上海坊拉麵小籠包 (Closed)

家姐同人o係度食飯, 帶左盒擂沙湯圓返黎俾我. 湯圓皮厚左d, 係黑芝麻餡, 唔甜, 我覺得麻麻地! 家姐話叫時佢即刻烚d湯圓, 要等成十幾廿分鐘先上檯. 問家姐o係o個度食要幾錢. 佢話好似廿蚊四粒, 都唔平. 可能即場食會好味d掛?!

這家店經常排長龍, 因此好幾次過門而不入. 早幾天趁未到繁忙時間, 大約下午六時便與友人光顧. 我們點了:口水雞: 上桌時我們都呆了一呆, 若非是自己點的菜, 一定猜不到這個是口水雞. 只見一大泡麻醬淋在雞件上, 很努力才隱約看到少許辣油類物體. 味道嘛, 就是醉雞加上麻醬囉.小籠包: 包內水份充足, 注意是"水"而不是"肉汁", 現時好些上海鋪賣的小籠包都是這樣, 水跟肉好像各不相干似的, 十分古怪, 個人很不喜歡. 而且自問很少夾穿小籠包, 這次4隻裡頭竟穿了3隻-- 皮是薄, 但不夠"un"力呢.招牌紅燒肉麵: 跟吃慣的上海麵不同, 友人形容這個是略粗的伊麵. 紅燒肉頗肥美鬆化, 但不夠入味. 放下不久, 便看到湯被染紅了一片, 可想而知其色素之強勁.兩個人三個菜, 未算飽, 但已沒有意欲再試其他東西了. 結賬一百大元, 又一令我費解的長龍食肆.

飯館都算大﹐不過裝修就..特別係牆身油黃色﹐坐得耐有d唔舒服既感覺；服務態度唔錯﹐大部份都係後生仔﹐又用palm落單埋單﹐好快好先進咁；點左雲吞雞﹐豆沙鍋餅﹐小籠包﹐蘿蔔絲蘇餅﹐新鮮熱辣但味道一般﹐最像樣係個雲吞雞﹐其餘的尚需改善﹐但兩個人$102埋單﹐免收加一茶芥﹐算係咁喇!

正考慮去上海坊定隔離間阿東麵館，因為兩間都係新開，最後因為懶去o左上海坊，因為阿東麵館要行樓梯。雖然係新開，內裡唔似一間開o左無幾耐的餐廳，d台椅都頗殘。食o左五樣野，最好食係擔擔麵，好大碗、湯底又夠辣，麵身雖然唔算好彈牙，但到食得出係人手拉。小籠包湯就夠多，但係皮略厚。燻魚味道唔好，唔夠入味，肉質又實；清炒莧菜似油浸莧菜多d；鳳梨魚柳咬落去炸粉多過魚。我估我之後都唔會再幫陳。不過下次大家如果去食，只食擔擔麵好d。

我見佢平時出面咁多人排隊,咁o岩o個日早無咁多人就入去試下啦,點知真係好唔掂,一入到去已經覺得o的杯同o的筷子好污糟,叫o左個紅燒肉拉麵,個拉麵有一舊麵粉仲未拉既,咁都可以上檯,o的紅燒肉幾香,但係食落去無味,仲係一舊肥膏,好難食叫o左籠小籠包,o的包穿既,o的鍋貼o的皮就勁厚埋單兩個人食o左差唔多二百蚊,不過就好似無野落過肚,o的waiter服務又差係咁催人叫餸又催人走,以後都唔會再去幫襯

平時見佢地觀塘o個間成日排晒出龍, 今日下午茶時間經過佢地旺角店, 無咁多人, 所以入去試試, 點左幾個小食:1.花雕醉雞($38):花雕味好甜好清, d雞岩岩入到d味, 不過雞肉唔夠滑,但幾鬆軟.2.蒜泥白肉($35): 肉質唔錯幾好, 不過似乎醬汁過多同過濃.3.四川擔擔麵($24): 個碗十分之大, 麵質幾好幾有口感, 湯汁幾辣(我唔食得辣), 起初睇個麵無咩配料, 其實d碎料沉晒係碗底.4.小籠包($18):肉料幾鬆軟, 肉汁十分多, 不過個皮真係好d怪怪地, 好薄但唔易穿, 有d似鍋貼皮. 咁"un".5.高力豆沙($20):無咩甜, 只係有糖既清甜, 唔多討好.服務ok, 幾好~ 環境亦唔錯! 埋單$135 無收加一服務費, 都算唔貴.