136
46
28
Opening Hours
Today
10:00 - 22:00
Mon - Sat
10:00 - 22:00
Sun
Closed
*last order: 21:30
Above information is for reference only. Please check details with the restaurant.
Signature Dishes
Recommended Dishes
1300 views
週五收工約咗契妹同蕃薯uncle於灣仔享用歡樂時光，飲到咁上吓就喺附近間「餃子源」買外賣醫肚。雖然手持外賣紙，但以OpenRice手機程式落單，除咗餐飲款式及價格一目了然，食物準備好有訊息通知之外，仲可以兌換埋儲下嘅Rice$，簡易快捷得很！香煎素鵝（$41）：每道餸菜都有獨立膠盒包裝，衛生企理。韌皮嘅素鵝毫不酥脆，講真似係腐皮卷多過素鵝囉，不吃也吧！煎白菜豬肉餃（$36/五隻）：如相所示，餃餃其實似係炸多過煎，餃皮雖則唔油，不過就偏厚同硬，幸好白菜豬肉餡心尚算鮮嫩。煎鮮蝦韭黃豬肉餃（$40/五隻）：有對比下，賣相較豐滿嘅鮮蝦韭黃豬肉餃咬落更為爽脆甜美。加配時菜（+ $3）：另配嘅紹菜清甜多汁，加三蚊黎講份量都好足。雞絲粉皮（$45）：以麻醬調味嘅雞絲粉皮芳香爽潤。京汁蒜泥安格斯牛肉（$68）加紅油底（+ $5）：修長嘅安格斯牛肉因過熟而變得老嚡同乾，不過好在切得夠薄所以完全唔覺得韌，捲入惹味嘅蒜泥及黏上香辣嘅紅油即成功為牛肉添上濕潤與爽嫩。香炸豬扒（$46）：可能豬扒夠薄身，食落唔會好乾，不過皮層濕濕腍腍，平心而論，啲煎餃子比豬扒更似「香炸」囉。灣仔小店「餃子源」外賣安排妥當，電子下單流程簡便，食物包裝整潔，小食質素雖然有啲參差，但勝在價格親民，香口惹味就最啱歡樂時光送酒酒。
continue reading
三日唔埋兩日就會去餃子源食晏。今日開完會一個人去食晏，去到見到個好生面口嘅女仔做樓面，另外一個好後生嘅男仔做收銀巳經心知瀨嘢。首先，門口有張枱得一個人坐，咁我以為個女仔會叫我坐，點知佢叫我等等。跟住佢繼續同個男仔傾偈。等咗5分鐘，舖入面忙到甩轆嗰個阿姐先叫我坐門口張枱，之後阿姐叫個女仔寫單。我慣例嗌麻辣牛肉餃加豆漿。等咗10分鐘都未有豆漿。之後阿姐就鬧：「同你講咗幾多次，落咗單就跟手拎豆槳。」之後個餃子到。點解放酸辣湯嘅？頂！我唔鍾意飲酸辣湯㗎！不過怕遲，唯有照食餃子。啲餃子皮粉嘅？平時食開冇湯好食好多。落錯單個女仔當然有錯，但廚房放湯餃子過曬火，搞到皮爛溶溶又另一回事。希望唔係換咗老闆/師傅啦！過兩日再比多次機會佢。希望只係今日運滯。
continue reading
Lunch time唸唔到食咩🤔 / 冇咩胃口 / 又或者想食清少少，係灣仔就一定會揀餃子源。平時lunch time好多打工仔食又好多叫外賣，所以堂食就要早少少嚟喇（12點左右就唔洗排，搭半開始多人）。🥟 Go-to food，韭菜豬肉餃，大大粒又多汁。想有啲爽口嘅話，韭菜豬肉蝦餃都唔錯。個人覺得湯餃比煎餃更勝一籌。識嗌一定配埋個酸辣湯，再加個豆漿。🤤 簡簡單單，正👍女仔細食啲嘅，晏晝5粒餃子啱啱好，男仔就10粒。另外試過佢哋嘅湯麵，不過就覺得麻麻地。嚟餃子店，都係支持翻餃子啦🥟🤣 𝓜𝓸𝓻𝓮 𝓯𝓸𝓸𝓭 𝓸𝓷 @mostly.sushi
continue reading
本來已經吃過早餐，路經此地，還是忍不住進去吃京蔥羊肉餃。因不想太飽，就只點了五隻。這個是北方餃子店，一般來說，北方餃子的皮一般比較厚，但這店的餃子皮一點也不厚。餃子雖說不算很大隻，但餡料十足，餃子脹卜卜的，賣相已十分吸引。一口咬開，羊肉香味爆出，肉汁滿滿，肉質一點也不柴，味道又好，很快便把5隻餃子全部吃掉，真後悔沒有點10隻。（5隻 $33 ， 10隻$53 ，10隻當然較化算。）我對這餃子店十分滿意，唯一美中不足的是，餃子不設雙併，一個人的話，就無法嘗試多點口味了。
continue reading
外賣自取，其中點了一份煎韮菜餃及芹菜水餃改酸辣湯底。經Openrice落單，已預早去取餐，比預計出餐時間早了十分鐘到達。煎韮菜餃不是煎，是炸的，皮硬餡乾。芹菜餃的酸辣湯底是溫的，不是熱。
continue reading