光榮冰室 (厚福街) (Closed)

光榮冰室雖然日日都有人龍但係都冇阻我要食到佢嘅決心最後唔洗半個鐘俾我入到呢個時間都尚可接受冰室有煲仔飯 有茶餐茶餐仲有靚炒蛋又有叉燒炒蛋飯 港味濃郁地道美食應有盡有係真正屬於香港人嘅餐廳不過可惜我今次冇手執一葉食唔到何已完飯啦而我排隊時見到好多人食煲仔飯搞到我最後忍唔住叫左窩蛋牛肉煲仔飯之前都聽過啲人話光榮好好食架啦原來真係呀個煲仔飯一黎到又熱辣辣又香噴噴個樣仲要好吸引佢隻蛋幾靚仔呀然後啲牛肉好腍加豉油焗一焗撈埋隻蛋再食埋飯焦食食下就清左成個煲仔飯一粒飯都冇淨但我對面個女仔只係食左一半就飽我又再次覺得自己好大食 哈哈其實我仲想試佢個叉燒炒蛋飯 超吸引大食還大食 兩個飯真係冇辦法唯有下次試啦

今晚去左尖沙咀行街，諗唔到食咩好，諗住行入内街，行下行下之際見到間冰室，餐牌幾特别，所以打算入去試試我叫左個“是日晚餐”，哩個叉燒蛋飯，因為成間餐廳見到每一枱都總有一個客系到食緊嘅，所以就叫左哩個飯黎試一試，系咪真系甘好食…咁都有其他野食嘅，煲仔飯呀，三文治呀，茶餐仲全日供應添，雖然都好多但系個叉燒飯幾好似吸引啲好快就黎左啦個餐，熱辣辣的，絕對唔系啲煮好加熱嘅 仲有杯熱飲（叫左熱檸水）成個餐都系四十幾咋，有品質有良心嘅餐廳

雖然係黃店就一定要支持下 但係個招牌 生滾沙爹牛肉一丁 非常難食 沙嗲冇沙嗲味 牛肉好鞋 一丁 麵都唔得 仲要自己落味粉同麻油(不如比埋個煲我自己煮) 連煎蛋都唔得 咁唔專業 點去懲罰呀

終於有機會一試！光榮真係長期都好多人😆餐牌上面飯嘅種類都好多，常餐同埋麵食都有，因為今日好肚餓所以就叫左是日快餐之一，叉燒炒蛋飯！〰️叉燒炒蛋飯💲45賣相同鋪頭一樣 黃到不行 發晒光咁滑蛋再加上甜豉油 呢個配搭冇得輸價錢都只係$45仲有配嘢飲 性價比真係一百分晚市除咗飯餐常餐之外 仲有煲仔飯！依家天氣越嚟越涼 啱晒食煲仔飯暖下身搭枱嗰時見到對面兩個都係食緊煲仔飯，仲要加多咗條臘腸，成個煲仔飯勁香仲有飯焦下次佢哋一於試吓煲仔飯，希望到時唔使排咁耐隊就有得食啦

依一段食評要快啲寫，事因今次吃依個午餐由排隊至找數都係喜戲洋洋，點解咁高興？過了11月24日的區議會選舉後，光榮冰室推出了一個限時飯餐叫「何已完」飯，依個飯就厲害喇！飯面放上火腿、餐肉、香腸、雞中翼、豬扒同煎蛋再淋上甜鼓油。當侍應把飯奉到枱上已經感覺到份量十足！短短光顧了二十分鐘，不少食客都會叫這個碟頭飯慶祝一翻。好！試吓依個「何已完」飯，只可以用精彩來形容，雞翼、火腿、餐肉及香腸正常茶記水平，煎蛋淋上甜鼓油再與飯一起吃是完美配搭，煎豬扒較乾燥柴口，吃口有份莫名奇妙的興奮！

咁岩下午茶黎到，但仍然人山人海。人手嚴重不重，漏單情況嚴重，上菜15分鐘以上，落單果個漏左單仲鬧個客 (唔係我)，相信不少人都會對味道感到失望。茶走味道麻麻，無甚味道。叉燒蛋飯可以，正常。為支持，請繼續；為食物，就要考慮

Always a fan of anything with eggs and have seen some amazing food porn from this cha Chan teng so decided to try! Little did I know, it was a “yellow restaurant” and supports the current HK political situation. All the more reason to go and try out the place! The soy sauce paired with the egg made each bite very indulgent - the eggs though a bit overcooked had a strong flavour, and I’m guessing it’s the type of egg used as the yolk was very yellow! Cha siu however was more on the fatty side - n

光榮冰室...又人熱門排隊店...如果食LUNCH得一個鐘過黎挑戰佢...恐怕最後又要去買麵包做LUNCH LU...HAHAHAHA所以先試一試個早餐先......一如所想...真係唔洗排隊HEHE即刻叫個金牌早餐試下佢地既手勢啦....咖啡:重澀味...唔算香滑...一般差小小...唔會再試(個人口味)火腿通粉:佢2塊小火腿放係底到...唔太明白點解要咁做....另外通粉本淋...本人比較喜歡硬身...所以有小小失望....最後滑蛋配牛油多士:蛋真係炒得好滑...成個餐最滿意既部分多士多牛油..我都LIKE...但個邊邊位帶苦澀...如果無埋就好DD尖沙咀早餐30幾蚊...算係咁..期望會有進步

一個人係尖沙咀想食間茶記，見呢間門口痴滿memo紙比人打氣，見你咁黃決左懲罰一下佢😍❤️-不得不提真係非常快手，坐低叫野擺落口埋單都係半小時搞掂！-快餐C餐：滑蛋叉燒飯（$45）估計有起碼3隻蛋以上，實在非常滑，半熟狀態非常滑，仲有蛋漿流出😍叉燒方面薄切都有成8塊左右，味道並唔係非常鹹，肉質不錯偏瘦都容易咬得到。整體都好好食但略少少淡口，重口味想鹹少少可以叫佢加色🥰另外叫左杯凍奶茶，快餐$45包凍飲，尖沙咀真係可遇不可求。

第一次光顧，是因為黃絲餐廳的緣故，前往的時間是平日的12:00，有十多人排隊了。門外放著free water的字牌，猜想是之前餐廳提供免費水予有需要人士。等了10分鐘便可入座，午餐有5個「碟頭飯」的選擇，寫明「快」一字，$45附送飲品冷熱同價。於是點了「滑蛋叉燒飯」及眾多客人選取的「蔥油雞排飯」。蛋的份量很多很厚而且炒的不俗，既不會很老亦不會生得水汪汪，可是如果可以加多一點蔥花來炒會更加吸引。相比以前中環蛇竇還是相差一段距離。蔥油雞排飯的蔥油很香，雞排亦煎得很脆身又不會肉「鞋」，值得一試。另外亦點了奶醬多士，多士厚而鬆軟，並沒有因為繁忙時間便求求其其，$14的價值值得一讚！呢店有下次呢！

多士- 半片連皮厚多士，好硬，唔會想就咁食。炒蛋 - 蛋味道淡，連埋大片火腿送多士食就balance番。叉燒意 - 叉燒會收埋o係麵底，有4-5片，意粉淋淋地剛剛好，係成個餐最好既部分。奶茶 - 茶偏澀、好稀身果款。

一到搵餐廳既時間就係打開黃店app 係尖沙咀平價既選擇唔多 聽過光榮冰室但未食過就去左試試禮拜日7點半晚飯時間都有d驚冇位 好彩趕得切唔洗等位 食完出到去就排晒隊喇雖然天氣未到好凍 但見個個都食煲仔飯就嗌個黎試下 兩個人一個飯唔夠飽 就嗌多左個沙嗲牛通茶記最經典既沙嗲牛 份量相當多 而且啲沙嗲汁溝落個湯度勁入味 唔會變左牛肉還牛肉通粉還通粉 牛肉都好嫩滑無筋 $30黎講性價比好高而通粉係用舊式冇坑紋既通粉 個人喜好鍾意有坑紋嗰隻多啲 不過傳統茶記多數都用呢隻煲仔飯又係多牛肉 牛肉一樣咁滑 隻窩蛋撈完之後變咗熟蛋 熱辣辣再加上好味既甜豉油 天氣再凍啲食就更加正整體來講質素都中上 係間值得再懲罰嘅黃店

永遠站在良知的一方。當你埋怨著阻礙你上班生活的人，請想想6月初是誰要推出惡法，是誰用實彈去射向手無寸鐵的人，當你仍在支持當權者時，下位受傷的都會是他也是你和我，請醒覺吧！感謝有一個app 可以清楚找到良心小店，包括這間光榮冰室。是日午餐：咖喱汁豬扒腸仔飯配茶走咖喱汁味濃，帶點辣，但不會過份辣，滿滋味，撈飯吃一流。豬扒都好大塊，以冰室質素來說，這件豬扒好好吃茶走，茶味超濃，加上適量的煉奶，令呢杯茶走大大加分。下次一定會再來

<光榮冰室 願榮光。。>呢間出左名黃 點都支持下 喺呢個運動未出現時 已經試過佢煲仔飯 十分唔錯 大家都知 有時黃但唔好食都幾難頂😂, 不過 與其去 d冰室 要聽到 d無腦既人講 d無良知既言論 甘我不如揀間有同理心既冰室好過 所以今次就揀左光榮黎試👍🏻🍴咖喱豬扒腸仔飯 40 蚊🍚🐷好抵食 多白飯 個咖喱汁幾香濃 甜咸適中 有 d軟熟薯仔 同爽口洋葱 豬扒一塊 但都算大 煎得幾香 豬肉味濃 .🐷腸仔就正常煎腸仔 冇乜特別 但經濟實惠🍴特餐 30 蚊沙嗲牛肉煎蛋公仔麵🥚全日供應 特餐 價錢算相宜 .煎蛋 出面帶 d香脆 蛋黃有少少流心🥚 牛肉 似滑牛 但近筋位有 d彈牙 個醬汁咸左 d可接受🐂 如果撈埋 湯啖番 d都 ok 👍🏻Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#光榮冰室 尖沙咀厚福街 5 至6 號 地下6 號=======

今時今日喺尖沙咀要搵到50蚊內嘅快餐少之有少，光榮係其中一間，平得嚟又好食。去過2次，2次都係食晏。而且好多人排隊，証明光榮喺尖沙咀地區都係熱門嘅餐廳。睇相都睇到佢個蛋有幾juice。呢個滑蛋沙嗲牛肉飯性價比高，大大碟，記得好似只係45蚊，而且凍飲係唔使加錢。沙嗲牛好夠味，亦都有好多片牛肉，食到食完個飯都未食哂啲牛。滑蛋加埋沙嗲牛非常好食。之後有一次食過蔥油雞扒飯，雞排煎到好香，再淋埋蔥油上去，絕配。