地點：上環文咸東街
菜式：上海菜
餐牌：生煎、菜飯、湯麵、拌麵、蟹粉、小食、涼拌、湯丸、小籠包、飲品，都有人氣熱賣皇牌套餐。落單掃QR code。
8
11
麻醬手撕雞絲粉皮 $42
2
麻醬手撕雞絲粉皮好大碗。粉皮份量最多，質素正常。加有幼條青瓜絲同粗雞絲，雞有雞味，面頭加上白芝麻粒。叫左麻醬另上，自己加最好。
雞湯小雲吞 $35
雞湯小雲吞一客12粒，皮薄滑溜，餡料就細細粒，伴有小棠菜兩條同蛋絲。
秘製上海炸排骨 $25
秘製上海炸排骨一開5件，炸得外脆內嫩，啖啖肉，都好香口。可以加枱上既豬扒汁同食，味道更好。
可樂 $8
汽水夠凍，可以索取獨立包裝紙飲管。
豆漿
豆漿任飲，味道好，夠濃厚，甜度適中，可解渴。
總括而言，今餐食物質素唔錯，夠哂飽，感覺都健康。店舖裝修光猛，座位唔多，平日午市好多人，我十二點半前到已滿座，雖然好忙，服務員態度都好友善。
