Katong Corner (Closed)

話說好耐都冇食新加坡🇸🇬菜，🙎🏻‍♂️話有間幾平既幾多人食，今日就一齊去試下!佢有lunch sets，價錢都ok 喺銅鑼灣都係$58-$88，但飲品要另外加錢。今日咁凍我地都想食熱辣辣既湯面，叫左<新加坡喇沙>🍜個喇沙夠熱，味道都ok，唔辣有少少椰味🥥個米線有好多，不過配料就失望😟成碗主要得豆卜同芽菜，蝦🦐得2隻，加埋魚片，一d都唔豐富我地加$20要個<迷你肉骨茶>個湯冇藥材味，排骨好瘦，感覺似飲緊普通肉湯><小食我地加左個<炸魚餅>魚餅正常味，加埋個甜酸醬好食，不過可以厚返少少就好d我見隔離枱食海南雞飯既，如果下次黎會試下不過肉骨茶同喇沙就唔recommend lu…Read More

午飯唔知食乜，結果去左銅鑼灣。呢間話係連續三年米芝連推介。午巿套餐有幾款，全部都是幾十元，加$20仲可以例湯轉肉骨茶。二話不說叫左海南雞飯加肉骨茶。海南雞無骨，味道還好。肉骨茶個人覺得清淡左少少。…Read More

去過新加坡食喇沙，返嚟香港一直搵唔番嗰種味道，有啲人話因為香港冇用螄蚶，所以冇咗鮮味。呢間有米之蓮推介，又有螄蚶，即管試試。（$78）由於唔係好慣相機食先，食咗一半先記得影相。整體來講，喺香港嘅喇沙算係唔錯，但始終搵唔番嗰種鮮味。可能我都係要放棄喺香港食喇沙。（$88）肉骨茶，略嫌藥材味唔夠濃，但唔差。整體來講，唔算係好有驚喜嘅新加坡菜，但以喺銅鑼灣地段來講，坐得舒服，食物OK，可以話係一個唔錯選擇，我之後都有再上去食午餐。…Read More

本來是上高一點食泰國菜，但冇位睇圖好似幾好就下來食！每樣野都要百幾二百一碟，心想三個人叫四樣應該夠了！味道是還可以，鮑魚雞煲好細份，而且鮑魚唔入味:(菜又細份⋯太少了吧！跟朋友食完好似冇食過，之後問要唔要再叫，大朋打了眼色，唔叫了！去另一到食過算…Read More

之前朋友已經帶過我黎食㗎啦 印象之中佢嘅新加坡菜都幾正宗同幾好食 今次同媽咪喺銅鑼灣行完街諗唔到食乜 即管問下佢想唔想食新加坡野 佢竟然諗都唔諗舉手讚好 咁就帶佢嚟試吓啦 澳門逸園中心成幢都係食肆好多都要排隊 諗住打定輸數要等位啦 點知有好多空位喎 果然香港人係鍾意食日韓野多啲 天助我也！今次我哋叫做黑胡椒蟹 新加坡喇沙 同埋馬拉盞炒通菜 喇沙同埋通菜呢啲基本野啦 難食既我第二次黎都唔會極力推介我媽咪食啦係咪 而黑胡椒蟹就係我第一次食既 果然冇令我失望 佢嘅黑胡椒炒得好香啲蟹都好新鮮 連我媽都話有喺星加坡食嘅感覺！唯一嘅係呢度價錢都唔算太平 但想尋回正宗新加坡嘢嘅味道都可以再黎嘅！…Read More