北方餃子源 (皇后大道東)

Open Now

Now Closed

今晚放工去左灣仔北方餃子園想食少少嘢又唔多點了香菇香菜豬肉餃和一碟西蘭花西蘭花永遠係我黎點嘅菜（21元）佢個西蘭花夠大碟，又爽，又熱，仲有d麻油香味，我好推介！餃子我今次第一次點香菇香菜豬肉餃（37元）。估唔到原來香菇和香菜（茜）咁夾。皮有d煙un係我中意個隻皮！如果大家好似我一樣係餃子控，就要黎試下呢度啦～

身邊好多🥟狂迷都好推薦呢間😆因為好近公司 通常打定電話落到去就唔洗等佢個外賣盒設計得幾好上面一層係麵 下面有5隻湯餃每一粒🥟都脹卜卜 而且d餡料好足料同新鮮白菜 西洋菜 羊肉餃都好好食😋咬落仲會有d肉汁滲出黎💦配埋個清湯上海麵就岩岩平衡返如果重口味一定要試佢地個酸辣湯辣得幾過癮🔥 而且又係勁多料同埋真係超飽肚 性價比唔錯😍

兩個人食3樣嘢，一人一碗面+煎餅豆沙煎餅係雪櫃就咁拎出嚟煎？炸？豆沙餡勁少，有啲失望。🥲不過個皮就好脆同有煙靭口感。☺️薄薄地就$30幾？少少貴？煎餃就整得好出色，食左羊肉餃同湯栗米豬肉餃。煎餃子似炸餃子。係脆身，香口。而湯餃就可以食到肉汁正常唔轉其他面就會係上海面底。勁吸湯😭。食左幾啖面就無左一半湯🙂。不過個面質真係令人好飽.下次可以轉米線會好啲？

大食妹餃子癮起，Lunch時間特登山長水遠行咗去皇后大道東道餃子落雨天冇乜人堂食，反而好多外賣大食妹入咗去成間麵館，根本就冇人，但係阿姐都叫我去左一張超細嘅枱度搭枱情餐飯就係不斷俾對面嘅人係咁踢腳，我都唔明張枱細，唔關佢哋事，不過好心冇人就善用下啲位啊<西洋菜豬肉餃米線$45>叫咗個西洋菜豬肉餃米線，啲豬肉餃真心幾好食，半肥瘦豬肉撈西洋菜呢個配搭真係冇得頂，唔會話太多豬肉或者太多菜，真係啱啱好不過呢下次都係齋食搞餃，因為面食真系麻麻地，個湯底好似用滾水開咁都冇味然後食緊嘅時候又聽到啲阿姐同啲外賣客係咁嘈，都幾煩㗎

餃子的味道令人回味無窮！但是為了吸引更多顧客，請時刻監察員工對待顧客的禮貌程度，可以避免產生不愉快的感覺，例如俾錢受氣。再好食但應該唔會再去了！！！一日美好心情就此被破壞了 ！！！

態度差都算！叫咗煎餃，點知原來D餃子是炸的，大大隻、皮又厚，油膩之極！餃子皮薄餡靚是重點，煎餃子要慢火煎香嗰底，唔係炸呀！甚麼是煎餃你們懂得弄嗎？學人開店，一D都唔正宗！😡

如果要數好食嘅餃子我哋會推介呢間北方餃子源佢哋嘅餃子好有風味首先必須讚吓個皮又係嗰句 好Q彈佢嗰種韌性 你feel到個皮係唔易爛嘅咬落好好口感而佢嘅內餡選擇亦相當多呢日我就揀咗茴香牛肉餃講真 香港有茴香餡餃子賣嘅食店唔多見到梗係唔可以放過啦而佢亦都冇令我失望佢嗰種清甜味真係唔係度度食到而呢種清甜味 亦成功令到個餡冇咁漏就係因為個味道平衡得咁好所以嗰十隻餃雖然好大隻 但都可以一口氣就掃清光食完亦絕對唔會話滯住滯住然後要讚吓個酸辣湯 佢夠晒真材實料 材料又夠新鮮食落係以前細個喺上海餐廳食嘅嗰種味道夠晒古早 想尋回兒時回憶嘅朋友 絕對可以一試

空間好逼，但D staff服務態度卻唔好，係咁逼人地係細檯坐4人。😂隔離張檯都差不多大，只係坐2人。同職員講，佢有佢講法，但卻態度好差。互相理解架嘛⋯⋯再都唔想去啦

今晚特登由九龍搭車去食, 餃子係好味, 但係服務態度好差, 下次唔幫襯.做飲食業, 食物質素幾好食都好,如果服務態度差,都搵鬼幫襯.有一個剷到好似tom boy 嘅阿嬸服務態度就非常差講嘢冇尾音； 黑口黑面； 我把口罩已經放入自備嘅紙袋； 再用酒精液壓住； tom boy 阿嬸用一個好差的語氣叫我口罩袋要 摺起. . 幫你落單時語氣都好鬼差

餃子源喺灣仔已經屹立多年，店入面保留懷舊嘅裝修，每日午巿都人山人海今日叫咗十粒京蔥羊肉餃，外賣會配上一包醋。每粒都好大粒，肉汁澎湃，正P.S. 始終係懷舊店，所以只收現金

最近天氣寒冷， 大家都不願出街，最好留在家中食火鍋或者糯米飯之類，凍的天氣亦令我想起吃水餃。在中國，餃子是在農曆新年和冬至等節日的重要才會食到。為何在節日吃餃子？在北方地區，有些人認為吃水餃，代表在寒冷的冬天裏，期盼著鳥語花香的季節早點到來，亦寓意著節日團圓。水餃的做法是由碎肉和蔬菜餡料包裹成一片薄生麵團後，用清水把它煮熟即可，做法十分簡單，但要做得好味和包得美觀卻有難度。說回正題，這間餐廳每次都是同事帶我去的，其實我都很想去食，只是路痴的我總忘記了如何去，因為餐廳與公司距離有點遠，那次都是同事帶我去的，那天我點了韭菜豬肉餃湯米線，韭菜香味較濃郁，配上豬肉餡特別好味，而餡料內的湯汁亦很濃郁，即使不點醋或醬油，也十分夠味，米線則一般，而清湯有點太淡，所幸的是水餃內的湯汁正好彌補了這個不足。除了傳統的白菜豬肉餃和韭菜豬肉餃外，這間還有其他特色水餃，例如：西洋菜豬肉餃和京蔥羊肉餃等，這兩款我都試過，味道不俗，但同事試過覺得羊肉餃有點羶，所以並不推介。至於煎餃，我覺得沒有湯餃甘好味，所以個人喜歡湯餃多一點。整體而言，這間水餃屬於抵食，因為水餃和米線的份量多，而且水餃的種類繁多，味道又可以，價錢

先講總結 啲餃子係好食嘅 但服務態度就好一般嗌咗五隻韮菜餃子🥟同炸豬排菜飯餃子係真係皮薄又多餡 冇味精味🤤但有啲餃個皮已經浸到太冧 有啲爆餡嘅情況出現個炸豬排菜飯就一般啦 菜飯係好多菜又香嘅但個炸豬排就有啲鞋口 冇我望落咁香脆😕講返服務態度先🤢🤢🤢去到嘅時候正值lunch hour 一去到出面有堆人等緊外賣 又有堆人好似等緊位咁我咪行去入面同佢講 一位 reception叫我探完熱就等等佢叫我行出去等 但又冇俾飛我之後有兩個女人行入去 咁啱有另一個侍應經過 就揾咗張枱叫佢哋坐低 但就冇人理過我我再行入去問係咪有人會出嚟嗌 佢先話 得啦呢邊啦成件事好冇系統 啲客個個都唔清唔楚 啲staff都唔清唔楚 求其嗌中邊個就邊個咁到嗌嘢食嘅時候 我問個staff係咪可以走辣(我係見佢餐牌有寫 我先開聲問)佢就問 咁咪甜豉油囉 個語氣都幾唔耐煩嗰頭仲有好多唔同餐廳 我就應該唔會再去啦無謂俾錢受氣姐🙈🙈🙈

真係第一次叫foodpanda，之前從來未試過咁樣嗌外賣~\(≧▽≦)/~一個原本$61.5嘅餐(餃子10隻)，我再加咗$4.5嘅菜。結果埋單要多比$20外賣費。一共盛為$85 ╮(￣▽￣"")╭個餃子啲皮好薄，你唔會覺得好厚，啲餡都好好食，好鮮好夠味，唔需要點任何嘅豉油呀醋呀辣醬，你都會覺得夠晒味。我就加咗$4.5嘅菜，結果佢哋比咗黃芽白我。其實我唔係好鍾意食黃芽白，不過算啦，有大量。其實呢間野我見到好多次，不過地方唔係好就腳，所以我都冇幫襯過( ´▽` )ﾉ要再去幫襯下，下次要堂食！

今日同女友行完山落左灣仔，依間平時返工好多人幫趁，今日假期唔算好多人所以入去食🤗京蔥羊肉餃米線味道很濃郁， 入面嘅羊肉羶味十足😉😉， 亦帶有少少湯汁， 點少少醋食味道一流😋😋鮮蝦韭黃豬肉餃米線蝦肉幾大隻而且都好彈牙☺️， 連埋韭黃豬肉食覺得都幾鮮甜😇佢地d餃子都包得幾靚，d料都好足👍另外，米線都幾爽滑，湯唔咸唔覺得有落味精😆

不只餃子好吃，其他小菜類也都很美味，特別推京醬茄子、蒜泥白肉，煎餃子也很好吃，之前也點過餃子加酸辣湯底，湯夠酸夠辣，裡面也很足料，喜歡酸辣湯的，很推薦可以加唷！