劉興記生煎包專門店

Open Now

Now Closed

位於旺角鬧市區既人氣生煎包，2024年OpenRice開飯熱店之一，趁lunch同朋友經開旺角見到好吸引就入去試吓🤩平時記得預留多啲時間去食飯，有機會要排隊等位💕🫶🏻豬扒乾拌麵豬扒外焦內嫩，肉質鮮美，搭配香滑乾拌麵，味道濃郁，口感彈牙👍🏻🫶🏻 麻醬手撕雞乾拌粉皮麻醬手撕雞搭配為乾拌粉皮增添左獨特風味。雞肉嫩滑，麻醬既香氣令每一啖都充滿層次感，好適合而加個天氣食😋🫶🏻人氣生煎包必叫👍🏻生煎包外皮金黃酥脆，內餡多汁，令人垂涎🤤每一啖都可以試到鮮美湯汁，呢道小食非常適合作為開胃菜或小食，深受到廣大食客既追捧❤️🫶🏻糖醋排骨糖醋排骨味道酸甜可口，排骨肉質鮮嫩，外層裹著一層誘人的糖醋醬。每一口都能感受到醬汁濃郁，與排骨鮮美相互輝映😉🫶🏻整體嚟講質素都唔錯，值得一試😍大推生煎包同雞絲粉皮👍🏻

因為念念不忘劉興記的生煎包，所以約朋友再次到訪旺角劉興記生煎包專門店品嚐生煎包和其他美食。我們坐好後，還未點菜，店員已送來兩杯冰涼自家製豆漿給我們。在炎熱的天氣，喝一口冰涼的豆漿真是很舒服。看看餐牌，點了S 4超值套餐 - 招牌炸雞扒拌麵和一隻生煎包、招牌生煎包2隻及蟹粉小籠包4隻。招牌炸雞扒拌麵和一隻生煎包～$54吃到豐富的套餐真是很不錯。朋友喜歡吃雞扒，點了招牌炸雞扒，以為點了配菜飯，誰知手誤點了配拌麵，正所謂「錯有錯著」，出乎意料之外，拌麵賣相吸引之餘，有很多香炸蒜片和香蔥，味道濃郁，非常美味。香脆雞扒份量多，又配上炸香蔥，味道一絕。招牌生煎包兩隻～上層香脆生煎包，咬一口瀑汁，最喜歡喝內裡的湯汁。(張貼著生煎包無爆汁，可免費更換)蟹粉小籠包4隻～初次到訪吃了原味小籠包，味道不錯，便試試價錢昂貴的蟹粉小籠包。小籠包上放上些蟹粉點綴，有鮮甜蟹味，比原味小籠包好吃。

餐廳：劉興記生煎包專門店地點：旺角通菜街菜式：上海菜餐牌：生煎、湯麵、拌麵、小籠包、蟹粉、菜飯、小食、涼拌、飲品，都有人氣熱賣皇牌套餐。落單掃QR code。麻醬青瓜雞絲冷麵 $50冷麵係平時做湯麵嗰啲，不過凍食，份量都唔少。加有幼條青瓜絲同粗雞絲，雞有雞味，面頭加上白芝麻粒。叫左少麻醬，份量都夠。麻醬青瓜雞絲粉皮 $45麻醬手撕雞絲粉皮好大碗。粉皮份量最多，質素正常。招牌炸豬扒 $28招牌炸豬扒一開7件，炸得外脆內嫩，啖啖肉，都好香口。可以加枱上既豬扒汁同食，味道更好。招牌炸雞扒 $28招牌炸雞扒一開6件連皮，炸得外脆內嫩，肉夠厚。面頭加上少少炸菜更添風味。無糖可樂 $8汽水夠凍。呢度豆漿任飲，夠濃厚滑溜，豆味剛好又唔太甜，好解渴。服務員係咁添！總括而言，呢度食物質素唔錯，價錢實惠冇加一。平日午市男女老幼學生哥都有，一點前到都可以直入。

劉興記生煎包專門店真係值得一試！首先，$60以上豆漿任飲係驚喜之選，豆香濃郁，好飲到停唔到口！擔擔麵加入大量櫻花蝦和花生，香氣十足，湯底濃郁，值得推薦。至於炸豬扒拌麵，餐廳堅持即時現炸，雖然要等10-15分鐘，但入口極脆，鮮炸的滋味令人回味無窮。最重要係佢嘅生煎包，試咗蟹粉同賴尿蝦味，真係一試難忘！每粒爆汁效果一流，外皮微脆帶硬，餡料多汁又有層次，味道仲有獨特風味，完全唔油膩。餐廳環境乾淨企理，座位舒適，服務態度好，令人感覺貼心。整體而言，食物質素高，性價比好，環境同服務都令人滿意。下次一定會再嚟，推薦俾鐘意生煎包同麵食嘅朋友試試！

劉興記生煎包專門店位於旺角的劉興記生煎包專門店，交通非常方便，人流極旺，不過好彩我同朋友下午茶時段來到，不用等位。侍應非常友善，用餐體驗很好。蟹粉小籠包：皮薄餡靚，充滿蟹粉汁，沾上一點醋來吃，鮮甜不膩。招牌炸雞扒拌麵：雞扒炸至外脆，裏面肉質軟嫩，䓤蒜煎炸至焦香，舖蓋在麵條上，拌勻䓤蒜和麵條，甜甜鹹鹹，很美味。招牌生煎包：外皮煎至金黃香脆，內餡肉汁豐富鮮甜，有點燙咀，但還是還是忍不住一啖食晒。凍豆漿：淡淡的豆香味，感覺還有微微豆粉在豆漿中，相信是新鮮自製豆漿，微甜感覺很健康。劉興記生煎包專門店 (旺角)旺角通菜街1M-1T號華發大廈地下D號舖

女人街嘅餐廳真係勁多🫶🏻好多都要排隊~今次就排咗間生煎包專門店瀨尿蝦生煎包(2隻) $28見到話係首創又店長推介就即刻點咗🦐第一啖就咬到啲汁爆出黎，搞到成枱面都係💦好鮮甜嘅瀨尿蝦味而且比一般生煎包多汁！必點原味上海小籠包(4隻) $40好薄嘅皮～夾嘅時候真係要啲技巧💦入面啲湯汁會浪下浪下✨裏面舊肉都好鮮甜～出色！招牌炸豬扒拌麵+生煎包(1隻) $54炸豬扒唔係厚粉果種🐷係生炸酥脆嘅口感！拌麵有蔥油+炸蔥絲💯咁樣嘅配搭好香口雞湯小雲吞(12粒) $36細細粒嘅豬肉餡雲吞🫕口味清淡，食完咁多濃味香口嘢之後啱曬～有點到跟餐豆漿就有得無限添飲，飲完店員仲會主動斟🥛埋單先百零蚊～排咁耐都抵翻曬回頭指數：🧡🧡🧡🧡🧡/5

今日要去旺角呢邊做針灸治療，順便係附近食啲野先。我見呢間生煎包之前係荃灣有食過 但當時太多人排隊，所以只係外賣食都覺得好好食，難得今日喺旺角見到有分店，等我堂食先🤓入到去見好多人都係主要食生煎包，我都嗌咗黎食先。生煎包🩷🩷🩷🩷🩷食落佢個底係脆脆地，煎到金黃色，食到啲焦香，而且佢都好爆汁，湯頭飲落都甜甜地，食到啲肉既鮮味。原味上海小籠包🩷🩷🩷🩷🩷要小心啲咬落去，因為佢會爆汁，同埋皮薄餡靚，唔怪之得都好多人叫黎食。仲有叫左碗招牌擔擔麵🩷🩷🩷🩷🩷一上菜已經好香花生香味，好鮮甜既湯頭加埋滿滿嘅肉碎，再加埋蝦米，食落勁香濃，啲面都好有咬口，因為平時食開係幼面配擔擔麵，今次佢配搭粗麵都咁夾。我就係叫多咗一個炸豬扒🩷🩷🩷🩷🩷佢用咗醃料醃咗塊豬扒，再拎嚟炸好入味，而且食落熱辣辣老公都讚不絕口。最重要原來呢度滿$60就可以任飲豆漿，而且豆漿又唔會太甜，我都飲咗幾杯豆漿，豆味好濃啱晒我呢啲鍾意飲嘢嘅人。冇諗過雖然佢哋咁爆場，但係服務態度都好好。

又來到我最鍾意嘅生煎包店!😍大推佢哋嘅蟹黃生煎包，每次來呢到食都一定要叫呢個！外皮煎到金黃香脆，入面充滿肉汁，內餡有滿滿嘅蟹黃，食完真係齒頰留香🥹經典生煎包同樣好食，外皮脆，咬落爆汁！不過溫馨提示🔔真係要小心d咁食，因為呢到嘅生煎包真係爆汁到好易噴晒d汁出來🤣麻醬青瓜雞絲粉皮食落清新爽口，麻醬香濃，配上大量清瓜絲同雞肉，真係無得輸！啱晒夏天食!食滿$60仲有得免費任飲豆漿，呢到已經成為我同屋企人嘅飯堂🤣

當天去到時人流滿滿，前面排了二十多人，但好彩只需等15-20分鐘就有位最期待一定係佢地個招牌生煎包 ($35/4隻)，上面灑上滿滿的黑芝麻，底部煎至金黃香脆，皮薄多汁，肉餡夠鮮。食嘅時候一定要細細啖，以免熱辣的湯汁爆出。另外亦點了原味上海小龍包 ($40/4隻)，屬於正常發揮。小食方面點了麻醬雞絲粉皮 ($45)，份量超多，完全係一係主食的份量，粉皮滑溜，撈上麻醬食到停唔到口。主食方面點了招牌炸豬扒拌麵 ($45)，炸豬扒大大塊，炸至酥脆可口，配上惹味香濃的蔥油撈麵非常美味。餐廳點了套餐還有無限任飲豆漿提供，豆漿微甜，味道雖然不太濃，但勝在無限任飲！

今日起身突然好想好想食d濕濕地既嘢，但係又唔想食湯飯粥之類既~怕太飽影響我夜晚既大餐，於是決定食個上海嘢滿足🥧灌湯小籠包：皮薄煙韌，肉餡個肉汁都非常豐富，湯汁清甜和生煎包口感完全不同各有各精彩。🥩豬扒拌麵＋生煎包1只（set）：生煎包即點即煎，金黄香脆，咬开汤汁满满，鲜甜不油膩，馅料新鲜，肉馅嫩滑。豬扒香脆嫩滑，入口鬆化，分量滿足。🍜豬扒湯麵＋生煎包1只（set）：湯底濃郁口感醇厚，拉麵絲滑，細嫩柔軟。🫕豆漿（無限添飲）：低糖豆漿，蛋白質和營養滿滿。超級讚👍🏻👍🏻👍🏻服務員態度很好，有禮親切🥰

之前食過幾次生煎包水準都keep到👍🏻 外皮煎到金黃酥脆，一咬爆汁，勁正😋見佢出左瀨尿蝦生煎包一於試試，食到有瀨尿蝦肉，個湯汁好鮮甜，幾有驚喜。招牌炸雞扒菜飯都唔錯，炸雞扒外脆內嫩，咬落仲有肉汁～麻醬青瓜雞絲粉皮，諗住當佢小食..但份量幾多，應該當主食先岩🤣麻醬香濃，雞絲同青瓜絲都幾多。小雲吞湯麵清清地，雲吞細細粒，皮薄餡靚，個皮勁滑～叫套餐/食夠$60就可以任飲豆漿，豆漿少甜，幾好飲～職員好nice，會keep住幫你refill~仲會叫你唔夠就叫佢refill👍🏻價錢親民，唔怪得知6點半未夠就開始爆場啦～食完出嚟已經開始要排隊lu🙈

📍 劉興記生煎包專門店🌍旺角通菜街1M-1T號華發大廈地下D號舖 Shop D, G/F, Wah Fat Mansion, 1M-1T Tung Choi Street, Mong Kok📝整體評分：９／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝最好就6:30前就黎，經常出現爆場情況。除左內地人，仲有韓國人、日本人同埋西方人。無米芝蓮名銜，都咁受外國人歡迎不自覺地叫哂本店餃類美食，之前都介紹過同食左好多次佢地招牌原味生煎包，今次就唔特別介紹，反而要講下佢新推出口味，好鬼正！▸瀨尿蝦生煎包 ◂✿ 呢款暫時係我最愛，多左份鮮甜少左份油膩。整隻瀨尿蝦入饌，湯汁帶濃郁蝦鮮味，蝦肉彈牙，搭配豬肉餡增添層次感，味道濃而不膩。外皮煎至金黃酥脆，底層焦香，內裡湯汁爆滿，咬開時需小心燙口。▸小籠包 ◂✿ 小籠包以豬肉餡為主，皮薄不破，入口滑嫩，湯汁充盈清甜帶有淡淡肉香，肉餡細膩湯汁。▸雞湯小雲吞 ◂✿ 雞湯清澈不濃膩，溫潤順口，湯底加入少許蔥花增添清香。雲吞皮薄而Q彈，餡料細小但結實，入口滑溜，雲吞雖小但足料～▸炸雞扒配菜飯 ◂✿ 雞扒外脆內嫩，肉汁鎖住，咬下略帶油香但不膩。菜飯

平民價錢，高級質素今日同朋友嚟到旺角呢間街坊小店，專程食吓佢哋嘅生煎包。人氣很旺，晚餐時段都要排一陣，不過很快鋪面唔大，但乾淨企理，午市時間坐滿晒人，好彩等咗十分鐘就有位。 🥟 招牌生煎包 (2隻) $20外皮煎得金黃香脆，咬落去肉汁豐富，要小心燙口。豬肉餡調味剛好，唔會太鹹，加少少醋更開胃。 🦀 蟹黃生煎包 (1隻) $20蟹黃味突出，同豬肉餡好夾，鮮味十足。不過一隻唔太夠喉，下次要叫多隻先得。 🍲 雞湯小雲吞(12粒) $36小雲吞細細粒，皮薄餡靚。湯底清甜，飲完唔會口渴，配生煎包食幾平衡。 🥤 豆漿任飲 豆味香濃，唔會太甜，免費任飲真係好抵。 見到隔離枱叫咗蟹粉小籠包同炸醬麵，賣相都唔錯，下次可以試吓。

話有個瀨尿蝦麵根本就係流嘅！問佢佢話只係比食評人影相冇賣，欺騙顧客，我都係因為佢有個賴尿蝦面而去消費！令我非常失望！除咗生煎包其他食物一般般總之感覺就像被欺騙一樣，又唔好意思走。。。仲有啲小紅書左軚網紅走過嚟影相有得食我就冇！希望大家都不要被欺騙

香港數一數二嘅生煎包一定係佢價錢都算實惠，仲要有豆漿任飲🥛！一坐低，姐姐就俾咗一大樽豆漿我哋，原來而家買套餐就會送豆漿免費任飲🥹佢豆漿超香濃，特別香豆奶味，比較濃稠唔會好稀，唔會好甜！免費嚟講，超出預期！招牌生煎包 4隻 $35食呢一個要好小心，因為會爆汁！🤣要咬開細細個窿飲咗啲湯先，一啖吸入去超多汁！包皮係煙韌，煎到個底超級脆，好似食緊薯片，入面嘅肉餡都唔少，點埋醋食，一啲都唔油膩！新品:白灼小棠菜苗 $22晚餐想有菜有肉，增加纖維！蔬菜新鮮排得超靚仔！從俾咗啲甜醬油我哋點！蔥油雞扒拌麵 $42雞扒超大塊，炸皮好薄，香脆肉嫩！雞扒本身有調味，保留肉汁！拌麵撈左葱油、豉油、醋，有啲黏糊質地嘅撈麵♥️麻醬雞絲粉皮 $50呢個比較清爽健康嘅感覺，粉皮彈牙透亮，調味啱啱好，吾會好重口味，雞肉一啲都吾柴，食左好多煎炸嘢，呢款就無甘熱氣！😝