劉興記生煎包專門店

Open Now

Now Closed

朋友話帶我去食一間餐廳，去到先知我之前食過🤣但最後都照食✨餐廳貼咗好多同名人嘅合照👏🏻坐位好少，都要等一等先有位，好彩落單同上菜速度好快🫶🏽🌟皇牌1號餐 $54招牌炸豬扒菜飯＋生煎包1隻，套餐奉送豆漿，可無限添飲👏🏻🌟招牌炸豬扒菜飯炸豬扒果然係招牌，外皮係類似用吉列嘅煮法，金黃脆卜卜，啲麵包糠帶出香脆嘅口感，而且個醃料都好入味，超香口🌸菜飯本身都好夠味，但整體有啲乾😗🌟生煎包基本上每枱都會叫😚生煎包熱辣辣，皮薄餡嫩，湯汁多到咬開時熱氣同鮮甜肉汁噴發，令人回味😍個底部較厚身啲，食到個焦香嘅口感👏🏻🌟皇牌5號餐麻醬青瓜雞絲粉皮＋生煎包1隻，套餐奉送豆漿，可無限添飲🌸🌟麻醬青瓜雞絲粉皮 $54一嚟到原來都幾大碗，粉皮Q彈滑溜，啲麻醬濃郁帶花生同芝麻嘅香氣，青瓜清甜解膩，雞絲都有雞味，唔會好嚡🧡🌟凍豆漿味道偏淡，唔係好甜，但夠凍🫶🏽店員一得閒就會睇吓邊個得半杯豆漿，然後主動refill🤣-🌟蟹黃生煎包 $38同樣係皮薄，啲蟹黃份量都多😍鮮甜濃郁，內裡嘅肉餡中間再夾住蟹黃，嫩滑多汁，食落奢華又有深層嘅海鮮風味😙

餐廳：劉興記生煎包專門店 地點：上環文咸東街 菜式：上海菜 餐牌：生煎包類、新品推介、皇牌套餐、菜飯類、湯麵類、拌麵類、蟹粉類、小食類、涼拌類、小籠包類、飲品。落單掃QR code。招牌炸雞扒拌麵 $45 招牌炸雞扒一開6件，炸得雞皮薄脆而雞肉夠嫩，啖啖肉，都好香口。面頭加上少少炸菜。麵一大底係上海面，有咬口，我叫左少醬，已經好夠味，甜甜哋好味道。雞湯小雲吞 $36雞湯小雲吞熱辣辣上枱，個湯超熱，好厚身。小雲吞一客12粒，皮薄滑溜，餡料就細細粒，伴有小棠菜兩條同蛋絲。麻醬青瓜雞絲粉皮 $45  麻醬青瓜雞絲粉皮好大碗。粉皮份量最多，質素正常。加有幼條青瓜絲同雞絲，面頭加上白芝麻粒。可以叫麻醬另上。糖醋炸排骨 $30糖醋炸排骨一開9件入口size，炸得外脆內嫩，糖醋味夠，味道酸酸甜甜好醒胃，面頭灑上白芝麻粒。有一兩舊骨仲有軟骨食。有豆漿送，豆漿夠濃厚滑溜，豆味剛好又唔太甜。除咗生煎包，呢度其他食物質素都唔錯，價錢實惠冇加一。座位有15個左右，一眼睇哂，平日午市遲過12:30到要等位。

餐廳：劉興記生煎包專門店地點：上環文咸東街菜式：上海菜餐牌：生煎、菜飯、湯麵、拌麵、蟹粉、小食、涼拌、湯丸、小籠包、飲品，都有人氣熱賣皇牌套餐。落單掃QR code。麻醬手撕雞絲粉皮 $42麻醬手撕雞絲粉皮好大碗。粉皮份量最多，質素正常。加有幼條青瓜絲同粗雞絲，雞有雞味，面頭加上白芝麻粒。叫左麻醬另上，自己加最好。雞湯小雲吞 $35雞湯小雲吞一客12粒，皮薄滑溜，餡料就細細粒，伴有小棠菜兩條同蛋絲。秘製上海炸排骨 $25秘製上海炸排骨一開5件，炸得外脆內嫩，啖啖肉，都好香口。可以加枱上既豬扒汁同食，味道更好。可樂 $8汽水夠凍，可以索取獨立包裝紙飲管。豆漿豆漿任飲，味道好，夠濃厚，甜度適中，可解渴。總括而言，今餐食物質素唔錯，夠哂飽，感覺都健康。店舖裝修光猛，座位唔多，平日午市好多人，我十二點半前到已滿座，雖然好忙，服務員態度都好友善。

夏日炎炎連正常飯餐都無胃口食所以去左劉興記食生煎包今日要左麻醬青瓜雞絲粉皮＋招牌生煎包仲有我最愛嘅豆漿～真心超好味！生煎包包底煎得香脆皮薄餡靚！隻隻都爆汁一定要小心食如果唔夠熱仲可以即場換服務超貼心🫶🏻粉皮超爽滑配埋麻醬同雞絲入口芝麻香味撲鼻加上清新青瓜絲夏天食開胃又無負擔！豆漿係最大驚喜～豆味超香濃滑得黎唔會過甜只要消費滿$60就可以無限添飲好味又好飲超佛心！環境乾淨企理一人晚餐都可以好舒服

最近我來到劉興記，之前已經黎過一次，今次lunch就再黎試下，這家餐廳因其美味的生煎包而聞名，無論是堂食還是外賣，總是能見到長長的排隊人潮招牌蟹粉生煎包，每位食客都不可錯過的經典，蟹粉生煎包一端上桌，就被那誘人的香氣吸引。每個包子外皮金黃酥脆，輕輕一咬，熱氣瞬間釋放，讓人垂涎欲滴。內餡則是多汁的蟹粉與肉餡混合，口感豐富，彈牙又不油膩，真是讓人一口接一口生煎包的外皮薄而脆，內餡卻是豐富多汁，蟹粉的鮮味與肉餡的鮮美相得益彰，讓人感受到層次感。每一口都充滿了蟹肉的鮮甜，加上微微的香料味道，讓整個味蕾都被喚醒享蟹粉生煎包絕對值得一試，不論是堂食還是外賣，都是一個不錯的選擇

生煎包愛好者一定要試吓上環呢間劉興記 我食過好多次都仲係咁鍾意 每次行過聞到煎包香味就忍唔住要入去 佢哋嘅招牌生煎包真係無得頂 一咬落去熱辣辣嘅肉汁即刻湧出嚟 包底煎得金黃香脆 面頭灑滿芝麻 食落特別香口 仲有蟹黃生煎包都好好味 蟹粉同豬肉嘅配搭剛剛好 加少少醋一齊食更加開胃 小雲吞湯麵都值得一試 湯底清甜唔油膩 雲吞皮薄餡多 食落好舒服 最正係佢哋提供免費任飲豆漿 豆味香濃又唔會太甜 夏天飲真係透心涼 上環分店位置好方便 地鐵站行兩分鐘就到 無論係午餐定係放工想醫肚都係個好選擇

晚餐想食生煎包，就諗起呢間餐廳。⭐️瀨尿蝦生煎包外皮底部煎得金黃酥脆，咬落去個陣，熱辣辣，瀨尿蝦嘅肉流出來，好鮮味，推薦。⭐️蟹黃生煎包另一款推薦嘅生煎包，都係外皮底部煎得金黃酥脆，好多汁。餡入面有唔少蟹黃，都好正。兩款生煎包唔需要額外點汁，已經好夠味。⭐️麻醬青瓜雞絲粉皮最近熱熱地，想食下清涼嘅食物，就選擇了食粉皮。粉皮唔會話好厚幾滑嫩，青瓜切成絲幾脆爽，搭配香濃嘅麻醬，好正。連隔離個遊客都八卦下係咩食物，叫嚟食下。豆漿係送嘅。

同閨蜜血拼完殺入劉興記醫肚，點知俾佢啲生煎包啲汁射到成枱都係！仲要人均$75食到捧住個肚走，抵到喊呀！🥟 生煎包：脆底噴汁喪心病狂！一啖咬落去——咔嚓！ 個包底脆到似薯片，跟住啲滾燙肉汁 "吱"一聲 爆漿而出！豬肉餡醃到鹹香帶甜，仲有啲芝麻香攻鼻，記住側側地咬唔係燙親條俐啊～即叫即煎熱辣辣，食完即刻想Encore！🍜 麻醬青瓜雞絲粉皮：冷盤界清泉！夏天食真係爽到震！麻醬多到撈晒成座山嘅粉皮，花生香撞蒜香，雞絲嫩過滑蛋，青瓜絲「索索聲」脆到耳仔都聽到！凍冰冰撈埋熱辣辣生煎包，冰火二重奏正到痺！🥣 雞湯小餛飩：阿媽靚湯復刻版！碗湯金黃到閃閃吓，飲一啖——哇！雞味濃到黐線！ 細細粒雲吞皮薄過面膜，豬肉餡仲要彈牙過乒乓波～ 🫖 原味上海小籠包：薄皮噴汁暗器！皮薄到透光㗎！用筷子輕輕夾起，入面啲湯fing fing吓好似水球～ 記得"先開窗後飲湯"（咬開頂啜汁），豬肉鮮甜冇雪味🥤 豆漿：古早味解膩神器！凍豆漿甜度啱啱好仲要好滑 冇嗱喳渣仲有陣陣炭燒香，飲完即刻解晒生煎包嘅油膩感，爽過飲汽水！仲要餐包任飲 正

每次經過這間餐廳都總是有人排隊，今天我跟同事就來試試。這裡有套餐可以選擇，套餐都是一個主食跟一個生煎包和豆漿。我們選了雞湯小雲吞套餐、招牌炸豬排拌麵套餐、麻酱青瓜雞絲粉。生煎包是這次用餐的一大亮點。外皮金黃酥脆，底部經過精心煎製，形成一層脆皮，讓每一口都能感受到香脆的口感。包子內部的餡料豐富多汁，當你輕輕咬下時，滿滿的汁液瞬間噴發，給味蕾帶來驚喜。餡料的調味恰到好處，搭配香葱的香氣，整體風味非常出色。雞湯小雲吞的湯頭清淡鮮美，每一口都能感受到雲吞的鮮嫩，搭配豐富的餡料，口感滑順。招牌炸豬排拌麵招牌炸豬排酥脆可口，搭配香噴噴的拌麵，十分入味。面條彈牙，與豬排的香氣相得益彰。麻酱青瓜雞絲粉這道菜清爽可口，麻酱的香氣與青瓜的清脆相互融合，雞絲的加入讓整道菜更加豐富，是一道不油膩的選擇。惠顧任何套餐或滿60元就可以任飲豆漿。餐廳內部設計簡約而舒適，適合與朋友聚餐。服務生熱情友善，點餐過程流暢。整體而言，這次的用餐體驗非常滿意。各道菜色美味，特別推薦生煎包和招牌炸豬排拌麵，非常值得一試！如果你喜愛中式料理，這裡絕對不容錯過。

睇完社交媒體網站啲食評 ，試咗蟹皇拌麵同瀨尿蝦生煎包，點知中晒伏！全部嘢都唔熱，只可以形容微暖，生煎包又唔脆都冇心機影。蟹粉份量係多但唔新鮮，有啲鹹得滯。應該冇下次。失望。啲社交媒體網站片多數都呃人，真係唔會再信！招牌菜係生煎包，講都冇人信，可以用有少少難食形容，都食唔到有瀨尿蝦。店面環境仲有啲污糟。非常之差嘅體驗。蟹皇拌麵 $150， 兩個瀨尿蝦生煎包$28 。價錢唔係貴，但真心唔好食！最後奉勸大家社交媒體網站介紹啲嘢真係唔好過分相信。

上環文咸東街分店 完全唔好味難食到一個點 質素勁差瀨尿蝦生煎包($54)原味上海小籠包($40)特登嚟食呢個瀨尿蝦生煎包但係一啲都唔爆汁 勁少瀨尿蝦肉 勁多豬肉餡瀨尿蝦嘅味勁淡 仲要一啲都唔熱嘅😅上海小籠包等咗25分鐘 等左勁耐上到枱見到啲小籠包咁嘅樣 皺晒皮 咬落去一啲汁都冇 懷疑係蒸過龍 小籠包個底有啲爛 真係勁難食！！！！😤😤😤完全不推薦！！🙅🏻‍♀️🙅🏻‍♀️🙅🏻‍♀️🙅🏻‍♀️好失望！！！

每次經過上環這間生煎包店，都一定想買外賣。終於忍不住都係比返個食評比佢，完全沒讓我失望！現點現做的生煎包，上枱時仲熱辣辣～要小心翼翼地咬開薄薄的麵皮，小心湯汁立刻湧出來。最驚喜的是底部煎得金黃酥脆，跟柔軟的麵皮形成完美對比，我一個人吃四粒完全沒問題！另外上海菜飯亦好食，雞扒炸得外酥內嫩，咬落去會聽到"咔滋"聲。蟹黃拌飯更是誠意十足，滿滿的蟹黃和蟹肉鋪在飯上，每一口都能吃到濃郁的蟹油味，拌勻後整碗飯可以食得哂

生煎包的麵皮稍厚但不過於膩口，外層略帶嚼勁，內層柔軟。底部的焦脆部分是點睛之筆，提供了有趣的層次感，咬下去能聽到清脆的聲音。粉皮的滑嫩Q彈搭配青瓜絲的爽脆，形成了非常好的口感對比。青瓜絲新鮮多汁，粉皮柔軟不粘牙，入口即化。炸豬扒外層酥脆，內裡肉質鮮嫩多汁😊麵條彈牙有勁道，搭配調味醬汁，香氣撲鼻。炸豬扒的油香與拌麵的濃郁醬汁完美結合，加上蔬菜配料，口感豐富且令人垂涎。點了套餐可以有無限添飲凍豆漿，正呀👍🏻

招牌生煎包：必點之選，外脆內軟，肉餡鮮嫩多汁，真心爆汁，辣親個口好恐怖😂 底部焦香，出色，咬下去仲可以聽到清脆嘅聲音，味道一流，令人一口接一口，絕對值得一試。原味上海小籠包：皮薄得嚟湯汁豐富，一咬就會流出熱騰騰嘅肉汁，真係好滿足。肉餡味道清淡，唔會過鹹，搭配醋和薑絲，爭住嚟食。小食方面有糖醋炸排骨，糖醋醬汁酸甜適中，幫助提升肉嘅味道，炸至外脆，啖啖肉，值得一試。甜點推介手工豆沙窩餅，豆沙餡甜而不膩，外層微微脆，內裏綿綿口感，畫上完美句號。

劉興記生煎包專門店·上環分店睇完人地介紹太子分店的影片，發現上環有分鋪，即刻lunch過去試吓，12:20去到剛剛好有位吾洗等。叫左午市套餐$64：上海排骨拌麵+招牌生煎包+豆漿（可以任飲）千萬不要抱太大期望在主角⋯⋯生煎包，如果話係招牌真係好一般，個人認為個煎皮底太淋且實冇香脆效果。拌麵還可以，但係個上海排骨（炸豬扒）真係．．炸到死死實實，同日幾枱客人都投訴，真係一啖都咬唔入。豆漿可以任飲，但衞生情況欠奉，因為佢為咗慳時間預先裝定左十杯八杯放豆漿機旁邊，而舖內亦有蚊支，我覺得唔係幾好囉😅價錢相對合理（如果食物質素正常）好失望😞