呂錦記手撕雞專門店 (筲箕灣道)

Open Now

Now Closed

今日工作在西灣河，有野做知晚上煮唔切飯，就搵下有咩好食，突然行過俾依間紅噹噹，好醒目的鋪頭吸引住😆睇左一陣，見唔少街坊幫襯，仲要人人手中都有印花卡儲印花，說明回頭率都好高，就試試佢。古法蟲草花水晶雞（半隻）$88水晶雞一拎上手已經熱辣辣，仲用錫紙包住好保溫，店員亦十分親切提醒襯熱最好食。返到屋企急不及想試，一打開已超香，即刻食指大動。蟲草好多，感覺好養生，食個雞都有益過人😆蟲草食落都好淋好入味，雞肉非常嫩滑，呂錦記仲好貼心，附上即棄手套，方便分離雞骨同肉，真係懶人恩物。川香手撕雞（半隻）$60手撕雞有好多款，花多眼亂，叫店員推薦下，佢話辣就比較惹味，如果只係試到少少辣不妨試下川香或者香辣，最後就簡左川香黎試試，而且仲即叫即整，保證新鮮。一入口果然辣度適中，麻辣香慢慢湛出黎，好過癮，無論配飯定單吃都一流。

這家手撕雞外賣店可是打工人恩物，食物簡單卻美味😋 今天收工去了買外賣，今次也點了蟲草水晶雞，另外再點了青瓜醬手撕雞味道感覺幾清新，夏天吃最適合不過。青瓜醬手撕雞，份量非常足夠，一半去皮雞肉肉質鮮嫩，一半青瓜絲爽脆多汁，口感非常清爽。手撕雞的調味也十分恰到好處，不會太鹹👍🏻蟲草水晶雞。這水晶雞是次次必點的，雞肉口感非常嫩滑，加上蟲草花的清香，讓整道菜色非常好吃😋 最喜歡這個菜式，送飯非常好吃😋

夏天咁熱煮飯煮到無心機，去加料買雞食就唔駛煩。 原味手撕雞半隻 $58無骨一絲絲細細條方便食，鹹香惹味，雞味夠香，大人小朋友都鐘意食。 古法蟲草花水晶雞半隻 $88爆多肉汁，雞香肉滑，雞皮金黃賣相吸引，蟲草花拌面吸埋雞汁味甜甜哋好入味。 鋪頭位置方便，鄰近太安樓美食區，口味選擇多，價錢經濟合理，服務有禮，包裝簡約以大外賣盆裝住食物，一開蓋可食，非常方便。鋪頭環境感乾淨衛生，餐牌清晰顯示在當眼位，價錢標示易明。服務有禮。

今日收工喺西灣河，佢唔想煮飯，又想食雞，見到🐓呂錦記手撕雞專門店！外賣回家吃，要試吓佢先😽🐓古法蟲草花水晶雞半隻雞連埋蟲草花都只係$88，真係超級抵食呀！非常貼心用錫紙包實成隻雞，可以keep住熱，老闆話大約3小時！職員還給我們手套方便食用。就算返到屋企都唔使擔心可以叮翻熱佢嚟食！非常滑身嘅雞，而且我返到屋企嘅時候仲保持到新鮮嘅味道，真係超級嫩口好味😋🐓鹹香去皮手撕雞超級方便啊拆晒骨，仲配上美味青瓜🥒絲！鹹香味非常突出，而且是冷凍食用，非常開胃！

西灣河出名多好嘢食， 今日試咗呂錦記手撕雞做lunch, 我自己就叫咗蟲草花水晶雞$88 半隻（ 即叫即整熱需時 六分鐘左右）， 感覺好養生🤣， 阿仔就叫咗 青瓜醬去皮手撕雞$68（ 兩隻辣椒 嘅辣度）， 佢個餐即刻叫即刻有， 但係佢都陪住我等， 佢自己都忍唔住偷食咗， 因為實在太香， 嗰度個姨姨仲問佢辣唔辣， 如果食得辣可以 下次 挑戰佢哋嘅 印度 魔鬼辣， 等嘅時候都不斷有人買唔同味道嘅雞， 仲有多款小食 雞爪，雞腎，魚皮花生 ，中華沙律等等（$26份）， 見佢喺雪櫃入面都幾大分， 我隻 蟲草雞 拎到返屋企仲熱辣辣，保溫真係做得好好 ， 撕開雞髀又滑又多汁 ， d肉係爽滑㗎 ， 所以都肯定唔係雪藏雞 ，鹹鹹香香真係超好食， 自己都食咗兩碗飯 阿仔 嗰份 青瓜 手撕雞 ， 又好惹味辣辣地 ， 青瓜夠爽脆 ，佢話下次一定要挑戰佢哋嘅印度魔鬼辣！我都要諗定下次 食邊款好🤔🤔 你哋有好介紹話我知， 不過我下次一定會 叫埋 雞腎， 雞爪， 因為今日返到屋企好後悔點解冇叫， 佢哋啲嘢真係有水準， 最好係食完冇口渴 ，唔會係味精雞果隻。讚！

今日陪媽媽買餸，專程嚟呢間新開既手撕雞外賣店打卡！手撕雞有10款口味可以選擇，有辣同唔辣，仲有一款係零脂肪低卡，啱晒健身人士。店舖仲有一個凍櫃賣一啲小食，有雞腎、雞腳等。媽媽話價錢幾相宜，就買左一份手撕雞同半隻蒸雞今晚晚餐加餸。店家出餐好快，等左一陣就ok❤️蟲草花水晶雞 (半隻) $88店員話呢份蟲草花水晶雞，係必點既招牌菜！錫紙包住原汁原味，口感嫰滑多汁之餘，仲夾雜住蟲草花的香味，拌飯好開胃❤西域孜然手撕雞 (半隻) $60手撕雞份量好多，足有半隻，仲跟番雞翼、雞翼尖、雞腳，雞肉撕得比較大片，可以啖啖肉！雞肉鮮嫩，雞皮都好爽滑，撈埋孜然一齊食，鹹香入味，相當惹味！

喜愛北上嘅朋友對呂錦記絕對熟悉，上次喺深圳吃喝玩樂嘅時候已經好想試，但因為太飽放棄咗,今晚要做無飯煮婦,當然收工買埋外賣先返屋企.手撕雞種類好多,一共13個味道，亦有辣有唔辣,雖然即叫即做,但落單等侯到拎走都係15分鐘就搞掂.啱哂趕住返屋企嘅朋友.蟲草花水晶雞,雞肉好嫩滑,配上蟲草感覺好滋陰,而且用錫紙包住保溫,返到屋企都唔駛翻熱.青瓜醬去皮手撕雞,辣度係2,感覺微辣好惹味,配上爽口青瓜絲又另一種層次.人均消費💰 ： ＄ 60總結✍ ： 雞肉嫩滑，多款選擇。NatNat評分💎💎💎💎(5💎為最高)

最近遇到一間手撕雞「天花板」質素🤭即係值得專登搭車去買嗰種🫶🏻😻💁🏻‍♀️💁🏻‍♂️就係位於西灣河呂錦記手撕雞專門店 @，店鋪簡單裝潢，只做外賣，但下午嚟到人流已絡繹不絕，唔少街坊都會嚟幫襯💃🏻🕺🏻呢度嘅手撕雞係即叫即撕，🤝🏻怕肥嘅朋友可選去皮系列，總共有8款口味比你揀；想自己撕嚟食，可考慮古法蒸雞系列（半隻起），小店風味但就設想周到👍🏻😎.🝮孜然味手撕雞雞肉嫩滑，孜然味香口，兩個人食，好快就KO咗成碟🫶🏻😽.🝮蟲草花水晶雞🧑🏻‍🍳👨🏻‍🍳店員會用少少時間幫你蒸熟，再用錫紙包住放落膠盒；👏🏻😻回家後打開芳香撲鼻，蟲草滿佈主角雞肉爽口嫩滑飲一啖湯汁，香濃順滑，而且無味精💯強烈建議店主加推湯品🙌🏻🤣.回訪指數：💛💛💛💛💛🈵

#只有外賣老爺奶奶飛左無人煮飯😭 突然想食手絲雞🙌🏻又走左去西灣河@呂錦記手撕雞專門店 ❤️呂錦記既手撕雞有勁多口味，我同我仔最欣賞就係蟲草花水晶雞, 因為佢原隻雞上, 自己返去慢慢MEET,原汁原味呀~~2個仔食到個咀無停過🥰而且仲要加飯TIM!我老公就最鐘意食西域孜然手絲雞！啲手絲好滑，雞肉鮮嫩，孜然味夠香，唔會太辣，如果你鍾意啲微辣嘅食物，呢隻雞一定唔會讓你失望㗎！🏠 呂錦記手撕雞專門店地址: 西灣河筲箕灣道33-55號麗灣大廈地下J1號舖營業時間: 10:30 - 21:00➖➖➖➖➖➖➖➖➖➖➖

附近既居民有口福了！佢既雞肉質素相當之高！✨西域孜然手撕雞（$60）孜然味夠曬香口，一打開盒已經聞到好香👃🏻，會令人忍唔住即刻想食一啖，味道剛剛好唔會太濃又唔會太淡，食完唔會覺得好口渴✨蟲草花水晶雞（$88）蟲草花份量十分多，雞既大小好足夠，水晶雞肉質嫩滑到不得了，食完心中當刻吐出咗一萬句「好滑呀！點解可以咁滑㗎！」咁大個仔都未食過咁滑口既雞肉，真係大開眼界🤩，味道淡而香。店員亦都好細心，有將一次性手套擺埋入去外賣盒度。仲提醒我蟲草花水晶雞要親熱食，而西域孜然手撕雞就凍食👍🏻

🍴 呂錦記手撕雞專門店 🍴✨惹味外賣手撕雞專門店✨-·古法蟲草花水晶雞 - - - $88半隻雞連埋蟲草花先係$88！用咗錫紙包住返到屋企唔怕凍咗👏🏻就算放返落微波爐叮都方便好多👌🏻· 香辣手撕雞 - - - $60呢個真係好方便拆晒骨😍但係雞翼同埋雞腳仲可以俾你啜下🤣香辣好惹味！送飯啱啱好🍚辣度都好夠🌶️正呀🥵-Total: 150推介指數：8/10———————————————🔺 呂錦記手撕雞專門店 (西灣河)🔺 西灣河筲箕灣道33-55號麗灣大廈地下J1號舖-----------------------

平日放工都會經過太安樓，睇下有咩好食買返屋企加餸，今次一試附近呢間手撕雞專門店。雞，全部都係雞🐔店員認真推介必食古法炮製水晶雞，就點半隻，再加半隻手撕雞俾屋企個雞皇媽咪食😂 🐓古法蟲草花水晶雞（半隻）水晶雞用錫紙包住蒸，用外賣盒包得好好，返到屋企重熱辣辣，又無漏汁。一打開就聞到好香，蟲草花味道感覺好養生，雞肉又入味，最緊要底下蒸出嚟嘅肉汁精華，撈飯一流🤭佢重好貼心咁俾埋即棄手套🧤等我哋手撕呢隻水晶雞😂用手食真係特別滋味🤗🐓孜然手撕雞手撕雞味道選擇多👍🏻有原味、麻油、五香花生、西域孜然、天府藤椒、印度魔鬼辣👹 等等…食得麻辣多今次試左比較少見嘅孜然手撕雞。孜然配任何肉類都好夾，微辣，惹味，肉質嫩滑，雞皮彈牙👍🏻

呂錦記手撕雞是我喜歡的手撕雞品牌之一,他們使用新鮮食材和獨家配方調味料,炮製出惹味十足的手撕雞。店內環境乾淨,服務態度親切友善,深受食客歡迎。我點的半隻手撕雞,雞肉新鮮多汁,肉汁鮮嫩,充滿鮮甜味道。調味料的味道鹹香但不過度刺激,很成功地突出了雞肉的鮮味。另外再追加的蟲草花水晶雞亦香滑美味，齒頰留香呀。除了手撕雞,呂錦記還供應片皮雞肉卷等,選擇繁多。價位合理,一份半隻手撕雞大約六十多元,CP值很高。呂錦記值得一試,尤其是對手撕雞情有獨鍾的食客,定愛上他們的手撕雞。味美價廉,是大眾正能量小吃好選擇。

二訪呢間手撕雞專門店，證明真係好食！小店位於西灣河，主打各式口味嘅手撕雞，有辣有唔辣，老少咸宜，另外亦有水晶雞，整體價錢合理而且份量都唔少，經過可以買返屋企食😎懷舊口味有三款選擇，原味、麻油同五香花生，手撕雞有半隻，肉質鮮嫩，唔嚡口，老少咸宜，花生份量都唔少，鹹香味突出，可提升手撕雞嘅鮮味，撈埋一齊食令到整體口感更加豐富～ 另外有蟲草花水晶雞，加餸必備之選！同樣有半隻份量，用錫箔紙包著，保留肉汁，打開個蓋嘅時候香氣四溢，外皮唔肥，食落嫩滑，上面有滿滿嘅蟲草花，好適合配白飯食😋

見到附近新左左間手撕雞，舖面乾淨衛生， 就點返一份返屋企父親節加料。店舖可供選擇嘅口味都幾多，有手撕雞又有水晶雞，可以選擇個口味亦較多，重點係夠足料，有惹味/懷舊/古法/傳統/輕食類，因為我想食惹味就揀左天府椒滕手撕雞，又揀咗蟲草花水晶雞比老人家同小朋友食。手撕雞: 啱哂做小食，皮脆肉嫩，份量勁足，有啲啲微辣，好惹味，小朋友都可以食用。如果可以再辣啲啲，味道應該更加香口。蟲草花水晶雞（半隻): 水晶雞採用厚厚的錫紙包裹，店員話可以保温兩個鐘。拿到回家果然仲熱， 即食唔使再加熱, 值得一讚❣️水晶雞以古法伴以蟲草花蒸製，一開錫紙就係看得見嘅足料，雞肉肉質嫩滑結實，食得出店家係用靚雞黎整。健康又好味，確實係加料首選