兩姊妹涼皮X株式会社

Open Now

Now Closed

之前聽講過涼皮兩姊妹好味 所以今次見到沙田有買嚟試我哋叫咗招牌涼皮小辣外賣除咗辣無其他味 我地明明叫小辣 係辣到食唔到食咗一啖已經無再食因為真係好難食 唔明甘嘅質素都可以拎嚟做生意認真好有問題 未試過食過一碗甘難食嘅涼皮

食過幾次太子舊鋪，好好食，係千山萬水特意出去買返屋企食，就算要搭一輪車返到去仍然好好味，。見一田超市裝修完開咗，沙田人的我好開心，終於唔使去咁遠。但經常都好多人，今次行過人少左終於有機會試。咩事？點解完全唔同味？明明係撈涼皮，點解咁水，邊度好似湯麵咁一窩水，涼皮口感亦好似唔同咗，唔掛汁，又唔辣又唔麻，豬五花係OK嘅，但係要加$25，整體只係一個字好失望。如果維持唔到水準就唔好亂咁開，非常失望，以後可以放棄。

一田裝修完多咗好多食肆，搜到呢間寫住米芝蓮必比登推薦想試下，點知行咗兩圈都揾唔到間鋪，原來佢收埋係一田超市入面，近收銀櫃檯附近位置，食完大失所望。涼皮透明質感，點咗小辣，辣度輕微，口感偏甜，份量比較少，涼皮食落就似嚼緊加了調味料的橡筋，好一般。小菜椒麻秋葵還可以，椒麻蓮藕丁真係一言難盡，試了兩三塊，成碗貢獻俾垃圾桶…一份涼皮兩份小菜，離開時個肚空空如也好似無食過野。早知應該行多幾步去好運食*師兄。

最近一田超市真係翻新咗，入面開咗好多新舖頭，其中有米芝蓮認可嘅「兩姊妹涼皮 x 株式会社」喺沙田店。今日我試咗佢哋的招牌涼皮，真係唔錯！涼皮有幾個辣度可以選擇，我叫咗個BB辣，食落去滑嘟嘟，汁又啱啱好，口感非常好。青瓜絲配搭得好清新，三樣嘢一齊食真係非常合襯，口味好舒服！不過，嗰邊座位數量真係唔算多，幾間舖頭共用幾個座位。如果唔怕熱，其實可以出到商場外邊坐，外邊都有幾個座位。總體嚟講，呢間涼皮店食得唔錯，下一次一定會再來試其他辣度！

我由大角嘴柏樹街本店食起，當年有堂食已經迫入店內用餐，幫襯多年，絕對有資格品評！喺新城市新開嘅分店進食日期係30/5/2025 7pm.味道調味做法完全兩回事，爲了擴充特許經營而不是搞好飲食的話，建議讓返個檔位出黎俾其它有心餐廳經營啦！我要花費$300幫餐廳做QC 對得住一直支持多年嘅食客嗎？unfair 經典涼皮 $38 - 調味不到位，味道不是預期，配料比大角嘴本店少ok無問題👌，涼皮overcook 太淋似河粉，有大量汁水？湯？本身涼拌乾撈幾時變左放湯煮？怪不得似河粉！食完很懷疑🤨⋯⋯椒麻雞 $68 - 單點嘅小菜。又係一直食開嘅至愛。哎，好無heart 咁搞飲食，真係破壞招牌！無椒味無麻味，連調味都一啲唔似本店椒麻雞，呢間係老翻店？點解唔做QC 蓮藕丁- 更加不值一提，普通野一兜，$38 叫價進取，但同一個價錢已經可以叫涼皮，份量很細，好食無所謂，可惜佢就係普通一兜切粒嘅蓮藕，調味很是普通先衰環境衛生服務-唔關餐廳事，open area food court 大家迫住坐高檯一齊食，唔洗有太高要求。