光榮冰室 (厚福街) (Closed)

最中意呢啲麻甩野午餐1200前到$40尖沙咀地段抵啦，不過我個日就1213入去$45🥴凍飲唔洗加錢👍🏻 .蔥油雞扒飯 ($45) 凍奶茶少甜未黎就已經決定好食呢個見到IG啲想好吸引，黎到就知點解咁多人叫。係雞扒係重點，大大塊面頭煎得夠香脆，肉厚但又唔會煎到老，肉質仲係嫩，茶記黎講真係唔話得。蔥油撈飯一流，加分位係飯夠曬熱又夠多豉油🤤用嘅係甜豉油甜甜地唔會太鹹要我淨食油撈飯都得始終都係蔥油，一路撈飯會見到碗底有油，唉唔理啦好食就得😬三眼叉燒飯 ($45) 凍咖啡少甜一上就見到隻三眼仔煎得咁靚，蛋有脆邊，煎得啱我好可以蛋黃撈飯。諗住茶記又唔係專門食燒味叉燒應該麻麻啦，係爸爸個碗偷咗舊黎食，又唔錯喎衰鬼，肥瘦適中唔會乾硬。平時飲凍奶茶最怕太甜，聽聞呢間唔會就試下啦，又真係唔太甜，唔澀幾好。本身想試下我爸杯咖啡點知轉個頭就冇曬😑一滴都飲唔到.呢間雖然係茶記，但樣樣都做得幾好，齊曬香港經典野好似叉燒滑蛋飯、常餐等等，價錢又抵。重點係咖哩黃，炒蛋黃，蛋黃黃，西多黃，咁黃，唔係唔罰呀嘛。

成日都係尖沙咀厚福街搵野食今次就試下呢間充滿港式風味既茶餐廳啦！環境係經典港式茶餐廳既裝修 人都幾多所以會有少少逼 都整體黎講都坐得舒服 晚餐有4款選擇 全部都係$45 包餐飲 十分抵！朋友揀左蔥油雞扒飯 我就揀左三眼仔叉燒飯試左少少朋友個蔥油飯 蔥油好香 撈飯好好食 雞扒都好滑 總體又唔會太油三眼仔叉燒飯既叉燒好淋 三隻蛋分量超足 隻隻都有流心效果 超滿足！

食襯早餐一般都係嗌沙嗲牛麵，今次黎到光榮冰室，其實上年剛開業果陣，我都有去過都係食早餐，只係因為飲完杯奶茶覺得麻麻地就冇再食過。早一日食完龍門冰室，呢一日又唔想再去食，唯有去另一黃店光榮冰室懲罰下佢早餐應該係由開業到而家而係冇加過價，印象中係一樣，沙嗲牛麵加杯飲品$22蚊 ，唔算大碗，勝在包一杯飲品。 $22蚊既早餐，又有得坐係到食，香港除左老麥真係冇邊個地方有🙊 佢可以keep到啦

依家新開好多叫「冰室」，然後裝修好似好有「香港情懷」，賣出黎嘅同一般茶餐廳無分別，有啲更甚，完全唔似係咩。厚福街相信好多人都去過，搵嘅係樓上西餐或者打邊爐，其實呢度仲有一間冰室，真正係稱得上香港冰室。當然依傳統，無可能再只能賣小食或飲品，維持唔到香港嘅高租金。要有啲簡陋，要有茶餐，選擇唔多但頹飯超得。完全幾乎自助，香港人就算排隊都好有規矩，會等，會忍耐。先來杯熱奶茶，茶味係夠，奶有小小，我個人覺得有小小澀。椒鹽豬扒飯，完全無俾少你嘅意思，豬扒係好多即叫即整，無翻油整嘅味，不過乾左小小。咖喱汁牛肉漢堡煎蛋飯，同樣無俾少你。但係只得咖喱，漢堡味道尚可。呢個係重點推介，我係好耐無食過呢種邪惡嘅飯，煎蛋炒得好靚仔，叉燒有啲肥仲有啲「窿」，塗上甜鼓油，成碟真係邪惡到無朋友，夠哂飽同滿足，濕濕地又唔會太乾，一年有一次都唔過分。12點前40元，12點半行出去，條龍排到H8，大家都係撐，食飽去行街。

依家香港行兩步就見到一間冰室😋之前都食過幾次 每次都見到差唔多每一台點都會有人叫滑蛋叉燒飯所以今次決定試吓🤪蛋同叉燒嘅份量好多👍🏻蛋都算幾滑叉燒又唔會太乾或者太肥😍呢個飯嘅性價比非常之高💯午餐只係$45凍飲仲要唔使加錢喺香港邊度搵呢啲餐廳🤩見佢夜晚仲有煲仔飯 搵次要嚟試吓先～.if you wish to experience some hk style cafes aka ‘bing sud’, i’d suggest you to visit this place - service was quick (not rude😇) & food was on point 💯 i especially loooooove their fry eggs with chasiu rice 🍛.what did i order:-滑蛋叉燒飯 ($45) 😋😋😋-蔥油雞扒飯 ($45) 😋😋😋

讚1. 環境好企理2. 煲仔飯真係即燒，同埋啲飯本身幾好，有米香，用既鹹香亦夠霉香，兩樣都幾好彈1. 豉油無煮過，好淡味，肉餅唔太夠滑，要改善2. 奶茶唔合格，奶味太強

叫左2個下午茶雪菜肉絲米粉同叉燒通粉個雪菜肉絲米黎完 食完 個叉燒通都未黎等左成20分鐘都有漏完單 唔好意思都無句個通粉仲要好難食 唔係煮得耐既淋係本身好粉之黎杯華田 水到乜咁除左炸雞翼算好食同平之外 唔會再黎

慕名而黎⋯點知換來失望⋯傳說中嘅三眼仔（三隻太陽蛋）+豬扒飯老實講十分之普通⋯只係三隻荷包蛋加豬扒飯⋯豬扒一啲都唔鬆軟⋯雪藏豬扒⋯賣呢個價錢⋯失望失望⋯飯底無飯香⋯成個飯得個名有特色⋯輪到煲仔飯出場，店員話要落豉油焗一陣。鹹魚肉餅煲仔飯偏咸⋯無咩飯香⋯食落好一般⋯窩蛋鮮牛肉煲仔飯更加失望⋯成陣燶味⋯食咗幾啖已經食唔落⋯失望失望⋯價錢貴、服務一般、質素差、無下次！原本諗住喺尖沙咀就可以食到好味煲仔飯，原來都係去廟街先搵到真正風味

大肚婆同事話想食飯, 本來去龍門冰室不過太多人排隊, 而大肚婆嚷著好肚餓, 所以一行人轉場去光榮冰室! 接近2點都勁全場滿座, 煲仔飯好食不過下晝無供應! 午餐只需 $45, 凍飲仲要唔駛加錢,….超良心小店!蔥油雞扒, 咖喱汁牛肉漢堡煎蛋, 椒鹽豬扒…所有都好出色, 咖喱汁越食越有辣勁, 牛肉漢堡唔會好乾唔鬆散, 豬扒唔會靱又無乜鬆肉粉, 雞扒係炸既都保持嫩滑, 蔥油好香啊…平時我唔飲奶茶, 不過眼見隔離枱杯奶茶色水幾靚所以一試, 有驚喜! 奶同茶好平均, 幼滑醇厚, 無特別要求少甜都唔會好甜, 大大推介! 今時今日在尖沙咀地區仍然搵到呢個價錢, 好難得, 要多多支持! 

出開尖沙咀想食冰室野，見到呢間openrice咁高分就試下。我地叫人埋黎寫野，無人理我地，當時已經係2點幾3點唔算太多人，根本唔係忙到睇唔到我地。一路等，終於有人理我地，嘩～個呀姐好似想殺人咁，我都唔係要求佢有笑容，但真係好似想殺左我地咁樣喎我叫左個葱油雞扒飯，味道中上，係好大塊雞扒既，但其實好多地方都可以做到啦。另外叫左個豬扒炒意粉，味道都係中上，豬扒都好多。講真，味道係唔錯既，10分入面都有7分，但服務態度真係差到爆囉！我地唔該先唔該後，佢地都好似當我地係殺父愁人咁，以為得一個呀姐係咁？係全場既呀姐都一樣！！澳洲牛奶公司既伙記仲好態度過呢度！如果你啲野食唔係好食到識飛，我點解要黎？食普通茶餐廳既野，我有大把選擇

男朋友話呢間餐廳之前係雜誌睇到, 好似話好好味,所以今日專程去試一試！我哋兩個都叫咗午餐，男朋友叫咗個紅酒牛腩飯配凍檸茶，我要咗個滑蛋叉燒飯配熱檸水。好難得有餐廳凍飲竟然唔使加錢！紅酒牛腩飯一上到黎嘅時候，賣相都唔錯食落都好味，牛腩都幾腍，唔肥。杯凍檸茶嘅茶香都幾夠，唔錯！我嘅滑蛋叉燒飯，叉燒同蛋都好多。其實佢兩個飯嘅份量都好足夠，而且啲叉燒都好香，唔會太肥或者太乾。而滑蛋都好有蛋香，唔會好似溝左水咁好稀。我哋大概係1:00左右去到發現餐廳都未坐滿人但去到1點半之後就開始越來越多人。餐廳嘅裝修都好懷舊，但係都幾乾淨。而且職員亦都唔會趕客走。睇黎呢間茶餐廳已經又成為我地尖沙咀區飯堂之一🤣

尖沙咀一向都滿佈高級餐廳而且多數也是西日韓星馬餐廳，難得在厚福街看到一間茶餐廳有得食煲仔飯，實在吸引我進去！先點了一個沙嗲牛肉巨型奄列，一來到😂嘩！真的是超大😂有兩塊方包那麼長！應該有我的前臂那麼長了！中間有很多沙嗲牛肉又多汁👍🏻很夠味主菜點了土魷肉餅煲仔飯，肉餅很軟，口感幾好，土魷也香。另外點了滑雞煲仔飯，有很多雞，肉質幾滑。而且還有飯焦！是煲仔飯的精華所在！😍👍🏻😋總結這個價錢在尖沙咀能吃到煲仔飯是很難得！

入到冰室都未坐定個樓面第一時間問我食乜？見到有是日快餐，但我又唔想食飯、所以叫左特餐义燒蛋麵配奶茶☕️個茶太淡、冇乜茶味個麵湯底又係淡宜冇味問樓面攞豉油，最好笑係連個豉油係唔咸仲要帶苦味無奈！最後想講呢度其中一個着住長䄂裇衫嘅樓面，鐘意黑面叫又唔啋，態度十分差

朋友約食飯，梗係出席啦！今次食煲仔飯，叫左我鍾意食既雞做配菜等左15分鐘後，終於黎左，未打開蓋已經聞到香香的雞味，肉質鮮嫩，但啲飯有小小唔太入味，所以我落多左鼓油做調味。整體感覺不錯不錯

早幾年，香港嘅保育風氣盛行，大家都好珍惜懷舊嘅事物，哪怕是一磚一瓦都希望得以盛傳。仲記得，當時有好多冰室餐廳頂唔住財團加租，或退休引退，一時間香港嘅冰室買少見少，而同時又有另一鼓新勢力重開冰室，令到香港嘅冰室好參差，但呢間位於尖沙咀厚福街嘅光榮冰室就值得我哋推介。茶餐茶餐都可以話係冰室嘅代表，所以嚟到冰室又點少得叫番個茶餐呢？M佬嘅茶餐就最鍾意叫湯意粉，佢話意粉喺外國明明係配汁或炒，但嚟到冰室，就變成港式嘅湯上，最表達到香港人嘅創意！而湯意粉最重要當然係個湯啦，濃濃嘅雞湯先夠吸引。唯一覺得叉燒份量少咗啲。而配碟有兩隻陽蛋、火腿同多士，細心位係用上日本蛋。豉汁排骨煲仔飯加臘腸而煲仔飯絕對代表到香港！上枱已經聞到微微嘅焦香，我哋特意加咗臘腸令飯底更香！而豉汁排骨夠晒惹味，排骨份量多，肥瘦適中。而重點中嘅重點係索晒臘腸同排骨味嘅飯底，撈勻豉油，味道好有層次。最後，識食嘅梗係要食埋飯焦啦，好香口脆卜卜。叉燒蛋飯近年香港人大愛嘅又點少得黯然銷魂飯呢？不過，呢到唔係用太陽蛋，而係用滑蛋，蛋香十足，撈勻成個飯真係一流！而叉燒份量十足，夠晒滿足。