特色糖水等。今次試試店員介紹的招牌。用上花雕酒， 加上師傅獨門秘方精心製作出與眾不同的味道，酒香撲鼻，雞肉嫩滑可口，十分喜歡。醉鴨舌(一份) $68份量好足，酒香味濃夠入味，鴨舌嫩腍，下酒一流。韭菜豬肉湯餃隻隻飽滿，十分足料，味道不錯；加上自家製辣椒醬，味道帶醋酸辣，很有特色好有風味，必試。當中用上燕碎、雪燕和北海道3.6牛奶，甜度不高，滋陰調中，補肺養陰、補血養胃，十分滋潤。

原先都唔係諗住食呢間餃子係行錯路嘅情況下就遇上佢見到佢嘅裝修都好特別而且我哋都好鍾意食餃子所以決定試吓餐牌上寫住食物全部新鮮製作保證食物新鮮今晚我就點左一個白菜豬肉餃個湯清清地仲有芫荽飲落真係好有家嘅感覺因為一啲都唔味精㗎而且水餃入面舊肉都好多真係皮薄餡靚呀閑談間知道原來老闆娘係四川人呢度嘅辣椒油都係老闆娘自己調製㗎因為香港人都冇四川人食得咁辣所以辣嘅程度可以任由大家自己揀唔夠可以再叫老闆娘加而我都試左少少 果然同平時食開嘅辣椒又唔同呀朋友就叫咗一個煎韭菜豬肉餃平時喺出面食嘅煎餃多數都煎到個底好燶但係呢度就唔會而且仲可以保持到水餃入面肉汁感覺上都冇咁熱氣添醉鴨舌酒味唔會太重 抵食甜品方面我哋叫咗百般順意入面有初生雞蛋 腐足仲有新鮮嘅白果薏米添食完辣野食一碗夠凍嘅糖水真係好透心涼呢度仲可以外賣生嘅水餃返屋企煮架大家記得支持下啦

街邊小食，小店裝修特別，有古代feel，川味十足。主打餃子，川菜小食，甜品。小店門外有兩，三張枱，也都可以選擇外賣。👨‍🍳👩‍🍳食物質素：🥟香菇元茜豬肉湯餃豬肉以瘦為主，健康加倍，香菇同芫茜平衡得宜。鐘意餃子既皮，唔算厚。🥟西洋菜豬肉煎餃以煎既形式，唔會太熱氣，火喉適中，一樣以瘦肉為主。配合獨特麻辣味，惹味十足。🥟鴛鴦戲水選擇左雲耳椰菜豬肉餃，原來鴛鴦係4粒用餃子皮，4粒用雲吞皮。湯底係辣，可以選少辣。🥚水晶皮蛋糖心皮蛋，麻辣調味。麻香麻辣十足，開胃一流，份量都唔少。

At first I thought it was just the usual dumpling joint but there was something special about the decor so decided to check it out.The menu had dumplings and dessert so tried the mushroom and coriander dumplings and dessert.The soup dumplings were in a crystal clear broth which was to my liking because it was not that oily with luscious green lettuce.Taking a sip of the soup, there was this fragrant Sichuan pepper taste that was not too strong.The dumplings were fresh and the coriander was not t

有驚喜！今日係太子遊蕩既時候，無意間發現左呢間隱世小店，雖然未聽過，但比佢既門面吸引左，好有古典書香既味道。我地叫左一碗西洋菜湯餃，一碗香菇莞茜湯餃，一碟皮蛋，一碟醉雞。皮蛋好好味，好食過譚仔，麻辣程度岩岩好。醉雞好入味，濃濃既酒香加上白滑嫩既雞肉，係炎炎夏日做頭盤真係一流。至於兩碗水餃都有驚喜，唔單止皮薄餡靚，份量十足，而且菜同肉既比例岩岩好，食得出係店主親手包，味道獨一無二。湯底加左生菜，令成碗野更豐富。餃子煮得岩岩好，唔會一篤就散。由於四樣野已經食得好飽，所以無機會試糖水。下次黎會再試其他口味，同埋試下招牌口水雞！

經過太子喜相逢，比佢古色既大門吸引左，原來佢主打湯餃、煎餃同四川麻辣食物～鍾意辣既我地當然要試試～韭菜豬肉煎餃：餃子🥟皮薄餡靚，煎得脆口，皮薄所以清楚見到入面既餡料，韭菜豬肉都好足料，咬落肉汁四溢，配埋獨制餃子🌶醬油，好正！鴛鴦戲水：自選餃子配雲吞各4隻，我地選左西洋菜豬肉餃，湯底係酸辣粉個種酸辣，西洋菜餃幾特別，雲吞亦皮薄肉多，隻隻餃子都口感飽滿，非常美味～泡椒鳳爪：凍凍地既開胃涼菜，鳳爪大隻，肉質爽脆，配料酸菜、雲耳都好入味，泡椒既酸辣愈食愈出味，真正既🌶的確愈食愈過癮～秘製醉雞：酒香雞滑，都係凍食小菜之一，香濃花雕配嫩滑雞件，件件入口都充滿濃濃花雕酒香，食落花雕甜甜地既味道，推介之選！風花雪月：一聞巳經好香奶味，飲一啖，用左北海道3.6牛乳去整既甜品，味道的確香濃好多，燕碎雪燕好足料，成碗都滿滿，$36超抵食～養顏之選！瓜蓮雪合：即係木瓜雪耳蓮子糖水，雪耳木瓜都大大件，可能食左風花雪月先既關係，所以瓜蓮雪合味道偏淡左，不過夠曬益氣清潤！😊食得出用心製既四川🌶，老闆仲好Nice 同我地一齊傾🌶，哈哈！食🌶既同道中人真係要試試～

太子呢頭好多餃子食，經過呢間小店見到除咗餃子之外仲有其他四川菜式，就順便喺度食晚飯~鋪頭主要做外賣，冇太多座位，座位主要都係餐廳外面~~秘制醉雞(例牌)酒味濃郁，提升咗雞肉嘅鮮味，而且夠入味，每一啖雞肉都食到酒嘅鮮甜味道，而且凍食有透心涼感覺，雞俾肉咬落去有肉汁，幾juicy~例牌嘅份量都幾多😋~韭菜豬肉湯餃湯底可以揀唔辣或者辣，餃子大大粒，皮薄餡多，咬落去有肉汁流出黎，餡料調味足夠，配埋唐山菜一齊食味道好清新~~香菇元茜豬肉煎餃煎餃外皮香脆，內裏咬落去有肉汁流出嚟，非常juicy，而且新鮮煎起熱辣辣味道更加可口，元茜同香菇為豬肉做調味，且粒粒香菇有爽口質感~~雪耳椰菜豬肉餃同樣係啱啱新鮮濺起，熱辣辣味道可口，咬落有好多肉汁流出來，有外脆內軟感覺~~風花雪月用咗北海道3.6牛乳，牛奶香味重，配合燕碎同雪燕感覺養顏，飲落去唔會太甜，有滑溜溜感覺~~大展紅桃非常足料，有好多紅豆同桃膠，同一般紅豆沙唔同，凍食有透心涼感覺，而且加入桃膠令整碗感覺更爽口~