九運來粉麵世家

Open Now

Now Closed

路過 問收銀 三個有冇位收銀員非收錢中 但冇回應我哋見有空位自己坐叫樓面收枱 路過我哋張枱三四次 終於肯收但收枱唔抹枱 叫抹枱完全唔理直接叫落單 一樣睬你都傻唔怪得知咁多食市 話幾好食一樣執笠啦

新春期間很多食肆都沒有開門，在街上想找一間普通的食肆吃飽便算。剛好見到這間九運來網上評語很像不錯，所以去試試，他們出名是牛坑腩但由於是新春期間都沒有坑腩了，所以我只叫了普通牛腩和魚蛋雙拼河粉、凍檸檬茶。他們這裏地方少少當然不能說坐得很舒服，但是味道還是很不錯的。我本身對這個牛腩沒有太大期望，但是出奇的美味，魚蛋味道也可以，而且河粉的份量頗多，真是大件夾抵食，我覺得算是可以吃的一間食肆，充滿誠意好像是家庭式的。

呢度出名食牛腩粉麵飯，一入到去已經聞到香噴噴嘅味道。估唔到一份都幾多下，牛腩煮至軟身，吸滿牛腩湯汁，牛味突出，新鮮又帶鮮甜味，性價比高。牛筋帶骨膠原，無怪味，各有千秋，值得一試。主食可以按個人喜好選擇麵條或改為飯，麵條軟硬度適中，飯夠熱，兩款搭配都幾夾。剩食有手撕雞，沙薑味夠出，雞絲唔嚡口，食落滿足，以一間牛腩店嚟講會話有驚喜。另外見旁邊都有唔少人叫全日套餐，包埋嘢飲好抵食，香煎雞扒煎至金黃，外層薄身，肉質嫩滑多汁，餐肉蛋又係邪惡但好味之選。而醬汁可以要蔥油、咖喱或黑椒，撈埋主食可增添香氣。

喺銅鑼灣都有大碗夾抵食嘅湯麵🍜呢間麵家除左崩沙腩 仲提供多款牛部位 除咗湯河 仲有泡飯 碟頭飯 常餐早餐🥣應該有超過200款嘢食🤣鮮味豬三鮮麵 $58 （轉魚麵 +$14）呢碗有齊豬手、豬潤、豬肚丸 三款餸豬手炆到好軟腍 淡淡都充滿膠質 南乳味非常香 豬潤就幾爽脆 豬肚丸幾特別 好彈牙又有胡椒香見到佢有得轉魚麵 食落非常彈牙 好似麵條型嘅魚蛋咁 有魚香 但係唔會腥 好味🤤-（淨食）手撕雞 $90手撕雞可以跟湯河 亦都可以單點 淨食會比較大碟可以揀沙薑或麻辣味 雞肉亦都唔嚡 入味但食完唔會好口渴底下仲墊左好多生菜😆食成碟好飽

在銅鑼灣sogo附近有一間吃粉麵的小店，下午茶時份提供下午茶餐幾抵食，這天和朋友行完工展會，選擇出來吃個粉麵比較實惠。雙丸河 $37 + 轉魚麵 $14雙丸河是下午茶餐，魚蛋和牛丸大大粒，魚蛋彈牙鮮美，牛丸則爽口有牛香，有魚麵選擇比較特別，麵條粗身，口感滑順且帶有淡淡的魚香，值得嘗試。香茅雞翼 半件西多士 薯條 $42香茅雞翼外皮酥脆，內裡鮮嫩多汁，香茅的清香與雞肉的味道合襯。西多士半件剛好不會太膩，外脆內軟，蜜糖香甜而不膩，搭配鬆脆的薯條，口感豐富。牛魔牛河粉 $64這道牛魔牛河粉以牛腩和牛雜為主，牛腩煮得入味，牛雜有牛肚、牛腸、牛肺等，味道濃郁。河粉滑嫩，吸滿了湯汁，每一口都充滿了濃厚的牛肉香氣，非常滿足。凍檸賓 +$3 凍檸茶 +$3凍檸檳濃郁的檸檬香氣與酸酸甜甜的利賓納冰涼解渴。凍檸茶茶味醇厚，甜而不膩。

成日都嚟九運來食牛腩 今次就試吓去其他產品估唔到泡飯有驚喜！小食都唔錯佢價錢經濟實惠 地點方便二人餐四人餐都好抵 又成日有其他優惠-🤍紫菜蠔仔肉碎泡飯 $65泡飯好足料👍🏻無論係蠔仔肉碎同埋紫菜都都好多每啖都好滿足 蠔仔好新鮮配搭紫菜同肉碎 令到個湯好甜再加埋胡椒粉 更加惹味🤍沙薑手撕雞 $90沙薑雞份量多 味道較濃 雞肉肉質嫩滑未食嗰陣已經聞到好香嘅沙薑味😋 不輪單吃定係配泡飯都好惹味相信配埋其他粉麵一齊食 味道都會好豐富-🤍潮州魚蛋加牛丸$47驚唔夠飽加多個淨食 一共八粒每樣四粒魚蛋大大粒又彈牙 牛丸牛味香濃又多汁個湯底幾濃郁 仲有啲菜

尋晚去咗銅鑼灣食麵，仲要咗油菜-雙沙系指崩沙腩同牛沙瓜子，招牌雙沙雙沙崩沙腩都好有牛味好腍。牛沙瓜牛沙瓜呢好咬口好濃郁。-麻辣牛雜香氣四溢，麻辣的味道好濃厚。牛雜處理恰到好處，口感彈牙，搭配獨特麻辣醬料。麻辣牛雜就好辣同埋好惹味。-凍檸啡有啲似平時酸酸哋fruity嘅咖啡，好啊，嗰啲鍾意飲酸咖啡嘅人，係fruity咖啡嘅提升版Double Sand Series refers to the "Crispy Beef Brisket" and "Beef Sand Melon Seeds." The signature Double Sand dishes, especially the Crispy Beef Brisket, have a strong beef flavor and are very tender. The Beef Sand Melon Seeds are easy to chew and have a rich taste.Spicy Beef Offal is aromatic and flavorful, with a strong spicy taste.

上次崩沙腩賣晒，食唔到，今日再去終於吃到聞名已久的崩沙腩。」一試招牌🏅崩沙腩幼麵（$59），湯底濃郁，帶有微微藥材味，卻不過重，崩沙腩口感爽軟，脂香四溢，麵條煙韌彈牙，果然名不虛傳。🏅牛腩牛筋河粉（$52）同樣出色，牛筋炖得非常軟腍，無絲毫膠質黏口感，河粉滑溜但不易斷，吸滿湯底精華，每一口都係享受。🏅炸魚片頭（$30）外層金黃酥脆，內裏魚肉嫩滑，帶有淡淡魚香，絕不油膩，配埋辣醬更係一絕。🏅淨雲吞（$39）皮薄餡靚，蝦肉鮮甜彈牙，豬肉比例剛好，餡料飽滿。🏅腐乳通菜（+$12）爽脆，腐乳味濃郁但唔會過鹹。最後嘆杯🏅熱奶茶（$0），茶香濃厚，奶味滑順，想不到粉麵店也有有水準嘅港式奶茶。

和朋友到銅鑼灣SOGO Shopping，她帶我到附近的「九運來粉麵世界」午餐，店舖坐滿客人，就知道其道地的港式風味粉麵極受歡迎。於是我便點其招牌菜「皇牌牛四寶河」，集合了牛肚、牛筋、牛舌和牛腩，每一樣都燉得恰到好處，肉質鮮嫩，湯汁濃鬱，讓人回味無窮。小食點了「麻辣魷魚鬚」其獨特的辣味和魷魚的鮮嫩口感，為食客帶來刺激的味蕾體驗。還有「腐乳通菜」，簡單卻不失風味，腐乳的鹹香與通菜的清脆非常好吃。當然少不了點一杯港式飲品「凍檸檬利賓納」，清新酸甜，是餐後解膩的完美選擇。

已經有一段時間冇食牛腩但又掛住個味道。所以今次決定去銅鑼灣九運來粉麵世家試下。依度牛腩有好多選擇，睇menu仲有好多牛腩外其他食品選擇，今次order左煙肉餐肉炸雞脾飯配黑椒汁、招牌崩沙腩，飲品有凍檸檬可樂。煙肉餐肉炸雞脾飯嘅煙内及餐肉煎得甘香可口，金黃色邊好好味，炸雞脾就超大隻好多汁，炸得鬆脆可口，配埋黑椒汁食飯絕對惹味。崩沙腩就牛味濃而且外層有薄薄爽口薄膜，口感一流，最重要肥瘦均勻，配埋特製腩汁食絕對係招牌菜。仲有大大杯凍檸樂飲，為依餐劃上完美句號。

今日放工睇戲先臨急臨忙食個晚餐🌠隨便走咗入一間粉麵店🥹原來佢嘅牛腩同牛雜好出名🩷 一試之下果然幾有料到價錢又抵食值得一試🤪⭐️ 皇牌牛四寶河 🥩⭐️ 熱西洋菜蜜 🍯入面有牛腩牛舌牛肚同牛筋🥓又味豐富又濃郁特別啱曬牛魔王🐮 另外加了魚蛋雙拼🍥爽口又彈牙⭐️ 黃金片頭拼鮮蝦雲吞河 🐟片頭用料新鮮充滿魚鮮味好有驚喜🌊配上鮮蝦雲吞好飽滿🦐⭐️ 香茅雞翼 🍗⭐️ 酥炸雲吞 🫔兩款小食都金黃香脆💛食落口唔會太膩⭐️ 郊外油菜 🥬最後配返個菜心補充返平時少食嘅蔬菜岩岩好☘️

本身比門口$25碗嘅麻辣牛丸粉吸引咗視線睇真啲 原來外賣先有🙈不過唔緊要 見咁多人幫襯價錢都好公道 選擇又夠多 一定冇伏 一於響度食其實呢度除咗粉面之外 仲有常餐、湯飯類所以就算同行嘅朋友唔想食牛 都絕對好多選擇❣️八寶麵想樣樣都食到 叫呢碗一定啱一碗有齊牛筋、牛腩、牛肚、貢丸、胡椒豬肚丸、魚皮餃、墨丸、魚蛋果然主打賣牛 牛肚、牛腩、牛筋都炆到好腍好入味各款丸類都大大粒 夠晒彈牙 貢丸仲要好好賣好幸運我食到最後一粒😆❣️爽脆墨鬚拼雲吞米墨魚鬚煮到恰到好處 食落一啲都唔韌 帶有少少咸味雲吞大大粒 食落唔會有我最驚嘅肥豬肉帶有少少大地魚香 仲有兩大隻蝦添❣️香茅雞翼冇諗過呢度嘅香茅雞翼做得咁出色 香茅味好出雞翼外層酥脆 裏面充滿着肉汁 冇得輸❣️腐乳通菜好感動冬天都有腐乳通菜食 通菜煮到好翠綠煮到剛剛熟 啱晒我口味 腐乳汁都好香口 ❣️炸魚皮原來係一大包 仲要用密實袋上 食唔晒可以拎走夠晒細心魚皮食落香脆 仲會配一碗魚湯 鍾意食脆口又得 點下湯食一樣好味好佩服呢度嘅員工叔叔 真係一打二 冇停過手好忙嘅時候依然好好禮貌 一眼關七 🫡 respect

銅鑼灣有好多美食，本土的料理也不少，今天試了本地人推介的粉麵店，比較罕有的部位像崩沙腩、牛沙瓜、脆骨都有，竟然還有牛雜可以吃，而且食材用料也很足，推薦！-——————————————🐂◖皇牌牛四寶撈麵◗ $72面底+$8改成撈粗面，面的份量雙倍了，撈上清湯和蠔油，麵條爽口，簡單調味但超級好吃！牛四寶有牛舌、牛腩、牛肚、牛筋，給的份量也很足，而且全部煮得很入味，濃郁的醬香味把牛味提得更出！🍜◖鮮味豬三鮮河◗ $56豬三鮮指豬潤、豬肚丸和南乳豬手，他們家的南乳豬手挺好吃，軟爛骨膠原超豐富！河粉口感軟滑，可以加入他們的辣椒油，香辣更好吃！🥟◖細牛雜◗ $52他們家跟其他港式粉麵店不太一樣，有牛雜可以吃到！可以一次吃遍牛肚、牛肺、牛膀、牛粉腸，特別喜歡牛肺和牛膀，口感味道都絕了！🥤◖檸檬可樂◗ +$12🍋◖凍檸茶◗ +$8🌟Encore指數：8.9/10

今日去咗接老公收工，佢OT到我哋兩個都好肚餓🙈嗱嗱臨去咗間幾步路程嘅粉麵店食晚飯～⭐️招牌雙沙飯配咖喱汁通常肚餓我就會想食飯多過麵😅雙沙即係崩沙腩同牛沙瓜崩沙腩肥瘦均勻，夠淋完全唔痴牙👍牛沙瓜冇我預期咁爽口🤔 食落幾似豬肚😂但配埋好好送飯既咖喱汁，都好食既👍⭐️黃沙豬膶牛肚河豬膶爽口，好厚身，但我自己鍾意薄啲感覺冇咁膩🙈牛肚爽口，河粉夠滑👍價錢合理份量超足，都幾推薦試下🙌🏻#銅鑼灣美食 #粉麵店推介 #崩沙腩 #牛腩河

星期日同朋友約咗去銅鑼灣食飯，銅鑼灣有好多唔同嘅嘢食，嗰一刻想食粉麵，經過佢門口俾佢吸引住所以揀咗呢一間，食完覺得味道同質素都係水準以上👍🏻 一開始入到舖頭，店員比我感覺已經好親切，我哋因為實在太肚餓，叫咗兩個麵、一個下午茶餐同埋一個小食😂1️⃣$40 南乳豬手米粉配茶走呢個係我朋友叫嘅，試咗啖覺得豬手好食、南乳好入味，有兩件豬手大大件，我鍾意佢炆得好腍，覺得好有骨膠原嘅感覺😂 2️⃣$68 招牌雙沙河配凍檸水呢碗湯底好濃郁，牛腩浸係湯入面有一種好似牛骨湯嘅感覺👍🏻 佢嘅餸嘅份量都真係唔少，絕對夠食。我鍾意佢嘅牛腩炆得好腍，好入味😋 食落去好似入口即溶咁，輕輕一咬就食到，越食越想食更加多😂 3️⃣$42 吉列魚柳下午茶餐、配西多士、薯條、紅豆冰（+$12）值得一提嘅係上餐後，店員見到我哋有西多士同薯條，主動問我哋要唔要茄汁同埋糖漿，呢個服務態度非常好🫶🏻 我自己鍾意食佢嘅西多士配埋牛油成個感覺好邪惡😈 好鍾意呢個配搭真係好好食🤤4️⃣$30 香茅雞翼呢個雞翼外表炸到卜卜脆，一咬落去好爽🙌🏻 佢本身嘅香茅味食落去真係好香，好鍾意呢一種調味，食落去鹹香味十足，而且佢有五隻，份量夠食，絕對係可以同朋友分