上海真美豆漿大王

Open Now

Now Closed

這店在新都城商場三期外圍，位置不太顯著，店舖外貌也不出眾，但食物卻不差😍店內都算大，以長長的枱為多，可以坐好多人。食物種類也頗多，有麵類，包點類，小食等等。頗為特別的是豆漿湯丸加蛋，不過每次去食都食到好飽，無點呢🙈餈飯糯米夠煙韌，夠熱騰騰，餡料有油條、榨菜、肉鬆、菜脯等等，有質感也夠美味。咸豆漿有些蝦皮、榨菜絲、青蔥、油條，很香，咸豆漿沒有甜漿的那種滑滑的質感，但卻有口感，很特別。食后感: 這種舊式上海料理店越來越少，再加上價錢很平民化，要好好珍惜。

假期訓醒後，一個人到家附近找早餐吃。我十分喜愛光顧小店，而且這些上海小店真是很少有，所以有空都會來支持一下上海菜的早餐當然是要點粢飯和熱豆漿粢飯 - 上菜是粢飯還是暖暖的，內有肉鬆，炸菜和油炸鬼，配料絕不馬虎，每一口都能吃下所有配料，再加上煙韌的糯米飯，多重口感熱豆漿 - 是用碗上的，豆漿夠熱和香滑，豆味重，店員會加砂糖係底，所以食前要攪拌，但都不會太甜！滑滑的豆漿每人感覺很養生！小店價錢便宜，食物高質，真的是一個幾選擇！

今日去屋企附近的豆漿店吃午飯，這間豆漿店食過了幾次，每一次吃完都好滿足，今次就同大家分享一下這間隱性豆腐店。 時間尚早，還未到午飯，但又過了早餐，可以算係brunch，不算太多人。這間店真係有好多美食，你一打間餐牌真係想叫晒每一樣。但我這些老街坊一定會叫粢飯，俾大家睇睇，裡面個油炸鬼，我諗起街坊食神金剛個句，不得了，真係不得了，真係好好食。再叫了炸排骨，都係個句不得了，夠熱，夠脆，肉好嫩。最後叫了這個肉碎撈麵，好多肉碎同蔥，口感一流🤗

招牌老字號，開咗好多年應該好多人都認識，因為上海麵豆漿煎餃係好多香港人嘅至愛。夜晚七點左右想買外賣，見店人流正常但門口有條迷你龍仔同我一樣等外賣，好掛張。👓擔擔麵 $32比較淡味，唔太重麻醬或者辣味，清淡版擔擔麵，唔使擔心辣/好濃味。評分：6.8/10👓煎餃子 $21/4隻韮菜豬豬餡，香口正常！評分：7.5/10👓熱 豆漿湯丸 $20總共有五粒湯圓全部都係芝麻餡，煲得岩岩好唔會太淋，好食！係甜豆漿底而不是咸豆漿，出面通常都係咸豆漿但唔太夾味咁所以我唔太鍾意食，不過依個甜豆漿同湯丸都係甜味好夾，食上海麵攞依個埋尾好滿足☺️價錢唔便宜，但好食亦好大碗一個人一定食唔哂~評分：8.5/10

同媽咪見完朋友 想食啲平靚正既野一於帶佢黎試下親民小食栥飯 好耐無食 油炸鬼+肉鬆+些少榨菜 厚實既栥飯 熱辣辣 好好食呀炸饅頭 不能不吃炸到外皮金黃香脆 入面有夠鬆軟雪菜肉絲麵+五香肉骨麵都唔錯!

不經意走過，看到上海豆漿，忍不住過去瞧瞧。是小時候，在葵涌常去吃，連早餐也要買個栥飯的豆漿大王。真的是她，連餐牌跟餐具也是一樣，心情就像重遇故友一樣。必點煎豆腐，栥飯，餃子上海麵，豆花！煎豆腐，豆味濃郁，煎香了加點肉末的鹹香，份外滋味。栥飯，厚實的一個，咬下去，肉鬆的甜，榨菜的鹹，加上油條，懷念的味道，真是回味無窮。上海麵，獨特的粗度和咬勁，是其他麵條找不到的。配上自家製餃子，皮煙韌，餡料新鮮，一碗溫暖。就是這味道！

相信住寶琳嘅大家對佢一啲都唔陌生我每次想食上海野都會嚟呢到又平又快手 重點係味道一啲都唔差平日嘅五點幾嚟到仲有得食佢哋下午茶大約40就有交易真係抵到爛我哋叫咗一個甜豆漿加湯圓加炸饅頭餐另外一個係牛肉麵加鹹豆漿餐饅頭香脆 點煉奶黎食係完美嘅組合其實有三個饅頭㗎不過影相之前太肚餓忍唔住食咗一個我最鍾意嘅係佢哋甜豆漿好香滑 豆味濃 唔會太甜如果好似我咁貪心嘅話可以加湯圓係我最鍾意嘅黑芝麻餡！相對黎講牛肉麵同埋鹹豆漿就冇咁出色牛肉比較老 麵條煮得太淋而且湯底無味鹹豆漿就有啲過鹹

店舖環境上海野小店，舖位都幾大，幾多位，好多大枱，岩晒一家人黎食，晚市都算多人。新裝修，環境乾淨，椅無椅背坐得耐冇d唔舒服。食物飯，面，小食都有，種類都幾多，實有樣野岩食今次試左佢個擔擔面，辣度略嫌唔夠，大概係譚仔十小辣咁，花生醬味濃，整體都算唔錯，值得一試個炸雞扒就略嫌太多油，可以用吸油紙吸一吸先上碟，雞扒係翻炸既，入面僅僅夠熟，仲有少少粉紅，但外面就幾香脆，都算夠味，一舊起兩舊止就岩岩好價錢唔算好貴，將軍澳黎講，呢類型既舖五隻手指數得晒，總體黎講，都值得一試

一向都挺喜歡傳統的上海麵食，粥品油條，豆漿粢飯，但是要在香港找正宗真的不太熟悉。平時較少機會嚐到咸豆漿，大多粥麵店都只供應甜豆漿，所以對咸豆漿的味道非常陌生。來到傳統的上海粥品店，餐牌上還有其他食物，粥粉麵飯包點等都有，而且價錢平民。二話不說已經被那咸豆漿吸引著，點了咸豆漿再額外加蛋，起初以為純粹味道就像豆漿加鹽。很快就來了一碗熱滾滾、豐富的咸豆漿。上網看看平日的咸豆漿通常如何製作，才知道原來殊不簡單調味有醬油、鹽、糖、數種配料預先要烹煮過，怪不得那麼惹味，有蔥花、榨菜粒、蝦米、切成片的油條，另外加了雞蛋，蛋汁打進豆漿裡，再拌勻一下，豆漿帶點蛋黃蛋白，很足料，而且味道不會太濃味，吃完後整個人也暖和了。

#上海排骨粉絲 將軍澳係滿佈商場嘅地方，地舖唔多，而且租金都比較昂貴，要食到平價食物真係唔容易，呢間上海真味屹立不倒好多年，朝早要食粢飯豆漿真係只有幫襯佢，以前都會去佢鋪頭食嘢，因為經營多年，鋪頭地方比較污糟，近期裝修完，真係乾淨晒。佢依舊仲係好多榨菜，榨菜豬肉配粉絲係最好。上海排骨即係豬扒啦，出邊啲上海店排骨係有層野包住炸，可能係厚厚生粉吧，但我唔鍾意，我就係鍾意呢一隻似「台灣鹽酥豬扒」嘅質感，好味道。希望佢永遠屹立下去😆

今晚沒有什麼胃口，吃飯/意粉的話，份量又太多~ 想了一想，便去了寶琳的上海豆漿大王吧! 這間餐廳價錢便宜，可以吃得飽飽的，是窮人恩物!!同行的朋友叫了一碗熱豆漿 ($8)，豆味很重，真材實料!我叫了一碗熱豆漿加蛋($12)，放入的是生雞蛋，靠豆漿的熱力將雞蛋變成半生熟，另外有些少砂糖，味道很合適，不過過甜。另外，我叫了一份餈飯($17)，因為覺得太咸，所以特意要求走乍菜~ 不過今日的飯稍為朝和硬了些~ 同行的朋友則叫了一份鹵水蛋豆腐麵，份量足夠，豆腐很新鮮，很滿足!

依間上海豆漿大王真係正，需然有點貴😂但香港來講無嘜幾間店可以食到餈飯😋好有上海味道。餈飯好足料👍🏽淨水餃都有6隻架😋皮簿料多需然有點貴，但都不錯值得一試😋

酸辣湯食左好多年酸夠辣夠，確實比好多上海店都做得好！餸料也夠豐富豬皮豬紅豆腐雲耳絲旬條，一樣不缺似乎最近店子翻新了枱櫈都換新了俾人少少新鮮感價錢也悄悄加了不過也不過份始終多年以來，也有一班熟客星期日晚上客似雲來希望將來也可留住這舊滋味

難得可以食到上海地道嘅麵、豆漿、粢飯，對餐廳的環境、衛生要求就唔可以咁高啦。 呢度嘅豆漿有濃濃的純正黄豆味，甜豆漿唔會太甜。 鹹豆漿我真係食唔慣，唔係佢整得唔好。有炸排骨麵、雞翼麵， d炸豬扒、炸雞翼呀都係用萬年油, 黑蚊蚊, 好重油味，有d乾。。。所以都係食粢飯安全d。粢飯可以自己加錢加料 , 都係油炸鬼、炸菜、肉鬆嗰啲。另外有煎釀豆腐，我諗啲豆腐都係自己製嘅，都幾重豆味，不過魚肉就超薄。粢飯、豆漿下次可以再食，不過我會揀外賣。

平時食開真美都係食佢既粢飯同豆腐，本身諗住試隔離個間新開車仔麵，點知佢賣晒啲湯底😭近近地就食番豆漿大王～👉🏿✨上海排骨飯 Hkd 33 💸📌開頭期望既係上海滷水個種既排骨，不過黎到居然係炸👀本身個飯係有跟埋啲酸菜肉絲，佢既酸菜係比較偏甜，岩番南方人口味😍如果好似我咁中意既甜既口味，就非常接受到！佢既排骨都好大塊，同埋食落其實有啲似豬排🤣除左熱氣左啲都ok~但唔知係佢啲油問題定腌得唔好，個皮做唔到酥脆效果，反而仲有啲林左..而排骨個名都有啲酸酸地咁，唔知係本身味道定點😅👉🏿✨脆香雞排飯 Hkd 33 💸📌呢個啲雞勁小，而且雞皮都係唔脆的..入面舊雞偏乾柴冇汁，大家想試飯類好似食番排骨保險啲👾