Ho Hung Kee

呢排好多人病，同朋友都有啲消化不良想食清啲，就去左希慎廣場嘅何洪記試下😏✨招牌牛腩撈麵牛腩入味，幼麵彈牙，配幾條嫩菜心，份量都唔少✨北菇滑雞粥粥底綿滑，不過就唔係生滾粥咁濃雞味，雞件都滑，配香菇同薑絲係想像able地match✨菜苗餃4粒，感覺係多菜蝦餃😎蝦彈牙爽口，但整體就唔算太突出✨炸鯪魚球上枱夠熱，表面都香口，魚味濃，個人比較中意呢個😌埋單連茶錢$332👌 隔離基本上都係遊客，打個卡快食走😂 如果同朋友想坐得舒服啲，呢間係ok，不過以性價比嚟講都有其他選擇🙂📍 何洪記 (銅鑼灣)銅鑼灣軒尼詩道500號希慎廣場12樓1204-1205號舖…Read More

講真，食喺何洪記嘅雲吞麵同乾炒牛河，真係讓我回味無窮 🤤。呢碗雲吞麵，啲麵條食落去真係爽口得嚟又彈牙，個個雲吞咬落鮮嫩嘅蝦肉，同埋滿滿嘅肉香我真係食到停唔到口。湯底清甜不膩，幾口落肚，已經覺得今日啖啖正！乾炒牛河就更加勁爆啦，河粉滑溜溜黐住欖菊籽油嘅香味，啲牛肉條條分明，細嚼中有肉汁飄香，一句「鑊氣十足」真係岩哂形容。而家講起另一焦點嘢--xo醬煎腸粉，好滑，呢個煎腸粉，忍唔住要再加一句：“夠曬味”！😋 Xo醬將佢嘅鮮味提升咗唔知幾多倍，煎得啱啱好，既金黃外皮又唔會煎硬咗，軟熟得嚟有咬口，一於係絕配。😍 大家下次想食地道港式美食，記得嚟何洪記攞一份吖！…Read More

何洪記拎咗好多年嘅米芝蓮推介，味道上應該有返咁上下水準。之前食過幾次都係食雲吞麵覺得味道唔錯，直到有一次唔係咁舒服，去咗嗰度食碗粥嘅時候發覺原來粥先係最好食🤣😋咸瘦肉粥佢哋嘅粥煲得好綿滑，唔會太多水或者太多米，啱啱好～撈埋啲鹹瘦肉，帶出咗個鹹香。瘦肉亦都唔會好乾，係我喺香港食過最好食嘅食粥地方🥹乾炒牛河炒得多乾身嘅，但係偏油咗少少，味道方面不過不失同出邊嘅差唔多～菜心冇乜特別，純粹嗰時咁啱想食碟菜，所以就叫左🤣係貴嘅差唔多$100一碟，大家如果要食菜建議都係喺屋企食好啲🤣我會話總括嚟講水準係OK嘅，但係價錢都係偏貴，最值得食既係粥，其他嘅話就自行決定啦…Read More

係呀，我又去食雲吞麵，不過今次不是一個人，而是兩個人諗住食飽去開工。在希慎廣場10-13樓幾層有不同的食肆選擇，開工之前沒有太輕鬆的心情去享受一餐，反而食碗雲吞麵簡簡單單更輕鬆。何洪記這老字號，我由銅鑼灣街鋪吃到現在希慎靚靚商場樓上鋪，味道靠得住，當然是食飽去開工的首選。當我話「簡簡單單」食一餐，千祈不要相信我，我行得入何洪記，又點會只叫一碗雲吞麵呢😆 大雲吞麵一碗，肉丸粥一碗，白灼腰潤腸，蝦餃，鮮竹卷，油炸鬼！回想以前吃街鋪雲吞麵檔，不離主打的雲吞或水餃麵，加碟油菜已經是一餐。早年我幫襯的何洪記街鋪除了雲吞麵，已經有其他粉麵飯，我還吃牛肉的年代，經常去何洪記吃乾炒牛河，非常好味夠鑊氣。近年在商場上樓了，餐牌選擇也多了，還有我最喜歡的幾樣點心，與其說是「去吃雲吞麵」，其實更應該說是「去飲茶但有老字號雲吞麵吃」，成件事聽落精彩得多，但又不失傳統老字號的招牌，完全是我的口胃。…Read More

何洪記 銅鑼灣 香港 米芝蓮🌟2010年舊店首次奪得米芝蓮🌟榮譽，其後因搬遷關係，在2015年希慎廣場新店重獲米芝蓮🌟蟬聯至今，可以說首間香港粥麵店獲得多次榮譽。 何洪記由1946年以雲吞麵及粥品創業起家至今，是一間香港老字號的食店，其何洪記三寶（乾炒牛河、雲吞麵、及第粥）亦深得外國客人歡心。 作為香港人雲吞麵、粥品、乾炒牛河及點心由小童年代到大人年代經常品嘗，所以好難晌呢幾款食品搵到太多驚艷之處，審視味道亦會較為苛刻，不過講真何洪記無論味道同價錢都算係合理範圍。 服方面有少許短板，唔算係無禮貌，但可以再改善，上菜方面不要🙅一次上太多，有需要可以連蒸籠蓋一起放上防治客人食唔切點心太快變冷。粥品麵食可以主動提供多一隻湯匙，爭取較為貼心的服務。 正斗生腸及第粥：這個粥綿綿、滑滑、食落又有少少鮮甜，非常對胃口。材料亦唔少，有豬肚三片、豬肉丸兩粒、生腸兩片、豬潤兩片，沒有任何豬腥味。豬潤非常精粹煮到剛剛熟唔老，保持嫰口，平時唔多喜歡食佢的我都忍不住吃清光。 ，正斗鮮蝦淨雲吞：沒有選擇，淨雲吞就是細粒😩明明雲吞麵有粒的雲吞。蝦肉爽口比例還比豬肉多。湯底有大地魚及蝦籽淆製。 懷舊鮮蝦餃：大大粒，蝦餃皮口感煙韌略有少少厚身，蝦肉大大隻，爽口彈牙。 鮮玻璃明蝦腸粉：三條腸粉，每條腸粉有兩粒大大的蝦肉，爽口彈牙，兩粒蝦肉中間有韭黃分隔，腸粉皮滑嫩。 蟹籽燒賣皇：蝦肉比例比豬肉多，蟹籽冬菇增加燒賣味道及口感。 下次會去試乾炒牛河😋。…Read More

同朋友行完誠品上12樓搵嘢食，個friend話想清清哋食粥麵於是去咗何洪記，感覺幾特別。接待員安排咗近門口嘅卡位位置，好鬼靚，tiffany blue色嘅梳化，有盞小小吊燈，勁襯港女下午茶。呢個位幾好，好似自成一角，唔會嘈可以傾下計。鮮蝦雲吞麵果然係粥麵專家，麵質彈牙，湯鮮甜忍唔住成碗飲晒。雲吞剛好一啖一粒，蝦同肉嘅比例都啱啱好，我勁自私食晒啲雲吞留返晒啲麵畀個Friend哈哈。乾炒牛河開頭都怕肥膩，但聽講就連蔡瀾都推介，咁就試下啦。真係好驚喜，一啲都唔油，食得出夠鑊氣，同埋炒得好勻，唔會有啲咸有啲無味咁。牛肉明顯新鮮，唔係嗰啲腌到變味嗰種。XO醬煎腸粉值得推介，少辣惹味，腸粉唔係厚皮嗰種，最出色係個豉油，一倒出嚟已經好香，食落唔係咸，係鮮味，可惜豉油無得散買，如果唔係都想買返枝~…Read More

同朋友喺希慎行完誠品搵嘢食，於是上咗十二樓食何洪記。入到餐廳嚇一跳，咩事裝修得咁鬼靚，一啲都唔似粥麵舖，坐出面嗰排卡位勁似港女下午茶嗰啲feel，tiffany blue梳化再加小小吊燈，不得了。去何洪記一定要食雲吞麵，碗麵熱辣辣好鬼過癮，食到殊殊聲。麵好彈牙，雲吞好得，湯底鮮甜，我成碗飲晒，飲完唔覺口渴。另一個一定要試嘅係乾炒牛河，聽講連蔡瀾都讚好。試完覺得好有鑊氣，每條河粉都炒得好均勻，最緊要係唔油膩，你知啦，乾炒牛河同油係掛勾架，但何洪記嗰碟我又唔覺油喎，最起碼隻碟食完係唔油呀。最後唔夠飽叫多個xo醬煎腸粉。頂呀，係我食過最出色嘅煎腸粉！少辣好惹味，個醬油好香，腸粉唔係嗰啲硬到可以打人嗰種，煙煙un un，好可惜個醬油無得另外買，如果唔係都想買返枝。…Read More

今日叫咗外賣， 送到嚟嘅時候嚇咗我一跳 炸醬麵 70蚊 連半個飯碗都冇 基本上一啖 咁多。 我平時撞食冇咁少， 真係以後都唔敢叫佢啲外賣。 之前堂食 冇咁細碗 擺明 因為外賣所以搵笨。…Read More

晚上8點到機場，reception 態度很差！🤮叫到我號碼比飛佢但一眼不看，以為佢忙緊就再等等，但過幾秒佢再叫下一個。我先再比飛佢，佢：下！過左啦喎，再等過！（黑人問號）明明一直企佢前面遞飛比佢。🫠🫠🫠一坐低飲茶，個杯仲有陣咸味（大嘔）無人斟過茶仲收茶錢。傳菜的也不好禮貌🫠🫠一聲不吭一野飛啲麵過黎。。。叫左正斗水餃麵，雲吞撈麵，2樣都好難食！麵好硬，雲吞好難食🤮🤮超市買即蒸的都比佢好🫠總分：0分…Read More

啲咖喱汁超級稀睇影出嚟嗰幅相就知道望落去一啲都唔吸引牛腩雖然幾嫩但係一啲都唔入味同佢賣廣告上面個圖完全係圖文不符好在我哋都嗌咗碗雲吞麵如果唔係嘅話我可以話佢啲咖喱牛腩係非常之唔好食大快活都好食過佢多多聲佢哋提供嘅辣椒醬有啲太鹹食得多有機會腎虧搞唔掂:(同埋一開始我哋兩隻碗望落去雖然乾淨，但係仔細睇有勁多油好彩服務態度都算好同佢講聲之後即刻換返兩隻乾淨啲嘅碗俾我哋同埋加茶嘅頻率都高唔使特別叫佢幫我哋加茶…Read More

上星期撳到旅發局優惠，食滿$200減$160 ，以為撳到優惠，好抵食，點知…….. 午飯時間入到去，好多吉枱，已經心知不妙，一個人，諗住叫碟薑汁炒芥蘭加個淨雲吞水餃，叫多杯豆漿，啱啱好$200！薑汁炒芥蘭叫價$115，但上枱時碟芥蘭就同平時油菜碟芥蘭冇乜分別，只不過落油炒咗兩下，冇薑味，好多油，比普通油菜大碟！如果唔係用優惠，我應該會即刻叫佢拎走！雲吞水餃不過不失，但唔明點解會係米芝蓮，出邊大把選擇而又好食過佢難怪旅發局送$160，咁大隻蛤乸隨街跳…Read More

去到希慎，本來諗住上去打邊爐，點知，人山人海，都唔知要等到幾時先有得食，所以就落咗樓下去左何洪記食嘢。見到佢係米芝蓮餐廳，所以應該有啲質素同期望。叫咗個豬潤及第粥同埋淨雲吞。老實咁講，啲侍應就係一貫嘅舊式港式餐廳嘅服務，真係粗聲粗氣嘅服務，非常有本地特色。鮮蝦雲吞唔錯，大地魚韭菜湯都幾有蝦子嘅香味，鮮蝦類嘅食物有水準，雲吞淥時間掌握得幾好，個皮唔會太淋，入邊嘅豬肉同埋蝦時間掌握得啱啱好。豬膶粥粥底唔差，豬膶都算爽口同埋冇苦澀味。米芝蓮應該有嘅水準，但係價錢偏高，所以對佢嘅期望係會高少少，整體不過不失冇乜大驚喜。…Read More

打8號風球之下京林屋收左工，於是黎左對面既何洪記食晚飯。除左招牌雲吞麵之外，餐牌都有其他湯麵，撈麵，粥，腸粉，炒粉麵，點心，糖水，小菜同厨師推介。選擇好多。原汁柱侯炆牛腩 $148 另加一叫左個大原汁柱侯炆牛腩，要求多d牛筋，好彩，因為牛腩好麻麻。牛筋炆得都好淋，味道好入味，不過味道偏鹹，牛味就欠奉。牛腩肉質麻麻地，得個鹹字。下底有5條菜心，上面灑上蔥花。總括，材料似乎係雪藏貨色，唔夠好。呢個價錢唔值。懷舊鮮蝦餃 $52 另加一懷舊鮮蝦餃一籠4隻，熱辣辣蒸起，皮厚度適中而蝦肉爽脆，質素算高過普通酒樓，可以點枱上既辣椒醬食。質素同尋日鏞記既蝦餃差唔多，不過價錢平差唔多一半。正斗鮮蝦淨雲吞 $61 另加一正斗鮮蝦淨雲吞一客9隻，雲吞好細隻，好過上次，無上次實，蝦肉都爽脆，可以點枱上既紅醋食用。個湯係好飲，堅有蝦殼味，仲有韭黃香，亦見到粒粒蝦籽。香脆油條腸粉 炸兩 $53 另加一香脆油條腸粉一客12件，另上豉油同太極花生醬同甜醬俾你沾。腸粉皮夠薄，油條都算脆口，不過有啲實，唔夠酥。生磨芝麻糊 $55 另加一叫左個糖水，生磨芝麻糊 份量正常，味道可以啦，唔會太甜，不過唔會特別好食，真係生磨？？奶黃水晶包呢個係送既，彈牙水晶外皮入面包住奶黃。皮稍為厚不過免費就無投訴。總括而言，食物質素正常偏好，蝦類食品好少少，服務座位唔錯，不過性價比低，呢個價錢就係米芝蓮價。…Read More

6月2日 親友到何洪記 (銅鑼灣希慎廣場何洪記) 午膳， 店員態度極差😡， 女店員安排４位親友 坐在狹窄的２人卡位 ， 親友提出坐另一張大枱 ， 女店員呼喝著 ：「那張大枱是給８人坐不可以給你們坐 」😡😡， 當時是兩點半過了繁忙的午膳時間 ， ４位親友腳碰腳勉強坐那張２人枱 ；🎒🎒🎒🎒背囊又無處可放， 請女店員提供一張凳放袋又say" no".,😡😡😡；更離譜是………… 其中一位親友需用手杖， 又是那位女店員 又呼喝著 ：「不要把手上放在路口會阻礙通道」， 但那處擠迫得連坐也不夠， 根本無法把手杖放在較入位置，女店員又不願提供空間大些的位置給客人， 還可以放在哪裏❓❓❓❓😡😡😡😡親友入座至離座期間一直沒有客人坐那張所謂的“８人枱”， 留空張枱有何作用❓❓❓❓❓😡😡😡😡😡米芝蓮指南食店不只是食物水準高， 待客之道也是非常重要， 儘管 評級不包括服務水準， 但是服務員態度差也會影響食客的心情覺得「食而無味」， 何洪記店員根本不當客人是人，# 何洪記不配在米芝蓮指南當中p.s. openrice 評分可唔可以係負⭐…Read More

行街行到攰就去咗呢間食佢嘅粥話說第一日上箍周圍去呢間食嘢，所以特別有回憶除咗粥之外仲有點心同埋粉麵，不過佢啲粥價錢都偏貴試咗兩款粥同埋一款點心分別係豬膶肉丸粥同埋鯪魚球粥鯪魚球粥好好食，有啲果皮味而且咬落爽口彈牙豬潤肉丸粥都算足料，大概有四粒肉丸啲豬膶好大塊，而且唔會好韌粥底夠棉，熱辣辣好正點心就是左佢嘅翡翠菜苗餃裏面有啲蝦，個皮唔會太厚同埋唔會太大粒…Read More