可可美味 (Changed Hand) New Restaurant

擂茶呢樣野真係第一次聽🤔原來係由茶葉，芝麻，花生而成！而且仲有養生養顏之效😊可以當做日常嘅保健飲料～如果加左湯圓嘅話就一定要係熱食！飲落去有少少似綠茶或者豆漿嘅味道🍵再加淡淡嘅芝麻香，甜度適中，而湯圓偏淋身，皮滑芝麻味重😄仲有6粒添，都吾錯！溫馨提示，呢間小店下午六時先會開舖頭，所以大家晏晝去到嘅時候都未必有得食架！點解我會知？因為我就係人版啊😂😂😂😂😂😂😂😂😂😂😂😂

客家小食係香港唔多，甜品更加少之有少，最近東大街就有一間登陸，即刻試左客家最出名既擂茶！據本草綱目記載，飲擂茶係好過飲涼茶 (好似係)，唔單止生津止渴，消熱解暑，而且仲滋補養顏，幫助消化，終於有樣野好味得黎又健康 🤤🤘🏿客家擂茶聽落以為係飲茶果啲苦茶，但係原來唔係，實則係養生糖水，用黑芝麻、白芝麻、薏仁、燕麥、胚牙、花生磨成粉，再加上綠茶粉沖製而成，飲落去好似綠茶味既豆漿 🤤🤤🤤而湯圓有兩隻味揀，花生同芝麻，我就中意食芝麻湯圓既，皮薄餡靚，同埋擂茶一齊食好正 🤘🏿P.S. 記得飲擂茶果時要撈底，因為會不停沉澱，唔撈既話飲到底會好濃！——————————————————————#擂茶湯圓 $26/6——————————————————————#可可美味筲箕灣筲箕灣東大街76號地下 C 舖

擂茶湯丸($26/6)-去糖水舖食湯圓，普通嘅薑湯或者豆漿湯圓就食得多，配上擂茶就真係第一次試😛。客家擂茶係將茶葉、芝麻同花生混合乾擂再磨成粉，然後加水沖泡成茶🍵。原本以為食落似抹茶🤔🤔🤔，因為顏色好似日本嘅抹茶，不過味道就好唔同，芝麻同花生味道唔算好重，加上淡淡茶香，味道都幾特別。湯圓外皮好滑，入面個芝麻餡味道都好濃郁，整體唔錯喎👍🏻，值得一試。老闆好健談，下次試埋其他野先😎😎。

平時東大街揾食, 多數來呢頭買沙嗲串燒同煎釀三寶, 都唔覺原來有呢間舖, 見到點野食都几吸引, 今次就叫左$38, 吉列豬扒飯$38, 芝士蝦多士($16/2件) 同 鹽香炸蟹餅($12/3件)。講左小食先, 2款小食味道都ok, 炸蟹餅味道似足龍蝦丸, 只係形狀唔同左, 蝦多士點蝦唔夠彈牙, 可能份量太少, 塊多士就炸到有點實, 食落唔夠鬆脆, 同埋中間的芝士都唔夠流心, 可能係我買外賣返到屋企凍左的關係, 即炸即食可能會好點到左飯la, 其實叫蝦餅前都有點猶豫, 因為一般出面叫蝦餅都勁細塊, 但見到佢塊廣告牌咁大, 都懷疑緊可唔可信, 不過又真係想食wo…冇法la….打開個飯時真係有驚喜, 塊蝦餅勁大塊, 仲有二塊咁多, 味道可以, 都夠彈牙, 絕冇欺場, 下次一定會再食…….相反豬扒飯比起上來就有點失色, 與其話係吉列豬扒, 我覺得反而係炸香矛豬扒適合點, 豬扒有淡淡香矛味, 但較干身同硬, 唔係咁好食……至于個咖哩同飯就冇咩特別, 咖哩係有少少辣個種, 唔係甜咖哩

噚日路經筲箕灣東大街，見到一間街頭小食店有芝士蝦多士同黑松露蝦多士，好少有呢款小食，咁就買咗一份嚟試，老闆好細心，食嘅時候都叮囑小心，一口落去d 芝士會流出嚟，正，好味正想試埋個黑松露味，可惜咁啱冇貨，大家下次行過都可以試下

最近有報張報導過芝士流心蝦多士, 當然要去試試,筲箕灣站C出口就到. 要去食要有耐心. 只有老闆一個人即炸食物, 喜歡吃炸物的朋友不要錯過.個人比較喜歡芝士流心蝦多士, 真心推介