上海坊拉麵小籠包 (Closed)

Food & pricing is good!but most young waiter service very bad!Manager & senior waiter service is good!

昨日約左朋友仔o係旺角食飯, 佢話呢間d食物味道唔錯, 我只覺得排骨擔擔麵, 好好食.其他食物就麻麻啦!侍應服務都是麻麻!

在旺角忙著購買一些電腦硬件, 幾近十時才來一個上海晚餐, 太座早己吃過晚飯只分享一點小食, 先來了一個炸醬拉麵, 麵質幼滑有彈性, 炸醬則像是台灣的肉燥飯味道偏重了一點; 再來蒜泥白肉, 白肉和蒜泥是汁料分開, 醬料偏於辛辣而白肉和粉皮的質感一般; 最後亦點了必吃的小籠包, 小籠包外皮厚薄適中, 肉汁香濃可惜餡料偏實了一點, 整體上亦只是不過不失. 侍應有禮貌但個別有點散慢, 環境偏向整潔但是地版好像有點滑腳.

行到九點幾又又餓,見到唔駛排隊,一於試呢間分店好唔好.三個人都叫好多1)小籠飽2)紅油炒手3)菜肉雲吞4)蒜泥白肉5)上海粗炒6)清炒西蘭花味道ok,只係上菜次序唔係咁好>.<

次次行經呢間都見好多人等位，昨晚經過見得幾個人等位，好~~~ 就試下啦，但唔明點解入要原來有吉抬，但就唔放人入去坐，唔知呢d 係咪叫排隊假像呢????????? 1) 小籠包: 4pcs ok ，多汁2) 砂鍋雲吞雞: 睇落好似有半隻雞，查實得一隻雞脾多一舊，雲吞幾好食，好味過小籠包，湯都幾好飲，不過味精好重。3 擔擔面: 唔夠熱，d面又好諗,唔覺好食... 但係招牌菜4) 酸辣湯: ok，但又唔夠熱5) 高力豆沙: 我覺得最好味，但要等15分鐘，其間你會覺得好煩，d 待應不停看我d食物,不停問吃完未,個麵未吃完就想拿走.野食普通無算啦，唔夠熱好似"裝"定係度，熱d 會好d ，但d 待應就改善下囉，就算多人都唔好"催"人地走錦囉，食都周身唔置在啦

排骨拉麵--排骨同拉麵分開上，算係叫有心的，免排骨(炸豬扒)浸淋。排骨薄得黎林同脆口，凍左都咁脆，亦唔油，但如果厚身一點會有更好口感。拉麵是自家拉的，因為粗幼不一，亦見彈牙，放耐左都唔會話差太遠。湯底就偏淡，亦輕輕有少少梘水味，相信係受了拉麵的影響。碗大大，但湯唔多夠，多返少少會更好。三鮮炒年糕--有雞，菇，金華火腿。年糕口感同出面一樣，但無咁油。料就唔算好多，但有咸火腿算係咁啦，好多地方都係用普通貨。整體味道算清的。小籠包--一籠有四隻，皮易穿，肉唔夠鬆，味唔算鮮，但點都唔叫話好難食，只可算係一般。整體來說，是吃得過的，尤其是在旺角區的上海菜，有部分真的很差。

排骨菜飯，佢竟然係炸左塊豬扒放響楊洲炒飯上面.無奈!不過佢碟炒飯就炒得幾好既，一粒粒好乾身唔會好油。但我覺得有d「那過」囉。砂鍋雲吞雞，相有半隻雞，查實得一隻雞脾(好彩唔係俾雞胸)，雲吞幾好食，皮薄又滑，餡都好食。有菜有肉感覺幾均衡，湯都幾好飲，不過味精好重。食完勁頸渴

今日去左呢間上海餐廳度食dinner,我同bf叫左一個排骨擔擔面, 小籠包, 紅油抄手同一杯柚子茶先講個擔擔面, d面好諗, 一d都唔好食...小籠包, 冇乜汁.........紅油抄手....唔識形容.好奇怪..我諗最好都係杯野食呀..埋單104.5一d都唔抵食..以後唔會再去

因為早兩日見上海坊有人排隊，估計應該唔錯。點知尋日去o左上海坊食，食o左個蒜泥白肉、小籠包、麵、賽螃蟹。咁多樣野，最唔好食係個賽螃蟹，從來未見過一間賽螃蟹，食到真係好似得蛋花咁，連小小魚肉都無，勁無口感。至於個蒜泥白肉，又係唔好食，D 辣味太重，搞到D白肉好似無味咁。雖然面頭好多蒜泥，但D 蒜泥味就好似無味咁。至於麵，真係無諗過連咁簡單既都會做得咁差。食麵，粗細不一，有D 仲粗到好似食緊車仔麵既油麵咁。最後講個小籠包，都尚算OK。不過D 皮太薄，好似夾穿D皮，漏哂D汁出黎。四個小籠包入面，得一個無穿到咋。另外D野全部好細碟，諗番上次去王家沙食，我食到好飽，都係200 兩位（五碟）。今次四碟，最後埋單155兩位，但份量少好多，味道又差好多。同埋坐都係王家沙舒服好多，呢間野，我坐近門口，好似食緊快餐店咁。呢間野，下次真係唔會再食。我寧願食M記都唔選佢。

以下是吃過的飯物和意見1. 酸辣湯拉麵拉-湯底和水一樣清,(本該杰杰地的)-超咸-拉麵好腍-湯料少,好似只煮了一陣咁樣2. 雜菇聿白-除了有咸味外, 無其他味-好多水...還以為係個湯tim-個樣好似預先煮了成煲,再慢慢分咁3. 小籠包-四個中有兩個早就穿了...無了汁-原本的都ok, 幾好4. 雞絲粉皮-幾好, 粉皮夠爽服務1. 都唔知d待應做咩,不停看我d食物,不停問吃完未,個麵未吃完就想拿走.(時間:平日五時多, 跟本就未滿座!)

有一日,我大食客(虎榮)同幾個朋友係旺角行完街正想搵地方食野...點知發現有間野門口大排長龍,咪入去試Lu...一入去我第一時間就叫杯""上海風情""表面迷紅色,正,一飲~~嘩! 仲正~~呢杯能令我一口氣飲哂,可想而知係有幾咁好飲@@..再多2杯??? NO, NO problem!再多2杯都無問題啦.((呢杯上海風情))係用(士多啤梨,.蘋果.,同蜜糖.,泡掣)味道調教得都非常相襯@@酸酸土地,,甜甜地,,太正啦!!! 無諗過上海坊點心出名連特飲都咁正.我幾個朋友order 果幾杯都話好味非常出色!!!

這店是我近期食過最差的上海餐廳！小籠包肉質又腍又多肥肉，好難食什菌津白竟然好多油，茨汁又淡，一小碟盛42 元，實在又貴又一般雞絲粉皮算係最正常的食物，可能因為做法實在無甚難度最不濟的是酸辣湯拉麵，麵條過腍毫無彈力，酸辣湯更是毫無酸辣味可言，只有鹹味，我們只吃了半碗已無法再吃下去這是我在旺角吃過最難吃的一頓飯

多個月沒來過，昨晚跟友人來這兒飯聚，原因是諗唔到去邊度食，朋友又話想試下呢間。 一行四人要了一碟楊州炒飯(其中一位友人係飯桶，無飯不歡)、一客小籠包、一客蘿蔔絲酥餅和一客砂鍋雲吞雞。最出色竟然係楊州炒飯，炒得好好，飯粒分明，蛋香料足，真係好到家；但其他食品真的不敢恭維，唔熱係致命點，尤其是個砂鍋雲吞雞，砂鍋是熱的，但盛載的全是暖暖地？！>.<，此外，蘿蔔絲酥餅O的餡料也是暖暖地，個酥皮唔夠酥脆，而且超厚；小籠包還可以，但餡的肥肉比重過多，好肥膩；最後還要了一客豆沙鍋餅，豆沙餡偏甜，個皮幾好，夠香脆。 冇來咁來，水準真係差O左好多，其實見少O左咁多人排隊都早已心裡有數，但估唔到會令我如此失望，希望佢會做番好O的啦。

佢地既拉麵係自已手打既.....幾正!不過落ORDER 好IN , 用PAD 架, 紅燒肉太肥... 豆沙XX 果甜品幾正!水餃好乾身, 小籠包唔多油

冬節當晚同男朋友行開旺角，眼見佢平時好多人排隊而當時又無咩人，所以就入左去試下~1) 雞火炒飯: 係雞肉+中式火腿+蛋炒飯，好乾身，清楚見到一粒一粒飯，食到落碟底都唔見有油2) 小寵包: 一客4隻，內裏全部都係唔肥既豬肉，好多汁，唔多油，但包皮略為厚左少少3) 北京餃子: 一客4隻，饀料跟小寵包完全一樣，令我帶點失望，同樣是皮略為厚上海菜係我心目中比較肥膩既，但係經過呢餐之後，完來都可以做得好清淡