同和粥麵 (Closed) View

過間老店在香港仔好耐，以前吃粥，煲仔飯好正，今晚吃完感覺好差勁。等出外賣，我在俾錢時，問店員等幾耐，他說15分鐘，點知等咗45分鐘，仲係要自己問個外賣出咗未，佢先包比我，比想像中更差絕對不會再幫襯，冇下次!!!!!!

好想食雲吞麵，自己住喺香港仔，想搵間雲吞麵食下，見到同和粥麵， 諗住試下25蚊一碗，加杯奶茶共三十元， 面有啲生菜，面爽口 ，雲吞有四粒，八成豬肉一隻虾仔，湯冇味奶白色，未曾食過咁樣嘅雲吞麵，廾零蚊算吧啦。下次食粥

雜燴炒河並唔係每間茶餐廳都有，每間茶餐廳嘅集會雜燴都各有不同，今次介紹嘅係位於香港仔呢間地道茶餐廳，同和粥麵鋪嘅雜燴炒河令我充滿驚喜。地方環境舒適，座位與座位之間有一定距離，出面粥麵企檔，入面水吧廚房，夥計熱情有禮貌，唔怪得夜晚時間好多街坊都會嚟打躉食飯，每次黎親都見到有人叫雜燴炒河，今次我就好奇試吓睇吓係咩來歷。一上枱，已經聞到河粉炒底嘅鑊氣，一夾落去河粉條條夠粗，碟底少油而夠晒鑊氣已經考功夫。再嚟嘅就係主角，呢度嘅雜燴就係粥麵檔嘅豬什，豬潤、豬肚、肉片同豬腰，食落去好爽，明顯啤足水，無苦味，豬潤厚切嫩滑，豬肚肉片爽口，配合河粉爆炒，真係有啲驚喜。中式粥麵鋪茶餐廳其實已經買少見少，嗰種格局同人情味，的確值得保留，雖然每間中式茶餐廳嘅雜燴炒河各有唔同，喜歡食豬雜嘅朋友，可以來試一試佢嘅雜燴炒河，值得推薦。

這家店在香港仔經營已經很久很久，搬過幾次，一直在賣粥和麵。她的粥綿密細緻；麵結實彈牙，兩樣都做得不錯。小店還算乾淨企理，十來個座位。街坊式的服務，富有鄰里感情，生張熟李，閒話家常。我點了客豬潤粉腸粥（＄36）和咸肉粽（＄22）。等了約5分鐘，餐膳便送到。粥雖然並不大碗，卻有滿滿的料。豬潤有8件，很嫰滑、沒過老，如果厚切些會更好；粉腸 4條，吃得出很新鮮，沒異味，超好味道。米花化成粥底已看不分明，哪種淳厚帶點米香，加上肉的鮮味，更是出色。在香港仔，賣粥有比她便宜的；用料卻難找到比她更好的。咸肉粽個頭大，餡料有蛋黃及豬肉，看來很漂亮，可惜豬肉太瘦了，一點肥膏也沒有。也沒有多少綠豆茸；整隻粽沒有油花滋潤糯米，很死實實，缺乏味道。不是常客，因怕吃粥太熱；但偶爾胃口欠佳，吃厭了煎炸油膩時也會來幫襯。小店有幾十年的老臉孔，不是哪些趕時髦、賣潮流的打游擊式的短期租戶可比。

香港仔有間舊式茶餐廳呢間同和粥麵咩都有得食粥、粉、麵、飯、小菜、煲仔飯真係包羅萬有想食咩都有之前食過呢度啲生滾粥好好味係真係新鮮生滾粥魚腩豬潤粥好新鮮好好味最特別係呢度仲有新鮮嘅爽滑魚皮食而家已經好少地方有得食不過魚皮未必日日都有而且好快會買哂撞啱有嘅話真係一定要食不過今次唔係食粥係食煲仔飯呢度係一年四季都有得食煲仔飯而且價錢唔貴如果想外賣仲可以借煲走唔錯今次同朋友一人叫咗一個煲仔飯等大約10分鐘就有得食啦一上檯超香白鱔好肥美仲有啲飯焦脆卜卜正！

有朋友介紹這一間的魚腐及魚麵為一絕，昨天一試，魚腐未夠香滑，跟吃魚蛋沒兩樣，魚麵完全沒有魚味，可以不試!另外叫了‘火辣牛丸‘，居然一點辣味也沒有，不如叫普通牛丸。總括而言，試一次便可以，不會再光顧

以手機程式外賣下單，在程式圖片中看不到食物圖片或品質，只好嘗試一下。火腩白鱔煲的燒肉佔了整個食品的九成，而且味道非常、非常的咸，又非常、非常的靭，更甚者是白鱔經走油炸過後，仍然存在濃烈的臭味，很明顯是白鱔魚不新鮮，而且變壞了。干炒排骨河近乎淺啡色外，非常油膩，用筷子夾起來吃時，只是油不停往下滴，河粉及排骨都無味。沙拉骨是豬扒做，炸過豬扒再混以沙拉醬，再加入2片罐頭菠蘿及水桃，沒有肉味之，雪味及靱度十足。外相及味道都不用多說了。勁差，不會再幫襯！

不嬲都食開呢間街坊野，牛腩魚面一流，個魚面幾正，一寫單32蚊，我心諗唔係27咩？係同區黎講32蚊食到牛腩面仲要魚面係好抵，家下加到$32係同區正常價，唔係特別貴既。新餐牌，其實唔特別貴，同區平均都呢個價。加左價，感覺上足料左，賣相都靚左。牛根唔會太淋，屬爽彈款，可能係屎忽撞棍咁好彩，幾好！牛腩又係好食左，平時係炆一舊舊既柱候腩，今日果款層次分明，有根有肉。主角魚面，好有魚味，彈牙，好似食緊成碗生菜魚肉咁，湯底正常出品，搭左幾條生菜同芽菜。$32蚊呢個質素，性價比依舊高。總結：貴左，進步左。

呢間野係香港仔好多年，基本上你叫咩佢都會整比你，上至即炒小菜，煲仔飯，下至粥品，雲吞麵，乜都有得食。今日食晚餐，試試佢。先黎既係生滾粥，一叫即滾即上，快靚正。家下七點幾都仲食到油炸鬼仲要脆，都算係咁。至於材料，算新鮮，個人黎講都夠味，唔夠亦可以點是油。仲有兩個煲仔飯，蛋牛和北姑雞，雖然唔係好平，$55黎講即整煲仔飯都唔算貴，凍飲要再加多5蚊。先講蛋牛，個牛肉算滑同彈，個蛋就差少少，因為上枱時，要開煲加是油再焗一焗，就係呢下個蛋老左⋯⋯⋯⋯如果唔係就好完美。佢個甜是油係靈魂所在，成個飯咁好食都係靠佢，加是油焗一焗，打開撈勻，你睇個飯底就知！！！菇夠滑，好味！料夠足，雞滑，可惜比較肥！整體來說，地道街坊生意，價錢合理，味道不差。

同和有個中式早餐好少見：白粥、咸旦、炸菜再配芽菜炒麵。一般食開嘅不外乎公仔麵，炒旦、通粉、咖啡奶茶多士麵包，真係未試過咁嘅組合。之前幫襯過，一向出品都幾穩陳，所以有少少期待。粥煲得好綿，入口陣陣魚香兼鮮甜，咸旦油潤甘香，炸菜咸辣同白粥又好中和，炒麵上枱重熱辣辣，少油爽身，芽菜又夠多，甚麼調味都唔需要再加。成個早餐各種味道好夾好舒服好醒神！生活上如果有咩未解決倒，建議大家來食呢個中式早餐、定定神、飽一飽，一定想得通！

壹個人無煮飯，唯有求其買盒外賣醫肚，平常到同和粥麵鋪，唔系食粥就麵（穩陣）嘛，今日無食早餐搞到餓餓地，買個至愛咸蛋肉餅飯＋例湯＄41！咁嘅價錢心想無乜特别，點知壹食就知道，乜野叫驚喜，同什麼叫物超所值。先講肉餅非常（彈牙）及夠哂（厚），盒飯又夠熱及乾身……無得頂。唯一失分就是咸蛋無漏油。至於例湯同附近餐廳比較就系水準之中！

店名：同和粥麵地址：香港仔湖北街海波大樓地下好味指數:8/10價錢：$20（下午茶）雲吞麵正價來吃$21，下午茶時間只是便宜$1。麵質爽滑彈牙，湯底鮮甜，很香的傳統麵檔風味。雲吞有四隻，外皮薄滑，蝦肉彈牙鮮味。吃一碗，大滿足！店名：同和粥麵地址：香港仔湖北街海波大樓地下好味指數:7.6/10價錢：$20（下午茶）肉丸粉腸粥正價來吃$27，下午茶非常超值。粥底很棉入味，肉丸有兩粒，爽口美味。粉腸爽滑，配上辣椒油和豉油更為美味。店名：同和粥麵地址：香港仔湖北街海波大樓地下好味指數:7.8/10價錢：$20（下午茶）狀元及弟粥正價來吃$27，下午茶非常超值。粥底很棉入味，魚腩豬潤，腰，腸新鮮，肉丸爽口美味，配上辣椒油和豉油更為美味。店名：同和粥麵地址：香港仔湖北街海波大樓地下好味指數:8/10價錢：$20（下午茶）魚腩粥正價來吃要$31，下午茶非常超值。粥底很棉，鮮甜美味，魚腩嫩滑，配上辣椒油和豉油更為美味。

(837)今天行程往遊香港仔水塘郊野公園，晨早來到香港仔，先找地方早餐，經過同和粥麵，看見這裡中西式早餐齊備，就選擇了這裡。早餐揀選了蝦米腸、炒麵及熱好立克。蝦米腸，腸粉不算很滑，蔥花及蝦米也不多，加入芝麻及甜醬，好吃多了。炒麵，豉油炒麵混入了芽菜，味道一般，個人喜歡加點甜醬來吃，感覺會好一些；熱好立克，味道比較淡口。早餐之後，準時去到集合地點，會合大隊，準備出發。

羗蒽撈,算是素食,除非像我加腩汁:例外。這款式亦可當做窮人撈麵,個半麵餅,麵是全旦麵,要趁熱食否則會腍。簡單的加上手切蔥絲羗絲,再落熟油腩汁,吃得飽肚,價錢平,又美味,不可多得,這裹亦供應爽脆皖魚皮!屬於恐龍科,很快絶種!

三月上旬．晴 近日在早餐時段，都試了香港仔大街的好幾間店子的早餐，相比之下，以這裡的水準較高一點的。 店名是粥店，但其實是中式跟西式早餐都有。本來想吃白粥、鹹蛋及炸兩的早餐，但原來是日沒有得供應，唯有轉了麥皮加火腿奄列，加杯熱咖啡。 先來的火腿奄列，煎得很不錯。雖然蛋不算是很鬆軟，但內裡的火腿多，炒得香口，也切得幼細。蛋煎得不過熟，吃起來還有蛋汁的，非常不錯，至少是在這幾天吃到最似樣子的奄列了。餐跟油包，要多士加2元，而這個多士做得不算太好，至少烘得不夠脆口，可以要回油包。麥皮即叫即煮，大大碗的，雖然是即食麥皮，但感覺健康。 不要看這裡是粥店，熱咖啡都不錯的。埋單20元，在這個區，算是吃得過的了。看到隔離客人的艇仔粥是非常的對辦，而炸兩也即拉的，下次就來吃這個。 值得一提的是，這裡的阿姐有點冒失，但主理人的禮貌就好好，值得一讚。