不二江湖菜

Open Now

Now Closed

餐廳：不二江湖菜地點：銅鑼灣登龍街菜式：川菜餐牌：主菜，涼菜，甜品，飲品，都有套餐。落單用QR code。坐低就有四碟小食，分別係香蕉片，青豆，脆片同好耐無食既兒時回憶山渣餅。不二酸菜魚 $168 另加一不二酸菜魚超大碟，好多連皮滑溜魚片配有大量酸菜加萵苣片，仲有少少菇片，最後灑上黃色花瓣，材料豐富新鮮。可以揀辣度或者唔辣，我地叫左唔辣，都好夠味，鹹度剛好。可加$20要寬粉，寬粉滑溜煙韌，好味。香辣蝦 $168 另加一香辣蝦超大碟連個鍋上枱，脆皮連殼連頭蝦有十幾隻，整得好香口，加有好多炸薯條做配菜好邪惡，口感軟淋，撈埋大量辣椒同花椒加芹菜條，可以揀辣度，我揀左少辣，食落把嘴微微麻。唔錯。口水雞 $68 另加一口水雞有唔少連皮雞肉加上辣汁，面頭灑上花生碎同蔥花加白芝麻粒，下底墊有青瓜粒。鷄皮薄，鷄肉嫩滑有鷄味！可以揀辣度，我揀左少辣，辣度夠嗮。白飯免費，抵！芒芒梳打 $28 另加一百香果梳打 $28 另加一梳打超大杯，附上獨立包裝飲管。芒芒梳打芒果味濃，唔會太甜。百香果就清新d，仲加有青檸一件。兩杯都好解渴。總括而言，食物質素高而好大份，呢個價錢抵食，唔怪得平日晚市旺到！

今天下午3點幾，進入店內，當時店內有兩名員工，我迎面向裝飯出餐位員工示意人數，該員工不單沒招呼，而且繞起雙手，不予理會，繼而黑口黑面反咗我一個白眼兼扭轉面，該員工態度相當惡劣！兼相當趕客！我無法忍受，轉身走人。

利申一下 湘/川菜食齡過20年見到銅鑼灣有新開辣菜館，心諗快快脆脆食個lunch , 佢地有set lunch ard hkd 58-89左右咁我就叫左毛血旺，點知入面有小酥肉🤣 whyyyyyyyyy口感奇怪唔知炸左幾耐🥴 可能係尋晚？肯定就唔係玩炸的重點係點解有小酥肉🤢 服務員仲話你唔識咩，毛血旺係有小酥肉，阿姐我真係第一次見🤢 如果我早知一定唔會叫分開食係冇問題，但加入毛血旺浸湯想反胃，最後浪費左成盤野因為成盆毛血旺最多就係小酥肉，浪費金錢啊

午餐真係有驚喜，大大碟，好食， 價廉物美， 白飯唔使錢再添。食過幾次，每次質素都幾好， 每碟都新鮮熱辣煮出嚟椰菜花最抵食，48蚊一客我覺得味道最好食係小炒肉， 嚟過幾次必叫之選， 睇上去好似好辣好多辣椒，其實辣到適中（ 我哋叫咗中辣）。有一樣嘢佢哋要改善嘅：就係飯要熱辣辣先好食， 我去嘅時間係下午三點鐘左右，人唔多， 我哋點好餸之後， 餸都未煮起，佢哋已經裝定飯，再搵另外一隻碗蓋住， 等碟餸炒好就打開個飯畀我哋，所以個飯嚟到係暖嘅， 其實晏晝又唔多人，裝個飯都係十幾秒裏面嘅事，唔使預先裝定囉。

今天路過CWB，為了全家午餐的幸福，特地來到這美食雲集的小巷。   小米看到這家餐廳有大量座位，而餐牌又是辣菜，所以全家在此午餐了。近來天氣潮濕，睏睏倦倦，全身軟綿綿。食辣，應該可以袪除體內濕氣吧!   手機下單後，慢慢等美食來到。 不二酸菜魚  小辣   小米常惦記著酸菜魚，所以首選這款。 大盤酸菜魚，小辣，金湯表面無紅油，也很少花椒籽，几件紅辣椒，無青辣椒，湯身不太辣。魚肉表面沾有蛋白，打造滑滑口感。在這地段，午餐几十個大洋，對魚肉就不能要求太高。碗裡還有酸菜，榨菜，萵苣呢！ 大盤花菜飯   不辣     為了扮健康，點菜花，即是花椰菜。menu英文註明有Pork belly。真身果然有五花腩，經過爆炒後都已收縮了。花菜，花椰菜，椰菜花，表面有焦焦邊，夠鑊氣。在勁多油份和鐵鑊加熱下，可保持菜花的鮮甜爽口。菜花還有淡淡的孜然粉，單食也覺得美味，讓人食完又食。 菜花，see you tomorrow!牛肉麻辣香鍋  小辣       因為不知此店辣的標準，所以小米點小辣。 有牛肉，也有藕片，薯仔片唐芹芫荽。紅辣椒明顯，以香辣為主，麻辣不重。這個辣是來得慢，慢慢就感受到辣味。雖然整體鹹度

今日行開銅鑼灣 見到開左間江湖菜 大大的落地玻璃見到餐廳內的麻辣菜式 好似好吸引於是便一探究竟一入去坐低 店員立刻上前斟水及上4碟餐前小食小食好香口開胃 唔錯！見到餐牌 酸菜魚只需$168！？呢個價錢出現係香港 會唔會太抵！？以為係伏？錯啦！一上菜 同出面啲名牌川菜份量一樣大大份！份量夠哂大不特止 仲要好好食 真係一啲都唔誇張魚片好嫩滑 配埋個薯粉真係一流呢到仲要白飯任裝 認真掂呢間食完 朋友都話正！一定會再黎另外 店員服務好 周不時過黎加水 店內位置好闊落 坐得好舒服唔會好逼 店內環境乾淨企理

日日返工行過登龍街見到排哂長龍 已經好想搵日黎試下點知返工同事又極力介紹我話附近開左間好正嘅川菜 叫我一定要黎試下一講原來就係我日日行過都好想試嘅呢間川菜今日終於俾我試到我想講真係好正宗 好惹味係香港真係好耐未食過咁有鑊氣又夠正宗嘅川菜 係銅鑼灣呢個份量呢個價錢 白飯又任裝 ！！完全係良心餐廳同埋服務真係很不錯 個個都好有禮貌好好笑容 又會提我地白飯唔夠可以再裝雞翼麻辣香鍋 入面有薯仔 蓮藕 油麥菜 份量夠哂大 ，酸辣肥腸 餸飯一流手撕包菜 好好食！呢間餐廳 我一定會encore！！

鋪頭前身係我每個月都一定會安可嘅愛店，經過見到執咗已經好傷心。見到間新鋪menu都係差唔多食果啲嘢，諗住試下啦，點知水準真係差得太遠了！！！！以為炒花菜同口水雞係最安全牌啦，但係味道完全唔正宗咯！！！個花菜又乾又鹹，個口水雞又唔新鮮又少肉！！！！又完全唔啱味，食住都feel到唔係用心經營間餐廳……仲有唔明點解明明係間新鋪，但係衛生狀況已經好差，地下已經開始feel到癡笠笠，又有啲食物渣渣。總之非常失望！！！！！！一定唔會再來！！

午市來過兩次，點了一人套餐，分別是藤椒牛蛙和干鍋牛蛙🌶️，味道都非常不錯！麻辣鮮香，牛蛙很嫩滑，份量很足，配菜也好好味😋 另外有贈送一細碟餐前泡菜，很開胃👍藤椒牛蛙裡配有切碎的藕和仔姜，一見到就口水直流🤤牛蛙也很入味，口感嫩滑，不會柴。干鍋牛蛙就口感干香，配有藕片、土豆片、木耳等，大快朵頤非常滿足飲品🥤就需要另加，5-8蚊一杯，如果可以跟餐送就好了。環境上和其它街頭川菜館差不多，檯面比較寬敞，坐得不會太逼。

登龍街大部份餐廳門外都有一條人龍，唯獨這間沒有人等候，不想等便走到這餐廳門外打量 一下，應該是新開張吧，以前鋪位好似是上海菜。剛好有一張空枱便入去試試，反正酸菜魚都是我喜歡的。從這餐廳外駐足觀望至及後進入餐廳後都給我相同的感覺，就是有一種內地餐廳FEEL，可能同餐廳名字有些關係吧 - 江湖菜。餐廳裝修簡潔企理，自助掃碼下單。就酸菜魚來說，價錢相對香港的「太二」便宜，承惠$168一份，「太二」兩人份量的酸菜魚好像 是$228，重點是這店是白飯任裝的，感覺更有內地用餐體驗。下單後先送來四小碟，很有趣，前菜都是現成的零食小吃，分別是山楂餅、香蕉乾、烤青豆和趣片，這些零食都不用評了，大家都吃過很多吧!上菜速度算快，不用多久便送上一份酸菜魚($168)和一份大盆花菜($78)，味道正常合格，口味偏濃，特別是大盆菜香料味重，白飯要添多碗呢!就價錢來說這晚餐都頗划算，如路過銅鑼灣心思思想吃酸菜魚不妨一試，最重要是價錢合理，味道又不差呢。

銅鑼灣打工人嘅美食天堂啊！好正宗嘅味道，性價比超高 白飯任添 係香港地有幾多餐廳可以做到咁？同埋上菜快 服務又好 真心正 俾我搵到間寶藏餐廳一個禮拜唔食返6日都對唔住自己