京疆美食店 (Closed)

今次約左朋友，去到深水埗個啲Party Room度玩，泊完車行過去時見到有叠傳單掛左係街口，仲比我見到有久違了既新疆羊肉！哈哈哈哈~ 撇左張睇，越睇越懷念以前食烤羊肉串既日子。於是我就少少地叫左幾樣野食外賣（其實啱啱先食完飯！）。我當然叫左孜然羊肉串喇，仲有京醬鴨絲卷餅，同埋傳說中既天山雪菊！今次因為太興奮既關係，食晒都唔記得影相，哈哈哈哈，影住張傳單頂住先！孜然羊肉串好好味，好懷念以前食過正宗新疆/北方菜既孜然羊肉，好惹味！肉唔會烤到好乾，仲好Juicy，好抵讚！另外既京醬鴨絲卷都係十足惹味，男朋友食到停唔到口，仲過份到話想encore，痴左！2樣野食都100分，最後到杯雪菊，佢堅係好勁菊花味，但好淡，我expect有甜味嫁囉~ 上次出面飲過都有甜味，今次呢度只有純菊花味，比地上黎真係遜色左。總括黎講，呢度野食滿分，杯飲品改善一下就perfect了！