Video
2-min walk from Exit D4, Causeway Bay MTR Station
continue reading
Telephone
23162802
23162803
Opening Hours
Today
07:30 - 00:30
Mon - Sun
07:30 - 00:30
Above information is for reference only. Please check details with the restaurant.
今次嚟到銅鑼灣嘅九運來粉麵世家，位於駱克道鬧市，細舖環境街坊味十足。小店主打傳統港式粉麵同小食，行過見到都被濃濃湯底香吸引住，啱晒返工放工想食個窩心快餐嘅你！🍲 招牌牛腩麵 牛腩麵係店內人氣之選！牛腩厚切，燉得腍滑入味，油脂分布平均，一啖咬落啲肉完全唔柴。湯底呈微棕色，牛骨香氣濃郁，配上清甜菜心同爽滑幼麵，每一啖都倍感滿足，完全係經典港式風味。🍛 沙薑手撕雞米線雞絲嫩滑，鹹香分明。麵條保持彈牙，唔會太油膩，伴以生菜底，感覺更清新健康。每條雞絲都吸滿豉油鹹香，食落啖啖滋味。🥖 吉列魚柳+西多士+薯條西多士熱辣辣、牛油香撲鼻，一咬鬆軟；吉列魚柳外脆內嫩，金黃色澤好吸引，無論點醬定淨食都好夠滋味。配埋薯條，加埋沙律醬，食完半飽之後再加番碗粉麵，超滿足Combo！
continue reading
係銅鑼灣返工，同事話想食牛雜河，揀咗駱克道嘅呢間試一試！揀左一碗五香牛雜河粉👍🏻份量超足，牛肚、牛腸、牛膀同牛肺，口感各有千秋。牛肚爽滑，牛腸脆口，牛膀粉糯，而牛肺就有獨特嘅口感。全部都清洗得好乾淨冇腥味，調味不錯，河粉吸收咗五香牛雜濃汁嘅精華，配上芹菜蔥同埋炸蒜，更加提升味道層次，推介👍🏻另外叫咗一碗王牌牛四寶河粉，配料有牛腩、牛筋、牛肚同牛舌。牛腩肉質軟嫩，夠入味，牛筋就炆得好腍，充滿膠質。牛肚滑順，而牛舌更加係有豐富的肉香👍🏻湯底清爽，配合河粉食唔停口！仲加左一碗鮮蝦雲吞，蝦仁新鮮大大粒，皮薄餡靚。蝦仁同肉嘅鮮甜，加上湯底嘅清香，做到完美搭配，絕對係必試。黎粉麵店緊係要叫酥炸魚皮！魚皮炸到脆卜卜，但係絕對冇油膩感，調味亦啱啱好，鹹香適中，必試！整體來講，呢間粉麵店嘅食物質量高，味道絕佳，性價比超高，會再去！🍽️ 九運來粉麵世家 (銅鑼灣)銅鑼灣駱克道513-515號永勝大廈地下A號舖
continue reading
💡牛味香濃之前食過呢間覺得牛肉好高質，今日再次食，依然都係無失望，而且仲好抵食。🦬牛坑腩牛沙瓜河牛坑腩半肥瘦靚位，筋膜位燜到半透明✨，入口即化又帶咬口～秘製柱侯醬汁香濃唔死鹹， 牛沙瓜好爽脆，處理得超乾淨冇異味，蜂巢紋理吸盡湯汁～咬落「索索」聲，口感似升級版金錢肚💫 🌶️麻辣牛雜 辣度夠過癮，牛肺+牛腸+牛膀份量足，麻香後勁強～配麵食可以吸盡湯汁🍜 🍢炸片頭 魚片頭炸到金黃泡泡，好彈牙，蘸辣椒油食超惹味🔥 ☕凍奶茶 茶香濃滑，少冰版本夠晒濃郁，甜度剛好。
continue reading
今次同朋友去咗九運來粉麵世家，佢哋嘅牛系列真係無得輸，仲有懷舊飲品同小食，絕對係食肉獸嘅天堂啊～😍 🍜 皇牌牛四寶河牛肉、牛腩、牛肚、牛舌一次過滿足你四個願望！每款部位都炆到超入味，牛舌爽口、牛肚彈牙，湯底濃郁到飲晒都唔夠喉～🤤 🍜 雙沙河（崩沙腩＋牛沙瓜）呢個真係罕見部位！崩沙腩軟淋淋，牛味爆炸💥；牛沙瓜口感獨特，出面好難食到～腩汁香濃到癲，配滑溜河粉簡直絕配！👑🥤 紅豆冰：粒粒紅豆超綿密，甜度剛剛好，解膩一流～❤️ 杏仁霜：香濃杏仁味，飲落順滑，懷舊感滿分！🌰 🍘 炸魚皮（附湯）脆卜卜嘅炸魚皮，浸一浸腩汁湯即刻索晒味！單食脆口，浸湯變軟滑，兩種食法都正～🐟 🥣 紫菜湯簡單清爽，食完濃味嘢飲返碗，即刻舒服晒～🌊
continue reading
餐廳在Sogo後街地點好方便,而且餐廳粉麵價錢性價比高,份量又十足,最適合我這個大胃王。招牌八寶河八寶河包括有牛腩,牛筋,牛肚,魚蛋,牛丸,墨魚丸,魚皮餃,豬肉丸,材料豐富性價比高,大大碗湯底清甜不膩,河粉比較幼細好嫩滑,飲品有凍檸樂。鮮蝦雲吞米線精選套餐配有油菜一碟.鮮蝦雲吞好飽滿,大大粒口感爽彈鮮甜,米線軟硬適中,口感爽滑,油菜係唐生菜,口感青嫩清爽,飲品有凍檸樂。香茅雞翼下午茶餐配有半份西多士和沙律,雞翼炸至金黃色,外脆內嫩仍保持多汁,食落好香口,半份西多士厚身,口感軟綿不腻。
continue reading