來多碗車仔麵 (上海街)

Open Now

Now Closed

話說呢一區既車仔麵係好耐之前已經執哂突然間有一間係度開! 價錢唔算貴身為街坊梗係要去試下 一入到去, 都算整齊, 而且食材既選擇係超多又有唔同套餐揀, 真係睇花瞭亂, 上至主食, 下至小食都有 今次揀左既係籮白, 豬紅, , 牛根, 腐竹卷配既係米粉四餸一麵既套餐係43蚊 先講個湯底, 唔係一味既味精湯, 濃濃的腩汁既味道 豬紅份量都幾多下, 有6粒既豬紅, 幾爽口 籮白超大碌, 冇渣!! 而且係勁入味 牛根, 勁淋勁入味, 不錯不錯, 份量都唔少!

呢度既感覺好似返返去舊時既車仔麵店一樣係要排左隊係廚師面前揀餸 可能係新開既關係, 唔洗排隊就食到 呢度既食物選擇超多, 真係要諗好先入去 玻璃魷魚、紅腸、蘿蔔、金錢肚米線叫左腩汁 而辣度就係自己任加的仲有隻超級極辣 如果鐘意食辣既可以去挑戰一下 湯底就咁睇啲色水都知道好濃我加左少少秘製辣汁 幾好食同好惹味呢個辣度岩岩好, 唔好一野係咁加呀 費事紅住個咀走 料方面好足料！ 紅腸好爽口, 有4片 蘿蔔大片兼入味， 魷魚爽口彈牙!! 係真係玻璃魷魚黎 豬大腸好淋好正由於有太多食材可以揀! 下次一定會黎試埋其他

夜晚同妹妹支公食飯，簡簡單單方便快捷 係首選， 於是就揀咗好多區都有嘅來多碗車仔麵，  我哋揀咗旺角果間。 首先門面乾淨企理， 唔會烏哩單刀，  價錢方面夠平民，28蚊就有兩餸，加多餸就加六蚊。 首先叫咗碗素的車仔河。 河粉夠滑溜， 大大碗， 湯底唔會過鹹， 而且 感覺冇落味精。  冬菇厚身大隻炆得淋， 夠入味。 豆卜炸過嚟， 入味好食， 生菜大大份。 另一碗叫咗多啲餸， 辣魷魚， 辣辣地爽口好食， 牛筋炆得淋夠曬骨膠原， 鹵水雞翼夠入味， 大大隻 龍蝦味魚卷， 勁大條， 咬落啖啖肉，好食過魚蛋。 通菜畀得多差唔多每次夾親米線都隔咗一條菜 最後仲叫左碟蘿蔔當係油菜，清甜冇渣又夠淋，好食。 最後不得不提係自家製嘅辣醬， 唔算好啦夠鹹香， 加少少落個碗粉到，味道即刻提升。 簡簡單單就一餐，方便好食， 最緊要唔貴， 唔想煮飯都會再嚟過。

同班同學仔溫完書就去左來多碗車仔麵度食小小野先返屋企。見到店面裝潢乾淨又有少許人龍，我估伏味不濃。細細個樓下賣車仔麵既鋪頭都係有個姨姨企係塊玻璃後面，我地指乜送個姨姨就會夾乜送，而家好多地方都轉曬做落單／圈紙仔。而呢度睇落好新潮，但係傳統既叫車仔麵方式仲保存左。我同朋友一埋去就見到舊午餐肉好大舊，我好中意食腸仔午餐肉同魚蛋呢D父母稱之為冇益既加工食品，見到咁大舊午餐肉就好想食！叫完之後發現原來冇得揀湯，睇色水以為好咸，其實岩岩好。我唔客氣喇！

旺角後街有一間平靚正既車仔麵，原來呢間已經5-6間分店五餸麵$50好抵食！有咖喱魚蛋（好彈牙好味，有d似四洲魚蛋）蘿蔔（好多汁好甜好正）雞翼、貢丸、豬紅加$13有秘製豬手（好膠好滑，食多d補補骨膠原）另一碗有墨魚丸、魚皮餃、牛腩、金錢肚（係高質既金錢肚，明顯見到一格格）、糖心蛋（呢隻蛋好正，個心好流心）佢有秘製醬油：魔鬼辣醬（佢辣d既，但我要中辣麵唔係好辣）、秘製辣醬（佢係甜甜甜地辣辣地，唔辣得辣既可試下）旺角呢間係門口點好餸，然後俾錢入座，似以前車仔麵檔feel

上星期平日收工，唔知食乜好。。。咁岩經過就諗住試一下因為都好耐無食車仔麵了，時間大概7,8點夜晚，人唔太多。。。一個人都有卡位坐一入去店員主動提醒先落order，叫咗個油麵，豬腸，魷魚，蘿白等等。。。都好快手！ 蔥同辣就自加 辣有兩盒係到，不過我就求其加一種味道可以，不過唔夠辣我覺得。。。下次應該要試另一隻辣！ 總括嚟講都正正常常過得去的！ 蘿白斷好食，青甜！不過價錢就唔算特別平啦，我加咗支豆槳 大概50幾蚊都要

個阿叔超無禮貌，諗食乜餸諗多一秒都想鬧我，真係好無禮貌。雖然幾廿蚊食個麵都無乜要求，但都唔洗咁掛。個麵又唔好食，d人勁無禮貌，一定唔會再食，食個lunch都咁，認真咪攪

唔食唔知原來呢間來多碗車仔麵有咁多分店。不過好多時經常發生嘅情況就係，唔知點解有啲餐廳可以咁多分店。點解嘅餐牌唔係有好多係自家製嘅食物，反而好多係現成就咁水煮完就可以食嘅。但係最高興嘅事竟然有瀨粉。湯底以腩汁味為主，加咗一小匙嘅秘製小辣醬，湯底未有太大變化。豬腸有點未炆透，中心位置唔係煙韌而係咬唔開，同埋炆嘅汁無咩味定唔入味。魷魚爽口彈唔係彈牙，同樣係唔入味，亦唔辣。豬紅更加係無味。台灣魯肉最差，未到就夠入味啦，但瘦肉部份難咬非常，肥肉部份更加係咬唔開。朋友嘅雞翼冇炆到爛晒，味道剛好，肉質仲响度。冬菇味好香，但係冇其他調味就無乜。蘿蔔夠晒味，變得太夠味有啲咸。