劉興記生煎包專門店

Open Now

Now Closed

📍 劉興記生煎包專門店🌍旺角通菜街1M-1T號華發大廈地下D號舖 Shop D, G/F, Wah Fat Mansion, 1M-1T Tung Choi Street, Mong Kok📝整體評分：９／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝最好就6:30前就黎，經常出現爆場情況。除左內地人，仲有韓國人、日本人同埋西方人。無米芝蓮名銜，都咁受外國人歡迎不自覺地叫哂本店餃類美食，之前都介紹過同食左好多次佢地招牌原味生煎包，今次就唔特別介紹，反而要講下佢新推出口味，好鬼正！▸瀨尿蝦生煎包 ◂✿ 呢款暫時係我最愛，多左份鮮甜少左份油膩。整隻瀨尿蝦入饌，湯汁帶濃郁蝦鮮味，蝦肉彈牙，搭配豬肉餡增添層次感，味道濃而不膩。外皮煎至金黃酥脆，底層焦香，內裡湯汁爆滿，咬開時需小心燙口。▸小籠包 ◂✿ 小籠包以豬肉餡為主，皮薄不破，入口滑嫩，湯汁充盈清甜帶有淡淡肉香，肉餡細膩湯汁。▸雞湯小雲吞 ◂✿ 雞湯清澈不濃膩，溫潤順口，湯底加入少許蔥花增添清香。雲吞皮薄而Q彈，餡料細小但結實，入口滑溜，雲吞雖小但足料～▸炸雞扒配菜飯 ◂✿ 雞扒外脆內嫩，肉汁鎖住，咬下略帶油香但不膩。菜飯

平民價錢，高級質素今日同朋友嚟到旺角呢間街坊小店，專程食吓佢哋嘅生煎包。人氣很旺，晚餐時段都要排一陣，不過很快鋪面唔大，但乾淨企理，午市時間坐滿晒人，好彩等咗十分鐘就有位。 🥟 招牌生煎包 (2隻) $20外皮煎得金黃香脆，咬落去肉汁豐富，要小心燙口。豬肉餡調味剛好，唔會太鹹，加少少醋更開胃。 🦀 蟹黃生煎包 (1隻) $20蟹黃味突出，同豬肉餡好夾，鮮味十足。不過一隻唔太夠喉，下次要叫多隻先得。 🍲 雞湯小雲吞(12粒) $36小雲吞細細粒，皮薄餡靚。湯底清甜，飲完唔會口渴，配生煎包食幾平衡。 🥤 豆漿任飲 豆味香濃，唔會太甜，免費任飲真係好抵。 見到隔離枱叫咗蟹粉小籠包同炸醬麵，賣相都唔錯，下次可以試吓。

話有個瀨尿蝦麵根本就係流嘅！問佢佢話只係比食評人影相冇賣，欺騙顧客，我都係因為佢有個賴尿蝦面而去消費！令我非常失望！除咗生煎包其他食物一般般總之感覺就像被欺騙一樣，又唔好意思走。。。仲有啲小紅書左軚網紅走過嚟影相有得食我就冇！希望大家都不要被欺騙

香港數一數二嘅生煎包一定係佢價錢都算實惠，仲要有豆漿任飲🥛！一坐低，姐姐就俾咗一大樽豆漿我哋，原來而家買套餐就會送豆漿免費任飲🥹佢豆漿超香濃，特別香豆奶味，比較濃稠唔會好稀，唔會好甜！免費嚟講，超出預期！招牌生煎包 4隻 $35食呢一個要好小心，因為會爆汁！🤣要咬開細細個窿飲咗啲湯先，一啖吸入去超多汁！包皮係煙韌，煎到個底超級脆，好似食緊薯片，入面嘅肉餡都唔少，點埋醋食，一啲都唔油膩！新品:白灼小棠菜苗 $22晚餐想有菜有肉，增加纖維！蔬菜新鮮排得超靚仔！從俾咗啲甜醬油我哋點！蔥油雞扒拌麵 $42雞扒超大塊，炸皮好薄，香脆肉嫩！雞扒本身有調味，保留肉汁！拌麵撈左葱油、豉油、醋，有啲黏糊質地嘅撈麵♥️麻醬雞絲粉皮 $50呢個比較清爽健康嘅感覺，粉皮彈牙透亮，調味啱啱好，吾會好重口味，雞肉一啲都吾柴，食左好多煎炸嘢，呢款就無甘熱氣！😝

經過見到門口要排隊， 又幾抵食！ 上海炸排骨飯和生煎包套餐絕對是經典的組合！炸排骨外酥里嫩，搭配香噴噴的米飯，簡直讓人欲罷不能！而生煎包則是外皮金黃酥脆，裡面的湯汁鮮美，咬一口瞬間爆汁熱騰騰🥢 佢仲有唔同款嘅生煎包都係爆汁嘅，仲有其他套餐，例如炸雞扒菜飯或者面，仲有涼拌粉皮！ 🥤✨ 凍豆漿的口感滑順，豆香濃郁，冰涼的感覺在炎熱的夏天簡直是絕配！而且豆漿富含植物蛋白，營養又美味，真的是一款讓人愉悅的飲品！🍃

要食到呢間人氣生煎包，建議大家喺開店之前到達，就最易有位唔使排隊。午市仲有套餐，認真抵食。蔥油雞扒菜飯蔥油雞扒外皮金黃酥脆，雞肉鮮嫩多汁，菜飯夠特色啊，有家鄉味道。生煎包生煎包外焦內嫩，底部煎至金黃，咬下去時能感受到湯汁的噴發，肉餡鮮美，帶有淡淡的香蔥味。原味上海小籠包小籠包的皮薄而韌，肉餡鮮嫩，包裹著豐富的肉餡和湯汁，吃上一口，鮮美的湯汁瞬間在口中迸發。蟹黃生煎包蟹黃生煎係其中一個招牌菜，包內的蟹黃鮮香四溢，搭配肉餡的鮮美，口感豐富，是喜愛生煎包的食客不可錯過的選擇。手功豆沙窩餅餅皮香酥，內餡的豆沙甜而不膩，口感綿密。窩餅外層微微焦脆，內裡則是柔軟的豆沙，相當出色。豆漿呢度嘅豆漿可以任飲！而且有返咁上下質素！豆香濃郁，口感滑順，好高質！

係旺角行街，唔想掃街，舒舒服服坐低食野，朋友話去食生煎包。招牌生煎包（8隻）外皮金黃酥脆，肉餡鮮嫩多汁，咬落去小心爆汁，尤其係坐對面既朋友要小心！加埋醋同辣椒油，更加惹味。雞絲酸辣湯麵酸辣適中，令人開胃。雞絲有驚喜，十分鮮嫩。小雲吞湯麵（6粒）小雲吞的皮薄，湯底清淡不油膩，配埋生煎包食，中和一下油膩感又更飽肚。酥炸小雲吞（12粒）炸得金黃酥脆的外皮讓人一口接一口，尤其適合作為聚會的小吃，讓人無法抵擋。

今日16：00入內點了豬扒蔥油拌生麵+6隻生煎包，送到上枱，麵一入口暖的（豬扒正常剛炸起），生煎包生怕辣親嘴慢慢咬開小孔品嘗，點知又係暖的並可一啖成隻放入口（可想像有幾熱），問侍應點解全部出品都是暖的，話因一大盤整（這個我明白），所以暖，但無想過話替我翻熱。最後都係包走回家翻熱食，埋單時同個伙記講，其實咁樣是做衰自己個名。唉，真係無下次，唔好成日怨人回內地消費。

今日下午，同埋我太太去旺角通菜街嘅劉興記生煎包專門店吃午餐。一入店，就覺得氣氛好舒服，環境乾淨又整齊。我哋點咗招牌生煎包，皮薄肉嫩，咬一口，肉汁四溢，好香！蟹黃生煎包更加正，蟹黃嘅鮮味同生煎包嘅香味完美結合，實在係一流。濑尿蝦生煎包嘅蝦肉好彈牙，味道鮮美。手功豆沙窩餅嘅豆沙甜而不膩，外皮酥脆，好有咬頭。酸辣鸡丝湯面嘅湯頭酸辣適中，鸡丝鮮嫩，好開胃。最後，飲咗一杯豆漿，清甜解膩，完美結束咗呢頓午餐。

4月13日晚20:00前一家三口去食，所有雞絲相關嘅食物已經無晒，唯有叫其他嘢食，叫咗排骨拌麵+1個生煎包(套餐)，擔擔麵，高湯麵，小雲吞，小籠包，豆漿。首先，D麵一食落去又淋又多粉，跟住碗高湯麵入面有雞骨，所謂排骨其實係薄豬扒，炸到乾晒又多粉，小雲吞D肉味精又多，生煎包D皮又係厚到唔識講，諗住咬開小籠包上端倒D汁去來，點知入面係無肉汁，雖然全單只係$207唔算貴，但係差唔多價錢肯定有其他地方好食過佢，唔食無損失。

見到呢間生煎包近排好多人介紹，今日經過就順便去試吓，見到消費滿$60仲可以任飲豆漿，佢哋嘅豆漿唔會太甜好香豆味，可以任飲真係幾抵😆蟹黃生煎包（4隻）$70招牌生煎包（2隻）$20瀨尿蝦生煎包（2隻）$28 佢哋嘅生煎包一上到嚟熱辣辣，一如預期超級爆汁，要好小心咬開啜晒啲汁先🙂‍↕️個底真係煎得好香脆，蟹黃生煎包嘅蟹黃都幾香，瀨尿蝦生煎包入面就有隻瀨尿蝦，幾特別～不過生煎包上面有啲油，食完會覺得好邪惡🫠排骨蔥油拌麵 $42 蔥油拌麵用左幼身上海麵，拌上蔥油汁都幾香，排骨就炸得香脆，不過不失

次次行過哩間生煎包店，都係好full，今日早少少收工，睇到有位就一定要試試啦。餐廳裝修得好中國風，晚市都提供好多嘢食。豆漿，豆漿全部都係自家制。飲落豆香濃郁偏濃稠，同埋唔會好甜，唔錯。可樂，FD宜家食緊中藥，唔可以飲豆漿，咁叫埋只汽水搭配生煎包。招牌生煎包（2隻），生煎包即叫即整，送上來仲熱笠笠。生煎包皮薄香脆，內裡暴曬汁水，食落肉餡香甜，超好味。蟹皇生煎包（2隻），每天限量供應，好彩去得早，可以搶到2隻，後面落座啲客人已經冇曬。因為蟹黃加入，生煎包湯汁更加鮮甜，肉餡味道也更加豐富，好味。瀨尿蝦生煎包（1隻），係好特別嘅口味。鮮肉裡面加入瀨尿蝦包制，比起普通生煎包口味，食落口感微帶Q彈又有好重嘅蝦味。鮮雞湯小雲吞12粒，雲吞拇指大細全部手工製作。雞湯湯底清澈透亮，飲落雞香清甜。雲吞係豬肉餡，豬肉鮮甜同雞湯好夾。蔥油拌面，上海好家常嘅主食，想要做好唔易。用多種配料加埋豬油小蔥一齊煉製，蔥油才會味道豐富唔覺得寡淡。面係上海普通掛麵，食落軟硬適中蔥香濃鬱，食到停唔落口。

呢間劉興記出咗新嘢，唔係生煎包，係瀨尿蝦湯麵，見佢咁浮誇就入去試吓係咪真。原來佢仲有瀨尿蝦生煎包同埋瀨尿蝦小籠包，不過已經賣晒。好在宜家食滿$60就可以免費任飲低糖豆漿，咁又幾好，我都可以飲好多杯，講返個湯麵，真係成隻瀨尿蝦係面，有成手板咁長，仲剝咗背脊啲殼，方便就咁食。旁邊仲有雨隻細瀨尿蝦，不過無乜肉。麵條就一般，但係個湯就有好濃嘅瀨尿蝦味，非常清甜。以$78 一碗咁鬼浮誇嘅麵，算係交足功課👌🏻

#🐒😋原本帶朋友嚟呢間 #劉興記 係試佢 #生煎包 #小籠包嚟到先知有 #瀨尿蝦食? 仲要$78炸點可以唔試 幾乎每枱都會叫返碗嚟食── ✦── ✦ ── ✦ ── ✦ ──ʚ #瀨尿蝦湯麵 ɞ呢碗麵只係需要$78 但隻瀨尿蝦真係大大隻2差唔多有2隻手掌咁大 78蚊淨係食佢都抵 ʚ #蟹黃生煎包 ɞ 非常足料 滿滿的蟹黃豬肉都仲有好多湯係入面 好滿足ʚ #原味上海小籠包 (4隻) ɞ 小籠包都一樣皮薄多湯每一籠都即蒸 熱辣辣上枱 好好食── ✦── ✦ ── ✦ ── ✦ ──

好耐無食小籠包同生煎包啦，早幾日去左旺角呢間馳名生煎包既劉興記，除左點招牌爆汁生煎包外，仲見到有蟹粉小籠包，即刻order返一籠試下先！呢度除左有點心類，仲有套餐可以叫，而且如果惠顧套餐滿$60或以上，豆漿任飲😱 真係性價比高.蟹粉小籠包🦀即叫即蒸，所以要等等🙆🏻‍♀️ 一籠有4件大大粒，蟹粉在中間點綴，一咬落去飲到多湯汁，裡面仲有蟹粉👍🏻 .我地仲叫左套餐🥟12粒雲吞配生煎包2件🥟先講生煎包，一咬落去，湯汁流哂出黎，juicy，而包底都煎得脆，唔怪得咁受歡迎🙌🏻 雲吞軟，配湯幾夾.另外仲叫左個炸醬撈麵，充滿炸醬肉碎，配有一堆青瓜絲，簡單又美味！當日來食都見到爆哂場，好受歡迎