來多碗車仔麵 (民裕街)

Open Now

Now Closed

今日朋友提議想到紅磡挺出名的車仔麵試一下，名字叫”來多碗”也挺搞笑。。。這裏的地點不太方便，又不太近地鐵站，所以最後選擇了搭地鐵再轉巴士才到達。。😅我叫了三餸一面，有金錢肚，豬紅及魷魚。麵方面當然是配車仔麵最經典的油麵啦！豬紅也挺大粒，可惜吃下去有一點腥味😭吃了一顆後便不想再吃了🤢魷魚方面是爽口的，我覺得質素合格吧，至於金錢肚也可以接受。油面是正常的，至於湯底方面真的非常一般。好像是清湯一樣，沒有吸引的地方。價錢是便宜的，但質素非常一般👎🏻，而且地方不太方便，進店後所有店員也是是講普通話的，猶如身處於內地一般。我想光顧這一次便夠了。

住紅磡咁耐先第一次試來多碗車仔麵舖頭幾乾淨企理，可以望住佢啲料，同睇晒個廚房，所以唔驚污糟價錢算係幾平，五餸$44,好多選擇，種類多豬腸入味，牛肚爽口彈牙辣魷魚好爽脆，但唔夠辣。咖哩魚蛋幾彈牙，有魚味，但唔係好夠咖哩味。唔錯，可以再黎

日本有拉麵，意大利有意粉，泰國有船麵出名，最代表到香港，就一定係車仔麵來多碗車仔麵係我最近係紅磡發掘到既驚喜舖頭唔大，但座位都幾闊落，我幾欣賞呢到幾乾淨，唔似出面好多麵檔啲枱枱櫈櫈都油淋淋，起碼可以食得舒服啲價錢好親民，5 個餸都只係$44廚房係開放式，你直接望到佢啲餸，所以落單就咁指下你想要啲咩就得！ 你可以睇睇到實物去揀，咁就包保唔會揀錯我揀左5餸麵，承惠$44餸多到我睇唔到麵底啦，超豐富豬腸處理得乾淨，滷得好入味牛肚係必叫，爽口彈牙，同平時炆到好腍既，又係唔同口感辣魷魚，雖然唔係好食到辣味，但味道唔錯，好爽脆另外咖哩魚蛋魚味都重，細細粒，幾彈牙叫左粗麵，冇簡水味，麵質彈牙，好食！朋友叫左3餸$32。大大塊漢堡扒，抵呀！滷水鮮腐竹，唔係到到有得食，朋友話味道幾鮮，幾入味菜肉餃皮薄餡多！呢到既豆漿都唔錯，唔係太甜，豆味重，推介大家試下

今日係公司上完堂順道行下街，路經此店就比門面的功夫熊貓吸引左入店內和朋友一起享受晚餐車仔麵都是為人熟悉的一個地方，好多都一定都設定要配麵但來多碗依間可以淨叫餸，可以滿足到想食小食同想有小小飽肚感小女生首先入到去職員好禮貌問要咩麵底，要唔要菜底咁我唔算好肚餓就叫左幾個小食豬腸鴨血豬腸洗得比較乾淨味道都幾入味，彈口，鴨血嘗嘗鮮秘制豬手豬手比較硬身爽口，咸度啱啱好溏心蛋煮既時間非常恰當，蛋白熟透，蛋黃流心凍豆漿夠凍，甜味唔太重，有小小豆味朋友叫左個幼麵，雞翼，牛柏葉，豬腸，生菜底幼麵食落爽口雞翼夠滷水味，肉質較林牛柏葉入味有點辣辣的，彈牙蔥新鮮，重蔥味店的格局鮮明，整潔衛生可以慢慢的坐下聊天，不會趕人走晚上進來吃的人頗多的

紅磡一向都多好野食，今日行到紅磡心血來潮就食下車仔面先。呢間來多碗車仔面，好有傳統車仔面嘅風格，裝修都幾好。入到去叫左一個五餸嘅車仔面，有雞翼，牛腩，特級包心丸，漢堡扒，魚皮餃。店員好好人，會問你要唔要菜啊，要唔要辣汁。佢地嘅辣汁同甜醬都係自家製，好吸引。湯底都係鋪頭自家製，味道好好，唔會太鹹或者太淡。牛腩，魚皮餃同雞翼都食得出係用料上乘，同出面嘅車仔面唔同。仲有出面比較稀有嘅漢堡扒同包心丸，湯汁多多，又幾有創意！漢堡扒仲有少少黑椒，感覺好夾，包心丸入面係豬肉，特別得黎又好好食！菜係唔洗加錢嘅。一個五餸車仔面44蚊，再加一罐凍嘅汽水8蚊都係52蚊。出面都應該幾難揾到50幾蚊有一碗五餸嘅車仔面，重要有埋野飲。超級抵食！

來多碗車仔麵紅磡同黄埔不嬲多野食，前兩日去紅磡揾朋友順便覓食😄又比我發現間又平又好味既車仔麵喎😋😋一入到去環境乾淨企理，光線充足，好舒適👍🏻我叫左4餸麵，都只係$38咋😳😳😳食肉獸梗係叫曬肉🤤分別係馳名辣魷魚、秘製牛腩、爽口金錢肚同惹味豬腸，魷魚好新鮮爽口！牛腩同豬腸肥瘦剛好，好入味，金錢肚都好彈牙，菠菜麵係我最愛，車仔麵有菠菜麵揀真係好特別👍🏻👍🏻朋友叫左菜心、魚皮餃、包心丸、牛筋丸同章魚燒，再叫多碟生菜蘿蔔同牛柏葉，d菜好新鮮👍🏻蘿蔔清甜冇渣🤣包心丸好特別，會爆汁勁好味👍🏻章魚燒其實係章魚丸咁，但真係好好味好有咬口🤤PS 佢個秘製辣醬一定一定一定要試!!!!! 好惹味！

過嚟同朋友食個晚餐，佢遲放工急醫肚。佢話帶我食係觀塘轉戰紅磡既車仔麵。入到嚟咁乾淨闊落既？改觀左食車仔麵概念！我要個粗麵個底，爽口，勁多麵粉好多對女仔！食腸仔係因為近來話廚師腸無啦，有廚師腸既回憶呀！比着我平時未必會食，始終腸仔比較感無咁健康。枝竹本身平平淡淡，落左去瑞士汁甜甜升華呀。再加上湯底濃而不感，好欣賞有家居感既車仔麵。馳名辣魷魚，見佢個樣嗰時唔知道佢係辣啦，點知一食就知錯，對我嚟講小辣！中式煮既魷魚係乾脆口。魚皮餃高質都，唔係用餃子皮個d！秘汁雞翼大大隻，厚肉大隻囉。如果叫一麵四餸44蚊有兩隻大雞翼實飽，滿足！另外朋友叫紅薯粉，又係通菜。菜既份量係好支持大家食多d菜！依期通菜都幾好，爽口通菜頭。秘製牛腩，有少少八角味唔錯。日式餃子大隻多肉。魚蛋勁辣，辣到入心！好彩有墨丸救返個味蕾左！豆漿係包裝定，以為會好甜，點知岩岩好！

由細到大，都好鐘意食車仔麵，因為可以自已揀啲鍾意食嘅餸！星期六同媽媽行完街，於是就嚟呢間鋪頭食個下午茶。呢度食野需要排隊自己叫餸，見到咁多嘢食，簡直心花怒放。我和媽媽都各自叫咗四餸。我要河粉，蘿蔔、牛腩、豬腸、玻璃魷魚。蘿蔔炆得勁腍，而且十分鮮甜，無渣，並且充滿湯汁， 十分出色。玻璃魷魚都好好味， 魷魚晶瑩剔透，十分爽口！豬腸洗得十分乾淨，完全冇內臟嘅味道，亦都見唔到肥肥的油脂層，食落十分安心。另外，我叫了一杯凍豆漿，甜度適中，如果有熱豆漿更佳。

又來到紅磡，今次唔想淨係掃街，想搵個乾淨嘅地方坐喺度食餐飯，就嚟到食車仔麵。一碗四餸麵都係$40有找，有好多餸選擇，幾抵食。細個好唔鍾意去車仔麵檔，因為通常都唔太衛生，冷氣又唔夠，但呢間車仔麵店完全顛覆我對車仔麵嘅印象，環境光猛冷氣又夠，而且座位幾闊落，坐得好舒服😌做咗全日野，好肚餓，一叫就叫左一碗五餸麵，有豬紅、白蘿蔔、生菜、章魚燒 （即係章魚丸）、滷水蛋同埋牛腩。見到咁多餸都流晒口水，點知原來重點係秘製辣醬度💕鍾意食辣嘅朋友唔好吝嗇攞多啲😂見到店員係將兩種醬撈埋一齊，有辣椒🌶️醬（有紅油嗰種）同埋豆瓣醬。要特別讚下白蘿蔔，冇估到咁清甜😎👍🏽呢一隻辣醬點咩都咁好食，點牛腩梗係香口啦，牛腩切到細細粒，一啖一粒，雖然比較多肥膏，但好有牛味，肉質算係幾滑。章魚燒幾彈牙，索左啲牛腩汁仲好食。可能因為我個人比較鍾意食得清淡，見到牛腩汁令到成個湯底都比較油，就唔想食晒啲米粉，如果怕油的話，下次可以叫店員用另外一隻碗盛牛腩。

男友好多年前已經開始喺觀塘幫襯呢間車仔麵，經常盛讚佢既秘製辣醬好好食，今晚去開黃埔就順便黎呢間新開分店朝聖🙈秉承返老店一樣，係先點餐畀錢，跟住有staff幫你捧餐😀我叫咗一個鹵水蛋，豬紅，豬皮，秘製魷魚同菜心油麵， 因為佢嘅魷魚本身係辣辣地，所以我就冇再加辣😅鹵水蛋味道正常，豬紅入口幾滑， 豬皮唔會太淋偏彈牙，魷魚剛好熟唔韌，配埋佢既辣醬好得！😁 菜心就好嫰綠～麵底份量幾多，軟硬剛好👍我有試埋男朋友嘅蘿蔔同埋墨魚丸，蘿蔔好甜又淋😍 人地話秋冬食蘿蔔對身體好，哈哈！ 墨魚丸都食得出唔係cheap野，好彈牙同真係有啲墨魚係裡面😁😁分店可以保持到老店既水準係幾難得既事，繼續加油👏👏

某天經過工廠區的後街，看見一個熟悉的名字，原來是我偶爾也會在觀塘食lunch的店舖。這間車仔麵在觀塘也蠻有名的，所以這天要吃個簡單晚餐便來這裡試試它可否保持水準。和觀塘店舖一樣，都是先點菜然後姐姐拿給你。我點了魷魚、章魚燒、蘿蔔及台灣黑椒腸，選了新鮮烏冬。另外一讚的是店舖光猛乾淨，還有一幅幅有意思的璧畫，一洗舊式車仔麵店的簡陋。平日的晚上這個位置來説人也算很多，不過流動得快所以也不用等位。不難發現魷魚是他們的招牌，連牆上壁畫也有正在吃魷魚的熊貓和大大隻八爪魚！的確一咬下去，魷魚超級彈牙，而且很入味。另外蘿蔔也是我非常推介的，不知為何可以煮到這麼鮮甜，簡直甜得有點過分！黑椒腸是比較少見的選擇，小小黑椒但又帶點甜味，味道很不錯。唯有覺得小小失望是章魚燒其實是章魚丸（味道是不錯的，而且有章魚粒粒；只是我期待的是章魚小丸子的口感）。烏冬的口感似是上海麵，但又出奇的搭！只是實在是非常飽肚，對女生來説實在太飽了！反而朋友點了個紅磡店才有的菠菜麵，雖然明知沒有菠菜味，但那個麵的質地很彈牙，可以一試！當然，另一個必試的便是秘製辣醬，非常深色其貌不揚，但獨特的配搭包括磨鼓醬及沙茶醬，那種微辣的口感絕對在

今日係附近打波，打波前都要搵野食醫下肚，唔想食太多搵間車仔面食就岩岩好，上網搵下之後就決定黎依間試下。 佢係半自助形式，先排隊買車仔面，之後再搵位坐，店舖裝修得好光鮮，而且座位都好舒服，唔似大部份車仔面店咁比較市井。而且價錢非常大眾化，一面兩餸都只係26蚊，就算係五個餸都係44蚊。見咁抵我就一於左五個餸，加埋杯豆就五十蚊左右。 叫左油面，餸有生菜，貢丸，魚蛋，牛肚同埋魷魚。佢有得加辣醬但因為打波前既關係，我就無加，只係加左D蒽花。 魷魚非常正，份量多之餘，每條魷魚都好爽，而且D醬汁好入味，推介。牛肚都係好入味，而且好腍。另外，我以為咁平既車仔面個面底應該唔係好多，點知個面份量好多，本身想食小小野但最後都食到好飽咁走。 坐係度食個陣原來仲有其他出名既餸無點，下次黎要試埋其他!

本來開係觀塘車仔麵在紅磡重開左！不過有小小難搵路，要跟著google map 先找到。睇睇餐牌，5餸先至$43！學生👨🏻‍🎓仲有紙包飲品送。見好多人夜晚過來買剩餸，$8一個餸，加餸好抵呢！同細佬每人點5個餸，即係總共有成10個餸咁多😍姐姐推介下試左招牌辣魷魚🦑，花菇（必食！真係好大舊同好感很好👌🏻！），陳記章魚丸🐙（真係有章魚粒🥰），咖哩魚蛋，牛筋丸 （好彈牙），豬大腸（好乾淨呢），牛腩，豬紅，好甜的蘿蔔😋同2份韮菜（因為我地2個都係鐘意呢個菜😬😬個麵底試左懶健康的波菜麵😂個湯底無味精，細佬勁到湯底都飲哂

最近重回車仔麵懷抱。有日早左放工，又未到上堂，經過紅磡內街見到佢幾光猛就走左入黎休息兼醫肚。食車仔麵最邪惡係見到咩都想食，結果就叫到成碗嘢去親車仔麵舖都會點豬腸同蘿蔔，呢間豬腸巧乾淨，唔好有臭味同佢整得爽口；蘿蔔揀得好靚 好清甜好少可車仔麵有小食，忍唔住點台灣黑椒腸同溏心蛋。 隻蛋醃得有啲甜甜地，入面蛋黃少少流，好滿足但美中不足係我眼大睇過龍！我見唔到佢有波菜麵！！！！！下次我要再食呢個。光猛 好坐 闊落仲要有畫睇🤣🤣向後望見到呢幅，當鯉遇上章魚🤣🤣但呢幅我最鍾意，食飽坐多陣可以望下佢。(呢度姨姨好好，你食完坐都唔會趕你走。)呢度值得黎，佢唔多味精，食完唔渴口，好！重！要！。會encore😍😋

我一直係車仔麵fans ,知道「來多碗」開新店無理由唔試啦（仲要係我屋企附近），新店係红磡廣場附近，都好易揾，店內装修都係一貫作風簡潔清雅，坐得舒服。全店姐姐都笑臉迎人，好nice ,唔粗魯今日遲左食晏所以好肚餓，咩都想食於是叫左米線、沙爹鱿魚惹味又爽脆，豬腸有滷味又唔韌，牛腩入味又瘦、豬皮我就鐘意再淋D，居然衣家仲有通菜，湯底自然不會死咸，加腩汁、辣椒油，原來亮點係秘制辣椒油，有香味，辣度足，起左劃龍點晴作用。成碗變左加大碼😅唔知點解又食得曬喎!😂食完行去搭過海巴士，隧道口例牌塞車，去到西環落車，前前後後都2hrs 有多，都唔覺口乾口渴，ok啦