劉興記生煎包專門店

Open Now

Now Closed

最近帶咗朋友去咗旺角嘅劉興記食生煎包，呢間餐廳非常抵食，食物平民價，但味道超乎預期，真係好值得一試！✨「招牌生煎包」，包皮金黃香脆，內裡汁液爆滿，肉餡鮮嫩可口，咬落去好多汁🥟😍「上海排骨菜飯」，排骨都大塊，醬汁味道濃郁，好滿足🍚🍖「麻醬雞絲粉皮」，粉皮滑順，麻醬香濃，味道搭配得唔錯🥢🍜「蔥油拌麵」，麵條彈牙，蔥油都幾香，簡簡單單🍜🧅餐廳而家仲做緊優惠，叫滿$60就可以有任飲豆漿，而且佢哋嘅豆漿都唔馬虎飲得出濃濃嘅大豆😍

經過旺角通菜街，見你好多人食呢間生煎包，估計應該都好味，所以同朋友一齊試吓。首先任飲豆漿確係抵讚！豆味好濃，有啲似屋企自家製嘅豆漿，問吓店員點解咁香濃，估唔到真係自家製生煎包新鮮出爐夠熱又多汁，我鍾意蟹粉生煎包，好鮮甜。朋友唔食蟹就食原味，除咗要小心爆汁之外，真係冇得彈！麻醬手撕雞絲粉皮，好啱初夏嘅天氣，麻醬香濃，雞絲夠滑，整體來講幾開胃鮮雞湯小雲吞，唔好俾個名呃到，啲雲吞都幾大粒好有肉地主食揀咗擔擔麵，味道適合本地人，仲有啲好似櫻花蝦嘅配料都幾特別！

呢度係上海菜館，最多人食生煎包，生煎包粒粒飽滿大粒圓潤，肉汁豐富，全部食物即叫即製，上菜速度都好快，而且即制熱辣辣，亦都唔會好油膩既口感。小籠包皮薄餡靚，令人回味無窮，一盅四件，個涵唔會好易整爛又爆汁口感。呢度既小雲吞精緻小巧，一口一粒，雲吞皮滑嫩，湯底味道清淡。餐廳環境明亮整潔，入座迅速，唔會等太耐。套餐價格實惠，五十至六十元左右即可享用，而且豆漿無限暢飲，甜度適中，豆漿營養豐富配包好夾唔會好油。

平時都有食開哩間生煎包，今次叫外賣自取6粒生煎包，生煎包每一粒都爆曬汁超正但今次發現用OpenRice叫定外賣自取都係同原價一樣，可以叫定先唔洗得應覺幾好，有機會會再叫定先

全球首創嘅瀨尿蝦生煎包！！本來諗住嚟試試的 但因為太早所以未有😙試過嘅朋友歡迎分享下味道👅🏅皇牌S3 麻醬手撕雞絲粉皮+生煎包 $54今次都係叫翻原味生煎包 即叫即煎真係保持到水準包體鬆軟底部金黃焦脆入面嘅餡料啖啖肉又唔會太油膩上面嘅黑芝麻粒粒增加咗啲香味手撕雞絲粉皮又係用料十足 粉皮晶瑩剔透口感爽滑解暑 青瓜同粉皮嘅比例差唔多2:3 爽脆爽脆好鍾意佢雞絲唔會話手撕到太融融爛爛 都仲有啖啖肉嘅口感簡單嘅調味雞絲嚼嚼下會食到啲鹹香味 整體都係清新路線der配搭嘅胡麻醬顏色質地同外面嘅都差唔多 最加分位係佢真係唔油膩 唔會話面頭已經浮咗一層油咁👍🏻🫘手工豆沙窩餅 $28一份切成8塊 炸至金黃色嘅窩餅中間夾著滿滿嘅紅豆沙餡 香甜唔膩口感甜甜脆脆為呢餐畫上一個完美句號🌹🥟酥炸小雲吞 $35一份12粒但一啲都唔小嘅“小”雲吞炸物果然係要食熱辣辣脆皮Q糯嘅炸雲吞皮包住軟軟油潤嘅肉餡 口感豐富

成日都聽到呢間餐廳今次終於可以去試試😋主打多款經典上海小食🥢而招牌小食係即叫即煎的生煎包肉餡用左新鮮豬肉製造🐷並注重每日新鮮人手包製🤌仲有小籠包，湯麵及涼拌等美食😋招牌生煎包🐷生煎包包底煎到香脆，裡面注滿湯汁更食到爆汁效果，食落肉餡嫩，混入湯汁味道鮮甜蟹皇生煎包🦀鍾意食蟹的我，就叫左份蟹皇生煎包黎試試，內餡肉汁鮮嫩，仲混入蟹肉及蟹黃，味道鮮味層次更豐富，一咬開有濃郁湯汁爆出來，建議食的時候要好小心避免焫親🔥麻醬手撕雞粉皮🐔晶瑩剔透的粉皮，配合大量青瓜絲🥒及手撕雞，撈埋麻醬後令粉皮掛滿醬汁好惹味🤤，手撕雞食落好嫩口，整體份量比以往食過較為多，$42呢個價錢好抵食👍上海小籠包🥟有4隻小籠包皮薄多汁，可見裡面有好多湯汁，蘸埋醋一齊食味道昇華手工豆沙窩餅🫘豆沙窩餅外皮兩面煎到香脆，中間夾住紅豆🫘餡料，口感食落煙煙韌韌豆漿🥛第一次飲到豆漿質感好濃厚，入口好滑，味道甜甜地整體味道質素好，價錢又親民🤑，值得一讚係店員服務態度非常友善💯，係繁忙時間高朋滿座，餐廳設立多款人氣熱賣套餐，下次會再回訪😋

突然好想食生煎包 就去咗呢間位於通菜街嘅小店外表平平無奇 結果好有驚喜😋😋招牌生煎包（6隻）$50 💕有2/4/6/8隻揀 自由度高皮脆內裡超級juicy! 肉汁鮮甜 一咬落去真係會爆汁 要小心🤣口感豐富 超出色麻醬手撕雞粉皮$42 💕粉皮口感滑溜爽彈 雞絲嫩滑 麻醬香濃好惹味😛招牌上海排骨菜飯 $42💕排骨炸至金黃 外脆內嫩 手工豆沙窩餅 $28💕豆沙內餡軟綿 甜度適中下次黎一定要食埋佢嘅小籠包 今次好可惜賣曬試唔到🥹

本身都滿心歡喜去食嘅，因為個人好鍾意食生煎包嘅，我想講呢間嘢真係唔掂，可以話淨係得生煎包係可以🫤第一，服務態度好差，我同朋友點餐後佢竟然揼我哋張單我哋枱，你冇聽錯係揼呀我哋三人total叫咗6樣食物只有1樣係ok，就係招牌生煎包，其餘嘅就一一點評麻醬雞絲青瓜粉皮，個麻醬用太多油溝出嚟個醬膩之餘，仲要有油膉味。蔥油拌麵，勁在冇蔥油味。蟹粉小籠包同原味小籠包無分別。重點係酸辣湯，佢呢間嘅酸辣湯係我認知嘅酸辣湯完全唔同味🤷🏻‍♀️不可一不可再

經過旺角去咗劉興記，見到網上有好多推薦，午餐時間全場坐滿，我地都等左十分鐘左右。我地點咗個白灼小棠菜苗麻醬青瓜絲粉皮（素）生炸雞排蔥油雞扒菜飯+ 生煎包 配豆漿 再單點左杯豆漿2個人食 非常抵 只需要$133菜飯粒粒分明，唔會太濕，調味都唔錯。最吸引係生炸雞扒，外皮金黃酥脆，嗰啖咬落去，裡面啲雞肉超嫩，真係好滿足！我哋仲追加單獨叫咗1塊套餐仲有一個生煎包，表皮焦香，內餡又多汁，咬落去真係會爆汁，食完真係令人回味無窮。最後仲有一碟麻醬青瓜絲粉皮，加左青瓜絲同芝麻醬，清新又解膩，完美平衡咗其他菜式。整體而言，每樣嘢都好食！下次一定會再嚟試吓其他菜式！

放假想食下啲平時少食嘅菜式，行經旺角，見到劉興記，主打上海生煎包小籠包，就打算去試下。入到去，侍應話今日小籠包已經售罄，咁就唯有試其他：招牌生煎包🥰：一送上嚟仲熱辣辣，一咬落去，真係要小心熱，啲湯汁係多到「咇」出嚟，個皮又酥又脆，真心好食!其實之前都食過其他嘅生煎包，對比之下，覺得佢做得幾出色，一次食多2,3個都得吖!上海排骨湯面：🍜🍜🍜排骨其實即係我地南方人嘅豬扒🐽🐽，豬扒腌得入味，肉身又淋，仲要炸得香脆咸香，配面食啱啱好。面係粗身嘅上海面，有嚼頭，比一般粤式粉面有咬口，仲要掛湯啲，唔錯!雞湯小雲吞🥟🥟：小雲吞細細粒，仲要用上湯煮，即使唔額外加任何醬汁都夠味。湯入面仲有雞蛋絲🍳🍳🍳同炸葱頭碎，更加惹味。手工豆沙窩餅🥧🥧：呢個要推薦，豆沙唔會太甜，用啲面粉包住嚟煎炸，好好食，係一道唔錯嘅飯後甜品。值得一讚嘅係食滿60元，送無限豆漿🥛🥛任飲，仲要唔使自己出去斟，而且放一大樽係枱上面任飲!豆漿有豆味，仲要唔係稀到水咁應酬大家，飲得出幾真材實料!😘😘😘😍😍😍

終於到我去食呢間生煎包啦😍之前已經聽人講超爆汁，仲要排隊排到人山人海😵‍💫今次行過見到門口寫豆漿任飲，我就即刻入去食😆叫左4粒生煎包，一咬落去就爆哂汁‼️第二隻就識小心啲食，啜左啲汁先再咬😂個包煎到好脆，肉餡好香又多汁。小籠包個皮好薄，入面肉汁超多，都係一咬就爆😋蔥油雞扒拌麵🍜雞扒份量好多，炸粉好薄，雞肉都幾嫩滑。麻醬青瓜絲粉皮都勁大碗！粉皮一卷卷咁，好彈牙，仲可以簡多麻醬，岩哂我😋

呢間劉興記出晒名食生煎包，仲開咗好多分店！早排同事不停推介，趁放假一於就嚟試試佢😋🤤 招牌生煎包（6隻）$50生煎包完全無令我失望！上枱前姐姐提我「好危險⚠️😂」，因為好熱又好易爆汁，每粒外皮都煎到金黃色，底部非常香脆，咬開入面好多汁，肉餡鮮嫩，食完一粒接一粒🤤💛 手功豆沙窩餅（件） $28呢個豆沙窩餅唔會好甜，外皮好有蛋香味，內餡豆沙幼滑，記得要趁熱食！🍜 糖醋炸排骨湯麵 $46排骨炸到外層好脆，而且糖醋醬濃郁惹味，配埋個湯麵啱啱好，唔會太膩，麵條煙韌，份量又足！🍲 鮮雞湯小雲吞（12粒） $35雲吞皮薄，一碗入邊有好多粒，食完邪惡嘢之後可以平衡返，性價比幾高！✨惠顧任何套餐滿$60以上豆漿任飲！✨豆味超濃郁，就算唔送，都值得自己嗌一杯飲😋😋 整體評價嚟劉興記一定要試佢嘅生煎包，水準穩定，價錢平民，份量足，想食上海風味小食，又唔想太傷荷包，mark定嚟試吓啦🔥

突然很想念熱騰騰的生煎包，便來到了這間在香港已經很有名的生煎包專門店。即使是平日的晚飯時間，店內也已經坐滿了人，可見其受歡迎程度。店內空間雖小，但裝潢簡潔明亮，員工也十分親切友善，讓人感覺很舒服。招牌生煎包當然是必點！生煎包外皮煎得金黃酥脆，咬一口，薄薄的皮包裹著滿滿的湯汁，瞬間在口中爆發。湯汁香濃，帶著濃郁的豬油香氣，豬肉餡料也十分鮮美，搭配陳醋一起食用，更是解膩又開胃。蟹粉生煎包則是另一種驚喜。咬開一小口，就能看到裡面滿滿的蟹粉，用料非常實在。一口咬下去，蟹油的香氣撲鼻而來，卻一點也不腥，反而十分鮮美。整個生煎包吃下去，口感豐富，令人回味無窮。招牌擔擔麵湯底花生味濃郁香醇，還帶有一絲豬骨濃湯的濃稠感，喝起來十分順口。麵條是地道的上海風味，口感筋道，搭配上店家自製的辣椒醬，更是讓人食慾大開。值得一提的是，現在店內消費滿$60以上，便可以任飲豆漿，非常佛心實惠。豆漿香濃可口，搭配生煎包一起食用，更是絕配。總體來說，這間生煎包專門店無論是在食物品質、服務態度還是價格方面，都令人十分滿意。如果你也想品嚐一口爆汁、香氣四溢的生煎包，不妨來這裡試試看吧！ 溫馨提示：由於店內座位有限，建議避開高

如果無爆汁仲可以免費換 大癲😍😍😍招牌生煎包💦💦💦一咬噴汁 一定一定要小心 多到可以飲肉汁鮮甜 肉餡飽滿皮好薄好薄 底部煎得好脆 好鬆化 好好食蟹黄生煎包🦀🦀🦀一咬開就見到滿滿蟹肉蟹黃蟹黃甘香令成個生煎包更加鮮甜麻醬青瓜雞絲粉皮🥒🥒🥒麻醬好香 醬汁好濃雞絲嫩滑粉皮夠煙韌 掛曬汁 食唔停低糖豆漿🥛🥛🥛入口好滑 豆味好濃郁 口感濃厚係真材實料 用心製造既豆漿套餐滿$60或以上仲豆漿任飲極推薦豆漿真係世一一定‼️一定‼️一定‼️要飲豆漿‼️

餐廳：劉興記生煎包專門店地點：旺角通菜街菜式：上海菜餐牌：生煎、菜飯、湯麵、拌麵、蟹粉、小食、涼拌、餅類、湯丸、小籠包、飲品，都有人氣熱賣皇牌套餐。落單掃QR code。上海排骨湯麵 $42上海麵一大底捲得好靚有咬口，味道清淡，好味得黎又健康。面頭加上少少脆脆，伴有小棠菜一條同蛋絲。個湯好似係雞湯，好夠味。上海排骨另上，一開6件，炸得外脆內嫩，豬味濃，都好香口，配上海麵正。雞湯小雲吞 $35雞湯小雲吞熱辣辣上枱，個湯超熱，好厚身。小雲吞一客12粒，皮薄滑溜，餡料就細細粒，伴有小棠菜一條、蛋絲同脆脆。呢度豆漿成jar上任飲，夠濃厚滑溜，豆味剛好又唔太甜，好解渴。我飲左三杯。總括而言，呢度食物質素唔錯，價錢實惠冇加一。平日午市男女老幼學生哥都有，好彩一點前到都可以直入。